អត្ថបទថ្មីបំផុត
ទំព័រដើម > សេដ្ឋកិច្ច&អប់រំ > ​​គន្លឹះ​​អប់រំ​កូន​ប្រកប​ដោយ​គន្លង​ធម៌ ​ទាំង​១០​ប្រការ​ដែល​លោក​​អ្នក​គួរ​ដឹង!

​​គន្លឹះ​​អប់រំ​កូន​ប្រកប​ដោយ​គន្លង​ធម៌ ​ទាំង​១០​ប្រការ​ដែល​លោក​​អ្នក​គួរ​ដឹង!

ប្រ​ភព៖​​ Asian Scientist Magazine

មានទ្រឹស្ដីមួយនិយាយថា បុគ្គលម្នាក់ ប្រសិនបើគេសង្កេតមើលបច្ចុប្បន្នកាលរបស់គេ អាចដឹងដល់អតីតកាលរបស់គេ ព្រោះជីវិតរបស់គេបច្ចុប្បន្ន មានសាវតាតភ្ជាប់ទៅអតីតកល។ នៅក្នុងពាក្យទំនឹមទំនៀមខ្មែរមួយចំនួនក៏បានលើកឡើងថា៖ «ស្លឹកឈើជ្រុះមិនឆ្ងាយពីគល់» ឬ «ឪពុកធ្វើចោរ កូនធ្វើចោរ» «សេពគប់ពាលក្លាយជាពាល សេពគប់បណ្ឌិតក្លាយជាបណ្ឌិត»។ល។

ទាំងនេះត្រូវបានចាត់ចូលក្នុងទស្សនៈអប់រំបែប «អាកប្បកិរិយានិយម – behaviorism» ដែលមានន័យថាមនុស្សធំដឹងក្ដីនិងមានអាកប្បកិរិយា និងដំណើរជីវិតរបស់គេបែបណា អាស្រ័យលើមជ្ឈដ្ឋានខាងក្រៅដែលគេរស់នៅហ្នឹងឯង ព្រោះអ្វីដែលឆ្លងកាត់តាមសរីរញាណទាំងប្រាំរបស់មនុស្ស មានឥទ្ធិពលយ៉ាងធំធេងលើឥរិយាបថបីយ៉ាង៖ ការគិត – ការនិយាយស្ដី និងការប្រព្រឹត្តទង្វើផ្សេងៗ។ តាមទ្រឹស្ដីនេះ ប្រសិនបើគេបកស្រាយមិនច្រឡំទេ អ្នកជំនាន់មុន ឬមនុស្សចាស់ជាអ្នកជះឥទ្ធិពលល្អ ឬអាក្រក់លើអ្នកជំនាន់ក្រោយ ឬនិយាយឲ្យស្រួលស្ដាប់ថា «មិនត្រូវបន្ទោសក្មេងទេ ព្រោះក្មេងរៀនសូត្រពីមនុស្សចាស់» ឬ «បើចង់អប់រំ ត្រូវចាប់ផ្ដើមពីមនុស្សចាស់មុនក្មេង»។

លោកស្រីបណ្ឌិតDorothy Law Nolte ជាអ្នកសិក្សាស្រាវជ្រាវអំពីក្បួនអបរំកុមារ បានសរសេរសៀវភៅមួយក្បាលដែលមានចំណងជើងថា «Children Learn What They Live» ដែលមានន័យថា «កុមារកើតចេញពីត្រកូលបែបណា គេមានមាយាទបែបហ្នឹង» ស្របតាមពាក្យទំនឹមទំនៀមមួយឃ្លាថា «ត្រកូលសជាតិ មាយាទសពូជ»។ កូនរបស់លោកអ្នកនឹងក្លាយជាមនុស្សមានអាកប្បកិរិយាបែបណា អាស្រ័យលើបរិស្ថានជុំវិញខ្លួនគេ ដែលគេធំដឹងក្ដីឡើងនៅក្នុងមជ្ឈដ្ឋាននោះ។ នេះបើយោងតាមសំណេររបស់លោកស្រីបណ្ឌិត Dorothy Law Nolte។

