អត្ថបទថ្មីបំផុត
ទំព័រដើម > សហគ្រិនភាព > តើ​ធ្វើ​បែប​ណា​ទើប​អាច​ក្លាយ​ជា​អ្នក​ចរចា​លើ​កិច្ច​ព្រមព្រៀង​ដ៏​ជោគជ័យ​មួយ​រូប​បាន?

តើ​ធ្វើ​បែប​ណា​ទើប​អាច​ក្លាយ​ជា​អ្នក​ចរចា​លើ​កិច្ច​ព្រមព្រៀង​ដ៏​ជោគជ័យ​មួយ​រូប​បាន?

តើ​ធ្វើ​បែប​ណា​ទើប​អាច​ក្លាយ​ជា​អ្នក​ចរចា​លើ​កិច្ច​ព្រមព្រៀង​ដ៏​ជោគជ័យ​មួយ​រូប​បាន?

ប្រ​ភព៖​​ https://pixabay.com

ក្នុងកិច្ចការមុខជំនួញ ដើម្បីសម្រេចបានសមិទ្ធផលដ៏ល្អអស្ចារ្យបាន ការសហការគ្នាពីដៃគូអ្នកមានសមត្ថភាព និងមានជំនាញពិតប្រាកដដែលអាចជួយបំពេញប្រយោជន៍ឲ្យគ្នាទៅវិញទៅមកបាន គឺជាកត្តាជំរុញមួយដ៏សំខាន់បំផុតដែលមិនអាចខ្វះបាន។ មូលដ្ឋានគ្រឹះដែលអ្នកត្រូវចងចាំជានិច្ចនោះគឺ មនុស្សម្នាក់ៗមានការយល់ឃើញខុសប្លែកពីគ្នាទាំងអស់ ហើយអ្នកត្រូវតែទទួលស្គាល់នូវចំណុចនេះ។ ដូច្នេះ ដើម្បីក្លាយជាអ្នកចរចាកិច្ចព្រមព្រៀងដ៏ជោគជ័យមួយរូបបាន ៣ចំណុចនេះគឺជាអ្វីដែលអ្នកត្រូវមាន៖

១. ត្រៀមខ្លួនទុកជាមុនតាមវិធីដ៏ត្រឹមត្រូវ
ភាពខុសគ្នារវាងអ្នកចរចាធម្មតាម្នាក់ និងអ្នកចរចាដ៏ជំនាញម្នាក់ ស្ថិតនៅត្រង់ថា អ្នកចរចាធម្មតាតែងផ្ដោតការយកចិត្តទុកដាក់ទៅលើទិន្នន័យជាក់ស្ដែង និងតួលេខពាក់ព័ន្ធសំខាន់ៗផ្សេងៗ ចំណែកឯអ្នកចរចាដ៏ជំនាញវិញ ពួកគេផ្ដោតទៅលើ ថាតើតាមវិធីណាដែលពួកគេអាចប្រើប្រាស់ទិន្នន័យជាក់ស្ដែង និងតួលេខទាំងនោះ ដើម្បីចរចាជាមួយដៃគូឲ្យទទួលបាននូវផលប្រយោជន៍ខ្ពស់បំផុតបាន។
២. បង្កើតចម្ងល់ចោទជាសំណួរឲ្យបានច្រើនជាជាងប្រាប់ពួកគេពីគំនិតផ្ទាល់ខ្លួន
ជាជាងការប្រាប់ពួកគេពីការយល់ឃើញរបស់អ្នកទៅលើចំណុចសំខាន់ណាមួយ ការសិក្សាឲ្យកាន់តែសីុជម្រៅបន្ថែមទៅលើដៃគូតាមរយៈការសាកសួរ នឹងធ្វើឲ្យអ្នកបានយល់ពីគោលដៅយុទ្ធសាស្ត្ររបស់ពួកគេ ព្រមទាំងបានដាស់ស្មារតីពួកគេឲ្យគិតគូរកាន់តែម៉ត់ចត់ជាងមុនទៅលើវិធីដោះស្រាយបញ្ហារបស់ខ្លួនផងដែរ ហើយវានឹងបង្កើតឲ្យមានការវិវត្តរីកចម្រើនទៅមុខ ឯភាពរីកចម្រើននោះនឹងនាំអ្នកចូលកាន់តែកៀកទៅនឹងគោលដៅរបស់អ្នកមិនខាន។
៣. មិនត្រូវបង្កឲ្យមានអារម្មណ៍មួម៉ៅចំពោះដៃគូនោះឡើយ
ឃ្លាដែលមិនសាកសមនឹងប្រើក្នុងការចរចាដូចជា “ខ្ញុំនឹងសម្ដែងការស្មោះត្រង់របស់ខ្ញុំថា…… ” ឬក៏ “ឥឡូវនេះ ខ្ញុំកំពុងតែនិយាយយ៉ាងមានហេតុមានផលហើយ”។ ឃ្លាក្នុងទំនងដូចនេះ ប្រៀបដូចជាបានបញ្ជាក់ថា កន្លងមកអ្នកមិនសម្ដែងការស្មោះត្រង់ ឬនិយាយដោយគ្មានហេតុផលដូច្នោះ ដែលនេះនឹងបង្កឲ្យអារម្មណ៍មិនល្អចំពោះដៃគូរបស់អ្នក និងធ្វើឲ្យប៉ះពាល់ដល់ដំណើរការណ៍ចរចារបស់អ្នកទាំងមូល៕

