អត្ថបទថ្មីបំផុត
ទំព័រដើម > សហគ្រិនភាព > តើ​ក្រុមហ៊ុន​តម្លៃ​ជាង ​១​ពាន់​លាន​ដុល្លារ​​​ផ្ដល់​សេវាកម្ម​វេទិកា​គ្រប់គ្រង​បណ្ដាញ​សង្គម Hootsuite ​ប្រសូត​ឡើង​​យ៉ាង​ដូចម្ដេច ?

តើ​ក្រុមហ៊ុន​តម្លៃ​ជាង ​១​ពាន់​លាន​ដុល្លារ​​​ផ្ដល់​សេវាកម្ម​វេទិកា​គ្រប់គ្រង​បណ្ដាញ​សង្គម Hootsuite ​ប្រសូត​ឡើង​​យ៉ាង​ដូចម្ដេច ?

ប្រ​ភព៖​​ BetaKit

Hootsuite គឺជា​វេទិកា​គ្រប់គ្រង​បណ្ដាញ​សង្គម​ដ៏​មាន​ប្រជាប្រិយភាព​និង​ជោគជ័យ​ខ្លាំងក្លា​មួយ ដែល​ក្នុង​រយៈពេល​ត្រឹមតែ​៩​ឆ្នាំ អាច​ទាក់ទាញ​អ្នក​ប្រើប្រាស់​ជាង​ ១៦​លាន​នាក់​នៅ​ជុំវិញ​ពិភពលោក។ គំនិត​អាជីវកម្ម​ដ៏​ច្នៃប្រឌិត​របស់ Hootsuite បាន​ធ្វើឲ្យ​ក្រុមហ៊ុន​ផ្ដល់​សេវាកម្ម​បណ្ដាញ​សង្គម​ដែល​មាន​ទីស្នាក់ការ​នៅ​ប្រទេស​កាណាដា​មួយ​នេះ មាន​តម្លៃ​ជាង​១​ពាន់​លាន​ដុល្លារ​ឯណោះ។

រឿងរ៉ាវ​របស់​ក្រុមហ៊ុន Hootsuite កើត​ចេញ​មក​ពី​និស្សិត​ដែល​បោះបង់​ការ​សិក្សា​ពី​សាកលវិទ្យាល័យ Victoria ដើម្បី​ដើរ​តាម​ជំនក់​ចិត្ត​របស់​ខ្លួន​ក្នុង​ការ​ក្លាយ​ជា​សហគ្រិន ហើយ​ក៏​បាន​បើក​អាជីវកម្ម​ហាង​លក់​ភីហ្សា​មួយ​កន្លែង ក្នុង​ឆ្នាំ​១៩៩៨។ លោក Ryan Holmes ដែល​ជា​ស្ថាបនិក​របស់​ហាង​លក់​ភីហ្សា​នេះ ចាប់ផ្ដើម​ដំណើរ​ជីវិត​ជា​សហគ្រិន​របស់​ខ្លួន​ជាមួយ​នឹង​បទពិសោធន៍​មេរៀន​ដ៏​មាន​តម្លៃ​ជាច្រើន​នៅ​ក្នុង​អាជីវកម្ម​ដំបូង​របស់​ខ្លួន​នេះ។ លោក​ត្រូវ​រ៉ាប់រង​ការងារ​គ្រប់​សព្វ​ជំពូក​ទាំងអស់​ដោយ​ខ្លួនឯង តាំង​ពី​កុម្ម៉ង់​គ្រឿងផ្សំ ធ្វើ​ភីហ្សា គិត​លុយ ជូត​សម្អាត ផ្នែក​ទីផ្សារ និង​ការងារ​ជាច្រើន​ផ្សេង​ទៀត​ក្នុង​ពេល​តែ​មួយ។​