១- បើកុមាររស់ក្នុងបរិស្ថានដែលរិះគន់វាយប្រហារគ្នា គេនឹងក្លាយជាមនុស្សអង្គុយចាំតែចាប់កំហុសអ្នកដទៃ ហើយអ្នកដទៃធ្វើអ្វីក៏មិនងាយត្រូវចិត្តដែរ។
២- បើកុមាររស់ក្នុងបរិស្ថានដែលប្រព្រិត្តហិង្សាដាក់គ្នា គេនឹងក្លាយជាមនុស្សដែលចូលចិត្តបង្កជម្លោះ។
៣- បើកុមាររស់ក្នុងគ្រួសារដែលបង្អាប់បង្អោនគ្នា គេនឹងក្លាយជាមនុស្សមឹះៗ ហើយខ្លាចគេ។
៤- បើកុមាររស់ក្នុងគ្រួសារដែលរងការមាក់ងាយពីសង្គម (ឧ. ម្ដាយផិតប្ដី ឪពុកធ្លាប់ជាប់គុក…) គេនឹងទទួលអារម្មណ៍ថាខ្លួនគេហាក់ជាប់ពិរុទ្ធ ឬមានកំហុស។
៥- បើកុមាររស់ក្នុងបរិស្ថានដែលជំរុញឲ្យមានភាពក្លាហាន គេនឹងក្លាយជាមនុស្សមានទំនុកចិត្តលើខ្លួនឯង ធ្វើអ្វីក៏មិនចេះសុញ ហើយមិនងាយបោះបង់ក្ដីសង្ឃឹមដោយងាយទេ។
៦- បើកុមាររស់ក្នុងបរិស្ថានដែលមានការអត់ឱនអធ្យាស្រ័យគ្នា គេនឹងក្លាយជាមនុស្សដែលមានចិត្តអំណត់។
៧- បើកុមាររស់ក្នុងបរិស្ថានដែលផ្ដល់ការសរសើរ គេនឹងក្លាយជាមនុស្សដែលចេះវាយតម្លៃប្រកបដោយគតិ។
៨- បើកុមាររស់ក្នុងបរិស្ថានដែលផ្ដល់ការសន្ដោសប្រណី គេនឹងក្លាយជាមនុស្សដែលផ្ដល់សេចក្ដីស្រឡាញ់ចំពោះអ្នកដទៃ។
៩- បើកុមាររស់ក្នុងចំណោមអ្នកសុច្ចរិត គេនឹងក្លាយជាមនុស្សទៀងត្រង់ គ្មានពុតត្បុតអាក្រក់។
១០- បើកុមាររស់នៅក្នុងបរិស្ថានដែលប្រកបដោយភារតភាព និងភាពស្និទ្ធស្នាល គេនឹងក្លាយជាមនុស្សដែលចូលចិត្តបង្កើតមិត្តជាជាងសត្រូវ។
កំណត់សម្គាល់៖ ខាងលើនេះជាទ្រឹស្ដីរបស់លោកស្រីបណ្ឌិត ហើយមិនមែនសុទ្ធតែឆ្លុះបញ្ចាំងថាពិតជាបែបហ្នឹង១០០% គ្មានការលើកលែងសោះនោះទេ ព្រោះនៅមានទ្រឹស្ដី ឬក្បួនអប់រំមនុស្សជាច្រើនទៀត។ ប៉ុន្តែតិចឬច្រើន មជ្ឈដ្ឋានជុំវិញខ្លួនជាអ្នកជះឥទ្ធិពលលើផ្នត់គំនិតរបស់មនុស្ស៕

ដោយ៖ សម្អាង

ប្រសិន​ជា​អ្នក​ចូល​ចិត្ត​អត្ថបទ​នេះ​សូម​ជួយ​ Like & Shared

អត្ថបទពេញនិយម

​សម្រង់​សម្ដី​ទាំង​៤​ឃ្លា​របស់​ ​ឆាវឆាវ ​​​ជា​អង្គ​សំខាន់​ក្នុង​រឿង​សាមកុក​

រឿង ៤ដែលមនុស្សជោគជ័យធ្វើ​១០នាទីដំបូងនៅកន្លែងធ្វើការ

រឿង​ ៨​​យ៉ាង​ដែល​អ្នក​បើក​បរ​យន្តហោះ​​​ដឹក​អ្នក​ដំណើរ​មិន​ប្រាប់​​អ្នក​​​ជា​ដាច់​ខាត​

ពាក្យបណ្ដាំចុងក្រោយដ៏មានអត្ថន័យរបស់លោក ស្ទីវ ចបធ្វើឲ្យអ្នកភ្ងាក់ខ្លួនឡើងវិញ

អត្ថបទពាណិជ្ជកម្ម​

កិច្ចព្រមព្រៀងផ្តល់អាហារូបករណ៍រួមគ្នារវាងវិទ្យាស្ថានជាតិ NIPTICT និងស្ថានទូតបារាំងប្រចាំកម្ពុជា

Panasonic ចាប់​ដៃ​គ្នា​ជា​មួយ​​ G Gear សម្ពោធ​ទូរក្លាស្សេ​ភេសជ្ជៈ​ស៊េរី​ថ្មី!

ស្រាបៀរអាន់ឆ័រចាប់ឆ្នោតលើកទី២រដូវកាលថ្មីជូនគូស្វាមីភរិយាថ្មី ក្នុងកម្មវិធីអាពាហ៍ពិពាហ៍ស្រាបៀរអាន់ឆ័រឆ្នាំ ២០១៨

កម្មវិធី ABC Exceptional Night ជាមួយលោក ឆាយ វីរៈយុទ្ធ

អានអត្ថបទតាមខែ

June 2018
M T W T F S S
« May    
 123
45678910
11121314151617
18192021222324
252627282930