អត្ថបទថ្មីបំផុត
Home > នីតិវិធី​អាជីវកម្ម > តើ​នឹង​មាន​អ្វី​កើត​ឡើង ​ពេល​ផ្កាយ​ព្រឹក​ត្រលប់​មក​ជួប​ដៃ​គូ​ចាស់​?

តើ​នឹង​មាន​អ្វី​កើត​ឡើង ​ពេល​ផ្កាយ​ព្រឹក​ត្រលប់​មក​ជួប​ដៃ​គូ​ចាស់​?

ប្រ​ភព៖​​ http://gossipstar.mthai.com/

ក្រោយការប្រកាសវិលត្រលប់មកសម្ដែងជាថ្មីម្ដងទៀតរបស់នាង Kob Suvanant ធ្វើឱ្យអ្នកគាំទ្រអតីតតារាសម្ដែងរូបនេះសង្ស័យ និងតាមដានចង់ដឹងគ្រប់គ្នាថា តើតារាឯកបុរសរូបណានឹងក្លាយជាតួឯកក្នុងរឿងដែលអ្នកម្ដាយរូបនេះនឹងសម្ដែងនៅក្នុងរឿងដំបូងដែលនាងនឹងចូលប្រឡូកក្នុងវិស័យភាពយន្តឡើងវិញ ហើយម្នាក់នោះមិនមានអ្នកណាឆ្ងាយនោះទេគឺជាដៃគូសម្ដែងចាស់របស់នាងនោះឯង។

តារាសម្ដែងអ្នកម្ដាយកូនពីរ ឬ ដែលប្រជាជនកម្ពុជានិយមហៅថា នាងផ្កាយព្រឹក ក្រោយពីសម្ងំធ្វើជាស្ត្រីមេផ្ទះនិងអ្នកម្ដាយមួយរយៈធំមកហើយនោះ ពេលនេះតារាស្រីលំដាប់លេខមួយរបស់ថៃរូបនេះ បានបង្ហាញវត្តមាននិងសមត្ថភាពសម្ដែងម្ដងទៀត នៅក្នុងរឿង “ទឹកច្រោះខ្សាច់”

រឿង “ទឹកច្រោះខ្សាច់” ឆ្នាំ២០១៦ នេះ កាន់តែទទួលបានការចាប់អារម្មណ៍ទ្វេរឡើងនៅពេលនាង  Kob Suvanant សម្រេចចិត្តចូលរួមសម្ដែង ហើយរឹតតែពិសេសទៀតនោះគឺការត្រលប់មកជួបគ្នាជាថ្មីរបស់តារាសម្ដែងដ៏សក្ដិសម នាងផ្កាយព្រឹកនិង លោកផាកឬ ដែលមានឈ្មោះពិតថា Num Sornram Teppitak ។

រឿងភាគមនោសញ្ចេតនាសម្ដែងពីជីវិតគ្រួសារនេះ ទទួលការគាំទ្រយ៉ាងខ្លាំងពីសំណាក់អ្នកទស្សនាជនជាតិថៃរហូតត្រូវបានផលិតករនិងស្ថានីយទូរទស្សន៍លើកយកមកថតសារជាថ្មីដល់ទៅពីរដងរួចមកហើយ ហើយសុទ្ធតែទទួលបានការនិយមគាំទ្រដូចៗគ្នា មិនថាជា Version ដែលសម្ដែងដោយ Nok Sinjai និង Tua Sarunyu Wongkrachang ឬក៏សម្ដែងដោយ Nok Chatchai Plengpanich និង Nok Jariya Anfone នោះទេ។

រំលឹកឡើងវិញរឿង Kob Sovannant និង Num Sornram ចាប់ដៃគូសម្ដែងជាមួយគ្នាជាច្រើនរឿងហើយរឿងដែលធ្វើឱ្យប្រិយមិត្តចងចាំដល់ថ្នាក់ជំរុញឱ្យអ្នកទាំងពីរក្លាយជាគូពិតនៅក្នុងជីវិតឯកជនមានដូចជារឿង “នាងផ្កាយព្រឹក”និង “ខ្សែលោហិត”ជាដើម។

