អត្ថបទថ្មីបំផុត
ទំព័រដើម > សហគ្រិនភាព > អត្តចរិត​គោល​សំខាន់​ទាំង​៣​ដែល​សហគ្រិន​មួយ​សហស្សវត្ស​បាន​ប្រកាន់​ខ្ជាប់​រៀង​រហូត​មក

អត្តចរិត​គោល​សំខាន់​ទាំង​៣​ដែល​សហគ្រិន​មួយ​សហស្សវត្ស​បាន​ប្រកាន់​ខ្ជាប់​រៀង​រហូត​មក

អត្តចរិត​គោល​សំខាន់​ទាំង​៣​ដែល​សហគ្រិន​មួយ​សហស្សវត្ស​បាន​ប្រកាន់​ខ្ជាប់​រៀង​រហូត​មក

ប្រ​ភព៖​​ https://www.pexels.com/

បុគ្គលរូបណាក៏អាចផ្ដួចផ្ដើមបង្កើតនូវគំនិតដ៏អស្ចារ្យប្រកបដោយភាពច្នៃប្រឌិត និងមានភាពខុសប្លែកលេចធ្លោពីអ្នកដទៃក្នុងការចាប់ផ្ដើមប្រឡូកនៅក្នុងជំនួញដែលពោរពេញទៅដោយការប្រកួតប្រជែងស្ទើរតែគ្រប់ផ្នែកបែបនេះបានដែរ។ គំនិតអស្ចារ្យតែងបំផុសឡើងមកជានិច្ច តែសំណួរសួរថា តើមានមនុស្សប៉ុន្មាននាក់ដែលអាចមានភាពក្លាហាន និងគុណសម្បត្តិគ្រប់គ្រាន់ចាំបាច់សម្រាប់ក្លាយជាសហគ្រិនដ៏ជោគជ័យមួយរូប ដោយប្រើប្រាស់នូវគំនិតផ្ដួចផ្ដើមដែលខ្លួនមានយកទៅអនុវត្តក្នុងស្ថានការណ៍ជាក់ស្ដែងដែលពោរពេញទៅដោយការប្រថុយប្រថាន មើលមិនឃើញកោះត្រើយ មើលមិនឃើញជោគជ័យថានឹងអាចទទួលបាននៅពេលណា និងថែមទាំងមិនដឹងទៅទៀតថាថ្ងៃស្អែកភ្ញាក់មកជំនួញរបស់ខ្លួនអាចប្រឈមមុខនឹងការក្ស័យធនផងក៏មិនដឹង។ ខាងក្រោមនេះ គឺជាអត្តចរិតគោលសំខាន់ទាំង៣ដែលសង្កេតឃើញមាននៅក្នុងសហគ្រិនមួយសហស្សវត្សតែងប្រកាន់ខ្ជាប់រហូតមក៖

១) អ្នកប្រមាញ់តាមឱកាស៖ អ្វីដែលសហគ្រិនជោគជ័យក្នុងអាជីពមុខជំនួញរបស់ខ្លួនតែងមាន គឺជាអត្តចរិតជាអ្នកសម្លឹងរកមើលឱកាស ប្រមាញ់តាមឱកាស និងទាញយកប្រយោជន៍ពីឱកាសដែលខ្លួនសម្លឹងឃើញនោះ មកបង្កើតនូវអ្វីដែលមានប្រយោជន៍សម្រាប់មនុស្សនៅក្នុងសង្គម ឬក្នុងពិភពលោកទាំងមូល តាមរយៈគំនិតច្នៃប្រឌិតរបស់ខ្លួន។ ចិត្តពុះពោរ និងថាមពលដែលជាកម្លាំងនាំពួកគេឲ្យឆ្ពោះទៅរកការបង្កើតថ្មីបែបនេះ មិនមែនដោយសារតែការខ្វាយខ្វល់ពីដៃគូប្រកួតប្រជែងរបស់ខ្លួន ឬតំណែងដែលខ្លួនកំពុងកាន់កាប់នោះឡើយ តែជាទស្សនវិស័យដែលពួកគេសម្លឹងឃើញពីការកែប្រែដ៏ល្អប្រសើរសម្រាប់ជីវិតរស់នៅរបស់មនុស្ស។

២) សមត្ថភាពក្នុងការដោះស្រាយបញ្ហា៖ អត្តចរិតមួយទៀតដែលមាននៅក្នុងខ្លួនរបស់បុគ្គលជាសហគ្រិនជោគជ័យគ្រប់រូប គឺជាសមត្ថភាពក្នុងការដោះស្រាយ ទប់ទល់នឹងបញ្ហា។ ពួកគេមិនរាថយ ឬចុះញ៉មនឹងឧបសគ្គដែលមករារាំងដំណើរឆ្ពោះទៅសម្រេចបាននូវទស្សនវិស័យដែលខ្លួន និងអ្នករួមក្រុមមើលឃើញរួមគ្នានោះឡើយ ពួកគេដឹងថាពេលណាត្រូវរកជំនួយពីបុគ្គលអ្នកមានសមត្ថភាពដទៃទៀតដែលអាចជួយពួកគេបាន។ ដោយសារ មានការបង្កើតជាក្លឹបសម្រាប់សហគ្រិននៅតាមសាលាដែលពួកគេបានបញ្ចប់មកនោះ វាបានផ្ដល់ឱកាសឲ្យពួកគេបានពង្រីកនូវសក្ដានុពលរបស់ខ្លួនសម្រាប់ឆ្លាក់នូវគំនិតផ្ដួចផ្ដើមរបស់ខ្លួនឲ្យចេញជារូបរាងពិតប្រាកដ។

