អត្ថបទថ្មីបំផុត
ទំព័រដើម > សហគ្រិនភាព > ជួប​ជា​មួយ​​សេដ្ឋីនី​​ជើង​ខ្លាំង​អាមេរិក Paula Long ៖«អ្នក​ត្រូវ​ធ្វើ​អ្វី​ឲ្យ​បាន​ទោះបី​ជា​អ្នកដទៃ​និយាយ​ថា​ អ្នក​មិន​អាច​​ទៅ​រួច​ក៏ដោយ!

ជួប​ជា​មួយ​​សេដ្ឋីនី​​ជើង​ខ្លាំង​អាមេរិក Paula Long ៖«អ្នក​ត្រូវ​ធ្វើ​អ្វី​ឲ្យ​បាន​ទោះបី​ជា​អ្នកដទៃ​និយាយ​ថា​ អ្នក​មិន​អាច​​ទៅ​រួច​ក៏ដោយ!

​ក្រុមហ៊ុន​ល្បីៗ​ជា​ច្រើន​នៅ​អាមេរិក​ដូច​ជា Google, Yahoo, Facebook, Apple ។ល។ បាន​បញ្ចេញ​​ទិន្នន័យ​​​ជា​ផ្លូវការ​កាល​ពី​ពេល​ថ្មីៗ​កន្លង​ទៅ​នេះ​ថា មាន​នារី​​ត្រឹមតែ​៣០% ​នៃ​បុគ្គលិក​សរុប​​បាន​បម្រើ​ការងារ​នៅ​ក្នុង​ក្រុមហ៊ុន​របស់​ខ្លួន។ វិសមភាព​រវាង​បុរស​ និង ស្ត្រី (Gender Inequality) គឺ​ជា​បញ្ហា​ដ៏​ធំ​មួយ​ដែល​បាន​ក្លាយ​ជា​កិច្ចពិភាក្សា​យ៉ាង​​ក្តៅ​គគុក​ពី​ស្ថាប័ន​អន្តរជាតិ​​អស់​រយៈ​​ពេល​ជា​យូរ​ណាស់​មក​ហើយ ជា​ពិសេស​នៅ​ក្នុង​វិស័យ​បច្ចេកវិទ្យា។

ទោះបីជា​យ៉ាងណាក៏ដោយ បញ្ហា​នេះ​បាន​លុប​បំបាត់​បន្តិច​ម្តងៗ ហើយ​ស្ត្រី​ជា​ច្រើន​នៅ​តែ​ជឿជាក់​ថា​ ខ្លួន​អាច​ធ្វើ​កិច្ចការ​ផ្សេងៗ​​បាន​ដូច​បុរស​ដែរ។​​ក្នុង​ចំណោម​ស្ត្រី​ទាំង​នោះ​ គឺ​មាន​លោក​ស្រី Paula Long ​​ជា​សេដ្ឋីនី​ដ៏​មាន​ឥទ្ធិពល​មួយ​រូប​របស់​អាមេរិក​នឹង​ចូល​មក​ចែក​រំលែក​ចំណេះដឹង​​ក៏​ដូច​ជា​ការ​​​ផ្តល់​ដំបូន្មាន​យ៉ាង​មាន​តម្លៃ​​មួយ​ចំនួន​​​​មក​បង្ហាញ​ប្រិយមិត្ត​ស្វែង​យល់​ជា​ទូទៅ​ពី​ភាព​ជា​សហគ្រិន​ជោគជ័យ។

អ្នក​ស្រី​គឺ​ជា​​អតីត​ស្ថាបនិក​​ក្រុមហ៊ុន​បច្ចេកវិទ្យា​ EqualLogic ​​ដែល​បាន​លក់​ទៅ​ឲ្យ​ក្រុមហ៊ុន Dell ក្នុង​ទឹកប្រាក់ ១,៤ ពាន់​លាន​ដុល្លារ​កាល​ពី​ឆ្នាំ​២០០៨ ប៉ុន្តែ​អ្នក​ស្រី​បាន​កាន់​តួនាទី​ជា​អនុប្រធាន​ផ្នែក​ Software រហូត​ដល់​ឆ្នាំ២០១០ ទើប​អ្នក​ស្រី​លាលែង​ពី​តំណែង។ នៅ​ឆ្នាំ​២០១២​ អ្នក​ស្រី​ក៏​បាន​ក្រុមហ៊ុន​ផលិតផល​ Security Software មួយ​ទៀត​ជា​មួយ​នឹង​ដៃគូ​ម្នាក់​ទៀត​ ហើយ​នៅ​ខែ​កក្កដា​ ឆ្នាំ​២០១៧ ក្រុមហ៊ុន​នេះ​​បាន​បាត់​មុខ​ទៅ​វិញ​ក្រោម​រូបភាព​ចម្រូង​ចម្រាស់​គឺ​ លក់ទៅ​ឱ្យ​ក្រុមហ៊ុន​ផ្សេង ខណៈ​ខ្លះ​ទៀត​ថា​ឈប់​ប្រតិបត្តិការ​ដោយ​ខ្លួនឯង​ និង​ខ្លះ​ទៀត​ថា​មាន​ក្រុមហ៊ុន​ផ្សេ​ង​ទិញ​​យក​តែ​ក្រុមហ៊ុន​សកម្ម​តែ​ប៉ុណ្ណោះ។

