អត្ថបទថ្មីបំផុត
ទំព័រដើម > សេដ្ឋកិច្ច&អប់រំ > សកម្មភាព​ទាំង​៤​ដែល​អ្នក​គួរ​ចៀសវាង​ធ្វើដើម្បីសុខភាព​ខួរក្បាល​របស់​អ្នក​

សកម្មភាព​ទាំង​៤​ដែល​អ្នក​គួរ​ចៀសវាង​ធ្វើដើម្បីសុខភាព​ខួរក្បាល​របស់​អ្នក​

ប្រ​ភព៖​​ pixabay.com

តើ​សកម្មភាព​អ្វីខ្លះ​ដែល​អ្នក​កំពុងតែ​ប្រព្រឹត្ត​ដែល​មាន​ផល​ប៉ះពាល់​ចំពោះ​ខួរក្បាល​របស់​អ្នក ? ខាងក្រោម​នេះ​គឺជា​សកម្មភាព​ទាំង​៤​ដែល​ជះ​ឥទ្ធិពល​មិន​ល្អ​ចំពោះ​ខួរក្បាល​របស់​អ្នក​ដែល​អ្នក​គួរ​ចៀសវាង​ធ្វើ៖

១) អំបិល៖ តាម​ការ​ស្រាវជ្រាវ​បាន​រក​ឃើញ​ថា ការ​ទទួលទាន​អំបិល​ច្រើន​ពេក​អាច​បង្កើន​ហានិភ័យ​ពី​ការ​កើន​ឡើង​សម្ពាធ​ឈាម នោះ​វា​នឹង​អាច​បណ្ដាល​ឲ្យ​មាន​ការ​ចុះ​ថយ​នៃ​ដំណើរការ​ខួរក្បាល និង​បង្កើន​ហានិភ័យ​ពី​ការ​កើត​ជំងឺ​ដាច់​សរសៃ​ឈាម​ក្នុង​ខួរក្បាល។ បើ​កាលណា​ហានិភ័យ​នៃ​ការ​កើត​ជំងឺ​ដាច់​សរសៃឈាម​ក្នុង​ខួរក្បាល​មាន​ខ្ពស់ នោះ​វា​អាច​នាំ​មក​នូវ​ការ​ខូចខាត​ធ្ងន់ធ្ងរ​ដល់​ខួរក្បាល​របស់​អ្នក​បាន។

២) គេង​មិន​បាន​គ្រប់គ្រាន់៖ នៅ​ពេល​អ្នក​គេង​មិន​បាន​គ្រប់គ្រាន់ អ្នក​ប្រាកដ​ជា​ទទួល​អារម្មណ៍​ថា​ឈឺក្បាល ពិបាក​ក្នុង​ការ​ផ្ចង់​ស្មារតី និង​អស់កម្លាំង​ថាមពល។ បើ​អ្នក​បន្ត​គេង​មិន​បាន​គ្រប់គ្រាន់​ក្នុង​រយៈពេល​យូរ វា​អាច​ប៉ះពាល់​ដល់​ការ​ចងចាំ​របស់​អ្នក​ហើយ​និង​ខួរក្បាល​របស់​អ្នក​ផង​ដែរ។ នេះ​ក៏​ព្រោះ​តែ​នៅ​ពេល​អ្នក​គេង ខួរក្បាល​របស់​អ្នក​បាន​សម្រាក​និង​មាន​ឱកាស​បាន​លាង​សម្អាត​សារធាតុ​ពុល​ទាំងឡាយ​ដែល​បាន​ប្រមូល​ផ្ដុំ​នៅ​ក្នុង​ខួរក្បាល​របស់​អ្នក។

៣) ទទួលទាន​អាហារ​ច្រើន​ហួសហេតុ៖ ការ​ទទួលទាន​អាហារ​ច្រើន​ហួសហេតុ​ពេក​អាច​ជះ​ឥទ្ធិពល​មិន​ល្អ​ចំពោះ​ខួរក្បាល​របស់​អ្នក ដែល​អាច​បណ្ដាល​ឲ្យ​មាន​ការ​ខូចខាត​ដល់​ដំណើរការ​នៃ​ការ​គិត​បាន។ ហេតុនេះ​អ្នក​គួរ​ទទួលទាន​ក្នុង​បរិមាណ​សមល្មម និង​ទទួលទាន​អាហារ​ដែល​មាន​សុខភាព​ល្អ​ចំពោះ​អ្នក។

៤) ភាព​ឯកា៖ ភាព​ឯកា​មិន​សំដៅ​ទៅលើ​ការ​ដែល​គ្មាន​មិត្តភ័ក្ដិ​នោះ​ឡើយ ព្រោះ​ថា​អ្នក​ដែល​មាន​មនុស្ស​ច្រើន​នៅ​ក្បែរ​ជុំវិញ​ខ្លួន​ក៏​ពួកគេ​អាច​មាន​អារម្មណ៍​ឯកា​បាន ឯ​អ្នក​ដែល​នៅ​ម្នាក់​ឯង​ក៏​អាច​រីករាយ​ជាមួយ​ការ​ដែល​នៅ​ម្នាក់​ឯង​ដោយ​មិន​មាន​អារម្មណ៍​ឯកា​ដែរ។ ភាព​ឯកា​អាច​ធ្វើឲ្យ​មនុស្ស​ម្នាក់​មាន​អារម្មណ៍​ស្ត្រេស​និង​គិត​អវិជ្ជមាន៕

ប្រសិន​ជា​អ្នក​ចូល​ចិត្ត​អត្ថបទ​នេះ​សូម​ជួយ​ Like & Shared

អត្ថបទពេញនិយម

សម្រាប់​អ្នក​ដែល​មាន​រាង​ស្គម​សង្វិត ​ចង់​ឡើង​ទម្ងន់​ស្អាត​ជាង​មុន​ ​កុំ​ភ្លេច​វិធី​ទាំង​នេះ

មនុស្សឆ្លាត តែងប្រើវិធីបែបនេះយកឈ្នះអ្នកដទៃ ដោយមិន​ចាច់​ឈ្លោះ​តឹង​សរសៃ​ក!

ពាក្យ​ ១៧​​ឃ្លា​ដែល​​​ «បុគ្គលិក​​​ល្អ​» មិន​គួរ​និយាយ​ទាល់​តែ​សោះ​នៅ​កន្លែង​ធ្វើ​ការ​

​គំនិតអាជីវកម្ម​​ខ្នាតតូច​ទាំង​៧​ប្រភេទ​ ​​​​មិន​ទាមទារ​ដើមទុន​ខ្ពស់​ ​​ដែល​អ្នក​គួរ​សាកល្បង​

អត្ថបទពាណិជ្ជកម្ម​

កម្មវិធី៖ យុទ្ធនាការលាងបន្លែថែសុខភាព

ការណែនាំកម្មវិធីជជែកកម្សាន្ត Viber 10 ការរចនាថ្មី, លាក់លេខទំនាក់ទំនង និងការហៅទូរស័ព្ទជាក្រុម

វ៉ាយប័រ (Viber) បើកដំណើរការសេវាតភ្ជាប់ទំនាកទំនងសម្រាប់អាជីវកម្មនៅកម្ពុជា

ក្រុម Inter KCP នៅតែរក្សាតំណែងជើងឯក Tiger Street Football Festival 2019 នៃមណ្ឌលខេត្តកំពង់ចាម

អានអត្ថបទតាមខែ

February 2019
M T W T F S S
« Jan    
 123
45678910
11121314151617
18192021222324
25262728