អត្ថបទថ្មីបំផុត
ទំព័រដើម > នីតិវិធី​អាជីវកម្ម > ជនជាតិ​បរទេស​អាច​ទិញ​ដី​នៅ​ប្រទេស​កម្ពុជា​បានដែរ​ឬទេ​?

ជនជាតិ​បរទេស​អាច​ទិញ​ដី​នៅ​ប្រទេស​កម្ពុជា​បានដែរ​ឬទេ​?

​តាមរយៈ​រដ្ឋធម្មនុញ្ញ​ឆ្នាំ ១៩៩៣ ប្រទេស​កម្ពុជា​បានប្រែក្លាយ​ខ្លួន​ពី​ប្រទេស​ដែល​អនុវត្ត​ប្រព័ន្ធ​សេដ្ឋកិច្ច ផែនការ​មកជា​ប្រទេស​មូលធននិយម​ដោយ​អនុវត្ត​នូវ​ប្រព័ន្ធ​សេដ្ឋកិច្ច​ទីផ្សារ​។ តាមរយៈ​នេះ ជនជាតិ​បរទេស អាច​បោះទុន​វិនិយោគ​ដោយផ្ទាល់​ក្នុងប្រទេស​កម្ពុជា​។ មានន័យថា ជនជាតិ​បរទេស​អាច​កាន់កាប់​ភាគហ៊ុន​១០០% នៃ​ក្រុមហ៊ុន​មួយ ដោយ​មិនចាំបាច់​មានការ​ចូលរួម​ពី​ជនជាតិខ្មែរ​ឡើយ​។

ទាក់ទិន​នឹង​បញ្ហា​នេះ មាន​សំនួរ មួយ​បាន​លើកឡើងថា ដោយហេតុថា​ជនជាតិ​បរទេស​អាច​កាន់កាប់​ភាគហ៊ុន​១០០% នៃ​ក្រុមហ៊ុន​ដែល​បង្កើត ឡើង​នៅ​កម្ពុជា តើ​ជនជាតិ​បរទេស​អាច​ទិញ​ដី​នៅ​ប្រទេស​កម្ពុជា​បានដែរ​ឬទេ​?​ ​រដ្ឋធម្មនុញ្ញ​ឆ្នាំ ១៩៩៣ បាន​ចែងថា​៖ “​មានតែ​រូបវន្តបុគ្គល ឬ នីតិបុគ្គល​ដែលមាន​សញ្ជាតិ​ខ្មែរ​ប៉ុណ្ណោះ ទើប​មាន​សិទ្ធិ​ជា​ម្ចាស់​កម្មសិទ្ធិ​លើដី​ធ្លី​”​។

ក្នុងន័យនេះ ដើម្បី​អាច​ក្លាយជា​កម្មសិទ្ធិករ​នៃ​ដីធ្លី​នៅក្នុង​ព្រះរាជាណាចក្រ កម្ពុជា​បាន បុគ្គល​នោះ​ចាំបាច់​ត្រូវតែមាន​សញ្ជាតិ​ខ្មែរ មិន​ថា​បុគ្គល​នោះ​ជា​ជនជាតិខ្មែរ ឬ​ជនជាតិ​បរទេស​ឡើយ។ ​ ​

គួរ​បញ្ជាក់ថា ជនជាតិ​បរទេស មិន​ថា​ជា​ជាតិ​សាសន៍​ណា​ឡើយ អាច​ទទួលបាន​នូវ​សញ្ជាតិ​ខ្មែរ​បាន ដោយ ធ្វើការ​ស្នើសុំ​ស្របតាម​ល័ក្ខខ័ណ្ឌ និង នីតិវិធី​ដែលមាន​ចែង​នៅក្នុង​ច្បាប់​ស្តី​សញ្ជាតិ​របស់​កម្ពុជា​។​​ ​លើសពីនេះទៅទៀត នីតិបុគ្គល​សញ្ជាតិ​បរទេស ក៏​អាច​ទទួលបាន​នូវ​សញ្ជាតិ​ខ្មែរ​ផងដែរ ប្រសិនបើ​នីតិ បុគ្គល​នោះបាន​ចុះបញ្ជី និង ប្រកប​អាជីវកម្ម​នៅក្នុង​ព្រះរាជាណាចក្រ​កម្ពុជា ហើយ​ភាគហ៊ុន​ចាប់ពី ៥១% ត្រូវបាន ផ្ទេរ​មកក្រោម​ការកាន់កាប់​របស់​រូបវន្តបុគ្គល ឬ​នីតិបុគ្គល​ដែលមាន​សញ្ជាតិ​ខ្មែរ​។ ​