ប៉ុន្តែ​ក្នុង​ឆ្នាំ​១៩៩៩ គាត់​បាន​មើល​ឃើញ​ឱកាស​ដែល​បង្កប់​នៅ​ក្នុង​អំឡុង​ពេល​នោះ​ដែល​ជា​ពេល​នៃ​ការ​រីកចម្រើន​ទៅ​មុខ​ជា​ខ្លាំង​នូវ​វិស័យ​បច្ចេកវិទ្យា ហើយ​នៅ​ពេល​នោះ​គាត់​ក៏​បាន​សម្រេច​ចិត្ត​លក់​ហាង​ភីហ្សា​នេះ​ចោល និង​ចាប់ផ្ដើម​រៀន​សរសេរ​កូដ​ដោយ​ខ្លួនឯង។ ក្នុង​ឆ្នាំ​២០០០ គាត់​ក៏​បាន​បង្កើត​ក្រុមហ៊ុន​មួយ​ដែល​ផ្ដល់​សេវាកម្ម​បង្កើត​គេហទំព័រ​និង​សេវាកម្ម​ឌីជីថល ដែល​មាន​ឈ្មោះ​ថា Invoke។​

ក្រោយ​មក​គាត់​ក៏​បាន​មើល​ឃើញ​ពី​តម្រូវការ​ថ្មី​របស់​អតិថិជន​ដែល​ចង់​បង្កើត​វេទិកា​នៅ​លើ​បណ្ដាញ​សង្គម​របស់​ពួកគេ​ដូចជា​នៅ​លើ Facebook និង Twitter។ សេវាកម្ម​ថ្មី​ដែល​គាត់​បាន​បន្ថែម​ដើម្បី​ឆ្លើយតប​នឹង​តម្រូវការ​របស់​អតិថិជន​នេះ ទទួល​បាន​ការ​គាំទ្រ​ជា​ខ្លាំង ដែល​វា​បាន​ជំរុញ​ឲ្យ​គាត់​បំបែក​ក្រុមហ៊ុន​ថ្មី​មួយ​ទៀត សម្រាប់​ផ្ដល់​សេវាកម្ម​វេទិកា​គ្រប់គ្រង​បណ្ដាញ​សង្គម​នេះ ដែល​ជា​ការ​ចាប់​កំណើត​ឡើង​របស់​ក្រុមហ៊ុន Hootsuite ក្នុង​ឆ្នាំ​២០០៨​នេះ​ឯង។

ឥឡូវ​នេះ Hootsuite ត្រូវ​ប្រឈម​នឹង​ឧបសគ្គ​លំបាក​មួយ​ចំនួន​នៅ​ពេល​ត្រូវ​គ្រប់គ្រង​បុគ្គលិក​រហូត​ដល់​ទៅ​ជាង​១​ពាន់​នាក់។ យ៉ាងណាមិញ ស្ថាបនិក Ryan Holmes បាន​និយាយ​ថា៖ \”អ្នក​ត្រូវតែ​រក​វិធីសាស្ត្រ​ធ្វើ​បែប​ណា​ដើម្បី​ធ្វើ​ការ​ប្រាស្រ័យ​ទាក់ទង​ជាមួយ​គ្រប់​គ្នា​ទាំងអស់​ឲ្យ​មាន​ប្រសិទ្ធភាព និង​ធ្វើ​ឲ្យ​ប្រាកដ​នូវ​ភាព​ស៊ីចង្វាក់​គ្នា​ដើម្បី​ឲ្យ​គ្រប់​គ្នា​ឆ្ពោះ​ទៅ​មុខ​តាម​ទិសដៅ​តែ​មួយ​ស្រុះ​គ្នា​បាន។ វា​គឺជា​ការ​រៀន​សូត្រ​ដ៏​ចម្បង​មួយ​ដែល​ខ្ញុំ​តែងតែ​យកចិត្តទុកដាក់​គិតគូរ​រហូត​មក​

