អត្ថបទថ្មីបំផុត
ទំព័រដើម > នីតិវិធី​អាជីវកម្ម > តារាសម្ដែងរូបសង្ហាចិន រិះគន់មុខមាត់ស្អាតសង្ហាដូចបុប្ផារបស់តារាកូរ៉េ ធ្វើឱ្យប៉ះពាល់ដល់ការសម្ដែង

តារាសម្ដែងរូបសង្ហាចិន រិះគន់មុខមាត់ស្អាតសង្ហាដូចបុប្ផារបស់តារាកូរ៉េ ធ្វើឱ្យប៉ះពាល់ដល់ការសម្ដែង

តារាសម្ដែងចិនអាមេរិក Daniel Wu បានចាប់ផ្ដើមប្រឡូកក្នុងអាជីពសម្ដែងកាលពីឆ្នាំ១៩៩៨ នៅក្នុងភាពយន្ត “Bishonen <美少年之戀>,
ឬ Beautiful Boys”
ដែលមានន័យជាភាសាខ្មែរថា “កំលោះរូបស្អាត” តែលោកបែរជានិយាយនៅក្នុងដំណើរការផ្សព្វផ្សាយភាពយន្តហូលីវូដថ្មីលោកថាមិនចង់ឱ្យភាពសង្ហារបស់លោកលប់លើការតាំងចិត្តក្នុងការសម្ដែងរបស់លោកនោះទេ។

តារាសម្ដែងវ័យ៤១ឆ្នាំរូបដែលសម្ដែងជាតួអង្គ Gul’Dan នៅក្នុងខ្សែភាពយន្តបែបអភិនិហាររបស់ហូលីវូដរឿង Warcraft ជាភាពយន្តដែលថតយកតាមវីដេអូហ្គេមដ៏ល្បីឈ្មោះនិងមានឈ្មោះដូចគ្នានេះដែរ។

នៅពេលអ្នកសារព័ត៌មានសាកសួរលោកទាក់ទងនឹងប្រធានបទតារាប្រុសកូរ៉េដែលមានរូបសម្បត្តិស្រស់ស្អាតដូចជាផ្កា ឬស្អាតប្រៀបដូចជាមនុស្សស្រី បច្ចុប្បន្នកំពុងតែពេញនិយម តារាសម្ដែងដែលចូលប្រឡូកក្នុងវិស័យសិល្បៈព្រោះតែស្រលាញ់ចូលចិត្តការសម្ដែងរូបនេះបានលើកឡើងថា ៖«មនុស្សជាច្រើនចូលចិត្តធ្វើឱ្យខ្លួនឱ្យដូចជាអ្នកសិល្បៈកូរ៉េ ដូចជាតុបតែងម៉ូដសក់ប្លែកៗ ផាត់មុខក្រាស់ៗ បុរសមិនដូចជាបុរស ខ្ញុំមិនយល់នោះទេ»។

តារារូបនេះ ក៏បានបន្ថែមទៀតដែរថា ៖«តារាកូរ៉េភាគច្រើនតុបតែងខ្លួននិងម៉ូដសក់បែបនោះព្រោះពួកគេជាតារាចម្រៀង មិនមែនជាតារាសម្ដែងទេ បើសិនជាយើងព្យាយាមធ្វើខ្លួនឱ្យដូចពួកគេ នឹងធ្វើឱ្យប៉ះពាល់ដល់ការសម្ដែង បើយើងស្លៀកពាក់ប្លែករាល់ថ្ងៃហើយ ធ្វើម៉េចយើងនឹងចូលតួកើតបើតួរបស់យើងជាមនុស្សសាមញ្ញៗ អ្នកទស្សនានឹងចាប់ផ្ដើមកត់សម្គាល់លើយើង ហើយនោះនឹងធ្វើឱ្យប៉ះពាល់អាជីពសម្ដែងរបស់យើង»។

ការបង្ហាញខ្លួនក្នុងតួអង្គ Gul’Dan របស់ Daniel Wu នៅក្នុងភាពយន្តហូលីវូដ Warcraft ថតតាមហ្គេមនេះ អាចចាត់និយាយបានថា តួអង្គនេះគឺផ្ទុយគ្នាស្រឡះពីបុគ្គលិកលក្ខណៈនៅខាងក្រៅរបស់តារាសម្ដែងរូបសង្ហាម្នាក់នេះ៕

ប្រែសម្រួល៖សុខា នីកា
ប្រភព៖ jaynestars

ប្រសិន​ជា​អ្នក​ចូល​ចិត្ត​អត្ថបទ​នេះ​សូម​ជួយ​ Like & Shared

អត្ថបទពេញនិយម

​មុន​ពេល​ហាមាត់​​រិះគន់​នរណា​ម្នាក់ ​អ្នក​ត្រូវ​គិត​ឲ្យ​ច្បាស់​លើ​៣​ចំណុច​នេះ​សិន​​!

ខឹង​ខុស​ខឹង​ខាត៖ ​​ទោះបី​ជា​ខឹង​ប៉ុណ្ណា​ក៏​ដោយ​ ​សូម​កុំ​ធ្វើ​រឿង​​ទាំង​នេះ​ឲ្យ​សោះ​​

​កុំ​ឲ្យ​មនុស្ស​៤​ប្រភេទ​នេះ​ខ្ចី​លុយ​នេះ​ឲ្យ​សោះ ​​កុំ​ឲ្យ​មាន​វិប្បដិសារី​ថ្ងៃ​ក្រោយ

​គន្លឹះ​សំខាន់ៗ ​ដើម្បី​​ក្លាយ​ជា​សិស្ស​ឆ្នើម​ផ្នែក​អក្សរសាស្ត្រ​អង់គ្លេស

អត្ថបទពាណិជ្ជកម្ម​

គន្លឹះ​ប្រើ​ប្រាស់​បណ្ដាញ​សង្គម Facebook ដើម្បី​ជំរុញ​ការ​លក់​​សម្រាប់​អាជីវកម្ម​ខ្នាត​តូច

​​វគ្គសិក្សា​ពិសេស​ៗ ៣​​​ ​របស់​ BizKhmer សម្រាប់​ម្ចាស់​អាជីវកម្មទៅ​ដល់​ទឹកដី​សៀមរាប​ដើម​ខែ​ធ្នូ​នេះ

តោះ! តោះ! ចូលរួម ១ ឆ្នាំ​មានតែ​ម្តងគត់ សម្រាប់​នារី ដើម្បី​នារី

ស្រាបៀរ ​Heineken ​ចាប់​ឆ្នោត​​រដូវ​កាល​ថ្មី​ ​​ផ្តល់​រង្វាន់​ពិសេស​ដល់​​គូស្វាមី​ភរិយាថ្មី

អានអត្ថបទតាមខែ

November 2017
M T W T F S S
« Oct    
 12345
6789101112
13141516171819
20212223242526
27282930