អត្ថបទថ្មីបំផុត
ទំព័រដើម > សេដ្ឋកិច្ច&អប់រំ > អនុវត្ត​វិធី​សាស្ត្រ​៣​យ៉ាង​នេះ ​​ដើម្បី​កម្ចាត់​ភាព​ភ័យខ្លាច​ ​ក្នុង​ពេល​​និយាយ​ជា​សាធារណៈ ​(Public Speaking)

អនុវត្ត​វិធី​សាស្ត្រ​៣​យ៉ាង​នេះ ​​ដើម្បី​កម្ចាត់​ភាព​ភ័យខ្លាច​ ​ក្នុង​ពេល​​និយាយ​ជា​សាធារណៈ ​(Public Speaking)

ប្រ​ភព៖​​ Associations Now

អ្នកអាចសាកនឹកស្រមៃពីរូបភាពនៃការឡើងលើវេទិកានិយាយជាសាធារណៈរបស់អ្នក ដែលនឹងកើតឡើងក្នុងពេលមិនយូរប៉ុន្មានខាងមុខនេះ។ នៅពេលនោះ អ្នកទទួលអារម្មណ៍ភ័យញាប់ញ័រ ចង្វាក់បេះដូងលោតញាប់ខុសពីធម្មតា ចំណែកឯបាតដៃរបស់អ្នកបែកញើសសើមជោគ។ គោលបំណងធ្វើឲ្យបានសម្រេចនូវការនិយាយជាសាធារណៈមួយដ៏ល្អដែលអាចធ្វើឲ្យអ្នកស្ដាប់របស់អ្នក ទទួលបានចំណេះដឹងដ៏មានអត្ថប្រយោជន៍ជាច្រើនពីអ្នក នឹងក្លាយជារឿងមួយឥតប្រយោជន៍មិនខាន ទោះអ្នកមានការយល់ដឹងយ៉ាងសីុជម្រៅទៅលើប្រធានបទរបស់អ្នកក៏ដោយ បើអ្នកអនុញ្ញាតឲ្យអារម្មណ៍ភ័យខ្លាចមកគ្រប់គ្រងទៅលើអ្នក។ តាមរយៈការស្រាវជ្រាវពីអ្នកវិទ្យាសាស្ត្រទៅលើការកម្ចាត់ភាពភ័យខ្លាចក្នុងពេលនិយាយជាសាធារណៈ ទាំងនេះគឺជាវិធីសាស្ត្រទាំង៣ដែលត្រូវបានជឿជាក់ថានឹងមានប្រសិទ្ធភាពសម្រាប់អ្នកបំផុត៖

