អត្ថបទថ្មីបំផុត
ទំព័រដើម > សេដ្ឋកិច្ច&អប់រំ > សមាគមន៍ទីផ្សារកម្ពុជា មិន​ត្រឹម​តែ​បង្កើនទំនាក់ទំនងរវាង​ម្ចាស់អាជីវកម្ម ប៉ុន្តែនិស្សិត​ក៏​អាច​ចូលរួម​បានដែរ

សមាគមន៍ទីផ្សារកម្ពុជា មិន​ត្រឹម​តែ​បង្កើនទំនាក់ទំនងរវាង​ម្ចាស់អាជីវកម្ម ប៉ុន្តែនិស្សិត​ក៏​អាច​ចូលរួម​បានដែរ

សមាគមន៍ទីផ្សារកម្ពុជា (Marketing Association of Cambodia) ដែល​ដឹក​នាំ​ដោយ​លោក​ ឧកញ៉ា ជា ដែន ​បានរៀបចំសិក្ខាសិលាមួយស្ដីអំពី សន្និសិទ្ធទីផ្សារកម្ពុជា Cambodia Marketing Conference កាលពីថ្ងៃទី២៤ មិថុនា កន្លងទៅនេះ នៅមជ្ឈមណ្ឌុលសហប្រតិបតិ្តការកម្ពុជា-ជប៉ុន​ (CJCC) ក្នុង​ទិសដៅ​មួយ​ដើម្បី​​ផ្ញើរភ្ជាប់​ទំនាក់ទំនង​រវាង​សហគមន៍​អាជីវកម្មផ្សេងៗ​នៅ​កម្ពុជា​ និង​ដើម្បី​ផ្សព្វផ្សាយ​ និង​ចែក​រំលែក​ ចំណេះដឹង និង​បទ​ពិសោធន៍​​​ខាង​ទីផ្សារ​ដល់​បង​ប្អូន​​ដែលជា​ម្ចាស់​អាជីវកម្ម ក៏ដូច​អ្នក​បម្រើ​ការងារ​នៅ​ក្នុង​វិស័យផ្សេងៗ ​និង​និស្សិត​ថែម​ទៀត​ផង​។

​លោក​ ឧកញ៉ា ជា ដែន បានមានប្រសាសន៍ថា ការបង្កើតកម្មវិធីសិក្ខាសាលា​ធំ​បែបនេះ​​ ដើម្បីឲ្យប្រជាពលរដ្ឋកម្ពុជា​យល់ដឹងកាន់តែច្បាស់ទាក់ទងទៅនឹងការធ្វើទីផ្សារ​ក្នុង​សម័យ​ប្រកួត​ប្រជែង​​បច្ចុប្បន្ន​ ព្រោះថា វាពិតជាសំខាន់ណាស់នៅពេលដែលយើង​ចាប់​ផ្ដើម​ពង្រីក​ទីផ្សារ​ទៅ​កាន់​ តំបន់ផ្សេងៗ​ យើងមិនស្របទិសយុទ្ធសាស្រ្តច្បាស់ទេនោះ យើងនឹងអាចជួបបញ្ហាដូច្នេះ យើងត្រូវព្យាយាមទំនាក់ទំនងឲ្យបានច្រើន និងចូលរួមសហគមន៍ឲ្យបានច្រើន ដោយការផ្ដោតទៅលើប្រព័ន្ធណែតវើក(Network) បែបនេះ គឺកាត់បន្ថយការចំណា​យ​លើ​ការ​ធ្វើ​ 4P បាន​មួ​យ​កម្រិត​​ និងធ្វើឲ្យ​បង​ប្អូន​ម្ចាស់​អាជីវកម្ម​ជោគជ័យកាន់តែច្រើន។

បទ​បង្ហាញ​របស់​​លោក តេង រិទ្ធី ​ស្ថាបនិក​ R’ Investment Group អំពី​ទ្រឹស្ដីនៃ​ការ​ធ្វើ​ទីផ្សារ​តាម​ទ្រឹស្ដីរបស់លោក Philip Kotler

បន្ទាប់ពីសិក្ខាសាលាមួយនេះបញ្ចប់​លោក​ ឧកញ៉ា ជា ដែន រំពឹងថា អ្នកចូលរួម នឹងទទួលបាននូវគំហើញថ្មីៗដូចជាគំហើញពី​គោលការណ៍នៃ​ការ​ធ្វើ​ទីផ្សារ​ផ្លាស់​ប្ដូរ​ពី​​បែប 4P ទៅជា 4C វិញ ព្រោះវាពិតជាសំខាន់ណាស់ ដែល​ធ្វើឲ្យបងប្អូនដែល​ជា​ម្ចាស់​អាជីវកម្ម​​អាច​កាត់បន្ថយ​ ការចំណាយ និងធ្វើឲ្យពួកគាត់កាន់តែជោគជ័យឡើង​ ពោល​គឺ​ពួក​គាត់​បាន​យល់់ពីយុទ្ធសាស្ត្រ​ធ្វើ​ទីផ្សារមុនពេលកំណត់នៃភាពក្ដៅគគុគកើតឡើង។

