អត្ថបទថ្មីបំផុត
ទំព័រដើម > នីតិវិធី​អាជីវកម្ម > តើ​អ្វី​ទៅជា​ប្រកាសនីយបត្រ​តក្កកម្ម (Patent)?

តើ​អ្វី​ទៅជា​ប្រកាសនីយបត្រ​តក្កកម្ម (Patent)?

​ប្រកាសនីយបត្រ​តក្កក​ម្ម គឺជា​វិញ្ញាបនបត្រ​ដែល​បានផ្តល់​ដើម្បី​ការពារ​តក្កកម្ម (​ការបង្កើត​ថ្មី​)។​ ​ពាក្យ​ថា “​តក្កកម្ម​” គឺ​សំដៅ​ដល់​គំនិត​បង្កើត​ថ្មី​របស់​តក្កករ (​អ្នកបង្កើត​ថ្មី​) ដែល​អាច​យកទៅអនុវត្ត​បាន នៅក្នុង​ដំណោះស្រាយ​បញ្ហា​ជាក់លាក់​ណាមួយ​ក្នុង​វិស័យ​បច្ចេកវិទ្យា​។ តក្កកម្ម អាចជា​ការរកឃើញ​ផលិតផល ឬ ដំណើរការ​ផលិតកម្ម ឬ អាចជា​ការរកឃើញ​អ្វីមួយ​ដែល​ទាក់ទង​ទៅនឹង​ផលិតផល ឬ​ដំណើរការ​ផលិតកម្ម​។

​តក្កកម្ម​ខាងក្រោម​នេះ មិនត្រូវ​បានការ​ពារ​ដោយ​ប្រកាសនីយបត្រ​តក្កកម្ម​ឡើយៈ
១. ការរកឃើញ​ទ្រឹស្តី​វិទ្យាសាស្ត្រ និង វិធីសាស្ត្រ​គណិតវិទ្យា
២. គម្រោងការ ក្បួន ឬ វិធីសាស្ត្រ​សម្រាប់ធ្វើ​ជំនួញ សម្រាប់ធ្វើ​សកម្មភាព​ហ្វឹកហ្វឺន​ខាង​ប្រាជ្ញា​សុទ្ធសាធ ឬ សម្រាប់​លេងល្បែង​កំសាន្ត
៣. វិធីសាស្ត្រ​សម្រាប់​ព្យាបាល​មនុស្ស ឬ​សត្វ ដោយ​ការវះកាត់ ឬ​ដោយ​ការព្យាបាល ក៏ដូចជា​វិធីសាស្ត្រ វិនិច្ឆ័យ​រោគ​ដែល​បាន​អនុវត្ត​លើ​រាងកាយ​មនុស្ស ឬ សត្វ​។ បទ​ប្ប​ញ្ញ​តិ្ត​នេះ​មិន​យកមកអនុវត្ត​ចំពោះ ផលិតផល​ទាំងឡាយ​ដែល​យកមកប្រើ​ប្រាស់​ក្នុង​វិធីសាស្ត្រ​ខាងលើនេះ​ទេ​
៤. ផលិតផល​ឱសថ​ដូច​មានចែង​ក្នុង​មាត្រា ១៣៦ នៃ​ច្បាប់​
៥. រុក្ខជាតិ ឬ សត្វ​ដែល​មិនមែនជា​មីក្រូ​សរីរាង្គ និង​ដំណើរ​ការកកើត តាម​លក្ខណៈ​ជីវសាស្ត្រ​សំខាន់ៗ សម្រាប់​ផលិតកម្ម​រុក្ខជាតិ ឬ​សត្វ
៦. ប្រភេទ​ផ្សេងៗ​នៃ​ពូជរ​ក្ខ​ជាតិ​ណាមួយ​។ តក្កកម្ម​ទាំងឡាយណា​ដែល​ការធ្វើ​អាជីវកម្ម​ពាណិជ្ជកម្ម​នៅក្នុង ព្រះរាជាណាចក្រ​កម្ពុជា​៖
•​ ​ផ្ទុយ​នឹង​សណ្តាប់ធ្នាប់​ស​ធា​រណៈ ឬ សីលធម៌ ឬ​
•​ ​មិន​ការពារ​ជីវិត ឬ​សុខភាព​របស់​មនុស្ស សត្វ ឬ​រុក្ខជាតិ ឬ​
•​ ​ធ្វើឱ្យ​ខូច​បរិស្ថាន​ធ្ងន់ធ្ងរ ឬ​
•​ ​ត្រូវបាន​ហាមឃាត់​ច្បាប់​ក្នុង​ការផ្តល់​ប្រកាសនីយបត្រ​តក្កកម្ម​។​

ខាងក្រោម​នេះ គឺជា​ល័ក្ខខ័ណ្ឌ​ដែល​តក្កកម្ម​អាច​ទទួលបាន​នូវ​ប្រកាសនីយបត្រ​តក្ក​កម្ម​៖
១. ថ្មី​
២. មាន​ជំហាន​រកឃើញ​ថ្មី និង
៣. អាច​យកទៅ​អនុវត្តបាន​នៅក្នុង​វិស័យ​ឧស្សាហកម្ម​។

