អត្ថបទថ្មីបំផុត
Home > ឃ្លាំង​គំនិត > ​ជិនហ្គីស ខាន់ ​(Genghis Khan) ​អធិរាជ​ ម៉ុងហ្គោល៖ «​បើ​អ្នក​ខ្លាច​​សូម​កុំ​ធ្វើ​​ តែ​បើ​ជ្រុល​ជា​​ធ្វើ​ សូម​កុំ​ខ្លាច​»​

​ជិនហ្គីស ខាន់ ​(Genghis Khan) ​អធិរាជ​ ម៉ុងហ្គោល៖ «​បើ​អ្នក​ខ្លាច​​សូម​កុំ​ធ្វើ​​ តែ​បើ​ជ្រុល​ជា​​ធ្វើ​ សូម​កុំ​ខ្លាច​»​

ប្រ​ភព៖​​ lefigaro.fr

«​បើ​អ្នក​ខ្លាច​ ​សូម​កុំ​ធ្វើ​​ តែ​បើ​ជ្រុល​ជា​​ធ្វើ​ សូម​កុំ​ខ្លាច​»​ ។​ នេះ​ជា​គិត​ដ៏​មាន​តម្លៃ​របស់ ​​​ជិនហ្គីស ខាន់ ​(Genghis Khan) ​អធិរាជ​ ម៉ុងហ្គោល ​ដែល​ត្រូវ​បាន​​​គេ​កត់ត្រា​ក្នុង​ប្រវត្តិសាស្ត្រ​ពិភពលោក​ថា ជា​បុគ្គល​ដ៏​អស្ចារ្យ​មួយ​​រូប​ក្នុង​សម័យ​បុរាណ​។ ​ក្នុង​ន័យ​នេះ​ ​លោក​ចង់​​​​​បញ្ជាក់​ថា ​​ភាព​ភ័យ​ខ្លាច​​​​​នឹង​ធ្វើ​​​ឲ្យ​អ្នក​​​​មិន​អាច​ធ្វើ​​ការងារ​មួយ​បាន​​ល្អ​​នោះ​ឡើយ​​ ដូច្នេះ​ហើយ​​ប្រសិន​បើ​​​ជ្រុល​ជា​ដាក់​ចិត្ត​ថា ​ធ្វើ​​​ហើយ​ គឺ​ត្រូវ​តែ​បំភ្លេច​​វា​ចោល​ ហើយ​ផ្ដោត​តែ​លើ​កិច្ចការ​ដែល​ធ្វើ​នោះ​បាន​​ហើយ​។

​​​មាន​​មនុស្ស​មិន​តិច​នោះ​ទេ​ ​​ដែល​មិន​អាច​សម្រេច​ការងារ​ ឬ​ ធ្វើ​ការងារ​របស់​ខ្លួន​បាន​​ល្អ​ ព្រោះ​​ពួកគេ​មិន​ជឿជាក់​លើ​ខ្លួន​ឯង​ ​ដោយ​ភ័យ​ខ្លាច​​​ថា នឹង​មាន​រឿង​មិន​ល្អ​កើត​ឡើង​​​អ៊ីចេះ​​​មួយ​អ៊ីចេះ​​ពីរ​ ​រហូត​មិន​អាច​មាន​អារម្មណ៍​​មូល​គ្រប់គ្រាន់​ដើម្បី​​​​ធ្វើ​វា​​​ឲ្យ​បាន​​ល្អ​។ ​​មាន​ន័យ​ថា ​​​ធ្វើ​ទាំង​ខ្លាច​ធ្វើ​ទាំង​ភ័យ​ ដែល​អាច​មាន​ន័យ​សឹង​តែ​បោះបង់​​​​ មុន​ការ​ប្រកួត​។

