អត្ថបទថ្មីបំផុត
ទំព័រដើម > សង្គម > ​​​ក្រុម ISIS​ កាន់​តែវេទនា​ ​ដោយសារតែ​បាត់​បង់​ចំណូល​៣០ភាគរយ​ ​​​​និង ​បាត់បង់​ទឹកដី​​២២​ភាគរយ

​​​ក្រុម ISIS​ កាន់​តែវេទនា​ ​ដោយសារតែ​បាត់​បង់​ចំណូល​៣០ភាគរយ​ ​​​​និង ​បាត់បង់​ទឹកដី​​២២​ភាគរយ

ពួកក្រុមរដ្ឋឥស្លាម

ប្រ​ភព៖​​ www.abc.net.au

ចំណូល​របស់​ក្រុម​រដ្ឋ​ឥស្លាម​​ ឬ​ ​ពួក​ISIS ​​បាន​ធ្លាក់​ចុះ​ចំនួន​៣០​ភាគរយ​ ​ចាប់​តាំង​ពី​ឆ្នាំ​មុន​ ​ដោយ​ហេតុ​ថា ​​ទឹកដី​ដែល​ពួក​គេ​ធ្លាប់​បាន​កាន់​កាប់​ ត្រូវ​បាន​បាត់បង់​ទៅ​វិញ​។ នេះ​បើ​យោង​​របាយការណ៍​របស់​IHS ​ដែល​ជា​ក្រុមហ៊ុន​ស្រាវ​ដ៏​ធំ​មួយ​របស់​​សហរដ្ឋអាមេរិក​​ ដែល​បង្ហាញ​​នៅ​ថ្ងៃ​ចន្ទ​​​។
​របាយការណ៍​ខាង​លើ​បាន​បញ្ជាក់​ថា ​ចំណូល​ប្រចាំ​ខែ​របស់​ក្រុម​ISIS ​កាល​ពី​ពាក់​កណ្ដាល​ឆ្នាំ​២០១៥​ គឺ​មាន​ចំនួន​​៨០​លាន​ដុល្លារ​អាមេរិក​ ​ប៉ុន្តែ​​ប្រាក់​ចំណូល​នៅ​ខែ​មិនា​ឆ្នាំ​២០១៦​ គឺ​​មាន​ត្រឹម​៥៦​លាន​ដុល្លារ​អាមេរិក​ប៉ុណ្ណោះ​​ក្នុង​មួយ​ខែ។

​​​កាល​ពី​មុន​ ដែនដី​ដែល​​ពួក​ISIS កាន់​កាប់​នោះ គឺ​ជា​ប្រភព​ប្រេង​ដែល​អាច​​ទាញ​យក​ផល​ប្រមាណ​ ​៣៣ ០០០​បារ៉ែល​ក្នុង​មួយ​ថ្ងៃ​ ​ប៉ុន្តែ​ដោយសារតែ​បាត់បង់​​ការ​កាន់កាប់​ដែនដី​បណ្ដើរៗ​ ​នាំ​ឲ្យ​ការ​ប្រមូល​ផល​ប្រេង​​បាន​​ត្រឹម​តែ​ ២១ ០០០​បារ៉ែល​ប៉ុណ្ណោះ​ក្នុង​មួយ​ថ្ងៃ​។

