អត្ថបទថ្មីបំផុត
ទំព័រដើម > សេដ្ឋកិច្ច&អប់រំ > សញ្ញាណ ​៥​យ៉ាង​ដែល​អ្នក​អាច​កំណត់​បាន​ថា​អ្នក​កំពុង​ខ្វះខាត​វីតាមីន

សញ្ញាណ ​៥​យ៉ាង​ដែល​អ្នក​អាច​កំណត់​បាន​ថា​អ្នក​កំពុង​ខ្វះខាត​វីតាមីន

ការ​ទទួលយក​វីតាមីន​ឲ្យ​បាន​គ្រប់គ្រាន់​ពិត​ជា​មាន​ភាព​ចាំបាច់​សម្រាប់​រាងកាយ​របស់​អ្នក​ទាំងមូល​ឲ្យ​ដំណើរការ​បាន​ប្រក្រតី។ យ៉ាងណាមិញ មនុស្ស​ជាច្រើន​នៅ​តែ​មិន​ទទួល​បាន​វីតាមីន​គ្រប់គ្រាន់ ដែល​នាំ​ឲ្យ​ពួកគេ​ងាយ​នឹង​ជួប​បញ្ហា​សុខភាព​បាន។ ខាងក្រោម​នេះ​គឺជា​សញ្ញាណ​៥​យ៉ាង​ដែល​អ្នក​អាច​កំណត់​បាន​ថា​អ្នក​កំពុង​ខ្វះខាត​វីតាមីន៖

១) រមួល​ក្រពើ៖ បើ​អ្នក​ឧស្សាហ៍​រមួល​ក្រពើ នេះ​អាច​ជា​សញ្ញាណ​ដែល​បញ្ជាក់​ថា​អ្នក​កំពុងតែ​ខ្វះ​ជាតិ​កាល់ស្យូម ម៉ាញេស្យូម និង​ប៉ូតាស្យូម។ ដើម្បី​ចៀសវាង​ពី​បញ្ហា​នេះ អ្នក​អាច​ទទួលទាន​គ្រាប់ធញ្ញជាតិ ផ្លែ​ល្ពៅ ផ្លែ​ចេក និង​ផ្លែ​ប៉ោម។

២) កន្ទួល​នៅ​លើ​ស្បែក៖ រោគសញ្ញា​កន្ទួល​នៅ​លើ​ស្បែក​អាច​បណ្ដាល​មក​ពី​កង្វះ​ខាត​វីតាមីន​បេ៧។ ដូច្នេះ​ដើម្បី​បង្កើន​វីតាមីន​នេះ​នៅ​ក្នុង​រាងកាយ​អ្នក ការ​ទទួលទាន​អាហារ​ដូចជា​ផ្សិត ដំឡូង ឈីស ស៊ុត​ស្ងោរ និង​ផ្កា​ខាត់ណា​ជាដើម អាច​ជួយ​ព្យាបាល​អ្នក​ពី​រោគសញ្ញា​នេះ​បាន។

៣) តំបន់​ពណ៌​ស​នៃ​ភ្នែក​របស់​អ្នក​ប្រែ​ជា​ពណ៌​លឿង៖ កង្វះ​ការ​ទទួលយក​វីតាមីន​បេ​១២ អាច​ធ្វើឲ្យ​តំបន់​ពណ៌​ស​នៃ​ភ្នែក​របស់​អ្នក​ប្រែ​ជា​ពណ៌​លឿង​បាន។ អ្នក​អាច​ចាប់ផ្ដើម​ទទួលទាន​សាច់​គោ ថ្លើម​មាន់ ទឹកដោះគោ ត្រី​សាលមន និង​ត្រី​ធូណា ដើម្បី​បង្កើន​វីតាមីន​បេ​១២។

៤) មាន​បញ្ហា​មាត់​ធ្មេញ៖ វីតាមីន​ដេ​ពិត​ជា​មាន​សារសំខាន់​ណាស់​សម្រាប់​សុខភាព​មាត់​ធ្មេញ​របស់​យើង។ កង្វះខាត​វីតាមីន​ដេ​អាច​ជា​មូលហេតុ​មួយ​ដែល​នាំឲ្យ​អ្នក​មាន​បញ្ហា​មាត់​ធ្មេញ​បាន។ ដើម្បី​ទទួលយក​វីតាមីន​ដេ​ក្នុង​រាងកាយ អ្នក​អាច​ទទួលទាន​ផលិតផល​ធ្វើ​ពី​ទឹកដោះគោ អង្ករ​សម្រូប ប៉េងប៉ោះ សណ្ដែក ត្រី ក្រូច និង​ក្រូចថ្លុង​ជាដើម។

៥) ប្រេះ​បបូរ​មាត់៖ ប្រេះ​បបូរ​មាត់​អាច​ជា​សញ្ញាណ​បញ្ជាក់​ថា​អ្នក​កំពុង​ខ្វះខាត​វីតាមីន​បេ​៣ វីតាមីន​បេ២ និង​វីតាមីន​បេ​១២ ដែល​អ្នក​អាច​រក​បាន​នៅ​ក្នុង​អាហារ​ដូចជា​ត្រី​សាលមន សាច់​មាន់ ស៊ុត សណ្ដែក និង​គ្រាប់ធញ្ញជាតិ៕

ប្រសិន​ជា​អ្នក​ចូល​ចិត្ត​អត្ថបទ​នេះ​សូម​ជួយ​ Like & Shared

អត្ថបទពេញនិយម

បើ​ខ្សោយ​ផ្នែក​ការ​សម្រេចចិត្ត​ ​អ្នក​គួរ​​អនុវត្ត​គន្លឹះ​ទាំង​៤​នេះ​​ ​ដើម្បី​ពង្រឹង​វា​ឡើង​វិញ​!

គំនិត​អាថ៌កំបាំង​​ទាំង​ ១០​​ដើម្បី​ក្លាយ​ជា​សេដ្ឋី

​ជូគឺលាង​ (Zhuge Liang ​) ៖«​​ជឿជាក់​ជ្រុល​ហួស​ហេតុ​ពេក ​នាំ​ឲ្យ​បរាជ័យ​»​

​​សុភាសិត​ជប៉ុន​៖ ​«​អ្នក​មិន​អាច​ធ្វើ​អ្វី​មួយ​ជោគជ័យ ​ដោយ​គ្មាន​ការ​លះបង់​នោះ​ទេ​»

អត្ថបទពាណិជ្ជកម្ម​

ក្រុមហ៊ុន អិល អេស អេស ស៊ី ត្រេឌីង ខូ អិល ធី ឌី បង្ហាញផលិតផលគ្រឿងសម្អាងម៉ាក adidas ថ្មីជាផ្លូវការ

កម្មវិធី Uncaged Night របស់ស្រាបៀរថៃហ្គ័របានបញ្ចប់ដោយជោគជ័យ

មកស្គាល់ និងយល់ដឹងពីអាហារូបករណ៍ល្បីៗរបស់បញ្ញវនទាំង១៥រូបក្នុងសន្និសីទអាហារូបករណ៍លើកទី៧

លើកទី១សម្រាប់កម្ពុជា អំពី “ពិព័រណ៍យន្តហោះ និង បច្ចេកវិទ្យា”

អានអត្ថបទតាមខែ

December 2018
M T W T F S S
« Nov    
 12
3456789
10111213141516
17181920212223
24252627282930
31