អត្ថបទថ្មីបំផុត
ទំព័រដើម > សេដ្ឋកិច្ច&អប់រំ > ​​​​​បើ​ចង់​ក្លាយ​ជា​មនុស្ស​ស្ថិត​នៅ​ក្នុង​ការ​ចងចាំ​របស់​អ្នកដទៃ​ភ្លេច​មិន​បាន ​ ត្រូវ​​​អនុវត្ត​ចំណុច​ទាំង​នេះ

​​​​​បើ​ចង់​ក្លាយ​ជា​មនុស្ស​ស្ថិត​នៅ​ក្នុង​ការ​ចងចាំ​របស់​អ្នកដទៃ​ភ្លេច​មិន​បាន ​ ត្រូវ​​​អនុវត្ត​ចំណុច​ទាំង​នេះ

ប្រ​ភព៖​​ www.sothon-in.com/

ដំណើរជីវិតដែលមានគុណភាពដ៏ល្អប្រពៃ គិតគូរពីការបំពេញប្រយោជន៍សម្រាប់អ្នកជុំវិញខ្លួន លោតផ្លោះចេញពីភាពធម្មតាចូលទៅកាន់ភាពអស្ចារ្យនៃជីវិតដែលពោរពេញទៅដោយទឹកចិត្តក្លាហាន មោះមុត គឺជាដំណើរជីវិតរបស់មនុស្សទាំងឡាយដែលស្ថិតនៅក្នុងការចងចាំរបស់មនុស្សគ្រប់គ្នាដែលបានស្គាល់ពួកគេ និងគ្មានថ្ងៃអាចបំភ្លេចបានឡើយ។ អ្នកត្រូវចាំថា ការមើលឃើញរបស់អ្នកចំពោះខ្លួនឯង និងភាពជឿជាក់ដែលអ្នកមានចំពោះខ្លួនឯង គឺជាធាតុផ្សំដ៏សំខាន់សម្រាប់ជីវិតមួយដែលស្ថិតនៅក្នុងការចងចាំរបស់មនុស្សជុំវិញខ្លួន។ ដើម្បីឈានទៅដល់ចំណុចកំពូលនោះបាន អ្នកត្រូវមានធាតុផ្សំសំខាន់ៗទាំង៣ដូចខាងក្រោមនេះ៖

១) ក្លាយជាមនុស្សដែលមានលើសពីភាពកំពូល៖ នៅក្នុងប្រព័ន្ធអប់រំរបស់មនុស្ស ពួកយើងរាល់គ្នាត្រូវបានកំណត់ឲ្យនិយាយតែអ្វីដែលចាំបាច់ត្រូវនិយាយ ត្រឹមតែសមរម្យអាចទទួលយកបានតែប៉ុណ្ណោះ ព្រោះពុំនោះទេ គំនិតរបស់យើងនឹងធ្វើឲ្យប៉ះពាល់ដល់អ្នកដទៃមិនខាន។ ប៉ុន្តែ ដោយសារលង់លក់កាន់តែជ្រៅទៅក្នុងគំនិតបែបនេះហើយ ទើបវាបានដឹកនាំជីវិតមនុស្សជាច្រើនឲ្យរស់នៅតែក្នុងកម្រិតនៃភាពធម្មតារបស់ខ្លួន ជីវិតមួយដែលដូចគេដូចឯង គ្មានភាពលេចធ្លោ រស់នៅលាក់បាំងធាតុពិតរបស់ខ្លួន និងគ្មាននូវអត្តសញ្ញាណពិតប្រាកដដែលជារបស់ខ្លួនឡើយ។ បើកាលណាពួកគេមានភាពក្លាហាននិយាយនូវអ្វីដែលចេញពីគំនិតរបស់ខ្លួនប្រកបទៅដោយការគោរពគ្នាទៅវិញទៅមក និងអាចផ្ដល់ជាមេរៀនដ៏មានតម្លៃដល់មនុស្សជុំវិញខ្លួន តាមរយៈការបញ្ចេញនូវគំនិតរបស់ខ្លួន នោះតួអង្គរបស់ពួកគេនឹងក្លាយជាការចងចាំរបស់អ្នកដទៃមិនខាន។
២) បង្កើតនូវចំណាប់អារម្មណ៍ដ៏ទាក់ទាញនៅក្នុងការចងចាំអ្នកដទៃ៖ បុគ្គលដែលពោរពេញដោយចិត្តពុះកញ្ជ្រោលនៅក្នុងការធ្វើអ្វីមួយឲ្យសម្រេចជាសមិទ្ធផលសម្រាប់ឆាកជីវិតរបស់ពួកគេ និងធ្វើឲ្យអ្នកជុំវិញខ្លួនគេមើលឃើញពីថាមពលដ៏ខ្លាំងក្លាដែលមាននៅក្នុងខ្លួនពួកគេ តាមរយៈការចែករំលែកនូវអ្វីដែលពួកគេជឿជាក់នោះ និងសកម្មភាពរបស់ពួកគេក្នុងការសម្រេចវាឲ្យបានផងនោះ ធ្វើឲ្យអ្នកដទៃពិបាកក្នុងការបំភ្លេចពួកគេណាស់ និងចងចាំពួកគេក្នុងនាមជាមនុស្សដ៏អស្ចារ្យប្រកបដោយឆន្ទៈមោះមុតម្នាក់នៅក្នុងជីវិតពួកគេ ថែមទាំងក្លាយជាកម្លាំងចិត្តរបស់អ្នកទាំងនោះទៀតផង។
៣) ផ្លាស់ប្ដូរថាមពលដែលមាននៅក្នុងជម្រៅចិត្តអ្នកដទៃ៖ បុគ្គលដែលស្ថិតនៅក្នុងការចងចាំរបស់អ្នកដទៃ នឹងបំផុសនូវកម្លាំងចិត្តដែលបង្កប់ពីក្នុងខ្លួនរបស់អ្នកដទៃ ឲ្យលេចឡើងមកយ៉ាងមានថាមពល។ ពួកគេនឹងធ្វើឲ្យអ្នកហាក់បីដូចជាបានទទួលបទពិសោធន៍ដោយផ្ទាល់ពីអ្វីមួយ ដោយផ្លាស់ប្ដូរអារម្មណ៍របស់អ្នកទៅតាមការនិយាយរបស់ពួកគេ។ ម្ដងអ្នកទទួលនូវអារម្មណ៍មានសេចក្ដីសុខ ម្ដងអ្នកក៏ស្រាប់តែមានអារម្មណ៍ថាឈឺចាប់ សោកសង្រេង។ បើគ្មានការផ្លាស់ប្ដូរថាមពលដែលមាននៅក្នុងជម្រៅចិត្តអ្នកដទៃទេ សម្ដីដែលអ្នកនិយាយនឹងក្លាយជាសម្ដីដែលគ្រាន់តែចេញមកពីមាត់អ្នកតែប៉ុណ្ណោះ មនុស្សម្នាក់ៗនឹងចងចាំពីអារម្មណ៍ដែលពួកគេមាន នោះសម្ដីរបស់អ្នក និងតម្លៃរបស់អ្នក នឹងស្ថិតជាប់នៅក្នុងចិត្តពួកគេគ្មានថ្ងៃអាចបំភ្លេចបានឡើយ៕

