អត្ថបទថ្មីបំផុត
Home > ឃ្លាំង​គំនិត > ​វិធី​សាស្ត្រ​​ ១០​យ៉ាង​​​​​ អាច​​សង្គ្រោះ​អ្នក​ឱ្យ​នៅ​​​រស់​រាន​​​មាន​ជីវិត​ក្នុង​​ករណី​​យន្តហោះ​​ធ្លាក់​

​វិធី​សាស្ត្រ​​ ១០​យ៉ាង​​​​​ អាច​​សង្គ្រោះ​អ្នក​ឱ្យ​នៅ​​​រស់​រាន​​​មាន​ជីវិត​ក្នុង​​ករណី​​យន្តហោះ​​ធ្លាក់​

នៅពេលធ្លាក់យន្តហោះម្ដងៗ ពិតណាស់ថា កម្រមានមនុស្សនៅរស់រានមានជីវិតណាស់។ ទោះជាបែបនេះក្ដី គេត្រូវទទួលស្គាល់ថា ពិតជាមានអ្នកនៅរស់រានមានជីវិតក្នុងឧបទ្ទវហេតុធ្លាក់យន្តហោះនាពេលកន្លងមក។ ជាក់ស្ដែង ដូចជាការធ្លាក់យន្តហោះមួយចំនួននាពេលកន្លងមក ក៏មានអ្នកនៅរស់រានមានជីវិតដែរ។ តើមានមូលហេតុអ្វីបានជាមានអ្នកដំណើរមួយចំនួននៅរស់ ហើយមួយចំនួនធំស្លាប់ពេលធ្លាក់យន្តហោះ?

ខាងក្រោមនេះ គឺជាគំនិតមួយចំនួនដែលលោកអ្នកគួរគិត មុននឹងធ្វើដំណើរតាមយន្តហោះផ្អែកតាមបទពិសោធន៍អ្នករស់រានមានជីវិតមួយចំនួនពីឧបទ្ទវហេតុធ្លាក់យន្តហោះដែលចងក្រង និងចុះផ្សាយដោយសារព័ត៌មាន CNN កាលពីពេលកន្លងទៅ។

