អត្ថបទថ្មីបំផុត
ទំព័រដើម > សេដ្ឋកិច្ច&អប់រំ > ជំនាញ ៤យ៉ាងដែលមនុស្សគ្រប់រូបគួររៀនសូត្រក្នុងវ័យខ្ទង់ ២០ឆ្នាំ

ជំនាញ ៤យ៉ាងដែលមនុស្សគ្រប់រូបគួររៀនសូត្រក្នុងវ័យខ្ទង់ ២០ឆ្នាំ

ជំនាញ ៤យ៉ាងដែលមនុស្សគ្រប់រូបគួររៀនសូត្រក្នុងវ័យខ្ទង់ ២០ឆ្នាំ

ស្ថានការណ៍ខាងក្រៅដែលពួកយើងជួបប្រទះជារៀងរាល់ថ្ងៃ តែងកើតមានការផ្លាស់ប្ដូរជានិច្ច ដូចគ្នាទៅនឹងជីវិតរបស់យើងដែលមានការឡើងចុះ ម្ដងប្រែជាល្អ ម្ដងប្រែជាអាក្រក់ ដែលគ្មាននរណាម្នាក់អាចគ្រប់គ្រងហេតុការណ៍ខាងក្រៅទាំងនោះមិនឲ្យកើតឡើងមកលើជីវិតយើងបានឡើយ ប៉ុន្តែអ្វីដែលសំខាន់ ជាអ្វីដែលអ្នកអាចគ្រប់គ្រងបាន គឺជាការឆ្លើយតបរបស់អ្នកទៅនឹងវា វាស្ថិតនៅក្នុងដែនកំណត់របស់អ្នក នៅពេលនោះអ្នកនឹងមានសមត្ថភាពផ្លាស់ប្ដូរស្ថានការណ៍ទាំងនោះឲ្យប្រែមកជាប្រសើរវិញទៅតាមចិត្តរបស់អ្នកបាន។ ដូច្នេះ ការរៀនសូត្រយល់ដឹងជាមុននូវជំនាញដ៏សំខាន់ទាំង៤ខាងក្រោមនេះ នឹងជួយឲ្យអ្នកអាចកែប្រែស្ថានការណ៍របស់អ្នកឲ្យល្អឡើងវិញបាន៖

១. ធ្វើជាមនុស្សដែលប្រកាន់យកភាពស្មោះត្រង់៖ អ្នកត្រូវមានភាពស្មោះត្រង់ក្នុងការសារភាពនូវកំហុសរបស់អ្នក ដោយមិនប្រឹងយកលេសមកអះអាងដោយបន្ទោសហេតុការណ៍ខាងក្រៅ ឬអ្នកដទៃដើម្បីការពារខ្លួនឯងពី កំហុសខុសឆ្គងនោះឡើយ ការធ្វើបែបនេះបាន វាស្មើទៅនឹងការគោរព និងឲ្យតម្លៃទៅលើខ្លួនឯងដូច្នោះដែរ។

២. មានភាពអំណត់អត់ធន់៖ នៅក្នុងវ័យនេះ អ្វីដែលមានតម្លៃសម្រាប់អ្នកបំផុត គឺជាបទពិសោធន៍ជីវិតដែលទទួលបានពីការរៀនសាកល្បងអ្វីដែលថ្មី បរាជ័យហើយ រៀនសូត្រពីវារួចក្រោកឡើងសាកល្បងវាម្ដងទៀត រហូតដល់ធ្វើវាបានសម្រេច។ បទពិសោធន៍ជីវិតមានភាពសំខាន់ជាខ្លាំង ប៉ុន្តែមនុស្សភាគច្រើនបែរជាមិនសូវឲ្យតម្លៃទៅលើវាទៅវិញ។ កាលណាអ្នកជួបការលំបាក និងជម្នះវាបានកាន់តែច្រើន នោះអ្នកនឹងមានភាពរឹងមាំកាន់តែខ្លាំងសម្រាប់ដោះស្រាយបញ្ហាទាំងឡាយនៅក្នុងជីវិតបានដោយជោគជ័យ។

