អត្ថបទថ្មីបំផុត
ទំព័រដើម > ឃ្លាំង​គំនិត > អ្នក​ប្រាជ្ញ​របស់​ក្រិក​ ​ប្លាតូ​៖ ​​«​អ្នក​ប្រាជ្ញ​​និយាយ​អ្វី​មួយ​ ព្រោះ​​​​មាន​​រឿង​​ត្រូវ​និយាយ​ ​ឯ​មនុស្ស​ល្ងង់​វិញ ​​​និយាយ​អ្វី​មួយ​ព្រោះ​​​ខ្លួន​​ត្រូវ​តែ​និយាយ​វា​តែ​ម្ដង​​»

អ្នក​ប្រាជ្ញ​របស់​ក្រិក​ ​ប្លាតូ​៖ ​​«​អ្នក​ប្រាជ្ញ​​និយាយ​អ្វី​មួយ​ ព្រោះ​​​​មាន​​រឿង​​ត្រូវ​និយាយ​ ​ឯ​មនុស្ស​ល្ងង់​វិញ ​​​និយាយ​អ្វី​មួយ​ព្រោះ​​​ខ្លួន​​ត្រូវ​តែ​និយាយ​វា​តែ​ម្ដង​​»

«​អ្នក​ប្រាជ្ញ​​និយាយ​អ្វី​មួយ​ ព្រោះ​​​​មាន​​រឿង​​ត្រូវ​និយាយ​ ​ឯ​មនុស្ស​ល្ងង់​វិញ ​​​និយាយ​អ្វី​មួយ​ព្រោះ​​​ខ្លួន​​ត្រូវ​តែ​និយាយ​វា​តែ​ម្ដង​​»​។​ ​នេះ​ជា​គតិ​របស់​​​​​​លោក​ ​ប្លាតូ​ (Plato​​) ​អ្នក​ប្រាជ្ញ​របស់​ក្រិក​​ដែល​ក្នុង​ឃ្លា​​នេះ​​ចង់​បញ្ជាក់​ពី​ ​ភាព​ខុស​គ្នា​រវាង​​​​​អ្នក​ប្រាជ្ញ​ និង ​មនុស្ស​ល្ងង់​​ក្នុង​ការ​និយាយ​អ្វី​មួយ​ ដែល​អ្នក​ប្រាជ្ញ​​មិន​ដែល​និយាយ​អ្វី​ដែល​អត់​ប្រយោជន៍​នោះ​ទេ​ ចំណែក​មនុស្ស​ល្ងង់​វិញ ​គឺ​​ច្រើន​​និយាយ​រឿង​អត់​ប្រយោជន៍​។

​​​​​​​មនុស្ស​​មាន​ចំណេះដឹង​ខ្ពស់​ ​តែងតែ​​មាន​ការ​គិត​យ៉ាង​​ល្អិតល្អន់​ ​មុន​ពេល​ហា​មាត់​និយាយ​ស្ដី​ពី​មួយ​ ព្រោះ​ថា ​​ពាក្យ​សម្ដី​មួយ​ឃ្លា​ដែល​ខ្លួន​បាន​​និយាយ​ចេញ​មក​​ ​អាច​នឹង​បង្ក​ជា​បញ្ហា​ ​និង ទុក្ខទោស​ជាច្រើន​ ប្រសិន​បើ​​​​ ​ខ្វះ​ការ​គិត​ពិចារណា​​។ ​អ៊ីចឹង​ហើយ ​​​​បាន​ជា​ ​នៅ​ពេល​និយាយ​ស្ដី​ម្តង​ៗ​ ​ឃ្លា​​នីមួយៗ​សុទ្ធតែ​​​​មាន​ខ្លឹមសារ ​​និង ​​ការ​បកស្រាយ​ច្បាស់លាស់​ ​ហើយ​បើ​មិន​មាន​ការ​ចាំបាច់​អ្វី​ទេ​ ពួកគេ​ក៏​​មិន​ចង់​និយាយ​អ្វី​ច្រើន​ដែរ​។ ​

