អត្ថបទថ្មីបំផុត
Home > នីតិវិធី​អាជីវកម្ម > តើ​អ្វី​ទៅជា​ប្រតិវេទន៍​ប្រចាំឆ្នាំ (Annual Declaration)?

តើ​អ្វី​ទៅជា​ប្រតិវេទន៍​ប្រចាំឆ្នាំ (Annual Declaration)?

​បន្ទាប់ពី​បាន​ចុះបញ្ជី​ពាណិជ្ជកម្ម​ស្របតាម​បញ្ញត្តិ​នៃ​ច្បាប់​រួចមក សហគ្រាស​ពាណិជ្ជកម្ម​ទាំងឡាយ អាច ទទួលបាន​នូវ​នីតិ​បុគ្គលិកលក្ខណៈ (​ទម្រង់​តាមផ្លូវ​ច្បាប់​) ដែល​អនុញ្ញាតឱ្យ​សហគ្រាស​ទាំងនោះ អាច​ប្រកប ពាណិជ្ជកិច្ច​ស្របតាម​ច្បាប់ និង ស្របតាម​កម្មវត្ថុ​អាជីវកម្ម​របស់ខ្លួន​បាន​។ យ៉ាងណាមិញ ជា​កាតព្វកិច្ច​ដែល កំណត់ដោយ​ច្បាប់ រាល់​សហគ្រាស​ពាណិជ្ជកម្ម​ដែល​បាន​ចុះបញ្ជី​ទាំងឡាយ ត្រូវតែ​ធ្វើការ​តម្កល់​ប្រតិវេទន៍​ប្រចាំឆ្នាំ នៅ​ក្រសួងពាណិជ្ជកម្ម​នា​ដំណាច់ឆ្នាំ​នីមួយៗ​។ នៅក្នុង​អត្ថបទ​នេះ លោកអ្នក​នឹង​បាន​ស្វែងយល់​អំពី​តើ​អ្វី​ទៅជា ប្រតិវេទន៍​ប្រចាំឆ្នាំ​? តើ​នៅក្នុង​ប្រតិវេទន៍​ប្រចាំឆ្នាំ​នោះ មាន​រៀបរាប់​ពីអ្វី​ខ្លះ​? ហើយ​តើ​ហេតុអ្វី​ចាំបាច់​ត្រូវ​តម្កល់ ប្រតិវេទន៍​ជា​រៀងរាល់ឆ្នាំ​?

យោងទៅលើ​ច្បាប់​ស្តីពី​សហគ្រាស​ពាណិជ្ជកម្ម​ឆ្នាំ ២០០៥ សហគ្រាស​ពាណិជ្ជកម្ម​ទាំងឡាយ​ដែល​បាន ចុះបញ្ជី​ពាណិជ្ជកម្ម និង កំពុង​ប្រកប​អាជីវកម្ម​របស់ខ្លួន មាន​កាតព្វកិច្ច​តម្កល់​ប្រតិវេទន៍​ប្រចាំឆ្នាំ ដែល​ទាក់ទង​ទៅ នឹង​ស្ថានភាព​របស់​ក្រុមហ៊ុន​នៅ​ក្រសួងពាណិជ្ជកម្ម​។ ក្នុងន័យនេះ ពាក្យ​ថា “​ប្រតិវេទន៍​ប្រចាំឆ្នាំ​” គឺ​សំដៅ​ដល់​សំណុំ ឯកសារ​អំពី​ស្ថានភាព​សហគ្រាស​ពាណិជ្ជកម្ម ដែល​ត្រូវ​ដាក់ជូន​នាយកដ្ឋាន​ចុះបញ្ជី​ពាណិជ្ជកម្ម​នៃ​ក្រសួង​ពាណិជ្ជ កម្មនា​ដំណាច់ឆ្នាំ​នីមួយៗ ក្នុង​គោលបំណង​ប្រកាស​អំពី​ស្ថានភាព​ប្រចាំឆ្នាំ​របស់​សហគ្រាស​។
​ ​ដើម្បី​តម្កល់​ប្រតិវេទន៍​ប្រចាំឆ្នាំ​នោះ ម្ចាស់​សហគ្រាស ឬ​អ្នកតំណាង ត្រូវបំពេញ​ព័ត៌មាន​តម្រូវ​នានា​នៅក្នុង ទម្រង់​បែបបទ​ដែល​កំណត់ដោយ​ក្រសួងពាណិជ្ជកម្ម​។ ព័ត៌មាន​តម្រូវ​នៅក្នុង​ប្រតិវេទន៍​ប្រចាំឆ្នាំ​នោះ មាន​ជាអាទិ៍​៖
១. ព័ត៌មាន​ទូទៅ​របស់​សហគ្រាស (​នា​មក​រណ៍​ក្រុមហ៊ុន អត្តលេខ​ចុះបញ្ជី និង កាលបរិច្ឆេទ​ចុះបញ្ជី​)
២. អាសយដ្ឋាន (​អាសយដ្ឋាន​ចុះបញ្ជី​)
៣. ព័ត៌មាន​អភិបាល និង ម្ចាស់​ហ៊ុន (​ចំនួន​អភិបាល និង ចំនួន​ម្ចាស់​ហ៊ុន​)
៤. ចំនួន​ដើមទុន (​ចំនួន​ដើមទុន​សរុប​)​។​

