អត្ថបទថ្មីបំផុត
ទំព័រដើម > សេដ្ឋកិច្ច&អប់រំ > រោគសញ្ញារបស់មនុស្សមានជំងឺធ្លាក់ទឹកចិត្ត (Depression) ដែល​អ្នក​គួរ​ដឹង

រោគសញ្ញារបស់មនុស្សមានជំងឺធ្លាក់ទឹកចិត្ត (Depression) ដែល​អ្នក​គួរ​ដឹង

ជំងឺធ្លាក់ទឹកចិត្ត (Depression)គឺជាជំងឺដ៏កាចសាហាវដែលមានមនុស្សជាច្រើនកំពុងប្រឈមមុខនឹងវា។ ចំនួននៃអ្នកជំងឺធ្លាក់ទឹកចិត្តមានការកើនឡើងគួរឲ្យកត់សម្គាល់ជារៀងរាល់ថ្ងៃ។ ជំងឺធ្លាក់ទឹកចិត្តធ្វើឲ្យអ្វីៗក្នុងជីវិតរបស់អ្នកផ្លាស់ប្ដូរ ដូចជាអាកប្បកិរិយា ទម្លាប់ញ៉ាំ ទម្លាប់គេង និងរបៀបរស់នៅរបស់អ្នកជាដើម។ ជំងឺនេះបំផ្លាញទំនុកចិត្ត ការស្រលាញ់ខ្លួន ធ្វើឲ្យអ្នកធ្លាក់ទៅក្នុងចំនុចដុនដាបបំផុតក្នុងជីវិតរបស់អ្នកដោយអ្នកមិនដឹងខ្លួន។

ជំងឺធ្លាក់ទឹកចិត្តគឺធ្វើឲ្យអ្នកធ្លាក់ក្នុងភាពអស់សង្ឃឹមដែលស្ទើរតែមិនអាចងើបរកផ្លូវចេញមកវិញបាន។ មនុស្សដែលមានជំងឺធ្លាក់ទឹកចិត្តមានការផ្លាស់ប្ដូរអាកប្បកិរិយារបស់ពួកគេ ដោយពួកគេតែងតែចូលចិត្តនៅម្នាក់ឯង មិនសូវមានទំនាក់ទំនាក់ជាមួយអ្នកដទៃ ឆាប់ផ្លាស់ប្ដូរអារម្មណ៍ ចូលចិត្តយំ និងឆាប់ខឹងជាដើម។ ការទំនាក់ទំនងជាមួយអ្នកដទៃក៏មានការផ្លាស់ប្ដូរផងដែរ ដែលអ្នកអាចកំណត់សម្គាល់បានតាមរយៈរបៀបដែលពួកគេបញ្ចេញគំនិត ឬសកម្មភាព។ អ្នកក៏អាចសង្កេតនិងសម្គាល់ពីភាពចម្លែកៗតាមរយៈការសរសេរផងដែរ ដែលគេឲ្យឈ្មោះថា ភាសាមនុស្សធ្លាក់ទឹកចិត្ត។

