អត្ថបទថ្មីបំផុត
ទំព័រដើម > ទ្រឹស្តីអាជីវកម្ម > តើ​អ្វី​ទៅជា​សហគ្រាស​ឯកបុគ្គល (Sole Proprietorship)?

តើ​អ្វី​ទៅជា​សហគ្រាស​ឯកបុគ្គល (Sole Proprietorship)?

ប្រ​ភព៖​​ https://www.pexels.com

​នៅក្នុង​បរិបទ​នៃ​កំណើនសេដ្ឋកិច្ច​ដ៏​ក្លាវ​ក្លា ពាណិជ្ជកម្ម​ដើរតួរ​យ៉ាងសំខាន់​បំផុត​ក្នុងការ​លើកកម្ពស់​ការ អភិវឌ្ឍន៍ និង ជំរុញ​សកម្មភាព​សេដ្ឋកិច្ច​យ៉ាងសកម្ម​។ ស្របទៅនឹង​ការរីកចម្រើន​នេះ​ផងដែរ យុវជន​ខ្មែរ​ជាច្រើន មាន​ទំនោរ​ក្នុង​ការបើក​នូវ​អាជីវកម្ម​ផ្ទាល់ខ្លួន ដោយ​អ្នកខ្លះ​វិនិយោគ​រួមគ្នា រីឯ​អ្នក​ខ្លះទៀត​មាន​ចំណង់​ចំណូលចិត្ត ក្នុង​បង្កើត​និង​គ្រប់គ្រង​អាជីវកម្ម​ដោយ​ខ្លួន​និង​មាន​ជំនួយ​ពី​សមាជិកគ្រួសារ​។ នៅក្នុង​អត្ថបទ​នេះ លោកអ្នក​នឹង​បាន ស្វែងយល់​អំពី​ថា​តើ​អ្វី​ទៅជា​សហគ្រាស​ឯកបុគ្គល​?
​ ​សហគ្រាស​ឯកបុគ្គល (Sole Proprietorship) គឺជា​សហគ្រាស​ពាណិជ្ជកម្ម​មួយ​ប្រភេទ ដែល​ត្រូវបាន បង្កើត​និង​គ្រប់គ្រង​ដោយ​បុគ្គល​តែ​ម្នាក់​។ នៅ​ក្នុងន័យនេះ ប្តី និង ប្រពន្ធ ព្រមទាំង​កូន​នៅក្នុង​បន្ទុក ត្រូវបាន​ចាត់ ទុក​ថា​ជា​បុគ្គល​តែ​ម្នាក់ ដែលជា​អ្នកគ្រប់គ្រង​នូវ​បញ្ជី​គណនេយ្យ កិច្ចសន្យា និង ទ្រព្យសម្បត្តិ​ទាំងឡាយ​។ ជាទូទៅ បុគ្គល​ដែលមាន​ឈ្មោះ​នៅក្នុង​អាជ្ញាប័ណ្ណ​ប្រកប​អាជីវកម្ម ឬ​អាជ្ញាប័ណ្ណ​ផ្សេងៗ​ទៀត គឺជា​ម្ចាស់​អាជីវកម្ម​នោះ​។
​ ​ជាការ​ពិតណាស់ ម្ចាស់​សហគ្រាស​មាន​ឯករាជ្យភាព​ក្នុងការ​គ្រប់គ្រង​អាជីវកម្ម ព្រមទាំង​សិទ្ធិ​ពេញលេញ ក្នុងការ​ទទួលបាន​នូវ​អត្ថប្រយោជន៍​ទាំងស្រុង​ពី​ការប្រកប​អាជីវកម្ម​របស់ខ្លួន​។ ជាធម្មតា ម្ចាស់​អាជីវកម្ម មិនដែល បែងចែក​ឱ្យដាច់​ពីគ្នារ​វាង​កិច្ចការ​អាជីវកម្ម និង កិច្ចការផ្ទាល់ខ្លួន​ឡើយ​។ ម្ចាស់​អាជីវកម្ម គឺជា​អ្នក​ដែលមាន​ទំនួល ខុសត្រូវ​ទាំងស្រុង​ចំពោះ​បំណុល និង កាតព្វកិច្ច​នានា​។
​ ​លើសពីនេះទៅទៀត ម្ចាស់​សហគ្រាស គឺជា​បុគ្គល​តែ​ម្នាក់​គត់​ដែល​បោះ​ចេញ​នូវ​ដើមទុន សម្រាប់​វិនិយោគ ដែលជា​និច្ចកាល ដើមទុន​នោះ​កើតចេញពី​កម្ចី​ធនាគារ ឬ​គ្រឹះស្ថាន​មីក្រូហិរញ្ញវត្ថុ ដោយ​ការដាក់​បញ្ចាំ​នូវ​ទ្រព្យ​ជា​ផ្ទះ ឬ​/​និង​ដី​របស់​ពួកគេ ឬ​ពេលខ្លះ​ពួកគេ​ខ្ចីបុល​ពី​មិត្តភក្តិ ឬ​សមាជិកគ្រួសារ​របស់​ពួកគេ​។​ល​៕
ដោយ​៖ ប៉ុ​ម ទូច​

ប្រសិន​ជា​អ្នក​ចូល​ចិត្ត​អត្ថបទ​នេះ​សូម​ជួយ​ Like & Shared

អត្ថបទពេញនិយម

ចង់​ស្គាល់​ចរិត​ មនុស្ស​លាក់​ពុត​ទេ? ភាគ​ច្រើន​ពួក​គេ​តែង​សម្តែង​បែប​នេះ​នៅ​មុខ​អ្នក

សៀវភៅ​ទាំង​ ១០​ដែល​សហគ្រិន​ល្បី​ៗ​ទូទាំង​ពិភពលោក​ចង់​ឲ្យ​អ្នក​អាន​ដើម្បី​កែប្រែ​ជីវិត

​​ត្រូវ​ហ៊ាន​លះបង់​​ ​៣​យ៉ាង​នេះ​សិន ​មុន​ពេល​បោះជំហាន​​​​ជោគជ័យ​ក្នុង​​​វិស័យ​ជំនួញ​

​​ហេតុផល​៤​សំខាន់ៗ ​ដែល​អ្នកមាន​គ្រួសារ​​ត្រូវ​ជំនះ​​ទិញ​ផ្ទះ​ឲ្យ​បាន​ ​ជៀសវាង​ការ​បន្ត​ជួល​គេ​រាប់​ឆ្នាំ​!

អត្ថបទពាណិជ្ជកម្ម​

ឱកាសបុណ្យភ្ជុំបិណ្ឌទទួលបានការបញ្ចុះតម្លៃពិសេសពី LG Brandshop

សន្និសីទ​រៀន​ធ្វើ​ជំនួញ​លើក​ទី​៣ ក្រោម​ប្រធាន​បទ៖ “ត្រៀម​សម្រាប់​ដំណើរ​ដ៏​វែង​ឆ្ងាយ”

ជួប​គ្នា​នៅ​ក្នុង​កម្មវិធី​វិថី សុបិន​រដូវ​កាល​ទី ​៣​នា​ថ្ងៃ​អាទិត្យ​សប្ដាហ៍​នេះ

កម្មវិធីសិក្ខារសាលាស្តីពី «សវនកម្ម និង ការគ្រប់គ្រងអាជីវកម្មនៅក្នុងសហគ្រាស»

អានអត្ថបទតាមខែ

September 2018
M T W T F S S
« Aug    
 12
3456789
10111213141516
17181920212223
24252627282930