ថ្វីត្បិតតែរឿងភាគដែលសម្ដែងដោយអតីតដៃគូសម្ដែងដ៏សក្ដិសមទាំងពីរមិនទាន់ត្រូវបានបញ្ចាំងនៅលើកញ្ចក់ទូរទស្សន៍ក៏ពិតមែនប៉ុន្តែបើតាមការសន្និដ្ឋានរបស់អ្នកវិភាគក៏ដូចជាទស្សនិកជនរឿងភាគថៃសុទ្ធតែយល់ឃើញដូចៗគ្នាថា ការវិលត្រលប់មកចាប់ដៃគូសម្ដែងចាស់របស់នាង Kob Sovanant នឹងធ្វើឱ្យត្រលប់មកគ្រងតំណែងជាតារាឯកស្រីលំដាប់លេខ១នៅក្នុងប្រទេសថៃជាថ្មីម្ដងទៀតយ៉ាងងាយ៕

ទស្សនាវីដេអូរូបភាពខ្លះពីរឿងភាគ “ទឹកច្រោះខ្សាច់”ខាងក្រោមនេះ៖



អត្ថបទ៖ សុខា នីកា
ប្រភព៖ gossipstar.mthai.com

 

 

ប្រសិន​ជា​អ្នក​ចូល​ចិត្ត​អត្ថបទ​នេះ​សូម​ជួយ​ Like & Shared

អត្ថបទពេញនិយម

​​​​បុគ្គលិកលក្ខណៈ​ពិសេស​​ ៥​យ៉ាង​ ​បញ្ជាក់​ថា ​អ្នក​ជា​មនុស្ស​អស្ចារ្យ ​ទោះ​បី​មិន​បាន​​​គិត​បែប​នេះ​ក្តី!​

ហេតុផល​ ៧ យ៉ាង​ដែល​​និស្សិត​ទទួល​បាន​និទ្ទេស​ “C” ​គឺ​ជា​បុគ្គល​ជោគជ័យ​បំផុត​ក្នុង​​លោក​

​ជំនាញ​៤​យ៉ាង​អ្នក​ត្រូវ​​តែ​ពង្រឹង​​ជាប្រចាំ​​​​ ​ដើម្បី​ក្លាយ​ជា​សហគ្រិន​ជោគជ័យ​​មួយ​រូប​!​

ត្រូវ​ជម្នះ​ភាព​ភ័យ​ខ្លាច​ទាំង​៤​នេះ​សិន​ ​​ប្រសិន​បើ​អ្នក​​ចង់​ជោគជ័យ​​​ក្នុង​ជីវិត

អត្ថបទពាណិជ្ជកម្ម​

ចូលរួម​កម្មវិធី «ស្វែងយល់​ពី​បញ្ហា​ប្រឈម​នៃ​ធុរកិច្ច​បរាជ័យ» ដើម្បី​ទទួល​​បាន​មេរៀន​អាជីវកម្ម​ថ្មីៗ

សំរាម​គឺជា​បញ្ហា​​ចម្បង​​ដែល​កំពុង​បំផ្លាញ​សម្រស់​របស់​ធម្មជាតិ​និង​ធ្វើ​ឲ្យ​ប៉ះពាល់​ដល់​សុខភាព​យើង​រាល់​ថ្ងៃ

សែ​ល​កាត ឈ្នះ​ពានរង្វាន់ ជា​បណ្ដាញ​សេវា​អ៊ី​ន​ធើ​ណិ​ត​លឿន​ជាងគេ​បំផុត​នៅ​កម្ពុជា Ookla Speedtest Award

ការ​សម្រេច​ចិត្ត​ផ្នែក​ទីផ្សារ​ដោយ​មិនមាន​​ព័ត៌មាន​ច្បាស់លាស់​ប្រៀបដូចជា​បើកបរ​ដោយ​បិទ​ភ្នែក​!

អានអត្ថបទតាមខែ

July 2017
M T W T F S S
« Jun    
 12
3456789
10111213141516
17181920212223
24252627282930
31