អត្ថបទថ្មីបំផុត
ទំព័រដើម > ទ្រឹស្តីអាជីវកម្ម > ទ្រឹស្ដីខ្សែបន្ទាត់បែងចែក​ (The Divided Line) របស់ផ្លាតុង

ទ្រឹស្ដីខ្សែបន្ទាត់បែងចែក​ (The Divided Line) របស់ផ្លាតុង

ប្រ​ភព៖​​ mothersblog

ប្រៀប​ទៅ​នឹង​ដង​ថ្លឹង​ដែល​គេ​ប្រើប្រាស់​សម្រាប់​ថ្លឹង​វត្ថុ​ពីរ​ដើម្បី​ឲ្យ​ដឹង​ថា​តើ​វត្ថុ​មួយ​ណា​ធ្ងន់​ជាង​មួយ​ណា ឬ​វត្ថុ​ទាំងពីរ​មាន​ទម្ងន់​ស្មើ​គ្នា ហើយ​ស្រមៃ​ថា​រវាង​វត្ថុ​ទាំងពីរ​នេះ វត្ថុ​នៅ​ចុង​ម្ខាង​តំណាង​ឲ្យ​ចំណេះដឹង​ពិត​ប្រាកដ និង​ចុង​ម្ខាង​ទៀត​តំណាង​ឲ្យ​ចំណេះដឹង​ដែល​មនុស្ស​មាន។ មនុស្ស​យើង​ភាគច្រើន​នៅ​ពេល​យល់​ឃើញ​ទៅលើ​អ្វីមួយ តែង​ជឿជាក់​ថា​ដង​ថ្លឹង​ដែល​ថ្លឹង​ទម្ងន់​រវាង​វត្ថុ​ដែល​តំណាង​ចំណេះដឹង​ពិត​ប្រាកដ និង​វត្ថុ​ដែល​តំណាង​ចំណេះដឹង​ដែល​ពួកគេ​មាន​ទៅលើ​អ្វី​ដែល​ខ្លួន​កំពុង​យល់​ឃើញ​នោះ មាន​លំនឹង​ស្មើ​គ្នា ឬ​មានន័យ​ថា​អ្វី​ដែល​ពួកគេ​កំពុង​គិត​គឺជា​ការ​ពិត​នោះ​ឯង។

យ៉ាងណាមិញ ផ្លាតុង ជា​អ្នក​ប្រាជ្ញ​ទស្សនវិជ្ជា​របស់​ក្រិក​ក្នុង​សម័យកាល​ពី​ឆ្នាំ​៤២៨​មុន​គ.ស ដល់​ឆ្នាំ​៣៤៨​មុន​គ.ស មាន​ការ​ឈ្វេងយល់​ដូច្នេះ​ថា មនុស្ស​យើង​ភាគច្រើន​រស់នៅ​ពេញ​មួយ​ជីវិត​របស់​ពួកគេ​ជាមួយ​នឹង​ចំណេះដឹង​របស់​ពិភពលោក​ក្រោម​រូបភាព​បំភ័ន្ត​ភ្នែក​ប៉ុណ្ណោះ។ ដើម្បី​គាំទ្រ​ទស្សន​របស់​ខ្លួន ផ្លាតុង​លោក​បាន​បង្កើត​ឡើង​នូវ​ទ្រឹស្ដី​ចំណេះដឹង​មួយ មាន​ឈ្មោះ​ថា “ខ្សែ​បន្ទាត់​បែងចែក” (The Divided Line) ដែល​មាន​បកស្រាយ​នៅ​ក្នុង​ស្នាដៃ “សាធារណរដ្ឋ” របស់​លោក និង​អម​ដំណើរ​ជាមួយ​អត្ថប្បដិរូប​ដ៏​ល្បីល្បាញ​មួយ​អំពី​ល្អាង (The Allegory of Cave)

ដើម្បី​យល់​ពី​ទ្រឹស្ដី​របស់​លោក អ្នក​អាច​ប្រើ​ការ​ស្រមៃ​ដោយ​មាន​ជួរ​ឈរ​បែងចែក​ជា​ពីរ​ផ្នែក​គឺ វត្ថុ​ទាំងឡាយ​ដែល​យើង​មើល​ឃើញ និង​សភាព​នៃ​ការ​គិត​របស់​យើង។ រីឯ​ពីរ​ផ្នែក​ទៀត​ស្ថិត​នៅ​ជួរ​ដេក​គឺ ពិភព​នៃ​រូបភាព​ខាង​ក្រៅ និង​ពិភព​នៃ​បញ្ញាញាណ។ ពី​មួយ​កម្រិត​ទៅ​មួយ​កម្រិត​មិនមែន​នៅ​ដាច់​ដោយ​ឡែក​ពី​គ្នា​នោះ​ទេ ប៉ុន្តែ​គឺជា​កាំ​ជណ្ដើរ​សម្រាប់​ឲ្យ​មនុស្ស​ព្យាយាម​បង្កើន​បញ្ញាញាណ​របស់​ខ្លួន​ឡើង​ពី​ភាព​ល្ងង់ខ្លៅ​ឆ្ពោះ​ទៅ​កម្រិត​កាន់តែ​ខ្ពស់​ទៅៗ។

