​ តួឯក​រឿង "រាជបុត្រឆ្លងភព" អស់សិទ្ធិ​​សម្ដែង​ក្រោយ​មាន​ព័ត៌មាន​អាស្រូវ​ផ្លូវភេទ​ច្រើន​ករណី​ - Biz Khmer

​ តួឯក​រឿង “រាជបុត្រឆ្លងភព” អស់សិទ្ធិ​​សម្ដែង​ក្រោយ​មាន​ព័ត៌មាន​អាស្រូវ​ផ្លូវភេទ​ច្រើន​ករណី​

ផ្សាយចេញ ៖ 23-Jun-2016 7:16 am

ប្រ​ភព៖​​ parkyoochunsgfc.com

Park Yoochun តារាចម្រៀងដែលជាអតីតសមាជិកក្រុម TVXQ ដ៏ល្បីល្បាញក្រោយងាកមកប្រឡូកក្នុងវិស័យសម្ដែងក៏ទទួលបានការគាំទ្រយ៉ាងច្រើនជាពិសេសតួអង្គជាព្រះបុត្រដែលត្រូវឆ្លងភពឆ្លងពេលវេលាដើម្បីដោះស្រាយក្ដីឃាតកម្មព្រះមេហសីពេលនេះអាចនឹងនៅសល់ត្រឹមជាការចងចាំព្រោះនឹងគ្មានផលិតករណាជ្រើសរើសតារាដែលមានរឿងអាស្រូវច្រើនឱ្យសម្ដែងក្នុងរឿងរបស់គេនោះទេ។


ក្រោយរងការចោទប្រកាន់ជាច្រើនលើកច្រើនសារទាក់ទងនឹងរឿងអាស្រូវផ្លូវភេទធ្វើឱ្យកេរ្តិ៍ឈ្មោះរបស់តារារូបនេះធ្លាក់ដល់បាតដូច្នេះមិនមែនជាការងាយស្រួលទេដើម្បីឱ្យគេអាចត្រលប់មកសម្ដែងជាតួអង្គឯកម្ដងទៀត។ ជាពិសេសទៀត បើតាមការឱ្យដឹងពីបណ្ដាញសារព័ត៌មានល្បីមួយ ផលិតករជាច្រើនបានផ្ដល់ចម្លើយបែបបដិសេធថា “បើទោះជាការពិតនោះគ្រាន់តែជាការចោទប្រកាន់ក្ដីប៉ុន្តែមិនមានអ្នកណាសុខចិត្តជ្រើសរើសតារាដែលអ្នកគាំទ្រឈប់គាំទ្រឱ្យមកសម្ដែងក្នុងរឿងរបស់គេនោះទេ” ។ នេះបើតាមការឱ្យដឹងពីផលិតករសុំមិនបញ្ចេញឈ្មោះម្នាក់។


ការបាត់បង់កេរ្តិ៍ឈ្មោះរបស់ Park Yoochun មិនត្រឹមតែដោយសាររឿងអាស្រូវមួយមុខនោះទេ តែដោយសារតែផលិតកម្មដែលលោកច្រៀងឱ្យដូចជា C-JeS Entertainment ក៏មានព័ត៌មានជាប់ពាក់ព័ន្ធនឹងពួកសង្គមងងឹតផងដែរ។


បច្ចុប្បន្នតារាចម្រៀងតារាសម្ដែងកូរ៉េខាងត្បូង Park Yoochun កំពុងត្រូវស៊ើបអង្កេតចំនួន ៤ករណីទាក់ទងនឹងរឿងអាស្រូវផ្លូវភេទ ហើយផលិតកម្មរបស់លោកក៏បាននប្រកាសឱ្យដឹងដែរថា តារារូបនេះចាកចេញពីពិភពសិល្បៈបើសិនជាប៉ូលិសរកឃើញថាគេពិតជាប្រព្រឹត្តិដូចការចោទប្រកាន់មែននោះ ៕


ប្រែសម្រួល៖ សុខា នីកា

ប្រសិន​ជា​អ្នក​ចូល​ចិត្ត​អត្ថបទ​នេះ​សូម​ជួយ​ Like & Shared