​​ទោះបី​ជា​មាន​រឿង​បែប​ហ្នឹង​កើត​ឡើង​ក៏មែន​ពិត តែ​ក្នុង​អំឡុង​ពេល​ដឹកនាំ​ក្រុមហ៊ុន​របស់​លោក​​ស្រី​ក៏​ដូច​ជា​នៅ​ពេល​​បច្ចុប្បន្ន​នេះ គេ​បាន​ចាត់ទុក​​លោក​ស្រី​ថា ជា​សហគ្រិន​ដ៏​ជោគជ័យ​មួយ​រូប​នៅ​ក្នុង​វិស័យ​បច្ចេកវិទ្យា។ តើ​លោក​ស្រី​មាន​ទស្សន​បែប​ណា​​ចំពោះ​សិល្បៈ​ធ្វើ​អាជីវកម្ម?​ លោក​​ស្រី​បាន​​លើកឡើង​ពី​តួនាទី​ស្ត្រី​នៅ​ក្នុង​វិស័យ​បច្ចេកវិទ្យា​ដូចនេះ​​ថា៖​«នៅ​ពេល​ដែល​យើង​មាន​​បុគ្គលិក​ជា​ស្ត្រី​ជា​ច្រើន​ចូល​ធ្វើ​ការ សមិទ្ធផល​​​​នៅ​ក្នុង​ក្រុមហ៊ុន​របស់​យើង​ក៏​បោះ​ជំហាន​ទៅ​មុខ​បាន​ល្អ​ប្រសើរ​ច្រើន​ទៅ​តាម​នោះ​ដែរ»។

អ្នក​ស្រី​បាន​បន្ថែម​ថា៖​« បើ​​ក្រុម​ហ៊ុន​មួយ​មើល​រំលង​សមត្ថភាព​ស្ត្រី ក្រុមហ៊ុន​នោះ​ក៏​មើល​រំលង​​ភាព​ជោគជ័យ​របស់​ខ្លួន​ដែរ»។​ ងាក​មក​មើល​​ភាព​ជា​សហគ្រិន​វិញ​លោក​ស្រី​ Long បាន​លើកឡើង​​​ថា បើ​សហគ្រិន​ម្នាក់​ចង់​ឈាន​ជើង​​​ប្រឡូក​​ក្នុង​វិស័យ​​អាជីវកម្ម សហគ្រិន​​នោះ​​ត្រូវ​តែ​គ្រប់គ្រង​ និង ប្រកាន់​គោលការណ៍​របស់​ខ្លួន​​ឲ្យ​​បាន​​ជា​ដាច់ខាត​មិន​​ងាយ​​ធ្លាក់​ក្នុង​​​​អន្ទាក់​នៃ​ការ​សើច​ចំអកឡកឡើយ​របស់​អ្នកដទៃ។​ «សូម​កុំ​គិត​ថា​អ្នក​​មិន​អាច​ធ្វើ​អ្វី​បាន​ដោយសារ​តែ​អ្នកណា​ម្នាក់​មក​និយាយ​ថា អ្នក​មិន​អាច​ធ្វើ​បាន​ឲ្យ​សោះ។ នេះ​ជា​ជម្រើស​របស់​អ្នក​​ថា​តើ​ត្រូវ​តែ​ធ្វើ​វា​ឬ​​យ៉ាងណា និង ត្រូវ​ចាំ​ថា អ្នក​មិន​ត្រូវ​ធ្វើ​​ការងារ​អ្វី​មួយ​នោះ​ឡើយ​បើ​អ្នក​មិន​ពេញ​ចិត្ត​ការងារ​នោះ»។