អ្នកវិភាគភាសាវិទ្យាបានធ្វើការសិក្សាស្រាវជ្រាវជាច្រើន ដោយពួកគេបានធ្វើការតាមដានការប្រើប្រាស់ពាក្យប្រចាំថ្ងៃរបស់មនុស្សដែលមានជំងឺធ្លាក់ទឹកចិត្ត ហើយពួកគេបានធ្វើការបែងចែកភាពខុសគ្នារវាងការប្រើប្រាស់ពាក្យរបស់មនុស្សដែលមានជំងឺធ្លាក់ទឹកចិត្ត និងមនុស្សធម្មតា។ ភាសាទាំងនោះត្រូវបានបែងចែកជាពីរផ្នែកមាន ធាតុផ្សំនៃពាក្យនិងរចនាបទ។ មនុស្សដែលមានជំងឺធ្លាក់ទឹកចិត្តប្រើប្រាស់ពាក្យអវិជ្ជមានជាច្រើនដែលមានគុណនាមនិងគុណកិរិយាដូចជា ឯកកោ (Lonely) ទុក្ខព្រួយ (pathetic) កើតទុក្ខ (sad) អាក្រក់ (bad) មិនសប្បាយចិត្ត (Miserable) ជាដើម។ ពួកគេទំនងជាប្រើប្រាស់ពាក្យសព្វនាមដូចជា ខ្ញុំ (I) ខ្ញុំ (Me) ខ្លួនខ្ញុំ (Myself) ជាដើម។ ការប្រើប្រាស់នៃពាក្យទាំងនេះបង្ហាញពីរោគសញ្ញាដែលប្រាប់ថាមនុស្សណាម្នាក់មានជំងឺធ្លាក់ទឹកចិត្តឬអត់។ ពាក្យទាំងនេះស្ថិតក្នុងខួរក្បាលរបស់ពួកគេច្រើនពេកដែលធ្វើឲ្យគេគិតច្រើនអំពីខ្លួនរបស់គេ ហើយមិនសូវមានទំនាក់ទំនងទៅកាន់មនុស្សខាងក្រៅ។ ការដឹងពីភាសារបស់មនុស្សដែលមានជំងឺធ្លាក់ទឹកចិត្តអាចធ្វើឲ្យអ្នកយល់ដឹងពីរោគសញ្ញានៃជំងឺធ្លាក់ទឹកចិត្តផងដែរ៕

ចុចអាន៖ គន្លឹះ ៤យ៉ាងក្នុងការថែរក្សាសុខភាពផ្លូវចិត្តរបស់អ្នក ឲ្យរឹងមាំ

ដោយ៖ លង់ វណ្ណៈ

ប្រសិន​ជា​អ្នក​ចូល​ចិត្ត​អត្ថបទ​នេះ​សូម​ជួយ​ Like & Shared

អត្ថបទពេញនិយម

បើ​ខ្សោយ​ផ្នែក​ការ​សម្រេចចិត្ត​ ​អ្នក​គួរ​​អនុវត្ត​គន្លឹះ​ទាំង​៤​នេះ​​ ​ដើម្បី​ពង្រឹង​វា​ឡើង​វិញ​!

បើ​ជិត​ឈាន​​ដល់​វ័យ​ខ្ទង់​៣០​​ហើយ​ នៅ​តែ​គ្មាន​ចំណុច​ទាំង​នេះ​ទៀត​ នោះ​​ជីវិត​នឹង​វេទនា​មិន​ខាន

ត្រូវ​​បង្កើត​ទម្លាប់​ល្អៗ​ទាំង​​៦​យ៉ាង​នេះ​ ​មុន​ឈាន​ដល់​វ័យ​៣០​ ដើម្បី​ធានា​អំពី​ភាព​ជោគជ័យ​​របស់​អ្នក​

គំនិត​អាថ៌កំបាំង​​ទាំង​ ១០​​ដើម្បី​ក្លាយ​ជា​សេដ្ឋី

អត្ថបទពាណិជ្ជកម្ម​

លើកទី១សម្រាប់កម្ពុជា អំពី “ពិព័រណ៍យន្តហោះ និង បច្ចេកវិទ្យា”

ស្រាបៀរ ABC Extra Stout, Heineken, Tiger បានប្រគល់រង្វាន់ផ្តាច់ព្រ័ត្រ ជូនគូស្វាមីភរិយាថ្មី ឆ្នាំ ២០១៧-២០១៨

វគ្គបណ្តុះបណ្តាល៖ គន្លឹះក្នុងការធ្វើអាជីវកម្មអចលនទ្រព្យប្រកបដោយភាពជោគជ័យ

អ្វីទៅជា គំនិតធុរកិច្ច (Business Ideas)? ចង់​ដឹង ​នាំគ្នា​ចូលរួម​សិក្ខាសាលាអំពីប្រធាន​នេះ!

អានអត្ថបទតាមខែ

December 2018
M T W T F S S
« Nov    
 12
3456789
10111213141516
17181920212223
24252627282930
31