meetup

ពិភព​នៃ​រូបភាព​ខាងក្រៅ​នេះ​ទៀត​សោត​គឺជា​ការ​ទទួល​ដឹង​ក្នុង​កម្រិត​ទាប​ពី​ចំណេះដឹង​របស់​ពិភពលោក និង​បែងចែក​ជា​ពីរ​ផ្នែក​ត​ទៅ​ទៀត។ កម្រិត​ដ៏​ទាប​បំផុត​នោះ​គឺ​នៅ​ពេល​ការ​គិត​ស្ថិត​ក្នុង​សភាព​ជា​ការ​ស្រមៃ​រវើរវាយ ដែល​មើល​ឃើញ​រូបភាព​ពិត​បាន​ត្រឹមតែ​ជា​រូបភាព​បំភ័ន្ត​ភ្នែក​ប៉ុណ្ណោះ ប្រៀប​ដូចជា​មើល​ឃើញ​វត្ថុ​ដែល​ប៉ះ​នឹង​ពន្លឺ​ព្រះអាទិត្យ​បង្កើត​ជា​រូបភាព​នៃ​វត្ថុ​នោះ​ក្រោម​រូបភាព​ជា​ស្រមោល ហើយ​សន្មត​ថា​ស្រមោល​នោះ​ជា​រូបភាព​ពិត​ដូច្នោះ។ ចំណេះដឹង​ដែល​មនុស្ស​ទទួល​បាន​ក្នុង​កម្រិត​នេះ ហាក់​ដូចជា​ការ​ពិត ប៉ុន្តែ​គ្រាន់តែ​ជា​រូបភាព​នៃ​ការ​ចម្លង​តាម​ពី​រូបភាព​នៃ​ការ​ពិត ដែល​បំភ័ន្ត​ភ្នែក​យើង​ប៉ុណ្ណោះ។

ផ្នែក​ខ្ពស់​បន្ទាប់​តែ​ស្ថិត​ក្នុង​កម្រិត​ទាប​នៃ​ចំណេះដឹង​របស់​ពិភពលោក​នេះ​ដដែល នោះ​គឺ​ពេល​ការ​គិត​ស្ថិត​ក្នុង​សភាព​ជា​ជំនឿ ដែល​អាច​ទទួល​ដឹង​ថា​រូបភាព​ដែល​ទទួល​បាន​ពី​ពន្លឺ​ព្រះអាទិត្យ​ចាំង​ចំ​នឹង​វត្ថុ​គ្រាន់តែ​ជា​ស្រមោល មិនមែន​ជា​រូបភាព​ពិត​នោះ​ឡើយ។ ប៉ុន្តែ​វា​នៅ​តែ​ជា​ចំណេះដឹង​ក្នុង​កម្រិត​ទាប ដែល​មិន​បាន​ឆ្លង​កាត់​វិចារណញ្ញាណ និង​បញ្ញាញាណ​នៅ​ឡើយ។

ឡើង​មក​កាន់​កាំ​ជណ្ដើរ​មួយ​កាំ​បន្ទាប់​ក្នុង​ផ្នែក​ពិភព​នៃ​បញ្ញាញាណ ក៏​មាន​បែងចែក​ជា​ពីរ​ផ្នែក​ទៀត​ដែរ។ កម្រិត​ទី៣​គឺជា​កម្រិត​ដែល​មនុស្ស​ប្រើប្រាស់​វិចារណញ្ញាណ​របស់​ខ្លួន និង​មើល​ទៅ​កាន់​ពិភពលោក​ដោយ​យល់​បាន​តាម​បែប​គណិតសាស្ត្រ និង​វិចារណញ្ញាណ មាន​ហេតុផល ដែល​អាច​កើតឡើង​បាន​នៅ​ពេល​មនុស្ស​យល់​ព្រម​ចាកចេញ​ពី​ល្អាង​ដែល​ធ្លាប់​ជា​ទី​ស្រណុក​សុខ​ស្រួល​របស់​ខ្លួន ធ្វើ​ដំណើរ​ស្វែងរក​ការ​ពិត ប្រឈម​នឹង​ពន្លឺ​ព្រះអាទិត្យ​ចាំង​ចំ​ភ្នែក​ដែល​មិន​ធ្លាប់​ត្រូវ​ពន្លឺ​សោះ​ឡើយ។ ចំណេះដឹង​ដែល​ទទួល​បាន​ក្នុង​កម្រិត​នេះ​គឺជា​ការ​មក​ដល់​សេចក្ដី​សន្និដ្ឋាន​ចុងក្រោយ​ដ៏​ត្រឹមត្រូវ និង​ហេតុផល​ដែល​ជា​មូលដ្ឋាន​ទូទៅ​ពិត​ដែល​អាច​បកស្រាយ​ហេតុការណ៍​ជាក់លាក់​ផ្សេងៗ​បាន​ត្រឹមត្រូវ ដែល​ទីនេះ​ហើយ​គឺជា​កន្លែង​ដែល​ទ្រឹស្ដី​ទាំងឡាយ​តាំង​លំនៅ​របស់​ខ្លួន។