៣) មានធម្មជាតិជាអេប៉ុងស្រូបយកចំណេះដឹង៖ ពិភពលោកសម្រាប់សហគ្រិនមានសភាពធំធេងល្វឹងល្វើយសម្បើមណាស់ បើអ្នកមិនដាក់ចិត្តរបស់ខ្លួនប្រៀបដូចជាអេប៉ុងដែលចាំបឺតស្រូបយកចំណេះដឹងពីអ្វីៗដែលនៅជុំវិញខ្លួនទេនោះ វាប្រសើរជាជាងបើអ្នកជ្រើសរើសដើរផ្លូវផ្សេងពីការប៉ងក្លាយជាសហគ្រិនជោគជ័យមួយរូប។ នៅពេលអ្នករៀនសូត្របានកាន់តែច្រើន មិនថាជាការសាកសួរនាំពីអ្នកមានបទពិសោធន៍ដទៃ ការរៀនសូត្រពីការបរាជ័យរបស់ពួកគេកន្លងមក ជាពិសេសការបរាជ័យរបស់ខ្លួននោះទេ ចំណេះដឹងទាំងនោះ បើកាលណាអ្នកបានយកវាមកប្រើសម្រាប់កែសម្រួលស្ថានភាពរបស់អ្នកបច្ចុប្បន្ន នោះអនាគតរបស់ជំនួញអ្នកនឹងរំពឹងទុកនូវភាពជោគជ័យដ៏ត្រចះត្រចង់ជាក់ជាមិនខានឡើយ៕

ប្រែសម្រួល៖ ស្រីពៅ
ប្រភព៖ influencive

ប្រសិន​ជា​អ្នក​ចូល​ចិត្ត​អត្ថបទ​នេះ​សូម​ជួយ​ Like & Shared

អត្ថបទពេញនិយម

ទម្លាប់​រៀន​សូត្រទាំង​៥​ដែល​អ្នក​គួរ​តែ​អនុវត្ត​ជា​ប្រចាំ​ថ្ងៃ​ ដើម្បីក្លាយជាសិស្សពូកែ

បើគិតចង់រកស៊ី ដាច់ខាតកុំរកស៊ីជាមួយមនុស្ស៥ជំពូកនេះ ប្រយ័ត្នរលាយដោយមិនដឹងខ្លួន

​កុំ​និយាយ​​​​​ឃ្លា​ទាំង​៦​​​នេះ​ឲ្យ​​សោះ​ ​នៅ​​​កន្លែង​ការងារ​ ជៀសវាង​នាំ​ទុក្ខ​ដាក់​ខ្លួន​ឥតអំពើ​​

អ្នក​ចិត្តសាស្ត្រ​រក​ឃើញ​ធាតុ​ផ្សំ​សំខាន់ ៣​​យ៉ាង​ ដែល​កំណត់​​ភាព​រីក​រាយ​របស់​​មនុស្ស

អត្ថបទពាណិជ្ជកម្ម​

​ជួប​បុគ្គល​ជោគជ័យ​ដើម្បី​ប្រែ​ក្លាយ​​អាជីវកម្ម​​ខ្នាតតូច​​&​មធ្យម​ឱ្យ​​​មាន​​​បទដ្ឋាន​ត្រឹមត្រូវ​នៅ​ថ្ងៃ​ទី២៦ ខាង​មុខនេះ ​

ស្រាបៀរអាន់ឆ័រចាប់ឆ្នោតផ្តាច់ព្រ័ត្ររដូវកាលថ្មីជូនគូស្វាមីភរិយាថ្មី ក្នុងកម្មវិធីអាពាហ៍ពិពាហ៍ស្រាបៀរអាន់ឆ័រឆ្នាំ ២០១៧

ឱកាស​ពិសេស​ជួប​ជាមួយ​បុគ្គល​ជោគជ័យ​ក្នុង​អាជីវ​កម្មនា​ថ្ងៃទី​២៥ តុលា​នេះ

បៀរ​អាន់​ឆ័​រ​នឹង​ចាប់ឆ្នោត​ផ្តាច់ព្រ័ត្រ​រដូវ​កាល​ថ្មី​ចុង​សប្តាហ៍​នេះ​ ​ជាមួយ​ក្រុម​តារាចម្រៀង​កូរ៉េ Six Bomb

អានអត្ថបទតាមខែ

October 2017
M T W T F S S
« Sep    
 1
2345678
9101112131415
16171819202122
23242526272829
3031