អត្ថបទថ្មីបំផុត
ទំព័រដើម > ឃ្លាំង​គំនិត > ហេតុអ្វីតម្លៃរបស់មនុស្សមិនស្ថិតនៅត្រង់ភាពបិុនប្រសប់របស់ពួកគេក្នុងការនិយាយស្ដីតែម្យ៉ាង ?

ហេតុអ្វីតម្លៃរបស់មនុស្សមិនស្ថិតនៅត្រង់ភាពបិុនប្រសប់របស់ពួកគេក្នុងការនិយាយស្ដីតែម្យ៉ាង ?

ពាក្យ​ចាស់​ខ្មែរ​បុរាណ​លោក​ពោល​ថា៖ “មនុស្ស​គេ​យក​សម្ដី ដំរី​គេ​យក​ភ្លុក” ប៉ុន្តែ​បើ​មនុស្ស​នោះ​ពូកែ​តែ​សម្ដី តែ​មិន​អាច​សម្រេច​ការងារ​របស់​ខ្លួន​ឲ្យ​បាន​ដូច​នឹង​អ្វី​ដែល​ខ្លួន​បាន​អួតអាង នោះ​សម្ដី​ដ៏​ពីរោះ​និង​ភាព​ប៉ិនប្រសប់​ក្នុង​ការ​និយាយ​ស្ដី​របស់​គេ​ក៏​ប្រែ​ជា​លែង​មាន​ប្រយោជន៍​អ្វី​ហើយ។ តម្លៃ​របស់​មនុស្ស​ម្នាក់ៗ​មិន​ស្ថិត​នៅ​លើ​ពាក្យ​សម្ដី​ដែល​គេ​និយាយ​ចេញ​មក​តែ​ម្យ៉ាង​នោះ​ទេ ពី​ព្រោះ​ថា​មនុស្ស​ម្នាក់ៗ​មាន​លក្ខណៈ​ពិសេស​របស់​គេ​រៀងៗ​ខ្លួន ហើយ​តម្លៃ​របស់​មនុស្ស​ម្នាក់ៗ​ក៏​ត្រូវការ​កត្តា​សំខាន់ៗ​ជាច្រើន​ទៀត​មក​រួម​ផ្សំ​គ្នា​ផង​ដែរ។

មនុស្ស​ភាគច្រើន​ចូលចិត្ត​សំដៅ​យក​តែ​ចំណុច​ណាមួយ​ជា​គោល ដើម្បី​យក​ជា​ខ្នាត​រង្វាស់​សម្រាប់​វាស់​តម្លៃ​ពី​អត្តចរិត​របស់​បុគ្គល​ណា​ម្នាក់​ថា​ល្អ​ឬ​អាក្រក់។ ប៉ុន្តែ​ការ​គិត​បែប​នេះ​វា​ក៏​មិន​ខុស​អ្វី​ពី​ការណ៍​ដែល​អ្នក​សម្លឹង​ចេញ​ពី​ជ្រុង​តែ​ម្ខាង​ដែល​អ្នក​កំពុង​ឈរ ហើយ​កំណត់​យក​ការ​សន្និដ្ឋាន​ចុងក្រោយ​ថា​រូបភាព​រួម​ទាំងអស់​គឺជា​អ្វី​ដែរ។ ដូច​គ្នា​នឹង​ការណ៍​ដែល​ពិភពលោក​បាន​កំណត់​ប្រើប្រាស់​យក​តេស្ត​វាស់​ស្ទង់​កម្រិត​បញ្ញា​ឬ​ហៅថាIQ ដើម្បី​វាស់​ស្ទង់​ពី​បញ្ញា​ជា​រួម​របស់​បុគ្គល​ម្នាក់ៗ​ដែរ។ បើ​គេ​ទទួល​បាន​លទ្ធផល​ល្អ​នៅ​ក្នុង​តេស្ត​IQ​នេះ នោះ​ពេល​គេ​ទៅ​ធ្វើ​អ្វី​ផ្សេង​ទៀត​ក៏​ទទួល​បាន​លទ្ធផល​ល្អ​ដូច​គ្នា​ដែរ តែ​ជាក់ស្ដែង​ណាស់​ថា​វា​មិនមែន​បែប​នេះ​ទាំងអស់​នោះ​ទេ។

តេស្តIQ​ធ្វើការ​វាស់​ស្ទង់​ទៅលើ​សមត្ថភាព​របស់​អ្នក​ក្នុង​គណិតវិទ្យា ឬ​ជា​ទម្រង់​នៃ​ការ​វាស់​ស្ទង់​ទៅលើ​សមត្ថភាព​របស់​អ្នក​ក្នុង​ការ​គិត​បែប​តក្ក ប៉ុន្តែ​តេស្តIQ​មិនមែន​អាច​បកស្រាយ​សាច់រឿង​ពី​ដើម​រហូត​ដល់​ចុង​បញ្ចប់​ពី​សមត្ថភាព​ទាំងអស់​របស់​បុគ្គល​ណា​មួយ​បាន​នោះ​ទេ ពោល​គឺ​វា​ពុំ​មែន​ជា​រូបភាព​រួម​ដែល​បកស្រាយ​ពី​បញ្ញា​វៃ​ឆ្លាត​ពិត​ប្រាកដ​របស់​បុគ្គល​ណា​ម្នាក់​នោះ​ឡើយ។ វា​ពុំ​អាច​បកស្រាយ​ពី​ជម្រៅ​នៃ​ការ​យល់​ដឹង​របស់​បុគ្គល​នោះ​អំពី​រឿងរ៉ាវ​ក្នុង​ជីវិត ឬ​សំដៅ​ទៅលើ​គតិបណ្ឌិត​របស់​ពួកគេ សមត្ថភាព​របស់​ពួកគេ​ក្នុង​ការ​យល់​ពី​អារម្មណ៍​និង​ការ​ប្រាស្រ័យ​ទាក់ទង​ឲ្យ​ចូល​នឹង​អារម្មណ៍​របស់​បុគ្គល​ម្នាក់​ទៀត ព្រម​ទាំង​ភាព​ច្នៃប្រឌិត​របស់​បុគ្គល​នោះ​ផង​ដែរ។

