អត្ថបទថ្មីបំផុត
ទំព័រដើម > នីតិវិធី​អាជីវកម្ម > តើត្រូវធ្វើដូចម្តេចខ្លះដើម្បីទទួលបានលិខិតអនុញ្ញាតប្រកបអាជីវកម្ម-សេវាកម្ម សម្រាប់អាជីវកម្មថ្មី?

តើត្រូវធ្វើដូចម្តេចខ្លះដើម្បីទទួលបានលិខិតអនុញ្ញាតប្រកបអាជីវកម្ម-សេវាកម្ម សម្រាប់អាជីវកម្មថ្មី?

ដូចដែលលោកអ្នកបានជ្រាបរួចមកហើយថា បុគ្គលដែលមិនមែនជាពាណិជ្ជករ សកម្មភាពដែលមិនមែនជាពាណិជ្ជ កិច្ច និង ពាណិជ្ជករ និង ក្រុមហ៊ុនពាណិជ្ជកម្មដែលមិនជាប់ពន្ធលើប្រាក់ចំណេញ សុទ្ធតែរួចផុតពីកាតព្វកិច្ចក្នុងការ ចុះបញ្ជីពាណិជ្ជកម្មនៅក្រសួងពាណិជ្ជកម្ម។
ប៉ុន្តែទោះបីជាយ៉ាងណាក្តី ដើម្បីទទួលបាននូវការទទួលស្គាល់បឋមនូវភាពស្របច្បាប់ជារូបវន្តបុគ្គល ក្នុងការប្រកប អាជីវកម្ម-សេវាកម្ម ស្របទៅតាមគោលការណ៍ច្បាប់ជាធរមាន អាជីវកម្មដែលរួចផុតពីកាតព្វកិច្ចក្នុងការចុះបញ្ជី ពាណិជ្ជកម្ម ត្រូវស្នើសុំលិខិតអនុញ្ញាតប្រកបអាជីវកម្ម-សេវាកម្ម ពីអាជ្ញាធរមានសមត្ថកិច្ច។ នៅក្នុងអត្ថបទនេះ លោកអ្នកនឹងបានស្វែងយល់ពីនីតិវិធីនិងឯកសារតម្រូវមួយចំនួនសម្រាប់ធ្វើការស្នើសុំលិខិតអនុញ្ញាតប្រកបអាជីវ កម្ម-សេវាកម្ម។
ខាងក្រោមនេះគឺជានីតិវិធីសាមញ្ញ ដែលលោកអ្នកអាចធ្វើបានដោយខ្លួនឯងក្នុងការស្នើសុំលិខិតអនុញ្ញាតប្រកប អាជីវកម្ម-សេវាកម្មសម្រាប់អាជីវកម្មថ្មីរបស់លោកអ្នក៖
១. រៀបចំឯកសារសម្រាប់ធ្វើការស្នើសុំ
ជាការពិតណាស់ ដើម្បីឱ្យនីតិវិធីស្នើសុំលិខិតអនុញ្ញាតប្រកបអាជីវកម្ម-សេវាកម្ម អាចធ្វើទៅបានដោយរលូន លោក អ្នកត្រូវរៀបចំនូវឯកសារតម្រូវដូចខាងក្រោម៖
 ពាក្យស្នើសុំការអនុញ្ញាតប្រកបអាជីវកម្ម-សេវាកម្ម ០១ ច្បាប់
 ជីវប្រវត្តិសង្ខេបរបស់ម្ចាស់អាជីវកម្ម ០១ ច្បាប់
 រូបថតម្ចាស់អាជីវកម្ម (រូបថតបច្ចុប្បន្នទំហំ៤គុណ៦) ០២ សន្លឹក
 លិខិតបញ្ជាក់ទីតាំងដោយមានបិទរូបថតនៃទីតាំង (ទំហំ ១០ គុណ ១៥) ០២ សន្លឹក
 អត្តសញ្ញាណប័ណ្ណ ឬ លិខិតឆ្លងដែន (ច្បាប់ថតចម្លង) ០២ សន្លឹក
 កិច្ចសន្យា (ការសន្យាចំពោះមុខអាជ្ញាធរសាធារណៈ) ០២ ច្បាប់
 ប័ណ្ណកម្មសិទ្ធិទីតាំង ឬកិច្ចសន្យាជួលទីតាំង (ច្បាប់ថតចម្លង) ០២ ច្បាប់
 វិក័យប័ត្រគំរូ (ប្រសិនបើមាន) ០២ សន្លឹក
២. ការដាក់ពាក្យស្នើសុំ
ដើម្បីទទួលបានលិខិតអនុញ្ញាតប្រកបអាជីវកម្ម-សេវាកម្ម សម្រាប់អាជីវកម្មខ្នាតតូចដែលមិនជាប់ពន្ធលើប្រាក់ ចំណេញ លោកអ្នកអាចដាក់ពាក្យស្នើសុំអមជាមួយនឹងឯកសារភា្ជប់ដូចបានរៀបរាប់ក្នុងចំណុចទី១ខាងលើ ទៅ កាន់ការិយាល័យច្រកចេញចូលតែមួយស្រុក-ខណ្ឌដែលទីតាំងអាជីវកម្មស្ថិតនៅ ប្រសិនបើទីតាំងអាជីវកម្មនោះ មានទំហំតូចជាងឬស្មើ ៥ ម៉ែត្រការ៉េ។ ផ្ទុយមកវិញ ប្រសិនបើទីតាំងនៃអាជីវកម្មនោះមានទំហំលើសពី ៥ ម៉ែត្រ ការ៉េ ម្ចាស់អាជីវកម្មត្រូវដាក់ពាក្យស្នើសុំទៅមន្ទីរពាណិជ្ជកម្មរាជធានី-ខេត្តដែលទីតាំងអាជីវកម្មនោះស្ថិតនៅ។
៣. តម្លៃសេវាសាធារណៈ រយៈពេលនៃការចេញលិខិតអនុញ្ញាតប្រកបអាជីវកម្ម-សេវាកម្ម និង សុពលភាព
ផ្អែកទៅលើប្រកាសរួមលេខ ១៦៤៣ សហវ.ប្រក ចុះថ្ងៃទី ១៦ ខែ ធ្នូ ឆ្នាំ ២០១៤ ដើម្បីទទួលបានលិខិតអនុញ្ញាត ប្រកបអាជីវកម្ម-សេវាកម្ម ម្ចាស់អាជីវកម្មត្រូវបង់តម្លៃសេវាសាធារណៈចំនួន ១០០.០០០ រៀល (ស្មើនឹង ២៥ ដុល្លារសហរដ្ឋអាមេរិក)។ បន្ទាប់ពីបានពិនិត្យភាពត្រឹមត្រូវនៃឯកសារតម្រូវ និង បានបង់សេវាចប់សព្វគ្រប់ហើយ នោះ មន្ទីរពាណិជ្ជកម្ម ក៏ដូចជាការិយាល័យច្រកចេញចូលតែមួយស្រុក-ខណ្ឌនឹងចេញលិខិតអនុញ្ញាតប្រកបអាជីវ កម្ម-សេវាកម្មឱ្យម្ចាស់អាជីវកម្មក្នុងរយៈពេល ៧ ថ្ងៃគិតចាប់ពីពេលដាក់ពាក្យស្នើសុំ ហើយលិខិតអនុញ្ញាតនោះ មានសុពលភាពប្រើប្រាស់ក្នុងរយៈពេល ១ ឆ្នាំ។ មានន័យថា ម្ចាស់អាជីវកម្មចាំបាច់ត្រូវតែស្នើសុំបន្តលិខិតអនុញ្ញាត នោះជារៀងរាល់មួយឆ្នាំម្តង។