​ដោយ​ឡែក​មនុស្ស​ល្ងង់​វិញ ​ប្រឹង​និយាយ​ខ្លាំង​ណាស់​ ​ដោយ​ភ្លេច​គិត​អំពី​ខ្លឹម​នៃ​ពាក្យ​សម្ដី​ដែល​បាន​​លើក​ឡើង​ ​នាំ​​​ឲ្យ​អ្វី​ដែល​​បាន​និយាយ​ចេញ​ទៅ​ បើ​ទោះបី​ជា​ច្រើន​ តែ​រក​តែ​ខ្លឹមសារ​ និង ប្រយោជន៍​គ្មាន​ ​​ហើយ​លើស​ពី​នេះ​ទៀត​ ​វា​ក៏​នាំ​បញ្ហា​មក​ដាក់​ខ្លួន​វិញ​​យ៉ាង​ច្រើន​ដែរ​។ ​​មនុស្ស​ដែល​​​មិន​​មាន​ចំណេះដឹង​ច្រើន​ ​​​​​​និយាយ​​​បាន​ច្រើន​ គឺ​ល្អ​​​​ដើម្បី​បញ្ជាក់​ថា ខ្លួន​មាន​គំនិត​ច្រើន​ និង ពូកែ​វោហារសាស្ត្រ។ ​ដូច្នេះ​ហើយ​​បើ​ទោះបី​ជា​ពេល​ខ្លះ​ ​គ្មាន​រឿង​អ្វី​ចាំបាច់​ត្រូវ​និយាយ​ផង​ ក៏​​ចេះ​តែ​និយាយ​ ​ពោល​គឺ​និយាយ​​មិន​ដឹង​ក្បាល​ដឹង​កន្ទុយ ​​និង រក​ចុង​រក​ដើម​មិន​ឃើញ​។

​ដូច្នេះ​ហើយ ​​​បើ​ចង់​ក្លាយ​ជា​មនុស្ស​ពូកែ​និយាយ​ ត្រូវ​គិត​​លើ​ខ្លឹម​សារ​នៃ​ពាក្យ​សម្ដី​ ជា​ជាង​ចំនួន​ពាក្យ​ ឬ ឃ្លា​ដែល​បាន​​​និយាយ​​ចេញ​ទៅ ​ព្រោះ​អ្វី​​ថា​ ​​​ពាក្យ​សម្ដី​របស់​អ្នក ​នឹង​ត្រូវ​បាន​គេ​វាយ​តម្លៃ​អំពី​កម្រិត​ចំណេះដឹង​​​ និង អត្តចរិត​របស់​អ្នក​តែ​ម្ដង​៕

​​​​​​​​​​​

ប្រសិន​ជា​អ្នក​ចូល​ចិត្ត​អត្ថបទ​នេះ​សូម​ជួយ​ Like & Shared

អត្ថបទពេញនិយម

បើ​ខ្សោយ​ផ្នែក​ការ​សម្រេចចិត្ត​ ​អ្នក​គួរ​​អនុវត្ត​គន្លឹះ​ទាំង​៤​នេះ​​ ​ដើម្បី​ពង្រឹង​វា​ឡើង​វិញ​!

គំនិត​អាថ៌កំបាំង​​ទាំង​ ១០​​ដើម្បី​ក្លាយ​ជា​សេដ្ឋី

​ជូគឺលាង​ (Zhuge Liang ​) ៖«​​ជឿជាក់​ជ្រុល​ហួស​ហេតុ​ពេក ​នាំ​ឲ្យ​បរាជ័យ​»​

​​សុភាសិត​ជប៉ុន​៖ ​«​អ្នក​មិន​អាច​ធ្វើ​អ្វី​មួយ​ជោគជ័យ ​ដោយ​គ្មាន​ការ​លះបង់​នោះ​ទេ​»

អត្ថបទពាណិជ្ជកម្ម​

ក្រុមហ៊ុន អិល អេស អេស ស៊ី ត្រេឌីង ខូ អិល ធី ឌី បង្ហាញផលិតផលគ្រឿងសម្អាងម៉ាក adidas ថ្មីជាផ្លូវការ

កម្មវិធី Uncaged Night របស់ស្រាបៀរថៃហ្គ័របានបញ្ចប់ដោយជោគជ័យ

មកស្គាល់ និងយល់ដឹងពីអាហារូបករណ៍ល្បីៗរបស់បញ្ញវនទាំង១៥រូបក្នុងសន្និសីទអាហារូបករណ៍លើកទី៧

លើកទី១សម្រាប់កម្ពុជា អំពី “ពិព័រណ៍យន្តហោះ និង បច្ចេកវិទ្យា”

អានអត្ថបទតាមខែ

December 2018
M T W T F S S
« Nov    
 12
3456789
10111213141516
17181920212223
24252627282930
31