ប្រែសម្រួល៖ ស្រីពៅ 

ប្រសិន​ជា​អ្នក​ចូល​ចិត្ត​អត្ថបទ​នេះ​សូម​ជួយ​ Like & Shared

អត្ថបទពេញនិយម

គំនិត​អាថ៌កំបាំង​​ទាំង​ ១០​​ដើម្បី​ក្លាយ​ជា​សេដ្ឋី

​​និយម​ន័យ​សំខាន់ៗ​នៃ​ពាក្យ​ថា ​«​ភាព​ជា​អ្នក​ដឹកនាំ​»​ ដែល​កំណត់​ដោយ​បុគ្គល​ជោគជ័យ​ក្នុង​​លោក

រឿង​ល្អ​ៗ​​ទាំង​នេះ​នឹង​កើត​ឡើង ​ប្រសិន​បើ​អ្នក​​ព្រម​លត់ដំ​ខ្លួន​ជា​មួយ​ការ​លំបាក​ពី​ក្មេង​ឲ្យ​បាន​ច្រើន​

​សញ្ញា​ ៥​យ៉ាង​បញ្ជាក់​ថា ​អ្នក​កំពុង​​តប់ប្រមល់​ក្នុង​ចិត្ត​ខ្លាំង​បំផុត​​ ​​​ហើយ​គួរ​រក​វិធី​ដោះស្រាយ​បន្ទាន់​!​

អត្ថបទពាណិជ្ជកម្ម​

កម្មវិធី ABC Exceptional Night ជាមួយកញ្ញា ឱក សុគន្ធកញ្ញា

បច្ចេកវិទ្យាថ្មីរបស់ទូរទឹកកក LG អាចរក្សាអាហារឱ្យ​នៅស្រស់បានរហូតដល់ 14 ថ្ងៃ

បៀរថៃហ្គ័រចាប់ឆ្នោតលើកទី ១ ជូនគូស្វាមីភរិយាថ្មីក្នុងកម្មវិធីអាពាហ៍ពិពាហ៍ស្រាបៀរថៃហ្គ័រ ឆ្នាំ ២០១៨

ស្រាបៀរ ABC អិចស្ត្រាស្តោត បានពាំនាំកម្មវិធីរាត្រីដ៏ល្អឯកជូនដល់អតិថិជន

អានអត្ថបទតាមខែ

April 2018
M T W T F S S
« Mar    
 1
2345678
9101112131415
16171819202122
23242526272829
30