អត្ថបទថ្មីបំផុត
ទំព័រដើម > សហគ្រិនភាព > គន្លឹះ ៣យ៉ាងដើម្បីឆ្លើយតបថា «ទេ» ចំពោះអតិថិជន​

គន្លឹះ ៣យ៉ាងដើម្បីឆ្លើយតបថា «ទេ» ចំពោះអតិថិជន​

ប្រ​ភព៖​​ pixabay.com

ដោយ​មាន​ភាព​ភ័យខ្លាច​បាត់បង់​អតិថិជន សម្រាប់​សហគ្រិន​មួយ​ចំនួន ការ​ឆ្លើយតប​ថា​ទេ​ទៅ​កាន់​អតិថិជន​របស់​ខ្លួន អាច​ជា​បញ្ហា​លំបាក​មួយ​សម្រាប់​ពួកគេ។ ប៉ុន្តែ បើ​អ្នក​ពិត​ជា​មិន​អាច​ធ្វើ​តាម​សំណើ​របស់​អតិថិជន​ហើយ​ត្រូវ​បង្ខំ​ធ្វើ​តាម​នោះ​ទៀត នោះ​លទ្ធផល​របស់​អ្នក​អាច​នឹង​ធ្វើឲ្យ​ពួកគេ​ខក​ចិត្ត​នៅ​ពេល​វា​មិន​សម​តាម​ការ​រំពឹង​ទុក​បាន។ ហេតុនេះ​បើ​អ្នក​ពិត​ជា​មិន​អាច​ធ្វើ​បាន​មែន ត្រូវ​ឆ្លើយតប​ថា​ទេ​ទៅ​កាន់​ពួកគេ​មែន អ្នក​គួរតែ​ធ្វើ​បែប​នោះ។ ខាងក្រោម​នេះ​គឺជា​គន្លឹះ​៣យ៉ាង​ដែល​អ្នក​អាច​ប្រើប្រាស់​សម្រាប់​ឆ្លើយតប​ថា​ទេ​ចំពោះ​អតិថិជន​អ្នក៖

១) ផ្ដល់​ជូន​ជម្រើស​ដទៃ​ជំនួស៖ នៅ​ពេល​អតិថិជន​ប្រចាំ​របស់​អ្នក​បាន​ស្នើ​សុំ​សំណើ​អ្វីមួយ​ដែល​អ្នក​មិន​អាច​ផ្ដល់​ជូន​ឲ្យ​ពួកគេ​បាន អ្នក​អាច​នឹង​មាន​ការ​រង្កៀស​ចិត្ត​នៅ​ក្នុង​ការ​ឆ្លើយតប​បដិសេធ​តប​ទៅ​ពួកគេ​វិញ។ ប៉ុន្តែ​បើ​អ្នក​ចេះ​ឆ្លើយតប​ទៅ​កាន់​ពួកគេ​វិញ​ពី​ស្ថានភាព​របស់​អ្នក ដែល​អ្នក​មិន​អាច​ផ្ដល់​ជូន​សំណើ​បែប​នោះ​បាន​ដោយ​ហេតុ​ផល​ណា ព្យាយាម​ពន្យល់​ពួកគេ​ឲ្យ​យល់​ពី​ស្ថានការណ៍​នោះ ហើយ​ស្វែងរក​ជម្រើស​ដទៃ​ជំនួស​វិញ។ ធ្វើ​បែប​នេះ អតិថិជន​របស់​អ្នក​នឹង​អាច​យល់​ពី​ស្ថានការណ៍​អ្នក​បាន ហើយ​ក៏​អាច​យល់​បាន​ថា​អ្នក​បាន​ព្យាយាម​អស់​ពី​លទ្ធភាព​ដើម្បី​បម្រើ​ពួកគេ​ហើយ។

២) ត្រូវតែ​ប្រាកដ​ថា​អ្នក​ពិត​ជា​ចង់​ឆ្លើយ​ថា​ទេ​មែន​ឬ​អត់៖ សម្ពន្ធភាព​រវាង​ក្រុមហ៊ុន​និង​អតិថិជន​ម្នាក់ៗ​ត្រូវការ​រយៈពេល​យូរ​ទើប​អាច​ទាញ​យក​ការ​ទុក​ចិត្ត​របស់​ពួកគេ​ចំពោះ​អ្នក​បាន។ មូលហេតុ​នេះ​ហើយ​ទើប​បាន​ជា​ការ​ឆ្លើយតប​ថា​ទេ​ចំពោះ​ពួកគេ អាច​នាំ​មក​នូវ​លទ្ធផល​វិជ្ជមាន​ខ្លះ​និង​អវិជ្ជមាន​ខ្លះ​បាន។ ដូច្នេះ​ហើយ​មុន​នឹង​អ្នក​ចង់​ឆ្លើយតប​ថា​ទេ​ទៅ​កាន់​សំណើ​របស់​អតិថិជន​អ្នក អ្នក​ត្រូវតែ​ប្រាកដ​ឲ្យ​ច្បាស់​ក្នុង​ចិត្ត​ជា​មុន​សិន​ថា​អ្នក​ពិត​ជា​ត្រូវ​ឆ្លើយ​បែប​នោះ​មែន​ឬ​អត់។

