អត្ថបទថ្មីបំផុត
ទំព័រដើម > សង្គម > កត្តា​សំខាន់​ៗ​ដែល​ជា​មូលហេតុ​នៅ​ពី​ក្រោយ​លទ្ធផល «​រៀន​សូត្រ​មិន​​ពូកែ»

កត្តា​សំខាន់​ៗ​ដែល​ជា​មូលហេតុ​នៅ​ពី​ក្រោយ​លទ្ធផល «​រៀន​សូត្រ​មិន​​ពូកែ»

កត្តា​សំខាន់​ៗ​ដែល​ជា​មូលហេតុ​នៅ​ពី​ក្រោយ​លទ្ធផល «​រៀន​សូត្រ​មិន​​ពូកែ»

ប្រ​ភព៖​​ https://www.pexels.com

លទ្ធផលរៀនសូត្រមិនល្អរបស់សិស្សភាគច្រើន មានដើមហេតុមកពីកត្តាធំៗ៣យ៉ាងដូចជា កត្តាក្រៅខ្លួន កត្តាពាក់ព័ន្ធនឹងឥរិយាបថរបស់សិស្ស និងកត្តាបញ្ហាផ្ទាល់ខ្លួន។ ការយល់ដឹងពីមូលហេតុដែលបង្កឲ្យអ្នកទទួលបានលទ្ធផលរៀនសូត្រមិនល្អក្នុងសាលា អាចជួយអ្នកឲ្យរកវិធីដោះស្រាយបញ្ហាទាំងនោះបាន និងកែប្រែស្ថានភាពឲ្យបានល្អប្រសើរជាងមុន។

តើកត្តាក្រៅខ្លួនអ្វីខ្លះដែលជាមូលហេតុនៃលទ្ធផលរៀនសូត្រមិនល្អរបស់សិស្ស ?
ការជ្រើសរើសនូវជំនាញសិក្សាឲ្យបានត្រឹមត្រូវពិតជាសំខាន់ណាស់ ហេតុនេះ បើអ្នកយល់ថាអ្នកមានការលំបាកខ្លាំងក្នុងការព្យាយាមយល់ពីមុខវិជ្ជាមួយនោះ អ្នកអាចជ្រើសយកជម្រើសត្រួតថ្នាក់ ឬម្យ៉ាងទៀតអ្នកអាចសុំជំនួយពីគ្រូ ព្រោះថាពួកគេនឹងអាចជួយអ្នកបានច្រើនឲ្យរីកចម្រើនទៅមុខ។ មួយវិញទៀត គ្រូបង្រៀនមិនល្អក៏ជាផលប៉ះពាល់មួយទៅលើលទ្ធផលរៀនសូត្រមិនល្អរបស់សិស្សដែរ។ បើជាមុខវិជ្ជាតម្រូវឲ្យគ្រូនិយាយជាភាសាបរទេស ហើយការបញ្ចេញសំឡេងរបស់គាត់ទៅលើពាក្យនីមួយៗ មានការលំបាកសម្រាប់សិស្សក្នុងការយល់ពីខ្លឹមសារដែលគាត់ចង់និយាយ ឬមកពីពួកគាត់ពន្យល់មិនបានក្បោះក្បាយ និងមិនបានបន្ថែមនូវសេចក្ដីលម្អិតទាំងឡាយដែលមានប្រយោជន៍ដល់ការយល់បានយ៉ាងសីុជម្រៅរបស់សិស្សទៅលើចំណុចសំខាន់ណាមួយ ឬម្យ៉ាងទៀត មកពីការមិនរួមសហការគ្នាយ៉ាងជិតស្និទ្ធរវាងគ្រូ និងសិស្ស ដែលទាំងនេះសុទ្ធតែជាមូលហេតុដែលនាំឲ្យលទ្ធផលសិក្សាពួកគេមិនបានល្អ។ ទោះជាយ៉ាងណា សិស្សមិនត្រូវយកហេតុផលនេះមកធ្វើជាលេសសម្រាប់លទ្ធផលមិនល្អរបស់ខ្លួនឡើយ ពួកគេត្រូវប្រឹងឲ្យអស់ពីសមត្ថភាពដោយខ្លួនឯងសម្រាប់វគ្គសិក្សានេះ រួចសឹមរកគ្រូល្អនៅវគ្គសិក្សាក្រោយទៀត។

