អត្ថបទថ្មីបំផុត
ទំព័រដើម > នីតិវិធី​អាជីវកម្ម > តើទ្រឹស្តីម៉ាស្លូវ (Maslow Theory) ប្រាប់យើងអំពីអ្វីខ្លះ?

តើទ្រឹស្តីម៉ាស្លូវ (Maslow Theory) ប្រាប់យើងអំពីអ្វីខ្លះ?

លោក អាប្រាហាម ម៉ាស្លូវ (Abraham Maslow) គឺជាចិត្តវិទូជនជាតិអាមេរិកដែលបានកើតនៅ ទីក្រុងប្រ៊ូគ្លិន រដ្ឋញូវយ៉ក។ លោកម៉ាស្លូវត្រូវបានគេស្គាល់យ៉ាងផុសផុលតាមរយៈទ្រឹស្តីមួយរបស់លោក ដែលបានរៀបរាប់និងវិភាគអំពីតម្រូវការពីធម្មជាតិរបស់មនុស្ស។ ទ្រឹស្តីនោះត្រូវបានហៅជាទូទៅថា “ទ្រឹស្តីម៉ាស្លូវ ឬ Maslow Theory”។ តើទ្រឹស្តីម៉ាស្លូវ ឬ Maslow Theory” ប្រាប់យើងអំពីអ្វីខ្លះ?

ទ្រឹស្តីម៉ាស្លូវ ឬ Maslow Theory គឺជាទ្រឹស្តីដែលអធិប្បាយអំពីតម្រូវការចាំបាច់របស់មនុស្សតាំងពី ចាប់កំណើតរហូតដល់បាត់បង់ជីវិត។ នៅក្នុងទ្រឹស្តីនេះ លោកម៉ាស្លូវបានបែងចែកតម្រូវការរបស់ មនុស្សជា ៥ ដំណាក់កាល៖
o ដំណាក់កាលទី១៖ ជាតម្រូវការចាំបាច់ខាងផ្លូវកាយ ដូចជាការដកដង្ហើម ការបរិភោគ សេចក្តី ត្រូវការទឹក ការបញ្ចេញកាកសំណល់ ការសម្រាក ការរួមភេទ ការធ្វើឱ្យមានតុល្យភាពផ្នែករាង កាយ។ល។
o ដំណាក់កាលទី២៖ បន្ទាប់ពីទទួលបានតម្រូវការខាងផ្លូវកាយរួចហើយ តម្រូវការបន្ទាប់ដែល មនុស្សត្រូវការជាចាំបាច់នោះគឺតម្រូវការមានសុវត្ថិភាពសម្រាប់ជីវិត។
o ដំណាក់កាលទី៣៖ តម្រូវការសេចក្តីស្រឡាញ់ ការរួមចំណែកក្នុងគ្រួសារ ក្នុងសង្គមជាអាទិ៍។
o ដំណាក់កាលទី៤៖ សេចក្តីត្រូវការការគោរពរាប់អាន ដូចជាការពេញចិត្តនឹងខ្លួនឯង ការជឿជាក់ ការសម្រចជោគជ័យ ការរាប់អានអ្នកដទៃ ការមានមុខមាត់ក្នុងសង្គម ការទទួលស្គាល់ និង ការលើកតម្កើងពីអ្នកដទៃ។ល។
o ដំណាក់កាលទី៥៖ ជាដំណាក់កាលខ្ពស់បំផុត ហៅថា Self-Actualization គឺជាការកសាង កម្លាំងចិត្តកម្រិតខ្ពស់។ សម្រាប់អ្នកណាដែលបានឆ្លងដំណាក់កាលទាំងបួនរួចហើយ ឬមាន អ្វីៗគ្រប់យ៉ាងរួចហើយ គេនឹងឈានមកដល់ការធ្វើអ្វីៗឱ្យអស់ពីសក្តានុពលរបស់ខ្លួន ដូចជា ការមានចរិយាធម៌ ការស្រាវជ្រាវរកអ្វីថ្មីៗដែលមានប្រយោជន៍ដល់មនុស្សជាតិ ការឆ្លើយតប នឹងអ្វីៗបានទៅតាមធម្មជាតិ ដោះស្រាយបញ្ហាផ្សេងៗដោយពុំមានអគតិ ចេះទទួលស្គាល់ ការពិតជាដើម។ល។