៣) ដាក់​ចិត្ត​ស្ដាប់​អតិថិជន​របស់​អ្នក​ជា​មុន៖ ការ​ដាក់​ចិត្ត​ស្ដាប់​អតិថិជន​របស់​អ្នក​ជា​មុន​បង្ហាញ​ពី​ការ​គោរព​និង​ការ​យកចិត្តទុកដាក់​របស់​អ្នក​ចំពោះ​ពួកគេ តែ​ការ​ស្ដាប់​នេះ​ក៏​ត្រូវ​ប្រកប​ដោយ​ភាព​ស្មោះត្រង់​ចេញ​ពី​ចិត្ត​ដែរ។ នៅ​ពេល​អ្នក​ស្ដាប់​ពី​បញ្ហា​របស់​ពួកគេ​បាន​ច្បាស់លាស់​ហើយ អ្នក​ត្រូវ​បង្ហាញ​ទៅ​កាន់​អតិថិជន​វិញ​ថា​អ្នក​បាន​យល់​ពី​បញ្ហា​របស់​ពួកគេ ដោយ​និយាយ​សង្ខេប​ឡើង​វិញ​ពី​អ្វី​ដែល​ពួកគេ​បាន​និយាយ ហើយ​អ្នក​ត្រូវ​ព្យាយាម​ស្វែងរក​វិធី​ចរចា​បែប​ណា​ដែល​នាំ​មក​នូវ​លទ្ធផល​វិជ្ជមាន​ចំពោះ​ភាគី​ទាំងសងខាង ដើម្បី​ឲ្យ​ពួកគេ​អាច​យល់​បាន​ថា​ហេតុអ្វី​អ្នក​មិន​អាច​ធ្វើ​តាម​សំណើ​របស់​ពួកគេ​បាន៕

ដោយ៖ ស្រីពៅ

សូមអាន៖ ៣ជំហាន ដែលអ្នកដឹកនាំអាចអនុវត្តដើម្បីបង្កើនការលក់របស់សមាជិកក្រុម

ប្រសិន​ជា​អ្នក​ចូល​ចិត្ត​អត្ថបទ​នេះ​សូម​ជួយ​ Like & Shared

អត្ថបទពេញនិយម

​កម្រង​គំនិត​សំខាន់ៗ​របស់​ ឡៅ សឺ (​Lao Tzu)​​​ទស្សនវិទូ​របស់​ចិន​

មេរៀន​សំខាន់ៗ​ដែល​​អ្នក​អាច​រៀន​សូត្រ​ពី​​​​សម្រង់​សម្ដី​ទាំង​៨​​របស់​លោក ​Jack Ma មហាសេដ្ឋី​ចិន​​ ​

គន្លឹះ​សម្ងាត់​ទាំង ៦​ ដែល​ជួយ​អភិវឌ្ឍ​ចិត្ត​គំនិត​របស់​អ្នក​ឲ្យ​ដូច​មហា​សេដ្ឋី

គន្លឹះ​ដ៏​មុត​ស្រួច​ទាំង​៣​ក្នុង​ការ​កែ​ប្រែ​និង​អភិវឌ្ឍ​អ្នក​ឲ្យ​ក្លាយ​ទៅ​ជា​មនុស្ស​ថ្មី​មួយ​ទៀត

អត្ថបទពាណិជ្ជកម្ម​

លោក ព្រាប សុវត្ថិ ដឹកដៃកូនប្រុសទំាង២នាក់ធ្វើកក្រើកឆាកតន្រ្តី Tiger Street Football Festival 2019នាវគ្គផ្តាច់ព្រ័ត្រទូទាំងប្រទេស

ក្រុមស្នងការដ្ឋាននគរបាលខេត្តព្រះសីហនុ “A” ឈ្នះជើងឯកនៃ Tiger Street Football Festival 2019 លើកទី៧ ទូទាំងប្រទេសជាលើកដំបូង

អេ អឹម ខេ ត្រូវបានទទួលស្គាល់ជាគ្រឹះស្ថានមីក្រូហិរញ្ញវត្ថុ ដែលជួយឱ្យជីវភាពប្រជាពលរដ្ឋក្រីក្រមានភាពប្រសើរឡើង

ពិព័រណ៍ ឌីជីថលកម្ពុជាឆ្នាំ ២០១៩ បង្ហាញពីទិដ្ឋភាពផ្នែកឌីជីថលនៅអាស៊ីអាគ្នេយ៍ នាថ្ងៃអនាគត

អានអត្ថបទតាមខែ

March 2019
M T W T F S S
« Feb    
 123
45678910
11121314151617
18192021222324
25262728293031