អ្នក​ស្រី​​​បាន​បន្ត​ទៀត​ថា៖« ទោះបី​ជា​អ្នក​​ពូកែ​លើ​អ្វី​មួយ​ក៏ដោយ បើ​អ្នក​មិន​ស្រលាញ់ ក៏​មិន​ចាំបាច់​ធ្វើ​វា​នោះ​ដែរ»។ ​​បន្ទាប់​ពី​បាន​លក់​ចោល​ក្រុមហ៊ុន​ចាស់ នៅ​ពេល​បច្ចុប្បន្ន​នេះ លោក​ស្រី​បាន​បង្កើត​ក្រុមហ៊ុន​ថ្មី​មួយ​ទៀត​ដែល​មាន​ឈ្មោះ​ថា DataGravity ដែល​ផ្តល់​ប្រព័ន្ធ​ផ្ទុក​ទិន្នន័យ Software សម្រាប់​វិភាគ​ទិន្នន័យ​ក្នុង​ហាង​ទំនិញ​ជា​មួយ​នឹង​ដើមទុន ៤២ លាន​ដុល្លារ​ដែល​ជា​ទឹកប្រាក់​​របស់​លោក​ស្រី និង ដៃគូ​វិនិយោគ​ផ្សេង​ទៀត។​

ជាមួយ​នឹង​មហិច្ឆតា​មិន​​ចេះ​បោះបង់ លោកស្រី​បាន​បញ្ជាក់​ជា​ចុងក្រោយ​ថា ភាព​ជា​សហគ្រិន​មិន​ខ្លាច​ការ​បរាជ័យ​ជា​ដាច់ខាត និង ត្រូវ​តែ​ហ៊ាន​ប្រឈមមុខ​​រាល់​បញ្ហា​ទាំង​នោះ។ « សហគ្រិន​ភាគច្រើន​​បាន​បរាជ័យ​ ហើយ​​អាជីវកម្ម​​លើ​វិស័យ​បច្ចេកវិទ្យា​ក៏​ជា​វិស័យ​មួយ​ដែល​មាន​​ការ​ប្រកួត​ប្រជែង​ខ្ពស់​ផង​ដែរ។ គ្មាន​រូបមន្ត​ជោគជ័យ​ណាមួយ​សម្រាប់​​ឲ្យ​អ្នក​​ដើរ​នោះ​ឡើយ តែ​បើ​អ្នក​​ចង់​ជោគជ័យ ​អ្នក​ត្រូវ​តែ​ទទួល​យក​ការ​បរាជ័យ​នោះ​ដោយ​ក្តី​រីករាយ»៕

ប្រសិន​ជា​អ្នក​ចូល​ចិត្ត​អត្ថបទ​នេះ​សូម​ជួយ​ Like & Shared

អត្ថបទពេញនិយម

​កម្រង​គំនិត​សំខាន់ៗ​របស់​ ឡៅ សឺ (​Lao Tzu)​​​ទស្សនវិទូ​របស់​ចិន​

មេរៀន​សំខាន់ៗ​ដែល​​អ្នក​អាច​រៀន​សូត្រ​ពី​​​​សម្រង់​សម្ដី​ទាំង​៨​​របស់​លោក ​Jack Ma មហាសេដ្ឋី​ចិន​​ ​

គន្លឹះ​សម្ងាត់​ទាំង ៦​ ដែល​ជួយ​អភិវឌ្ឍ​ចិត្ត​គំនិត​របស់​អ្នក​ឲ្យ​ដូច​មហា​សេដ្ឋី

គន្លឹះ​ដ៏​មុត​ស្រួច​ទាំង​៣​ក្នុង​ការ​កែ​ប្រែ​និង​អភិវឌ្ឍ​អ្នក​ឲ្យ​ក្លាយ​ទៅ​ជា​មនុស្ស​ថ្មី​មួយ​ទៀត

អត្ថបទពាណិជ្ជកម្ម​

លោក ព្រាប សុវត្ថិ ដឹកដៃកូនប្រុសទំាង២នាក់ធ្វើកក្រើកឆាកតន្រ្តី Tiger Street Football Festival 2019នាវគ្គផ្តាច់ព្រ័ត្រទូទាំងប្រទេស

ក្រុមស្នងការដ្ឋាននគរបាលខេត្តព្រះសីហនុ “A” ឈ្នះជើងឯកនៃ Tiger Street Football Festival 2019 លើកទី៧ ទូទាំងប្រទេសជាលើកដំបូង

អេ អឹម ខេ ត្រូវបានទទួលស្គាល់ជាគ្រឹះស្ថានមីក្រូហិរញ្ញវត្ថុ ដែលជួយឱ្យជីវភាពប្រជាពលរដ្ឋក្រីក្រមានភាពប្រសើរឡើង

ពិព័រណ៍ ឌីជីថលកម្ពុជាឆ្នាំ ២០១៩ បង្ហាញពីទិដ្ឋភាពផ្នែកឌីជីថលនៅអាស៊ីអាគ្នេយ៍ នាថ្ងៃអនាគត

អានអត្ថបទតាមខែ

March 2019
M T W T F S S
« Feb    
 123
45678910
11121314151617
18192021222324
25262728293031