ក្នុងនោះផងដែរ​ លោក​ ឧកញ៉ា ជា ដែន ក៏បានមានប្រសាសន៍ផ្ដាំផ្ញើរថា ក្នុងនាមលោកគឺជាប្រធានសមាគមន៍ទីផ្សារអាណត្តិ​ថ្មី ២០១៨ ដល់​ ២០២០ ​លោក​សង្ឃឹមថា​ លោក​អាចនាំឲ្យសិក្ខាកាម​យល់ដឹងពីទីផ្សារមួយជំហ៊ាន​ទៀត​  បន្ទាប់មកទៀតគឺខាង Networking រវាង Business និង Business បានយល់ដឹងពីគ្នាទៅវិញទៅមក កាន់តែច្រើន ធ្វើឲ្យសហគមន៍ទាំងមូលបានយល់ដឹងថា តើគួរកាត់បន្ថយការចំណាយដោយរបៀបណា? ធ្វើទីផ្សាររបៀបណាខ្លះ? និងធ្វើ​តែ​មិន​ឲ្យមានការប៉ះពាល់ផ្ទៃក្នុងនិងរដ្ឋបាលផ្ទៃក្នុង​របស់​សមាជិក និងជុំរុញឲ្យមានផ្លាស់ប្តូរការលក់កាន់តែច្រើន។​

មួយ​វិញ​ទៀត​នោះ គឺទាក់ទងទៅនឹងទីផ្សារនៃការផលិត ដែល​​ លោក​ ឧកញ៉ា ជា ដែន សង្កេត​​ឃើញ​ថា​ បង​ប្អូន​ម្ចាស់​អាជីវកម្ម​ខ្លះ​មានបុគ្គលិកច្រើនពីមួយឆ្នាំទៅមួយឆ្នាំ ប៉ុន្តែហាក់ដូចជាមិនមានតម្រូវការទីផ្សារ​ខ្ពស់។ ដោយ​ឡែកមួយ​​ទៀត​នោះ​គឺ​ថា​ និស្សិត​ជួប​បញ្ហា​ច្រើន​លើ​ការ​ជ្រើស​រើស​ជំនាញ ជាក់ស្ដែង Account ដាក់ពាក្យធ្វើ Marketing អ្នករៀន Marketing ដាក់ពាក្យធ្វើខាង Account វិញ និងពេលខ្លះគឺការរៀនតាមតគ្នា។ ទិសដៅ​របស់​សមាគមន៍អ្នកទីផ្សារ​កម្ពុជា​ មិន​មែន​សម្រាប់​តែ​ម្ចាស់​អាជីវកម្មនោះ​ទេ​ សូម្បី​តែ​និស្សិត​ក៏អាច​ចូល​ជា​សមាជិកសមាគមន៍ទីផ្សារដើម្បី​យល់ឱ្យ​បាន​ច្បាស់​ពី​ទិសដៅ​ទីផ្សារ និង​ការ​ចាប់​ជំនាញ​ដ៏​ត្រឹមត្រូវ​៕ ​

ដោយ៖ ជួប ស្រីរ័ត្ន

ប្រសិន​ជា​អ្នក​ចូល​ចិត្ត​អត្ថបទ​នេះ​សូម​ជួយ​ Like & Shared

អត្ថបទពេញនិយម

ចំណុច​ខុស​គ្នា​សំខាន់ៗ​​​រវាង​គំនិត​​អ្នក​មាន​ ​និង ​គំនិត​អ្នក​ក្រ​ ​នំា​ឲ្យ​មាន​វាសនា​ផ្សេង​គ្នា​

​​គន្លឹះ​សំខាន់ៗ​ដែល​អ្នក​ត្រូវ​ចាំ​​​​ដាច់ខាត​ ​ដើម្បី​​ធ្វើ​ជំនួញ​​​ដោយ​ជោគជ័យ​ ​ទោះបីជា​​មាន​ដើមទុន​តិចតួច​ក្តី​!

រស់ម៉េចបានយូរ បើបារម្ភខ្លាចតែខុសនោះ

គន្លះយកឈ្នះលើខ្លួនឯង មិនបាច់គេប្រាប់

អត្ថបទពាណិជ្ជកម្ម​

Cambodia Green Will Festival បានវិលមកជួបលោកអ្នកសារជាថ្មី តើមានអ្វីប្លែក? តោះអាន!!!

ឧបករណ៍បំពងសម្លេង XBOOM របស់ក្រុមហ៊ុន LG ជាឧបករណ៍ មានអានុភាពដ៏អស្ចារ្យជាងឧបករណ៍ដ៏ទៃ

សេវាកម្មគ្រប់គ្រង Facebook Page សម្រាប់​អាជីវកម្មរបស់អ្នក! ល្បីជាងមុន! លក់ដាច់ជាងមុន

BRED Bank ​សម្ពោធ​សាខា​ថ្មី​បន្ថែម ​១ទៀត​នា​ទឹក​ដី​​សៀមរាបអង្គរ

អានអត្ថបទតាមខែ

October 2018
M T W T F S S
« Sep    
1234567
891011121314
15161718192021
22232425262728
293031