អត្ថបទថ្មីបំផុត
ទំព័រដើម > សេដ្ឋកិច្ច&អប់រំ > អនុវត្ត​តិចនិក​​ទាំង ​​៨​យ៉ាង​នេះ ​ដើម្បី​​​​អាច​បញ្ចប់​ការងារ​ឆាប់​រហ័ស​ ទោះ​មាន​ការងារ​​គរ​ដូច​ភ្នំ​ក៏​ដោយ

អនុវត្ត​តិចនិក​​ទាំង ​​៨​យ៉ាង​នេះ ​ដើម្បី​​​​អាច​បញ្ចប់​ការងារ​ឆាប់​រហ័ស​ ទោះ​មាន​ការងារ​​គរ​ដូច​ភ្នំ​ក៏​ដោយ

ប្រ​ភព៖​​ ​

មិនថាមកពីអ្នកចូលចិត្តពន្យារពេលធ្វើការងាររបស់អ្នកឬមួយក៏យ៉ាងណានោះទេ នៅពេលអ្នកមានការងារច្រើនដែលត្រូវបំពេញ អ្នកនឹងមានអារម្មណ៍ថាពិបាកហើយមិនដឹងថាគួរចាប់ផ្ដើមពីណាទៅណាទើបល្អនោះទេ។ យ៉ាងណាមិញ អនុវត្តតាមវិធីសាស្ត្រខាងក្រោមនេះ អាចជួយឲ្យបំពេញការងាររបស់អ្នកបានរលូនជាងមុន៖
១) លុបបំបាត់ការងារមួយចំនួន៖ មិនមែនការងារដែលអ្នកត្រូវធ្វើសុទ្ធតែចាំបាច់ខានមិនបាននោះទេ ដូចនេះអ្នកគួរតែរៀនលុបបំបាត់ការងារមួយចំនួនដែលមិនផ្ដល់ជាប្រយោជន៍ណាស់ណាដល់អ្នក។
២) ក្រោកពីព្រលឹម៖ អ្នកអាចរើសការងារណាដែលត្រូវចំណាយពេលល្មមដើម្បីធ្វើនៅពេលព្រឹកព្រលឹម ព្រោះការធ្វើបែបនេះក៏ដូចជាការហ្វឹកហាត់ខួរក្បាលអ្នកផងដែរ។
៣) រៀបចំគម្រោងនៅពេលយប់៖ មុននឹងចូលគេង អ្នកគួរចំណាយពេល១៥នាទីក្នុងការរៀបចំគម្រោងថ្ងៃស្អែក ថាតើអ្នកនឹងត្រូវអ្វីខ្លះ នោះដល់ស្អែកឡើង អ្នកមិនចាំបាច់លំបាកក្នុងការគិតថាគួរធ្វើអ្វីមុននោះទេ។
៤) ចាប់ផ្ដើមធ្វើ៖ កុំខ្វល់ឬបារម្ភច្រើនពេក បើសិននៅតែអង្គុយហើយមិនព្រមអនុវត្ត តើការងារនោះអាចនឹងវិវត្តទៅមុខដែរឬមួយក៏អត់ទេ? ហេតុនេះហើយកុំចំណាយពេលគិតច្រើនពេក។
៥) លើកទឹកចិត្តខ្លួនឯងជានិច្ច៖ នៅខណៈពេលដែលអ្នកកំពុងបំពេញការងារហើយជួបឧបសគ្គមួយចំនួន អ្នកមិនគួរបញ្ឈប់វានោះទេ អ្នកត្រូវលើកទឹកចិត្តដល់ខ្លួននិងខិតខំតស៊ូជារឿយៗនោះអ្នកនឹងឃើញលទ្ធផលដ៏គាប់ចិត្ត។
៦) មានគោលដៅ៖ កុំចេះតែធ្វើអ្វីមួយដោយគ្មានគោលដៅ ព្រោះថានៅពេលដែលអ្នកមានគោលដៅមួយច្បាស់លាស់ អ្នកនឹងមិនងាយវង្វេងកណ្ដាលទីនោះទេ ហើយអ្នកនឹងដឹងថាខ្លួនឯងកំពុងតែធ្វើអ្វីហើយដើម្បីអ្វី។
៧) រស់នៅក្នុងបច្ចុប្បន្នកាល៖ មិនបាច់ខ្មាសពីបរាជ័យនៅអតីតកាលរបស់អ្នកទេ ហើយក៏មិនបាច់បារម្ភពីពីអនាគតកាលដែរ គ្រាន់តែប្រឹងឲ្យអស់ពីសមត្ថភាពនៅពេលនេះទៅបានហើយ។
៨) ចេះទ្រាំ៖ ការងារអ្វីក៏លំបាកដែរ បើអ្នកទ្រាំមិនបានយូរនោះអ្នកក៏ងាយនឹងឆាប់បោះបង់ការងារដែលខ្លួនឯងកំពុងធ្វើនោះដែរ ដូចនេះអ្នកគួរតែហ្វឹកហាត់ខ្លួនឯងឲ្យមានការអត់ធ្មត់ច្រើនជាងមុន៕

ប្រែសម្រួល៖ តូច ម៉ាយ៉ារស្មី

ប្រភព៖ www.dumblittleman.com

ប្រសិន​ជា​អ្នក​ចូល​ចិត្ត​អត្ថបទ​នេះ​សូម​ជួយ​ Like & Shared

អត្ថបទពេញនិយម

បើ​ខ្សោយ​ផ្នែក​ការ​សម្រេចចិត្ត​ ​អ្នក​គួរ​​អនុវត្ត​គន្លឹះ​ទាំង​៤​នេះ​​ ​ដើម្បី​ពង្រឹង​វា​ឡើង​វិញ​!

ត្រូវ​​បង្កើត​ទម្លាប់​ល្អៗ​ទាំង​​៦​យ៉ាង​នេះ​ ​មុន​ឈាន​ដល់​វ័យ​៣០​ ដើម្បី​ធានា​អំពី​ភាព​ជោគជ័យ​​របស់​អ្នក​

គំនិត​អាថ៌កំបាំង​​ទាំង​ ១០​​ដើម្បី​ក្លាយ​ជា​សេដ្ឋី

​ជូគឺលាង​ (Zhuge Liang ​) ៖«​​ជឿជាក់​ជ្រុល​ហួស​ហេតុ​ពេក ​នាំ​ឲ្យ​បរាជ័យ​»​

អត្ថបទពាណិជ្ជកម្ម​

ក្រុមហ៊ុន អិល អេស អេស ស៊ី ត្រេឌីង ខូ អិល ធី ឌី បង្ហាញផលិតផលគ្រឿងសម្អាងម៉ាក adidas ថ្មីជាផ្លូវការ

កម្មវិធី Uncaged Night របស់ស្រាបៀរថៃហ្គ័របានបញ្ចប់ដោយជោគជ័យ

មកស្គាល់ និងយល់ដឹងពីអាហារូបករណ៍ល្បីៗរបស់បញ្ញវនទាំង១៥រូបក្នុងសន្និសីទអាហារូបករណ៍លើកទី៧

លើកទី១សម្រាប់កម្ពុជា អំពី “ពិព័រណ៍យន្តហោះ និង បច្ចេកវិទ្យា”

អានអត្ថបទតាមខែ

December 2018
M T W T F S S
« Nov    
 12
3456789
10111213141516
17181920212223
24252627282930
31