អត្ថបទថ្មីបំផុត
ទំព័រដើម > សេដ្ឋកិច្ច&អប់រំ > រោគសញ្ញា​៣យ៉ាង​នៃ​ការ​ខ្វះខាត​វីតាមីន​សេ​ដែល​អ្នក​អាច​កំពុងតែ​ព្រងើយ​កន្តើយ

រោគសញ្ញា​៣យ៉ាង​នៃ​ការ​ខ្វះខាត​វីតាមីន​សេ​ដែល​អ្នក​អាច​កំពុងតែ​ព្រងើយ​កន្តើយ

ប្រ​ភព៖​​

វីតាមីន​សេ​មាន​សារសំខាន់​សម្រាប់​ការ​លូតលាស់​របស់​ជាលិកា និង​ដើម្បី​ជួសជុល​ទូទាំង​សារពាង្គកាយ​របស់​យើង។ វា​ក៏​ជួយ​ដល់​ការ​កកើត​របស់​កូឡាសែន ដែល​ត្រូវ​បាន​ប្រើប្រាស់​ដើម្បី​បង្កើត​ស្បែក សរសៃឈាម ឆ្អឹង និង​សរសៃពួរ។ មិនតែប៉ុណ្ណោះ វីតាមីន​នេះ​ក៏​ត្រូវការ​សម្រាប់​ការ​ព្យាបាល​របួស ការ​ស្រូបយក​ជាតិ​ដែក និង​ថែទាំ​សុខភាព​របស់​ឆ្អឹង។ ខាងក្រោម​នេះ​គឺជា​រោគសញ្ញា​៣យ៉ាង​នៃ​ការ​ខ្វះខាត​វីតាមីន​សេ​ដែល​អ្នក​អាច​កំពុងតែ​ព្រងើយ​កន្តើយ៖

១) ឧស្សាហ៍​ចេញ​ឈាម​ច្រមុះ៖ ការ​ចេញ​ឈាម​ច្រមុះ​កើតឡើង​នៅ​ពេល​សរសៃឈាម​តូចៗ​នៅ​ក្នុង​ច្រមុះ​ត្រូវ​បាន​ដាច់​រហែក ហេតុនេះ​ការ​ចេញ​ឈាម​ច្រមុះ​ញឹកញាប់​គឺជា​សញ្ញាណ​ដែល​ចង្អុល​បង្ហាញ​ថា​សរសៃឈាម​នៅ​ក្នុង​ច្រមុះ​មាន​សភាព​ទន់ខ្សោយ។ ដោយសារតែ​សរសៃឈាម​ត្រូវ​បាន​ពង្រឹង​ឲ្យ​រឹងមាំ​ដោយ​កូឡាសែន ហេតុនេះ​កង្វះ​វីតាមីន​សេ​អាច​បណ្ដាល​ឲ្យ​សរសៃឈាម​មាន​សភាព​ទន់ខ្សោយ​បាន ហើយ​ក៏​ធ្វើឲ្យ​ឈាម​ច្រមុះ​ញឹកញាប់​បែប​នេះ។

២) សក់​ស្ងួត​ហើយ​បែក​ចុង៖ សក់​ភ្លឺ​រលោង​ចែងចាំង​និង​មាន​សុខភាព​ល្អ​គឺជា​សញ្ញាណ​ដែល​ចង្អុល​បង្ហាញ​ថា​អ្នក​បាន​ទទួល​យក​វីតាមីន​សេ​គ្រប់គ្រាន់​ហើយ។ យ៉ាងណាមិញ បើ​សិន​ជា​សក់​របស់​អ្នក​មាន​សភាព​ស្ងួត​ហើយ​បែក​ចុង នោះ​អ្នក​អាច​កំពុងតែ​ខ្វះខាត​វីតាមីន​សេ ព្រោះ​ថា​សក់​របស់​អ្នក​ត្រូវការ​កូឡាសែន​ដើម្បី​ភាព​រឹងមាំ​និង​មាន​សុខភាព​ល្អ តែ​បើ​សិន​ជា​អ្នក​ខ្វះ​វីតាមីន​សេ នោះ​វា​ក៏​ធ្វើឲ្យ​ការ​ផលិត​របស់​កូឡាសែន​ខ្វះខាត​ដែរ ដែល​ជា​ហេតុ​នាំឲ្យ​សក់​របស់​អ្នក​ប្រែ​ជា​ស្ងួត​ហើយ​បែក​ចុង​និង​ឆាប់​ជ្រុះ​ដូចនេះ។