ថ្មី
​តក្កកម្ម​ដែល​អាច​ចាត់ទុកថា​ថ្មី​បាន លុះត្រាតែ​តក្កកម្ម​នោះ​ពុំទាន់​មាន​អ្នកណា​បាន​រកឃើញ​ពីមុន ។ ការរក ឃើញ​ពីមុន គឺ​សំដៅ​ទៅលើ​តក្កកម្ម​ដែល​សាធារណជន​នៅ​កន្លែង​ណាមួយ​នៅលើ​ពិភពលោក​បានដឹង​មុន​កាល បរិច្ឆេទ​សុំ​ចុះបញ្ជី​សំណុំលិខិត​ស្នើសុំ ឬ កាលបរិច្ឆេទ​អាទិភាព​នៃ​សំណុំលិខិត​ស្នើសុំ​នោះ តាមរយៈ​ការផ្សព្វផ្សាយ ដោយ​ប្រើ​រូបភាព​ជាក់ស្តែង ឬ ដោយផ្ទាល់​មាត់ តាមរយៈ​ការប្រើប្រាស់​តក្កកម្ម​នោះ ឬ តាមរយៈ​មធ្យោបាយ ផ្សព្វផ្សាយ​ផ្សេងៗ​ទៀត ។
​មិនត្រូវ​ចាត់ទុកថា​ជាការ​ដឹង​ដល់​សាធារណជន ចំពោះ​ករណី​ដូចខាងក្រោម ៖
​ក​. ការដឹង​ដល់​សាធារណជន​នូវ​តក្កកម្ម ដែល​បាន​កើតឡើង​ក្នុងអំឡុងពេល​ដប់​ពីរ​(១២)​ខែ មុន​កាល បរិច្ឆេទ​សុំ​ចុះបញ្ជី​សំណុំលិខិត​ស្នើសុំ ឬ កាលបរិច្ឆេទ​អាទិភាព​នៃ​សំណុំលិខិត​ស្នើសុំ​នោះ ។​
​ខ​. ការធ្វើឱ្យ​លេចឮ​ខ្ទរខ្ទារ​នូវ​ពត៌មាន​ស្តីអំពី​តក្កកម្ម តាមរយៈ​អ្នកដាក់ពាក្យសុំ តាមរយៈ​អ្នក​ស្នង​របស់​បុព្វ ជន ឬ តាមរយៈ​ការរំលោភ​របស់​ភាគី​ទី​បី​ទៅលើ​អ្នកដាក់ពាក្យសុំ ឬ អ្នក​ស្នង​របស់​បុព្វ​ជន​ដែល​បណ្តាល ឱ្យ​លេចឮ​ខ្ទរខ្ទារ​ពត៌មាន​នេះ ។​
​ជំហាន​រកឃើញ​ថ្មី
​តក្កកម្ម​ត្រូវ​ចាត់ទុកថា​មាន​ជំហាន​រកឃើញ​ថ្មី ប្រសិនបើ​តក្កកម្ម​នោះ​មិន​អាចឱ្យ​បុគ្គល​ណា​ដែលមាន​កម្រិត ធម្មតា​ក្នុង​ជំនាញ​យល់ដឹងបាន ។
​អាច​អនុវត្តបាន​នៅក្នុង​វិស័យ​ឧស្សាហកម្ម
​តក្កកម្ម​មួយ​ត្រូវ​ចាត់ទុកថា​អាច​អនុវត្តបាន​នៅក្នុង​វិស័យ​ឧស្សាហកម្ម ប្រសិនបើ​តក្កកម្ម​នោះ​អាច​ត្រូវបាន ផលិត ឬ​ត្រូវបាន​ប្រើប្រាស់​នៅក្នុង​ប្រភេទ​ណាមួយ​នៃ​ឧស្សាហ​កម្មបាន ។​
​សិទ្ធិ​ដែល​ទទួលបាន​តាមរយៈ​ប្រកាសនីយបត្រ​តក្កកម្ម​
​ការធ្វើ​អាជីវកម្ម នៅក្នុង​ព្រះរាជាណាចក្រ​កម្ពុជា នូវ​តក្កកម្ម​ដែល​បានទទួល​ប្រកាសនីយបត្រ​តក្កកម្ម​រួច ហើយដោយ​បុគ្គល​ដទៃទៀត ចាំបាច់​ត្រូវតែមាន​ការយល់ព្រម​ពី​ម្ចាស់​ប្រកាសនីយបត្រ​តក្កកម្ម​នោះ​។​
​ការធ្វើ​អាជីវកម្ម​នៃ​តក្កកម្ម​ដែល​បានទទួល​ប្រកាសនីយបត្រ​តក្កកម្ម​រួចហើយ គឺ​មានន័យថា​ជា​សកម្មភាព ណាមួយ​នៃ​សកម្មភាព​ទាំងឡាយ​ខាងក្រោម​នេះ ៖
១. ចំពោះ​ផលិតផល​មួយ ដែល​បាន​ផ្តល់ជូន​នូវ​ប្រកាសនីយបត្រ​តក្ក​កម្ម​រួចហើយ ការធ្វើ​អាជីវកម្ម​គឺជា ៖
ក​-​ការផលិត ការនាំ​ចូល ការផ្គត់ផ្គង់​សម្រាប់​ការលក់ និង​ការប្រើប្រាស់​ផលិតផល​នោះ
ខ​-​ការ​ស្តុក​ទុក​ផលិតផល​នោះ ក្នុង​គោលបំណង​ផ្គត់ផ្គង់ សម្រាប់​លក់ ឬ​ប្រើប្រាស់​។​
២. ចំពោះ​ដំណើរការ​ផលិតកម្ម​មួយ ដែល​បាន​ផ្តល់ជូន​នូវ​ប្រកាសនីយបត្រ​តក្ក​កម្ម​រួចហើយ ការធ្វើ​អាជីវ កម្ម​គឺជា ៖
ក​-​ការប្រើប្រាស់​ដំណើរការ​ផលិតកម្ម​នោះ​
ខ​-​ការធ្វើសកម្មភាព​ណាមួយ​នៃ​សកម្មភាព​ទាំងឡាយ​ដូច​មានចែង​ក្នុង​ចំណុច “​ក​” និង “​ខ​” នៃ ចំណុច ទី ១ លើ​ផលិតផល​ដែល​ទទួលបាន​ដោយផ្ទាល់​ពី​មធ្យោបាយ​នៃ​ដំណើរការ​ផលិតកម្ម​នោះ ។​