៣. រស់នៅជាមួយនឹងអ្វីដែលអ្នកមាន៖ មនុស្សភាគច្រើនតែងស្វែងរកសេចក្ដីសុខពីរបស់ខាងក្រៅ ដែលមិនមែនជាអ្វីដែលមាននៅក្នុងចិត្តខ្លួនឯង។ ពួកគេគិតថា សម្ភារៈទំនើបៗនឹងបម្រើនូវសេចក្ដីសុខ និងភាពសប្បាយរីករាយនៅក្នុងជីវិត ប៉ុន្តែអ្នកត្រូវចាំថារបស់អស់ទាំងនោះមិននៅស្ថិតស្ថេរជារៀងរហូតនោះឡើយ ហើយបើអ្នកនៅតែព្យាយាមដេញតាមវាទៀត មិនយូរប៉ុន្មាន អ្នកនឹងមិននៅសេសសល់អ្វីឡើយសម្រាប់ខ្លួនឯង។

៤. រៀនសូត្រដោយមិនចាំបាច់តែនៅក្នុងសាលា៖ ដំណើរការណ៍នៃការរៀនសូត្រសម្រាប់ការអភិវឌ្ឍខ្លួនឯង មិនបានខណ្ឌដែនកំណត់ត្រឹមក្នុងសាលានោះទេ ឲ្យតែអ្នកមានឆន្ទៈចង់ចេះចង់ដឹង ចង់ផ្ដល់ភាពរីកចម្រើនដល់ចិត្តគំនិតខ្លួនឯង អ្នកអាចរៀនបានគ្រប់ទីកន្លែង គ្រប់ពេលវេលា មិនថាជាការអានសៀវភៅបន្ថែម ការបណ្ដុះជំនាញថ្មីៗ ឬសូម្បីតែបទពិសោធន៍នៅក្នុងជីវិតរបស់អ្នក៕

ប្រសិន​ជា​អ្នក​ចូល​ចិត្ត​អត្ថបទ​នេះ​សូម​ជួយ​ Like & Shared

អត្ថបទពេញនិយម

គំនិត​អាថ៌កំបាំង​​ទាំង​ ១០​​ដើម្បី​ក្លាយ​ជា​សេដ្ឋី

​​និយម​ន័យ​សំខាន់ៗ​នៃ​ពាក្យ​ថា ​«​ភាព​ជា​អ្នក​ដឹកនាំ​»​ ដែល​កំណត់​ដោយ​បុគ្គល​ជោគជ័យ​ក្នុង​​លោក

កំហុស​​​ ៤​យ៉ាង​ ​អាច​ធ្វើ​ឲ្យ​អ្នក​ជំពាក់​បំណុល​គេ​វ័ណ្ឌក​ដោយ​មិន​ដឹង​ខ្លួន​!​

រឿង​ល្អ​ៗ​​ទាំង​នេះ​នឹង​កើត​ឡើង ​ប្រសិន​បើ​អ្នក​​ព្រម​លត់ដំ​ខ្លួន​ជា​មួយ​ការ​លំបាក​ពី​ក្មេង​ឲ្យ​បាន​ច្រើន​

អត្ថបទពាណិជ្ជកម្ម​

កម្មវិធី ABC Exceptional Night ជាមួយកញ្ញា ឱក សុគន្ធកញ្ញា

បច្ចេកវិទ្យាថ្មីរបស់ទូរទឹកកក LG អាចរក្សាអាហារឱ្យ​នៅស្រស់បានរហូតដល់ 14 ថ្ងៃ

បៀរថៃហ្គ័រចាប់ឆ្នោតលើកទី ១ ជូនគូស្វាមីភរិយាថ្មីក្នុងកម្មវិធីអាពាហ៍ពិពាហ៍ស្រាបៀរថៃហ្គ័រ ឆ្នាំ ២០១៨

ស្រាបៀរ ABC អិចស្ត្រាស្តោត បានពាំនាំកម្មវិធីរាត្រីដ៏ល្អឯកជូនដល់អតិថិជន

អានអត្ថបទតាមខែ

April 2018
M T W T F S S
« Mar    
 1
2345678
9101112131415
16171819202122
23242526272829
30