៣) របួស​យូរ​ជា​សះស្បើយ៖ ប្រព័ន្ធ​ភាព​ស៊ាំ​ដែល​ធ្វើការ​ជួសជុល​របួស​និង​ប្រយុទ្ធ​ជាមួយ​ការ​ចម្លង​មេរោគ​ផ្សេងៗ​អាស្រ័យ​ទៅលើ​វីតាមីន​សេ។ វីតាមីន​សេ​ជួយ​ដល់​ការ​កកើត​របស់​កូឡាសែន ដែល​ពង្រឹង​ទៅ​ដល់​ជាលិកា​ដែល​មាន​របួស។ នៅ​ពេល​វីតាមីន​សេ​មិន​មាន​គ្រប់គ្រាន់ ដំណើរការ​នេះ​មាន​ប្រសិទ្ធភាព​ទាប​ជាង​មុន ដែល​បណ្ដាល​ឲ្យ​មាន​ការ​ហូរ​ឈាម​យូរ និង​យឺតយូរ​ក្នុង​ការ​ឲ្យ​របួស​ជា​សះស្បើយ៕

ដោយ៖ ស្រីពៅ

ប្រសិន​ជា​អ្នក​ចូល​ចិត្ត​អត្ថបទ​នេះ​សូម​ជួយ​ Like & Shared

អត្ថបទពេញនិយម

បើ​ខ្សោយ​ផ្នែក​ការ​សម្រេចចិត្ត​ ​អ្នក​គួរ​​អនុវត្ត​គន្លឹះ​ទាំង​៤​នេះ​​ ​ដើម្បី​ពង្រឹង​វា​ឡើង​វិញ​!

ហេតុផល​ ៧ យ៉ាង​ដែល​​និស្សិត​ទទួល​បាន​និទ្ទេស​ “C” ​គឺ​ជា​បុគ្គល​ជោគជ័យ​បំផុត​ក្នុង​​លោក​

បើ​ជិត​ឈាន​​ដល់​វ័យ​ខ្ទង់​៣០​​ហើយ​ នៅ​តែ​គ្មាន​ចំណុច​ទាំង​នេះ​ទៀត​ នោះ​​ជីវិត​នឹង​វេទនា​មិន​ខាន

ត្រូវ​​បង្កើត​ទម្លាប់​ល្អៗ​ទាំង​​៦​យ៉ាង​នេះ​ ​មុន​ឈាន​ដល់​វ័យ​៣០​ ដើម្បី​ធានា​អំពី​ភាព​ជោគជ័យ​​របស់​អ្នក​

អត្ថបទពាណិជ្ជកម្ម​

ស្រាបៀរ ABC Extra Stout, Heineken, Tiger បានប្រគល់រង្វាន់ផ្តាច់ព្រ័ត្រ ជូនគូស្វាមីភរិយាថ្មី ឆ្នាំ ២០១៧-២០១៨

វគ្គបណ្តុះបណ្តាល៖ គន្លឹះក្នុងការធ្វើអាជីវកម្មអចលនទ្រព្យប្រកបដោយភាពជោគជ័យ

អ្វីទៅជា គំនិតធុរកិច្ច (Business Ideas)? ចង់​ដឹង ​នាំគ្នា​ចូលរួម​សិក្ខាសាលាអំពីប្រធាន​នេះ!

AMK ផ្អាកដំណើរការប្រតិបត្ដិការហិរញ្ញវត្ថុ​​​បណ្ដោះ​អាសន្ន ៤ថ្ងៃ

អានអត្ថបទតាមខែ

December 2018
M T W T F S S
« Nov    
 12
3456789
10111213141516
17181920212223
24252627282930
31