១) ជ្រើសរើសកៅអី ៖
អ្នកជំនាញយល់ឃើញខុសៗគ្នាអំពីចំណុចនេះ។ អ្នកខ្លះលើកឡើងថា ប្រសិនជាអង្គុយនៅកៅអីប្រាំជួរនៅតំបន់ទ្វាចេញក្នុងគ្រាអាសន្ន (five rows of emergency exit) អ្នកដំណើរអាចនៅមានឱកាសច្រើនជាងអ្នកអង្គុយនៅកន្លែងផ្សេងក្នុងការរស់រានមានជីវិតបើសិនយន្តហោះធ្លាក់។ ដោយឡែក អ្នកជំនាញផ្នែកសុវត្ថិភាពកាបីនយន្តហោះខាងមុខ (pilot cabin) នៃអាជ្ញាធរអាកាសចរណ៍សហព័ន្ធអាមេរិក (US. FAA) លោក Cynthia Corbett បានថ្លែងដូច្នេះថា ៖ «គ្មានកន្លែងណាមួយនៅលើយន្តហោះសុវត្ថិភាពនោះទេ»។
២) ស្ដាប់ការណែនាំអំពីសុវត្ថិភាព (Listen to the safety talk)៖ អ្នកខ្លះធុញទ្រាន់នៅពេលឮដដែលអំពីការណែនាំសុវត្ថិភាព។ មិនថាការពន្យល់ធ្វើឡើងជាវីដេអូ ឬដោយបុគ្គលិកនៅលើយន្តហោះនោះទេ លោកអ្នកគួរតែស្ដាប់ដោយយកចិត្តទុកដាក់ ជាពិសេសព័ត៌មានសំខាន់ៗមួយចំនួននៅពេលយន្តហោះបន្ទាបខ្លួនជាដើម។
៣) អានក្រដាសណែនាំអំពីសុវត្ថិភាព (Read the safety card)៖ លោកអ្នកមានដឹងទេថា យន្តហោះរបស់ក្រុមហ៊ុនមួយចំនួនមានដាក់សេចក្តីណែនាំពីសុវត្ថិភាពនៅកន្ត្រកកៅអីខាងមុខអ្នកផ្នែកខាងក្រោយ? ចូរគិតអំពីវាឡើងវិញ។ ត្រូវអានវាឱ្យគ្រប់សព្វ។ ក្រដាសនោះនឹងបង្ហាញព័ត៌មានសំខាន់ៗជាច្រើនសម្រាប់អ្នក។
៤) ដឹងពីរបៀបអង្គុយ Brace Position ហើយឬនៅ?
លោកអ្នកមានដឹងថាអ្វីទៅជា Brace Position? ធ្លាប់បានសាកល្បងហើយមែនទេ? ជួនកាលអ្នកដំណើរមានពេលតែប៉ុន្មានវិនាទីប៉ុណ្ណោះដើម្បីធ្វើបែបនេះ។ ប្រសិនបើបុគ្គលិកនៅលើយន្តហោះឱ្យអ្នកដំណើរអង្គុយក្នុងស្ថានភាព Brace Position (ឱនក្បាលចុះដល់ជង្គង់ដោយដាក់ដៃលើក្បាលទាំងពីរ ឬទប់ជាមួយជង្គង់ ឬឱនក្បាលបន្តិច ឬដាក់ផ្ទៃមុខយកដៃជួយទប់នឹងកៅអីខាងមុខ សូមមើលរូប)។
៥) ដឹងពីទ្វាចេញក្នុងគ្រាអាសន្ន (Be aware of the exits)
លោកអ្នកត្រូវគិតទុក ឬមានផែនការសម្រាប់ការចាកចេញតាមទ្វាគ្រាអាសន្ន។ អ្នកទៅម្នាក់ឯង? អ្នកទៅជាមួយកូនតូចៗ? អ្នកជំនាញលើកឡើងថា ដើម្បីត្រៀមខ្លួនចាកចេញតាមទ្វាគ្រាអាសន្ន លោកអ្នកត្រូវរាប់ចំនួនកៅអីពីកន្លែងដែលលោកអ្នកអង្គុយដល់ទីតាំងនៃទ្វាចេញគ្រាអាសន្នមុនពេលដែលយន្តហោះហោះឡើង។ ធ្វើបែបនេះលោកអ្នកដឹងពីទីតាំងច្បាស់ និងត្រៀមខ្លួនបានល្អក្នុងករណីមានបញ្ហាអ្វីមួយកើតឡើងជាយថាហេតុ ហើយយន្តហោះចុះចតជាបន្ទាន់។
៦) ត្រូវចេញឱ្យលឿន (Move quickly)
អ្នកដំណើរមានពេលតែប្រមាណ ៩០វិនាទីប៉ុណ្ណោះ ដើម្បីចាកចេញពីយន្តហោះក្នុងករណីយន្តហោះធ្លាក់។ នេះបើយោងតាមការបញ្ជាក់ពីលោក Ben Sherwood អ្នកនិពន្ធសៀវភៅផ្នែកអាកាសចរណ៍លក់ដាច់បំផុត “The Survivor’s Club.”ដែលលោកបម្រើការងារឱ្យកាសែត The New York Times។ ពេលយន្តហោះធ្លាក់ នឹងអាចមានអគ្គីភ័យ ផ្សែង (យន្តហោះផ្ទុះ) ឬក៏មានទឹក ដូច្នេះពេលវេលា ៩០វិនាទីជាពេលដែលល្អបំផុតដើម្បីចេញពីយន្តហោះមុនពេលដែលស្ថានភាពនៅលើយន្តហោះកាន់តែធ្ងន់ធ្ងរ។
៧) យកចិត្តទុកដាក់ពេលយន្តហោះហោះឡើង ឬចុះចត (Be aware during takeoffs and landings)
ផ្អែកតាមស្ថិតិ យន្តហោះធ្លាក់ភាគច្រើនបន្ទាប់ពីហោះឡើងបានបន្តិច និងមុនពេលចុះចត។ ដូច្នេះលោកអ្នកត្រូវដឹង និងតាមដានស្ថានភាពនៅលើយន្តហោះនៅពេលហោះឡើង និងមុនពេលចុះចត។ លោកអ្នកអាចញ៉ាំភេសជ្ជៈបន្តិច (alcoholic beverage) មុនពេលយន្តហោះហោះឡើង ឬចុះចត គឺល្អជាងលោកអ្នកគេងក្នុងអំឡុងពេលនេះ។ ត្រូវចាំថា អំឡុងពេលនេះលោកអ្នកត្រូវយកចិត្តទុកដាក់មើលស្ថានភាពយន្តហោះ (pay attention) បំផុត។
៨) ជ្រើសរើសកៅអីនៅកន្លែងស្រួលចេញ (Stay fit)
ពេលខ្លះបើអ្នកអង្គុយខ្មែរមនុស្សធាត់ ឬមនុស្សដែលមានដំណើរយឺត មិនអាចចាកចេញទាន់ពេលវេលានោះទេពេលមានការជម្លៀសក្នុងគ្រាអាសន្ន (ជម្លៀសចេញពេលយន្តហោះជួបបញ្ហាចុះចត)។ ត្រូវមើលស្ថានភាពនេះបើអង្គុយក្បែរមនុស្សធាត់ អ្នកគួរតែចេញតាមវិធីណា។
៩) ត្រូវពិនិត្យមើលចំណាត់ថ្នាក់សុវត្ថិភាពក្រុមហ៊ុនយន្តហោះដែលលោកអ្នកជិះ
លោកអ្នកត្រូវដឹងថា យន្តហោះក្រុមហ៊ុនណាមួយមានចំណាត់ថ្នាក់សុវត្ថិភាពអន់ជាងគេក្នុងប្រវត្តិសាស្ត្រក្រុមហ៊ុនអាកាសចរណ៍។ មានប្រភពជាច្រើនដែលវាយតម្លៃចំណាត់ថ្នាក់សុវត្ថិភាពរបស់ក្រុមហ៊ុនអាកាសចរណ៍ទាំងនោះបាន។ ដូច្នេះលោកអ្នកមិនគួរជិះយន្តហោះក្រុមហ៊ុនដែលមានចំណាត់ថ្នាក់សុវត្ថិភាព (Safety record) អន់ជាងគេនោះទេ ទោះបីតម្លៃសំបុត្រធូរថ្លៃយ៉ាងណាក្ដី។
១០) សំលៀកបំពាក់ក៏ជាផ្នែកមួយសំខាន់ណាស់ដែរ
លោកអ្នកមិនគួរពាក់ស្បែកជើងមានកែងចោទខ្ពស់ ឬស្បែកជើងផ្ទាត់ ឬខោខ្លីនោះទេ។ លោកអ្នកត្រូវស្លៀកពាក់សំលៀកបំពាក់ណាដែលអំណោយផល និងធ្វើឱ្យលោកអ្នកអាចចាកចេញបានលឿន ឬរត់ចេញពីយន្តហោះបានលឿន។ បើស្លៀកពាក់រញ៉េរញ៉ៃ លោកអ្នកច្បាស់ថាលោកនឹងមិនរហ័សរហួនអាចចេញពីយន្តហោះបានទាន់ពេលឡើយ៕