អ្វី​ដែល​សំខាន់​ជាង​នេះ​ទៅ​ទៀត មនុស្ស​ភាគច្រើន​គិត​ថា​សមត្ថភាព​គឺជា​រឿង​សំខាន់​បំផុត ប៉ុន្តែ​បើ​អ្នក​ខ្វះខាត​នូវ​អត្តចរិត​សំខាន់ៗ​ដូចជា​ចិត្ត​អំណត់​តស៊ូ​ជម្នះ​ជាមួយ​នឹង​ការ​លំបាក ការ​មាន​សតិ​ដឹង​ពី​ចំណុច​ខ្លាំង​និង​ចំណុច​ខ្សោយ​របស់​ខ្លួនឯង សេចក្ដី​សន្ដោស​ប្រោសប្រណី​ជាមួយ​អ្នក​ជុំវិញ​ខ្លួន នោះ​បុគ្គល​ដែល​មាន​ទេពកោសល្យ​ដ៏​ប៉ិនប្រសប់​នេះ​ក៏​ពិបាក​នឹង​ដើរ​បាន​វែង​ឆ្ងាយ​នៅ​ក្នុង​ឆាក​ជីវិត​ជោគជ័យ​របស់​ពួកគេ​ដែរ។ ដូច​មាន​ពាក្យ​មួយ​ថា៖ “ទេពកោសល្យ​នឹង​នាំ​អ្នក​ទៅ​ដល់​កំពូល តែ​គឺ​អត្តចរិត​របស់​អ្នក​ដែល​នឹង​រក្សា​អ្នក​ឲ្យ​នៅ​ទីនោះ​បាន”

មនុស្ស​ឈ្លាសវៃ​គឺជា​មនុស្ស​ដែល​មិន​ចូលចិត្ត​និយាយ​ច្រើន​ឥត​ប្រយោជន៍​នោះ​ទេ ពួកគេ​ខ្វល់ខ្វាយ​តែ​ការងារ​ដែល​ពួកគេ​ត្រូវ​ទទួលខុសត្រូវ​តែ​ប៉ុណ្ណោះ ហើយ​តម្លៃ​របស់​គេ​អាច​ឲ្យ​អ្នក​មើល​ឃើញ​បាន​តាមរយៈ​សមិទ្ធផល​ដែល​កើត​ចេញ​ពី​ការ​ខិតខំ​របស់​គេ​បាន៕

ដោយ៖ ស្រីពៅ

ប្រសិន​ជា​អ្នក​ចូល​ចិត្ត​អត្ថបទ​នេះ​សូម​ជួយ​ Like & Shared

អត្ថបទពេញនិយម

មុខងារ​លើ iPhone មួយ​នេះ ធ្វើឲ្យ​​ស៊ី​លុយ​អ៊ីនធឺណិត​ទូរស័ព្ទ​ខ្លាំង​ អ្នក​ប្រើ​ភាគច្រើន​​​​ប្រហែល​​មិន​ដឹង​សោះ?

​មហាសេដ្ឋី​ Bill Gates៖ ​​បើ​មាន​លក្ខណៈ​ទាំង​​ ៥​នេះ​​​​គឺ​ធានា​ថា​បាន​ជោគជ័យ​

ពាក្យ​​ ៥​ឃ្លា​ដែល​​មនុស្ស​ឆ្លាត​​មិន​ដែល​ប្រើ​នៅ​​ក្នុង​​ការ​​សន្ទនា​​ជា​មួយ​ដៃគូ

​បើ​មិន​ចង់​ខ្ជះខ្ជាយ​ពេលវេលា​អត់​ប្រយោជន៍​ ​គួរ​រៀន​គ្រប់គ្រង​វាតាមរយៈ​វិធី​ទាំង​៥​នេះ​​​​​

អត្ថបទពាណិជ្ជកម្ម​

មគ្គុទេសទេសចរ​នៅ​សៀមរាប​ ឈ្នះ​ ១​ម៉ឺន​​ដុល្លារ ​ពីសែលកាត

​​យុទ្ធវិធី​​​បង្កើត​​&​បំប៉ន​ក្រុម​លក់​ឱ្យ​មាន​ថាមពល​សម្រាប់​អាជីវកម្ម​ខ្នាត​តូច ចាប់​ផ្ដើម​នៅ​ថ្ងៃ​ស្អែក​នេះ​ហើយ

ការប្រកួតជើងឯកកីឡាវាយកូនហ្គោលលើកទី ៣ របស់ស្រាបៀរ HEINEKEN ឆ្នាំ ២០១៧ បានចប់យ៉ាងជោគជ័យ

​រឿង Star Wars បានមក​ដល់ iflix

អានអត្ថបទតាមខែ

December 2017
M T W T F S S
« Nov    
 123
45678910
11121314151617
18192021222324
25262728293031