​រយៈពេល​ការពារ​
​ប្រកាសនីយបត្រ​តក្កក​ម្ម មាន​សុពលភាព​រយៈពេល​ម្ភៃ​(២០)​ឆ្នាំ គិត​ចាប់ពី​កាលបរិច្ឆេទ​សុំ​ចុះបញ្ជី​នៃ​ការ ស្នើសុំ​ប្រកាសនីយបត្រ​តក្កកម្ម​៕

ដោយ​៖ ប៉ុ​ម ទូច​
​ប្រភព​៖ នាយកដ្ឋាន​កម្មសិទ្ធិបញ្ញា​នៃ​ក្រសួងពាណិជ្ជកម្ម​

ប្រសិន​ជា​អ្នក​ចូល​ចិត្ត​អត្ថបទ​នេះ​សូម​ជួយ​ Like & Shared

អត្ថបទពេញនិយម

​កម្រង​គំនិត​សំខាន់ៗ​របស់​ ឡៅ សឺ (​Lao Tzu)​​​ទស្សនវិទូ​របស់​ចិន​

មេរៀន​សំខាន់ៗ​ដែល​​អ្នក​អាច​រៀន​សូត្រ​ពី​​​​សម្រង់​សម្ដី​ទាំង​៨​​របស់​លោក ​Jack Ma មហាសេដ្ឋី​ចិន​​ ​

គន្លឹះ​សម្ងាត់​ទាំង ៦​ ដែល​ជួយ​អភិវឌ្ឍ​ចិត្ត​គំនិត​របស់​អ្នក​ឲ្យ​ដូច​មហា​សេដ្ឋី

គន្លឹះ​ដ៏​មុត​ស្រួច​ទាំង​៣​ក្នុង​ការ​កែ​ប្រែ​និង​អភិវឌ្ឍ​អ្នក​ឲ្យ​ក្លាយ​ទៅ​ជា​មនុស្ស​ថ្មី​មួយ​ទៀត

អត្ថបទពាណិជ្ជកម្ម​

លោក ព្រាប សុវត្ថិ ដឹកដៃកូនប្រុសទំាង២នាក់ធ្វើកក្រើកឆាកតន្រ្តី Tiger Street Football Festival 2019នាវគ្គផ្តាច់ព្រ័ត្រទូទាំងប្រទេស

ក្រុមស្នងការដ្ឋាននគរបាលខេត្តព្រះសីហនុ “A” ឈ្នះជើងឯកនៃ Tiger Street Football Festival 2019 លើកទី៧ ទូទាំងប្រទេសជាលើកដំបូង

អេ អឹម ខេ ត្រូវបានទទួលស្គាល់ជាគ្រឹះស្ថានមីក្រូហិរញ្ញវត្ថុ ដែលជួយឱ្យជីវភាពប្រជាពលរដ្ឋក្រីក្រមានភាពប្រសើរឡើង

ពិព័រណ៍ ឌីជីថលកម្ពុជាឆ្នាំ ២០១៩ បង្ហាញពីទិដ្ឋភាពផ្នែកឌីជីថលនៅអាស៊ីអាគ្នេយ៍ នាថ្ងៃអនាគត

អានអត្ថបទតាមខែ

March 2019
M T W T F S S
« Feb    
 123
45678910
11121314151617
18192021222324
25262728293031