​ដោយ​ឡែក​អ្នក​ខ្លះ​​ក៏​គេ​មាន​ភាព​ភ័យ​ខ្លាច​ដូច​គ្នា​ដែរ​ ប៉ុន្តែ​ពួកគេ​បាន​តាំង​ចិត្ត​យ៉ាង​មុតមាំ​ថា ​បើ​ជ្រុល​ជា​សម្រេច​ចិត្ត​ធ្វើ​ទៅ​ហើយ ​​​​​មាន​រឿង​អ្វី​ត្រូវ​គិត​រឿង​ខ្លាច​ទៀត​នោះ ​ដូច្នេះ ហើយ​​បើ​ជ្រុល​ជា​ធ្វើ​​ហើយ​ត្រូវ​ធ្វើ​​​ឲ្យ​អស់​ដៃ​​ ​​​​និង ប្រមូល​អារម្មណ៍​​ឲ្យ​មូល​លើ​ការងារ​។ ​នៅ​ទី​បំផុត​ ភាព​ជោគជ័យ​ ​ក៏​​កើត​មាន​​ចំពោះ​ពួកគេ​។

​​​ប្រសិន​បើ​អ្នក​គិត​ចង់​ ឬ ត្រូវ​ធ្វើ​អ្វី​មួយ​ហើយ ត្រូវ​​​ជម្រុះ​​​ភាព​ភ័យ​ខ្លាច​ និង ការ​មិន​ទុកចិត្ត​​លើ​ខ្លួន​ឯង​​ចេញ​​​ឲ្យ​អស់​ពី​ក្នុង​ខ្លួន​ ព្រោះ​បើ​ភ័យ​​ក៏​មិន​ចំណេញ​អ្វី​ដែរ​។ ​​​ប៉ុន្តែ​ដើម្បី​កុំ​​ឲ្យ​ភ័យ​ខ្លាច​បាន​ វា​អាស្រ័យ​លើ​ការ​គិត និង​ ការ​តាំង​ចិត្ត​របស់​អ្នក​៕
​​

ប្រសិន​ជា​អ្នក​ចូល​ចិត្ត​អត្ថបទ​នេះ​សូម​ជួយ​ Like & Shared

អត្ថបទពេញនិយម

ត្រូវ​​បង្កើត​ទម្លាប់​ល្អៗ​ទាំង​​៦​យ៉ាង​នេះ​ ​មុន​ឈាន​ដល់​វ័យ​៣០​ ដើម្បី​ធានា​អំពី​ភាព​ជោគជ័យ​​របស់​អ្នក​

រឿង​អត់​ប្រយោជន៍​៥​យ៉ាង​​ ​ដែល​អ្នក​គួរ​​​​ឈប់​ធ្វើ​កាន់​តែ​ឆាប់​កាន់​តែ​ល្អ​ ​បើ​​មិន​​ចង់​​​ឲ្យ​ជីវិត​អន្តរាយ

ត្រូវ​ជម្នះ​ភាព​ភ័យ​ខ្លាច​ទាំង​៤​នេះ​សិន​ ​​ប្រសិន​បើ​អ្នក​​ចង់​ជោគជ័យ​​​ក្នុង​ជីវិត

​​​​​អ្នក​មិន​ត្រូវ​ធ្វើ​​ចំណុច​អវិជ្ជមាន​​៦​យ៉ាងនេះ​​ដាច់ខាត ​នៅ​ថ្ងៃ​ធ្វើ​ការ​ដំបូង​របស់​អ្នក​​

អត្ថបទពាណិជ្ជកម្ម​

សែ​ល​កាត ឈ្នះ​ពានរង្វាន់ ជា​បណ្ដាញ​សេវា​អ៊ី​ន​ធើ​ណិ​ត​លឿន​ជាងគេ​បំផុត​នៅ​កម្ពុជា Ookla Speedtest Award

ការ​សម្រេច​ចិត្ត​ផ្នែក​ទីផ្សារ​ដោយ​មិនមាន​​ព័ត៌មាន​ច្បាស់លាស់​ប្រៀបដូចជា​បើកបរ​ដោយ​បិទ​ភ្នែក​!

​​​បើ​ចង់​ពូកែ​ខាង​ផ្នែក​ចរចា​ ​កុំ​ភ្លេច​ចូលរួម​សិក្ខាសាលា​​​​ស្ដី​ពី​​«​ជំនាញ​នៃ​ការ​ចរចា​​»​ ​ទាំង​អស់​គ្នា

​រថយន្ត HAWTAI A25 មាន​ក្រុមហ៊ុន​ក្នុង​ស្រុក​​នាំចូល​កម្ពុជា​ផ្ដាច់​មុខ​ហើយ!

អានអត្ថបទតាមខែ

July 2017
M T W T F S S
« Jun    
 12
3456789
10111213141516
17181920212223
24252627282930
31