បន្ថែម​លើ​នេះ​ទៀត កាលពី​ថ្ងៃទី ០៥ ខែមេសា ឆ្នាំ​២០១៧ ក្រសួង​សេដ្ឋកិច្ច និង ហិរញ្ញវត្ថុ បានចេញ​នូវ ប្រកា​សលេខ ១០៧ ព​.​ណ​.​ចបព​. ប្រក ស្តីពី​ការតម្កល់​ប្រតិវេទន៍​ប្រចាំឆ្នាំ​តាម​ប្រព័ន្ធ​ស្វ័យប្រវត្ត​កម្ម ដែល​នៅក្នុង ប្រកាស​នោះ តម្រូវឱ្យ​សហគ្រាស​ពាណិជ្ជកម្ម​ដែល​បាន​ចុះបញ្ជី​ពាណិជ្ជកម្ម​នៅ​ក្រសួងពាណិជ្ជកម្ម​ទាំងអស់ ធ្វើការ តម្កល់​ប្រតិវេទន៍​ប្រចាំឆ្នាំ​ដែល​ទាក់ទង​ទៅនឹង​ស្ថានភាព​ក្រុមហ៊ុន​តាម​ប្រព័ន្ធ​ស្វ័យប្រវត្ត​កម្ម (Automation System) របស់​ក្រសួងពាណិជ្ជកម្ម​តាមរយៈ​គេហទំព័រ​៖ www.businessregistration.moc.gov.kh​៕

​ដោយ​៖ ប៉ុ​ម ទូច​

ប្រសិន​ជា​អ្នក​ចូល​ចិត្ត​អត្ថបទ​នេះ​សូម​ជួយ​ Like & Shared

អត្ថបទពេញនិយម

ត្រូវ​​បង្កើត​ទម្លាប់​ល្អៗ​ទាំង​​៦​យ៉ាង​នេះ​ ​មុន​ឈាន​ដល់​វ័យ​៣០​ ដើម្បី​ធានា​អំពី​ភាព​ជោគជ័យ​​របស់​អ្នក​

រឿង​អត់​ប្រយោជន៍​៥​យ៉ាង​​ ​ដែល​អ្នក​គួរ​​​​ឈប់​ធ្វើ​កាន់​តែ​ឆាប់​កាន់​តែ​ល្អ​ ​បើ​​មិន​​ចង់​​​ឲ្យ​ជីវិត​អន្តរាយ

ត្រូវ​ជម្នះ​ភាព​ភ័យ​ខ្លាច​ទាំង​៤​នេះ​សិន​ ​​ប្រសិន​បើ​អ្នក​​ចង់​ជោគជ័យ​​​ក្នុង​ជីវិត

​​​​​អ្នក​មិន​ត្រូវ​ធ្វើ​​ចំណុច​អវិជ្ជមាន​​៦​យ៉ាងនេះ​​ដាច់ខាត ​នៅ​ថ្ងៃ​ធ្វើ​ការ​ដំបូង​របស់​អ្នក​​

អត្ថបទពាណិជ្ជកម្ម​

សែ​ល​កាត ឈ្នះ​ពានរង្វាន់ ជា​បណ្ដាញ​សេវា​អ៊ី​ន​ធើ​ណិ​ត​លឿន​ជាងគេ​បំផុត​នៅ​កម្ពុជា Ookla Speedtest Award

ការ​សម្រេច​ចិត្ត​ផ្នែក​ទីផ្សារ​ដោយ​មិនមាន​​ព័ត៌មាន​ច្បាស់លាស់​ប្រៀបដូចជា​បើកបរ​ដោយ​បិទ​ភ្នែក​!

​​​បើ​ចង់​ពូកែ​ខាង​ផ្នែក​ចរចា​ ​កុំ​ភ្លេច​ចូលរួម​សិក្ខាសាលា​​​​ស្ដី​ពី​​«​ជំនាញ​នៃ​ការ​ចរចា​​»​ ​ទាំង​អស់​គ្នា

​រថយន្ត HAWTAI A25 មាន​ក្រុមហ៊ុន​ក្នុង​ស្រុក​​នាំចូល​កម្ពុជា​ផ្ដាច់​មុខ​ហើយ!

អានអត្ថបទតាមខែ

July 2017
M T W T F S S
« Jun    
 12
3456789
10111213141516
17181920212223
24252627282930
31