កម្រិត​ដ៏​ខ្ពស់​បំផុត​នៃ​ចំណេះដឹង​របស់​ពិភពលោក ជា​ការ​មើល​ឃើញ​ការ​ពិត ដោយ​ប្រើប្រាស់​វិចារណញ្ញាណ​តាម​បែប​ទស្សនវិជ្ជា ជា​ការណ៍​ដែល​សាំុ​ជាមួយ​នឹង​ពន្លឺ​ព្រះអាទិត្យ ជា​ការ​យល់​ដឹង​ថា​គឺ​ព្រះអាទិត្យ​នេះ​ហើយ​ដែល​ជា​ប្រភព​បំភ្លឺ​ឲ្យ​ពួកគេ​អាច​មើល​ឃើញ​អ្វីៗ​នៅ​ក្នុង​ពិភព​ជាក់ស្ដែង​បាន។ ផ្លាតុង​ក៏​បាន​លើក​ឡើង​ដែរ​ថា នៅ​ពេល​មនុស្ស​ឈាន​មក​ដល់​ត្រង់​ចំណុច​នេះ ពួកគេ​នឹង​អាច​មើល​ឃើញ​ថា​អ្វីៗ​គ្រប់​យ៉ាង​សុទ្ធតែ​ជាប់​ពាក់ព័ន្ធ​គ្នា​ទាំងអស់។ វា​គឺជា​ចំណេះដឹង​សកលលោក ជា​ចំណេះដឹង​ដែល​បរិសុទ្ធ ជា​ការ​ពិត​ផ្ដាច់​ព្រ័ត្រ។

ចុង​បញ្ចប់​គំនិត​មួយ​លើក​ឡើង​ដោយ​អ្នក​និពន្ធ​អៀរឡង់ George Bernard Shaw មាន​សេចក្ដី​ថា៖ “ចូរ​ប្រុង​ប្រយ័ត្ន​ជាមួយ​ចំណេះដឹង​ខុស វា​មាន​គ្រោះថ្នាក់​ជាង​ភាព​ល្ងង់ខ្លៅ​ទៅ​ទៀត”

ប្រែសម្រួល៖ ស្រីពៅ
ប្រភព៖ atanystreetcorner

ប្រសិន​ជា​អ្នក​ចូល​ចិត្ត​អត្ថបទ​នេះ​សូម​ជួយ​ Like & Shared

អត្ថបទពេញនិយម

​កម្រង​គំនិត​សំខាន់ៗ​របស់​ ឡៅ សឺ (​Lao Tzu)​​​ទស្សនវិទូ​របស់​ចិន​

មេរៀន​សំខាន់ៗ​ដែល​​អ្នក​អាច​រៀន​សូត្រ​ពី​​​​សម្រង់​សម្ដី​ទាំង​៨​​របស់​លោក ​Jack Ma មហាសេដ្ឋី​ចិន​​ ​

គន្លឹះ​សម្ងាត់​ទាំង ៦​ ដែល​ជួយ​អភិវឌ្ឍ​ចិត្ត​គំនិត​របស់​អ្នក​ឲ្យ​ដូច​មហា​សេដ្ឋី

គន្លឹះ​ដ៏​មុត​ស្រួច​ទាំង​៣​ក្នុង​ការ​កែ​ប្រែ​និង​អភិវឌ្ឍ​អ្នក​ឲ្យ​ក្លាយ​ទៅ​ជា​មនុស្ស​ថ្មី​មួយ​ទៀត

អត្ថបទពាណិជ្ជកម្ម​

លោក ព្រាប សុវត្ថិ ដឹកដៃកូនប្រុសទំាង២នាក់ធ្វើកក្រើកឆាកតន្រ្តី Tiger Street Football Festival 2019នាវគ្គផ្តាច់ព្រ័ត្រទូទាំងប្រទេស

ក្រុមស្នងការដ្ឋាននគរបាលខេត្តព្រះសីហនុ “A” ឈ្នះជើងឯកនៃ Tiger Street Football Festival 2019 លើកទី៧ ទូទាំងប្រទេសជាលើកដំបូង

អេ អឹម ខេ ត្រូវបានទទួលស្គាល់ជាគ្រឹះស្ថានមីក្រូហិរញ្ញវត្ថុ ដែលជួយឱ្យជីវភាពប្រជាពលរដ្ឋក្រីក្រមានភាពប្រសើរឡើង

ពិព័រណ៍ ឌីជីថលកម្ពុជាឆ្នាំ ២០១៩ បង្ហាញពីទិដ្ឋភាពផ្នែកឌីជីថលនៅអាស៊ីអាគ្នេយ៍ នាថ្ងៃអនាគត

អានអត្ថបទតាមខែ

March 2019
M T W T F S S
« Feb    
 123
45678910
11121314151617
18192021222324
25262728293031