ផ្ទុយ​មកវិញ ផ្អែក​តាមច្បាប់​ស្តីពី​ការផ្តល់​សិទ្ធិកម្មសិទ្ធិ​លើ​ចំណែក​ឯកជន​នៃ​អគារ​សហកម្មសិទ្ធិ​ដល់​ជន បរទេស ជនជាតិ​បរទេស​មាន​សិទ្ធិ​ក្លាយជា​កម្មសិទ្ធិករ​លើ​ចំណែក​ឯកជន​នៃ​អគារ​សហកម្មសិទ្ធិ​ចាប់ពី​ជាន់​ទី​១ ឡើងទៅ​។

ក្នុងន័យនេះ ជនជាតិ​បរទេស​មិន​តម្រូវឱ្យមាន​សញ្ជាតិ​ខ្មែរ​ឡើយ ចំពោះ​ការធ្វើ​លទ្ធកម្ម​កម្មសិទ្ធិ​លើ ចំណែក​ឯកជន​នៃ​អគារ​សហកម្មសិទ្ធិ ដែលមាន​ដូចជា ខុន​ដូ (Condominium)  ឬ​ផ្ទះ​ដែលមាន​កម្មសិទ្ធិករ​ច្រើន នាក់​កាន់កាប់​ចំណែក​ឯកជន​ផ្សេងៗ​គ្នា​ជាដើម​។ ចំពោះ​ជាន់​ផ្ទាល់​ដី និង ជាន់​ក្រោម​ដី ជនជាតិ​បរទេស​មិនអាច​ធ្វើ លទ្ធកម្ម​កម្មសិទ្ធិ​បានឡើយ លើកលែងតែ​ជនជាតិ​បរទេស​នោះ​ទទួលបាន​សញ្ជាតិ​ខ្មែរ​ស្របតាម​នីតិ​វិ​ច្បាប់​។ ​ ​ជារួម​មក ជនជាតិ​បរទេស​ក៏​អាចមាន​សិទ្ធិ​ក្លាយជា​ម្ចាស់​កម្មសិទ្ធិ​លើដី​ធ្លី​នៅក្នុង​ព្រះរាជាណាចក្រ​កម្ពុជា​ដែរ ប្រសិនបើ​បុគ្គល​នោះ​ទទួលបាន​នូវ​សញ្ជាតិ​ខ្មែរ​ស្របតាម​ច្បាប់​ជា​ធរមាន​៕
​ដោយ​៖ ប៉ុ​ម ទូច​​

ប្រសិន​ជា​អ្នក​ចូល​ចិត្ត​អត្ថបទ​នេះ​សូម​ជួយ​ Like & Shared

អត្ថបទពេញនិយម

​កិច្ចការ​សំខាន់ៗ​ ៧​យ៉ាង​ ​ដែល​បុគ្គលជោគជ័យ​តែង​ធ្វើ​នៅ​ថ្ងៃ​អាទិត្យ​

ត្រូវ​ត្រៀម​ខ្លួន​​ជា​មួយ​​គន្លឹះ​សំខាន់ៗ​ទាំង​៦​នេះ ​​​បើ​ចង់​ក្លាយ​ជា​អ្នក​ដឹកនាំ​ឆ្នើម​​នា​ពេល​អនាគត​!​

តើ​ទំនិញ​អ្វីខ្លះ​ដែល​ត្រូវបាន​លើកលែង​ពន្ធ និង​អាករ​នៅពេល​នាំ​ចូលមក​កម្ពុជា​?

​បើ​អ្នក​ចង់​​បង្កើត​​ឡូហ្គោ​ដ៏​​​ល្អ​បំផុត​​សម្រាប់​​ក្រុមហ៊ុន​​​​នោះ ​គួរ​សួរ​ខ្លួន​ឯង​​​៧​​សំនួរ​នេះ​សិន​

អត្ថបទពាណិជ្ជកម្ម​

ការប្រើប្រាស់ប្រព័ន្ធបច្ចេកវិទ្យា ដើម្បីគ្រប់គ្រងការលក់ (POS)

ម៉ាស៊ីនបោកគក់ LG ជាជម្រើលដ៏ល្អបំផុតសំរាប់មេផ្ទះសម័យថ្មី

​​គ្រប់គ្រង​ហ្វេសប៊ុក​ផេក​ (Facebook Page) អាជីវកម្ម​ គឺ​ត្រូវ​ការ​អ្នក​ជំនាញ​ពិត​ប្រាកដ

ពិព័រណ៍​ទេសចរណ៍​ (Travel Fair) ​​ប្រចាំ​ឆ្នាំ​២០១៨៖ ដំណើរកម្សាន្តដ៏អស្ចារ្យក្នុង​តម្លៃពិសេស

អានអត្ថបទតាមខែ

August 2018
M T W T F S S
« Jul    
 12345
6789101112
13141516171819
20212223242526
2728293031