មាន​ចម្ងល់​ផ្សេង​ៗ​ពាក់ព័ន្ធ​នឹង​បញ្ហា​នេះ​សូមទាក់ទង​មក​លេខ ០១២ ៦៦៦ ១០៤ ឬ ០១៥ ២២៤ ២៩៩៕

ដោយ៖ ប៉ុម ទូច

ប្រសិន​ជា​អ្នក​ចូល​ចិត្ត​អត្ថបទ​នេះ​សូម​ជួយ​ Like & Shared

អត្ថបទពេញនិយម

រឿង៥​យ៉ាង​ ​ដែល​ធ្វើ​ឲ្យ​អ្នក​ស្ដាយក្រោយ ​ប្រសិនបើ​មិន​បាន​ធ្វើ​ក្នុង​វ័យ​ខ្ទង់ ​២០ឆ្នាំ

សញ្ញា​ទាំង​៤​ដែល​បញ្ជាក់​ថា​អ្នក​ជា​មនុស្ស​គិត​ច្រើន​ជ្រុល​ហួសហេតុពេក

​ជំនាញ​៤​យ៉ាង​ដែល​ពិបាក​រៀន តែ​បើ​រៀន​ចេះ​​មិន​ខ្វះ​លុយ​ចូល

វិធី​​សាស្ត្រ​ទាំង​៥​​យ៉ាង​ ​ជួយ​អោយ​អ្នក​អាច​អាន​សៀវភៅ​​បាន​កាន់​តែ​ច្រើន​​ជាង​មុន

អត្ថបទពាណិជ្ជកម្ម​

​រៀន​សូត្រ​ពី​បុគ្គល​ជោគជ័យ​ដើម្បី​ប្រែ​ក្លាយ​​អាជីវកម្ម​​ខ្នាតតូច​​&​មធ្យម​ឱ្យ​​​មាន​​​បទដ្ឋាន​ត្រឹមត្រូវ! ​

ស្រាបៀរ ABC EXTRA STOUT រូបរាងថ្មី រសជាតិពិសេសដដែល

វេទិកា​ឧ​ត្ត​មសិ​ក្សា កម្ពុជា​-​អន្តរជាតិ ដ៏​ធំ និង​ដំបូង​គេ​នៅ​កម្ពុជា​ត្រូវបាន​រៀបចំឡើង​យ៉ាង​ជោគជ័យ​

​កម្មវិធី​សិក្សា​​ ៤​​​​សម្រាប់​ខែ​តុលា​ ដើម្បី​ធ្វើ​ឱ្យ​ការងារ​របស់​អ្នក​កាន់​តែ​ប្រសើរ​ឡើង!

អានអត្ថបទតាមខែ

October 2017
M T W T F S S
« Sep    
 1
2345678
9101112131415
16171819202122
23242526272829
3031