ដោយ៖ សីហា

ប្រសិន​ជា​អ្នក​ចូល​ចិត្ត​អត្ថបទ​នេះ​សូម​ជួយ​ Like & Shared

អត្ថបទពេញនិយម

​​​​បុគ្គលិកលក្ខណៈ​ពិសេស​​ ៥​យ៉ាង​ ​បញ្ជាក់​ថា ​អ្នក​ជា​មនុស្ស​អស្ចារ្យ ​ទោះ​បី​មិន​បាន​​​គិត​បែប​នេះ​ក្តី!​

ហេតុផល​ ៧ យ៉ាង​ដែល​​និស្សិត​ទទួល​បាន​និទ្ទេស​ “C” ​គឺ​ជា​បុគ្គល​ជោគជ័យ​បំផុត​ក្នុង​​លោក​

​ជំនាញ​៤​យ៉ាង​អ្នក​ត្រូវ​​តែ​ពង្រឹង​​ជាប្រចាំ​​​​ ​ដើម្បី​ក្លាយ​ជា​សហគ្រិន​ជោគជ័យ​​មួយ​រូប​!​

ត្រូវ​ជម្នះ​ភាព​ភ័យ​ខ្លាច​ទាំង​៤​នេះ​សិន​ ​​ប្រសិន​បើ​អ្នក​​ចង់​ជោគជ័យ​​​ក្នុង​ជីវិត

អត្ថបទពាណិជ្ជកម្ម​

ចូលរួម​កម្មវិធី «ស្វែងយល់​ពី​បញ្ហា​ប្រឈម​នៃ​ធុរកិច្ច​បរាជ័យ» ដើម្បី​ទទួល​​បាន​មេរៀន​អាជីវកម្ម​ថ្មីៗ

សំរាម​គឺជា​បញ្ហា​​ចម្បង​​ដែល​កំពុង​បំផ្លាញ​សម្រស់​របស់​ធម្មជាតិ​និង​ធ្វើ​ឲ្យ​ប៉ះពាល់​ដល់​សុខភាព​យើង​រាល់​ថ្ងៃ

សែ​ល​កាត ឈ្នះ​ពានរង្វាន់ ជា​បណ្ដាញ​សេវា​អ៊ី​ន​ធើ​ណិ​ត​លឿន​ជាងគេ​បំផុត​នៅ​កម្ពុជា Ookla Speedtest Award

ការ​សម្រេច​ចិត្ត​ផ្នែក​ទីផ្សារ​ដោយ​មិនមាន​​ព័ត៌មាន​ច្បាស់លាស់​ប្រៀបដូចជា​បើកបរ​ដោយ​បិទ​ភ្នែក​!

អានអត្ថបទតាមខែ

July 2017
M T W T F S S
« Jun    
 12
3456789
10111213141516
17181920212223
24252627282930
31