តើកត្តាពាក់ព័ន្ធនឹងឥរិយាបថរបស់សិស្សអ្វីខ្លះដែលជាមូលហេតុនៃលទ្ធផលរៀនសូត្រមិនល្អរបស់សិស្ស ?
កត្តាពាក់ព័ន្ធនឹងឥរិយាបថរបស់សិស្សផ្ទាល់ ក៏ជាមូលហេតុដ៏សំខាន់នៃការទទួលបានលទ្ធផលសិក្សាមិនល្អរបស់សិស្សដែរ។ សិស្សដែលមានក្ដីសុបិនសម្រាប់ពេលអនាគត និងបានចងភ្ជាប់ការសិក្សារបស់ខ្លួនទៅនឹងក្ដីសុបិននោះ នឹងធ្វើឲ្យពួកគេមានកម្លាំងជំរុញចិត្តពុះពារក្នុងការសិក្សារបស់ខ្លួន ពុំនោះទេ ពួកគេនឹងបាក់ទឹកចិត្ត គ្មានថាមពល ព្រោះពួកគេមើលមិនឃើញពីប្រយោជន៍ដែលខ្លួនទទួលបានពីការសិក្សាក្នុងសាលានោះឡើយ ជាហេតុធ្វើឲ្យប៉ះពាល់ដល់លទ្ធផលរបស់ពួកគេយ៉ាងធ្ងន់ធ្ងរ ហើយក្នុងកត្តាពាក់ព័ន្ធនឹងឥរិយាបថរបស់សិស្ស នៅមានការមិនធ្វើកិច្ចការសាលា និងការស្រាវជ្រាវបន្ថែម ការគេចពីម៉ោងសិក្សា និងឥរិយាបថផ្សេងៗទៀតដែលចាត់ទុកថាយកអារម្មណ៍ក្មេងខ្ចីរបស់ខ្លួនជាធំមួយចម្អិនកំពឹស។

តើកត្តាបញ្ហាផ្ទាល់ខ្លួនអ្វីខ្លះដែលជាមូលហេតុនៃលទ្ធផលរៀនសូត្រមិនល្អរបស់សិស្ស ?
បញ្ហាផ្ទាល់ខ្លួនរបស់សិស្ស អាចបណ្ដាលមកពីការពន្យារពេលបំពេញកិច្ចការសាលា ឬការរៀនសូត្ររបស់ខ្លួន ហើយទម្លាប់នេះ បានធ្វើឲ្យពួកគេចូលចិត្តបង្កើតលេសខ្ជិលឲ្យខ្លួនឯងជានិច្ច ដែលបានបង្អាក់ដំណើរការណ៍រីកចម្រើនទៅលើការរៀនសូត្ររបស់ពួកគេរហូតមក។ បញ្ហាមួយទៀត គឺមានសិស្សមួយចំនួនធ្វើមិនបានល្អទៅលើតេស្តប្រឡងនៅក្នុងថ្នាក់ ឬមានភាពអៀនខ្មាសក្នុងសកម្មភាពក្នុងថ្នាក់ជាដើម ដែលទាំងនេះសុទ្ធតែកំណត់ពិន្ទុរបស់ពួកគេ ប៉ុន្តែលទ្ធផលមិនល្អរបស់ពួកគេមិនបានបញ្ជាក់ពីការមិនខិតខំប្រឹងប្រែងរបស់ពួកគេនោះឡើយ។ ផ្ទុយទៅវិញ លទ្ធផលមិនល្អដែលទទួលបានពីការធ្វេសប្រហែស ព្រងើយកន្តើយរបស់សិស្សវិញនោះ មិនមែនជាបញ្ហាផ្ទាល់ខ្លួនដែលគួរឲ្យអត់អោននោះទេ ព្រោះវាបញ្ជាក់ពីការមិនឲ្យតម្លៃទៅលើខ្លួនឯងសម្រាប់អនាគតដ៏ល្អដែលខ្លួននឹងទទួលបាន៕

ប្រែសម្រួល៖ ស្រីពៅ

ប្រសិន​ជា​អ្នក​ចូល​ចិត្ត​អត្ថបទ​នេះ​សូម​ជួយ​ Like & Shared

អត្ថបទពេញនិយម

​វិធីសាស្ត្រ​​សំខាន់ៗ​៥​យ៉ាង​​ ​ដើម្បី​​លុបបំបាត់​ការ​ខ្ជិល​ច្រអូស​របស់​អ្នក​!

មិត្ត​ល្អ​ក្នុង​ជីវិត​គឺ​មាន​៤​ចំណុច​នេះ! តើ​អ្នក​ស្គាល់​​១​ហើយ​ឬ​នៅ​?

​បើ​គ្មាន​បទ​ពិសោធន៍​សោះ​តែ​ម្ដង​ តើ​គួរ​សរសេរ​​ CV ​ ធ្វើ​ម៉េច​​ឱ្យ​ទាក់ទាញ​ ​និង​គេ​ហៅ​សម្ភាសន៍?

គំនិត​​ធ្វើ​ជំនួញ​៥​ប្រភេទ​ ​សម្រាប់​អ្នក​ដែល​ចូលចិត្ត​អាន​សៀវភៅ

អត្ថបទពាណិជ្ជកម្ម​

តើអ្នកត្រៀមខ្លួនហើយឬនៅ? ក្នុងព្រឹត្តិការណ៍ប្រកួតបាល់ទាត់ Tiger Street Football Festival 2018 កាន់តែធំអស្ចារ្យមិនដែលធ្លាប់មាន!

ការវិវដ្តកាន់តែទំនើប និងកាន់តែងាយស្រួលជាមួយទូរទឹកកក LG InstaView ThinQ™ Amazon Alexabuilt

តិចនិក​ផ្សព្វផ្សាយតាម​ Online «ចំណាយ​តិច~តែចំណេញ​ច្រើន»

តិចនិក​ជ្រើស​រើស​បុគ្គលិក​ដែល​​ល្អ​ និង​ពូកែ​សម្រាប់​ក្រុមហ៊ុន​ខ្នាត​តូច

អានអត្ថបទតាមខែ

January 2018
M T W T F S S
« Dec    
1234567
891011121314
15161718192021
22232425262728
293031