ជាការពិតណាស់ តាមរយៈទ្រឹស្តីម៉ាស្លូវនេះ យើងអាចមើលឃើញថា ដើម្បីឱ្យជីវិតរស់នៅពេញលេញ ជាមួយនឹងភាពសុខុដុមរមនា បុគ្គលម្នាក់គួរគប្បីព្យាយាមកសាងជីវិតរបស់ខ្លួនដោយត្រូវបំពេញឱ្យ បាននូវតម្រូវការទាំង៥ដំណាក់កាលនោះ។ លោកម៉ាស្លូវ លើកឡើងថាការណ៍ដែលមនុស្សខំព្យាយាម តបស្នងទៅតាមតម្រូវការចាំបាច់របស់ខ្លួន គឺការកសាងខ្លួនឱ្យបានទៅជាមនុស្សពេញលេញនៅក្នុង ដំណាក់កាលទី៥ គឺជាការសាងកម្លាំងចិត្តដ៏មានប្រយោជន៍បំផុត៕

ដោយ៖ ប៉ុម ទូច

ប្រសិន​ជា​អ្នក​ចូល​ចិត្ត​អត្ថបទ​នេះ​សូម​ជួយ​ Like & Shared

អត្ថបទពេញនិយម

​កិច្ចការ​សំខាន់ៗ​ ៧​យ៉ាង​ ​ដែល​បុគ្គលជោគជ័យ​តែង​ធ្វើ​នៅ​ថ្ងៃ​អាទិត្យ​

ត្រូវ​ត្រៀម​ខ្លួន​​ជា​មួយ​​គន្លឹះ​សំខាន់ៗ​ទាំង​៦​នេះ ​​​បើ​ចង់​ក្លាយ​ជា​អ្នក​ដឹកនាំ​ឆ្នើម​​នា​ពេល​អនាគត​!​

​​ទម្លាប់​​ធ្វើការ​​អាក្រក់​៤​យ៉ាង​ ដែល​​កំពុង​បំផ្លាញ​សុខភាព​របស់​អ្នក​ ​ដោយ​មិន​ដឹង​ខ្លួន​

​គួរ​សាកល្បង​ចំណុច​ទាំង ​៥​នេះ ​ដើម្បី​កាន់​តែ​មាន​​គំនិត​ច្នៃប្រឌិត​ក្នុង​ការ​រកស៊ី​

អត្ថបទពាណិជ្ជកម្ម​

ការប្រើប្រាស់ប្រព័ន្ធបច្ចេកវិទ្យា ដើម្បីគ្រប់គ្រងការលក់ (POS)

ម៉ាស៊ីនបោកគក់ LG ជាជម្រើលដ៏ល្អបំផុតសំរាប់មេផ្ទះសម័យថ្មី

​​គ្រប់គ្រង​ហ្វេសប៊ុក​ផេក​ (Facebook Page) អាជីវកម្ម​ គឺ​ត្រូវ​ការ​អ្នក​ជំនាញ​ពិត​ប្រាកដ

ពិព័រណ៍​ទេសចរណ៍​ (Travel Fair) ​​ប្រចាំ​ឆ្នាំ​២០១៨៖ ដំណើរកម្សាន្តដ៏អស្ចារ្យក្នុង​តម្លៃពិសេស

អានអត្ថបទតាមខែ

August 2018
M T W T F S S
« Jul    
 12345
6789101112
13141516171819
20212223242526
2728293031