​គិត​រហូត​មក​ទល់​នឹង​ពេល​នេះ ​ក្រុម​ឥស្លាម​ជ្រុលនិយម​នេះ​ បាន​បាត់បង់​ទឹកដី​របស់​ខ្លួន​ប្រមាណ​២២​ភាគរយ​។ ​សូម​បញ្ជាក់​ថា ចំណូល​ភាគ​ច្រើន​ដែល​​ពួក​នេះ​ ​ទទួល​បាន​គឺ​ដោយសារតែ​ការ​​លក់​ប្រេង​ទៅ​កាន់​ទីផ្សារ​ងងឹត​ ពោល​គឺ​ស្មើ​នឹង​​៤៣​ភាគរយ​នៃ​ចំណូល​សរុប​។ ក្រៅ​​​ពី​ប្រេង​ ​ ​ISIS ​រក​ចំណូល​បាន​តាម​រយៈ​ការ​ចាប់ជំរិត ​ការ​​ជួញដូរ​មនុស្ស​ និង ការ​បរិច្ចាគ​​ពី​បរទេស​។
តាម​រយៈ​ការ​បាត់បង់​ចំណូល​យ៉ាង​ច្រើន​បែបនេះ ​វា​ធ្វើ​​ឲ្យ​ប្រតិបត្តិការ​របស់ ISIS​កាន់​តែ​ជួប​ការ​លំបាក​ ​ជា​ពិសេស​ប្រសិន​បើ​ចំណូល​​នៅ​តែ​បន្ត​ធ្លាក់​ចុះ​ជា​បន្តបន្ទាប់​បែប​នេះ​។​​​​

​ដោយ​៖ ​អ៊ុន ភក្តី

ប្រសិន​ជា​អ្នក​ចូល​ចិត្ត​អត្ថបទ​នេះ​សូម​ជួយ​ Like & Shared

អត្ថបទពេញនិយម

ទម្លាប់​រៀន​សូត្រទាំង​៥​ដែល​អ្នក​គួរ​តែ​អនុវត្ត​ជា​ប្រចាំ​ថ្ងៃ​ ដើម្បីក្លាយជាសិស្សពូកែ

បើគិតចង់រកស៊ី ដាច់ខាតកុំរកស៊ីជាមួយមនុស្ស៥ជំពូកនេះ ប្រយ័ត្នរលាយដោយមិនដឹងខ្លួន

​កុំ​និយាយ​​​​​ឃ្លា​ទាំង​៦​​​នេះ​ឲ្យ​​សោះ​ ​នៅ​​​កន្លែង​ការងារ​ ជៀសវាង​នាំ​ទុក្ខ​ដាក់​ខ្លួន​ឥតអំពើ​​

អ្នក​ចិត្តសាស្ត្រ​រក​ឃើញ​ធាតុ​ផ្សំ​សំខាន់ ៣​​យ៉ាង​ ដែល​កំណត់​​ភាព​រីក​រាយ​របស់​​មនុស្ស

អត្ថបទពាណិជ្ជកម្ម​

​ជួប​បុគ្គល​ជោគជ័យ​ដើម្បី​ប្រែ​ក្លាយ​​អាជីវកម្ម​​ខ្នាតតូច​​&​មធ្យម​ឱ្យ​​​មាន​​​បទដ្ឋាន​ត្រឹមត្រូវ​នៅ​ថ្ងៃ​ទី២៦ ខាង​មុខនេះ ​

ស្រាបៀរអាន់ឆ័រចាប់ឆ្នោតផ្តាច់ព្រ័ត្ររដូវកាលថ្មីជូនគូស្វាមីភរិយាថ្មី ក្នុងកម្មវិធីអាពាហ៍ពិពាហ៍ស្រាបៀរអាន់ឆ័រឆ្នាំ ២០១៧

ឱកាស​ពិសេស​ជួប​ជាមួយ​បុគ្គល​ជោគជ័យ​ក្នុង​អាជីវ​កម្មនា​ថ្ងៃទី​២៥ តុលា​នេះ

បៀរ​អាន់​ឆ័​រ​នឹង​ចាប់ឆ្នោត​ផ្តាច់ព្រ័ត្រ​រដូវ​កាល​ថ្មី​ចុង​សប្តាហ៍​នេះ​ ​ជាមួយ​ក្រុម​តារាចម្រៀង​កូរ៉េ Six Bomb

អានអត្ថបទតាមខែ

October 2017
M T W T F S S
« Sep    
 1
2345678
9101112131415
16171819202122
23242526272829
3031