ដើម្បី​សម្រេច​បែប​នេះ​បាន នៅ​រាល់​ការ​សន្ទនា​ទំនាក់ទំនង​ជាមួយ​បុគ្គលិក​ដែល​ជា​សមាជិក​រួម​ការងារ​ទាំងអស់ គាត់​តែងតែ​ចាប់ផ្ដើម​ជាមួយ​នឹង​សំណួរ​ថា ​”ហេតុអ្វី​”។ ហេតុអ្វី​នេះ នឹង​ដាស់តឿន​គ្រប់​គ្នា​ដើម្បី​ចងចាំ​ជានិច្ច​នូវ​គោលដៅ​ថា​អ្វី​ដែល​ពួកគេ​កំពុង​តែ​ធ្វើ​និង​ខិតខំ​ដើម្បី​សម្រេច​ឲ្យ​បាន​នេះ គឺ​ដើម្បី​ឆ្ពោះ​ទៅ​រក​អ្វី​នៅ​ខាង​មុខ។ នៅ​ពេល​ដឹង​ពី​គោលដៅ​ដែល​ខ្លួន​ចង់​សម្រេច​ឲ្យ​បាន​ច្បាស់លាស់ នោះ​ម្នាក់ៗ​នឹង​ធ្វើអ្វី​មួយ​ដោយ​មាន​គោលដៅ​រំពឹង​ថា​ចង់​បាន​អ្វី ដែល​គោលដៅ​នេះ​នឹង​ជំរុញ​ពួកគេ​ឲ្យ​ខិតខំ​ប្រឹងប្រែង​ស្រុះ​គ្នា​ទៅ​មុខ​ជានិច្ច។ ម្យ៉ាងទៀត​គាត់​ក៏​បាន​ផ្ដល់​សារសំខាន់​និង​ប្រសិទ្ធភាព​ចំពោះ​ការ​ប្រាស្រ័យ​ទាក់ទង​មុខ​នឹង​មុខ​ផង​ដែរ និង​កាត់បន្ថយ​ការ​ផ្ញើ​សារ​តាម​អ៊ីមែល និង​បណ្ដាញ​សង្គម​ផ្សេង​ៗ៕​

ដោយ​៖ ស្រីពៅ​

ប្រសិន​ជា​អ្នក​ចូល​ចិត្ត​អត្ថបទ​នេះ​សូម​ជួយ​ Like & Shared

អត្ថបទពេញនិយម

​កម្រង​គំនិត​សំខាន់ៗ​របស់​ ឡៅ សឺ (​Lao Tzu)​​​ទស្សនវិទូ​របស់​ចិន​

មេរៀន​សំខាន់ៗ​ដែល​​អ្នក​អាច​រៀន​សូត្រ​ពី​​​​សម្រង់​សម្ដី​ទាំង​៨​​របស់​លោក ​Jack Ma មហាសេដ្ឋី​ចិន​​ ​

គន្លឹះ​សម្ងាត់​ទាំង ៦​ ដែល​ជួយ​អភិវឌ្ឍ​ចិត្ត​គំនិត​របស់​អ្នក​ឲ្យ​ដូច​មហា​សេដ្ឋី

គន្លឹះ​ដ៏​មុត​ស្រួច​ទាំង​៣​ក្នុង​ការ​កែ​ប្រែ​និង​អភិវឌ្ឍ​អ្នក​ឲ្យ​ក្លាយ​ទៅ​ជា​មនុស្ស​ថ្មី​មួយ​ទៀត

អត្ថបទពាណិជ្ជកម្ម​

លោក ព្រាប សុវត្ថិ ដឹកដៃកូនប្រុសទំាង២នាក់ធ្វើកក្រើកឆាកតន្រ្តី Tiger Street Football Festival 2019នាវគ្គផ្តាច់ព្រ័ត្រទូទាំងប្រទេស

ក្រុមស្នងការដ្ឋាននគរបាលខេត្តព្រះសីហនុ “A” ឈ្នះជើងឯកនៃ Tiger Street Football Festival 2019 លើកទី៧ ទូទាំងប្រទេសជាលើកដំបូង

អេ អឹម ខេ ត្រូវបានទទួលស្គាល់ជាគ្រឹះស្ថានមីក្រូហិរញ្ញវត្ថុ ដែលជួយឱ្យជីវភាពប្រជាពលរដ្ឋក្រីក្រមានភាពប្រសើរឡើង

ពិព័រណ៍ ឌីជីថលកម្ពុជាឆ្នាំ ២០១៩ បង្ហាញពីទិដ្ឋភាពផ្នែកឌីជីថលនៅអាស៊ីអាគ្នេយ៍ នាថ្ងៃអនាគត

អានអត្ថបទតាមខែ

March 2019
M T W T F S S
« Feb    
 123
45678910
11121314151617
18192021222324
25262728293031