ប្រែសម្រួល៖ ស្រីពៅ
ប្រភព៖ smallbusiness.com

ប្រសិន​ជា​អ្នក​ចូល​ចិត្ត​អត្ថបទ​នេះ​សូម​ជួយ​ Like & Shared

អត្ថបទពេញនិយម

​មុន​ពេល​ហាមាត់​​រិះគន់​នរណា​ម្នាក់ ​អ្នក​ត្រូវ​គិត​ឲ្យ​ច្បាស់​លើ​៣​ចំណុច​នេះ​សិន​​!

ខឹង​ខុស​ខឹង​ខាត៖ ​​ទោះបី​ជា​ខឹង​ប៉ុណ្ណា​ក៏​ដោយ​ ​សូម​កុំ​ធ្វើ​រឿង​​ទាំង​នេះ​ឲ្យ​សោះ​​

​កុំ​ឲ្យ​មនុស្ស​៤​ប្រភេទ​នេះ​ខ្ចី​លុយ​នេះ​ឲ្យ​សោះ ​​កុំ​ឲ្យ​មាន​វិប្បដិសារី​ថ្ងៃ​ក្រោយ

​គន្លឹះ​សំខាន់ៗ ​ដើម្បី​​ក្លាយ​ជា​សិស្ស​ឆ្នើម​ផ្នែក​អក្សរសាស្ត្រ​អង់គ្លេស

អត្ថបទពាណិជ្ជកម្ម​

គន្លឹះ​ប្រើ​ប្រាស់​បណ្ដាញ​សង្គម Facebook ដើម្បី​ជំរុញ​ការ​លក់​​សម្រាប់​អាជីវកម្ម​ខ្នាត​តូច

​​វគ្គសិក្សា​ពិសេស​ៗ ៣​​​ ​របស់​ BizKhmer សម្រាប់​ម្ចាស់​អាជីវកម្មទៅ​ដល់​ទឹកដី​សៀមរាប​ដើម​ខែ​ធ្នូ​នេះ

តោះ! តោះ! ចូលរួម ១ ឆ្នាំ​មានតែ​ម្តងគត់ សម្រាប់​នារី ដើម្បី​នារី

ស្រាបៀរ ​Heineken ​ចាប់​ឆ្នោត​​រដូវ​កាល​ថ្មី​ ​​ផ្តល់​រង្វាន់​ពិសេស​ដល់​​គូស្វាមី​ភរិយាថ្មី

អានអត្ថបទតាមខែ

November 2017
M T W T F S S
« Oct    
 12345
6789101112
13141516171819
20212223242526
27282930