អត្ថបទថ្មីបំផុត
ទំព័រដើម > សង្គម > នេះ​ជា​អ្វី​ដែល​អ្នក​គួរ​តែ​ធ្វើ​ឲ្យ​ខ្ជាប់ខ្ជួន​ ប្រសិន​បើ​ចង់​រក្សា​ទម្ងន់​ឲ្យ​នៅ​ដដែល

នេះ​ជា​អ្វី​ដែល​អ្នក​គួរ​តែ​ធ្វើ​ឲ្យ​ខ្ជាប់ខ្ជួន​ ប្រសិន​បើ​ចង់​រក្សា​ទម្ងន់​ឲ្យ​នៅ​ដដែល

ប្រ​ភព៖​​ www.vendeescoop.com

ដូចដែលអ្នកគ្រប់គ្នាបានដឹងមកហើយថា ការសម្រកទម្ងន់ គឺជារឿងមួយដ៏លំបាក ប៉ុន្តែការដែលរក្សាលំនឹងឲ្យស្ថិតស្ថេរគឺជារឿងមួយទៀតដែលរឹតតែពិបាកដើម្បីធ្វើវាឱ្យបានជោគជ័យ។ មនុស្សភាគច្រើន អាចសម្រកទម្ងន់បាន តែក្នុងចំណោមអ្នកទាំងនោះ មិនមានមនុស្សច្រើនទេ ដែលអាចរក្សាទម្ងន់របស់ពួកគេឲ្យនៅដដែល បន្ទាប់ពីសម្រកទម្ងន់បានសម្រេចហើយនោះ។ ខាងក្រោមនេះ គឺជាវិធីមួយចំនួនដែលអ្នកអាចធ្វើបានប្រសិនបើអ្នកចង់រក្សាទម្ងន់របស់អ្នកនៅក្នុងរយៈពេលមួយដ៏យូរ៖
១) កុំព្យាយាមបន្ថយអាហារខ្លាំងពេក៖ ជាការពិតណាស់ ការពិនិត្យទៅលើរបបអាហារ និងការហាត់ប្រាណនឹងជួយអ្នកក្នុងការសម្រកទម្ងន់ ក៏ដូចជារក្សាទម្ងន់បានផងដែរ តែមនុស្សភាគច្រើនជាពិសេសយុវវ័យតែងតែយល់ថាដើម្បីសម្រកទម្ងន់ ឬរក្សាស្ថេរភាពទម្ងន់ឲ្យបានសម្រេចនោះគឺត្រូវតមឬកាត់បន្ថយអាហារជាដើម ដោយអ្នកខ្លះមិនញាំអាហារតែងម្ដង។ ការធ្វើបែបនេះគឺផ្ដល់ហានិភ័យខ្ពស់ទៅវិញទេ។ ម៉ោងញាំអ្នកគួរតែញាំ ហើយម៉ោងសម្រាកអ្នកក៏គួរតែសម្រាក។
២) សម្រេចអ្វីដែលអ្នកចង់បានដោយការអនុវត្ត៖ បើអ្នកមានគម្រោង ឬមានក្ដីសុបិន តែអ្នកមិនដែលអនុវត្តធ្វើយ៉ាងណាឲ្យក្ដីសុបិនរបស់អ្នកនោះក្លាយទៅជាការពិត តើអាចទេដែលអ្នកនឹងសម្រេចវាដោយមិនធ្វើអ្វីសោះនោះ? អ្នកគួរតែពិចារណាឡើងវិញចំពោះរឿងនេះ ព្រោះមានមនុស្សច្រើនណាស់ដែលមានក្ដីសុបិនដូចគ្នា តែបែរជាមានអ្នកខ្លះបរាជ័យ ហើយខ្លះទៀតបែរជាជួបនឹងភាពជោគជ័យទៅវិញ។
៣) លួចធ្វើខុសពីគោលការណ៍៖ ការលួចធ្វើអ្វីខុសពីគោលការណ៍ មានដូចជា ការដែលមិនទៅហាត់ប្រាណ ឬលួចញាំអាហារណាដែលអ្នកគួរតែតមជាដើម ព្រោះថាការធ្វើបែបនេះនឹងធ្វើឲ្យអ្នកមានអារម្មណ៍ថាចង់ធ្វើវាទៀត។ បើអ្នកគិតថា ម្ដង ២ដងមិនអី មិនយូរមិនឆាប់នោះទេ អ្នកនឹងលួចធ្វើអ្វីខុសពីគោលការណ៍បែបនេះរហូត។
៤) កុំមានទម្លាប់អាក្រក់៖ មនុស្សមួយចំនួននៅពេលដែលពួកគេមានអារម្មណ៍មិនល្អ ពួកគេតែងតែចេញទៅញាំរបស់ផ្ដេសផ្ដាស ហើយថែមទាំងញាំច្រើនទៀតផង។ នេះមិនមែនជាទម្លាប់ល្អនោះទេ ទោះបីជាវាអាចជួយអ្នកបំបាត់ភាពតានតឹងបានក៏ដោយ តែវានឹងផ្ដល់ផលប៉ះពាល់មកឲ្យអ្នកនៅថ្ងៃមុខ ជាពិសេសទាក់ទងនឹងទម្ងន់នេះតែម្ដង៕

ប្រែសម្រួល៖ តូច ម៉ាយ៉ារស្មី
ប្រភព៖ www.lifehack.org

ប្រសិន​ជា​អ្នក​ចូល​ចិត្ត​អត្ថបទ​នេះ​សូម​ជួយ​ Like & Shared

អត្ថបទពេញនិយម

អ្នក​កើត​ថ្ងៃ​អង្គារ​ ព្រហស្បតិ៍​ និង​អាទិត្យ​ ភាគច្រើន​ជា​មនុស្ស​ជោគជ័យ​ និង ​មាន​​គំនិត​ឯករាជ្យ

លោក​អ្នក​គួរ​មាន​​​​គុណភាព​​​ ១៥​ចំណុច​​​​នេះ ​ដើម្បី​ក្លាយ​ជា​​អ្នក​រក​ស៊ី​ដ៏​ពូកែ​​ម្នាក់​

ពាក្យ​​ ៥​ឃ្លា​ដែល​​មនុស្ស​ឆ្លាត​​មិន​ដែល​ប្រើ​នៅ​​ក្នុង​​ការ​​សន្ទនា​​ជា​មួយ​ដៃគូ

អ្នក​ដឹកនាំ​ជោគជ័យ​​សុទ្ធ​តែ​មាន​ ​​ជំនាញ​​​​ទំនាក់ទំនង​​ល្អ​ទាំង​​៦​យ៉ាង​នេះ​

អត្ថបទពាណិជ្ជកម្ម​

​អនុវត្តន៍​សរសេរ​​ផែនការ​អាជីវកម្ម​ និងគន្លឹះ​​​ផ្សព្វផ្សាយ​ពាណិជ្ជកម្ម​សម្រាប់​ SME​ នៅ​ ប៉ោយប៉ែត

ក្លិបទឹកកករបស់ Tiger Crystal អង្រួនបេះដូងអ្នកសៀមរាបត្រជាក់ពេញបេះដូង

ការប្រគំតន្ត្រី Tiger Street Football Festival 2018 នៅសៀមរាបចូលរួមទស្សនាយ៉ាងភ្លូកទឹកភ្លូកដី

ក្រុម Next Step FC បានគ្រងជើងឯក Tiger Street Football Festival 2018 ប្រចាំមណ្ឌលសៀមរាប

អានអត្ថបទតាមខែ

February 2018
M T W T F S S
« Jan    
 1234
567891011
12131415161718
19202122232425
262728