១) ផ្ដោតទៅលើការដោះស្រាយជាមួយភាពភ័យខ្លាចរបស់អ្នក៖បើអ្នកគិតតែពីផ្ដោតទៅលើការនិយាយបែបណាទើបធ្វើឲ្យការនិយាយជាសាធារណៈរបស់អ្នក ប្រព្រឹត្តទៅបានយ៉ាងល្អ ហើយបែរជាមិនយកចិត្តទុកដាក់ទៅលើការដោះស្រាយជាមួយអារម្មណ៍នៃភាពភ័យខ្លាចរបស់អ្នកវិញនោះ នោះមិនថាជាអ្នកខិតខំប្រឹងប្រែងប៉ុណ្ណានោះទេ អ្នកនឹងមិនទទួលបានលទ្ធផលល្អតាមការរំពឹងទុកឡើយ។ អ្នកត្រូវចាំថា ភាពភ័យខ្លាចទាំងនោះ គ្រាន់តែកើតឡើងនៅក្នុងអារម្មណ៍អ្នកប៉ុណ្ណោះ វាមិនមានហេតុផលអ្វីច្បាស់លាស់ឡើយ ឬអាចនិយាយបានថាអ្នកគ្រាន់តែភ័យខ្លាចគំនិតនៃការភ័យខ្លាចដែលបង្កើតមកដោយខ្លួនឯងប៉ុណ្ណោះ។ ដូច្នេះ ជាដំបូងអ្នកត្រូវយកឈ្នះនូវអារម្មណ៍ភ័យខ្លាចដែលមានចំពោះខ្លួនឯងជាមុនសិន ទើបការនិយាយរបស់អ្នកប្រព្រឹត្តទៅបានរលូន។
២) បណ្ដុះនូវភាពសុទិដ្ឋិនិយមនៅក្នុងខ្លួន៖ បន្ទាប់ពីកម្ចាត់អារម្មណ៍ភ័យខ្លាចរបស់អ្នកបានហើយ អ្នកត្រូវគ្រប់គ្រងចិត្តគំនិតរបស់ខ្លួន ឲ្យគិតទៅរកភាពវិជ្ជមាន។ អ្នកខ្លះប្រើការបន្ធូរអារម្មណ៍របស់ខ្លួន ដោយការតាំងសមាធិ ឬជាការស្ដាប់ចម្រៀង ឬជាការធ្វើលំហាត់ប្រាណផ្សេងៗ ឬតាមរបៀបណាក៏ដោយឲ្យតែមានប្រសិទ្ធភាពសម្រាប់បំផុសនូវអារម្មណ៍វិជ្ជមានរបស់អ្នកបាន។ ម្យ៉ាងទៀត អ្នកត្រូវមានភាពជឿជាក់ចំពោះខ្លួនឯង ព្រោះបើសូម្បីតែខ្លួនអ្នកមិនជឿជាក់ទៅលើខ្លួនឯងហើយ តើអ្នកនឹងរំពឹងអ្នកដទៃទៀតមកជឿជាក់លើអ្នកបានដូចម្ដេច ?
៣) ហ្វឹកហាត់ហើយហ្វឹកហាត់ទៀត៖ ការហ្វឹកហាត់ជាច្រើនលើកច្រើនសារ គឺជាគន្លឹះដ៏មានប្រសិទ្ធភាពបំផុតសម្រាប់ការឡើងនិយាយជាសាធារណៈដ៏ល្អមួយ។ អ្នកអាចធ្វើការហ្វឹកហាត់នៅទីកន្លែងដែលអ្នកនឹងឡើងនិយាយដោយផ្ទាល់ ហើយប្រើការស្រមៃរបស់អ្នកពីទិដ្ឋភាពនៃការនិយាយរបស់អ្នក។ ឬបើអ្នកមិនអាចហ្វឹកហាត់នៅកន្លែងនិយាយដោយផ្ទាល់បានទេ អ្នកអាចប្រើរូបារម្មណ៍ ឬជាការស្រមើស្រមៃពីរូបភាពនៃការនិយាយរបស់អ្នកឲ្យបានច្បាស់ និងលម្អិតដូចជាការពិតជាក់ស្ដែង ស្រមៃនូវរូបភាពល្អៗដូចជា ការយកចិត្តទុកដាក់ស្ដាប់របស់ទស្សនិកជនរបស់អ្នក សំឡេងទះដៃអបអរសាទរផ្ដល់កិត្តិយសដល់អ្នក និងពាក្យសរសើរលើកទឹកចិត្តពីពួកគេជាដើម៕

ប្រែសម្រួល៖ ស្រីពៅ

ប្រភព៖ www.lifehack.org

ប្រសិន​ជា​អ្នក​ចូល​ចិត្ត​អត្ថបទ​នេះ​សូម​ជួយ​ Like & Shared

អត្ថបទពេញនិយម

គំនិត​អាថ៌កំបាំង​​ទាំង​ ១០​​ដើម្បី​ក្លាយ​ជា​សេដ្ឋី

​​និយម​ន័យ​សំខាន់ៗ​នៃ​ពាក្យ​ថា ​«​ភាព​ជា​អ្នក​ដឹកនាំ​»​ ដែល​កំណត់​ដោយ​បុគ្គល​ជោគជ័យ​ក្នុង​​លោក

កំហុស​​​ ៤​យ៉ាង​ ​អាច​ធ្វើ​ឲ្យ​អ្នក​ជំពាក់​បំណុល​គេ​វ័ណ្ឌក​ដោយ​មិន​ដឹង​ខ្លួន​!​

រឿង​ល្អ​ៗ​​ទាំង​នេះ​នឹង​កើត​ឡើង ​ប្រសិន​បើ​អ្នក​​ព្រម​លត់ដំ​ខ្លួន​ជា​មួយ​ការ​លំបាក​ពី​ក្មេង​ឲ្យ​បាន​ច្រើន​

អត្ថបទពាណិជ្ជកម្ម​

កម្មវិធី ABC Exceptional Night ជាមួយកញ្ញា ឱក សុគន្ធកញ្ញា

បច្ចេកវិទ្យាថ្មីរបស់ទូរទឹកកក LG អាចរក្សាអាហារឱ្យ​នៅស្រស់បានរហូតដល់ 14 ថ្ងៃ

បៀរថៃហ្គ័រចាប់ឆ្នោតលើកទី ១ ជូនគូស្វាមីភរិយាថ្មីក្នុងកម្មវិធីអាពាហ៍ពិពាហ៍ស្រាបៀរថៃហ្គ័រ ឆ្នាំ ២០១៨

ស្រាបៀរ ABC អិចស្ត្រាស្តោត បានពាំនាំកម្មវិធីរាត្រីដ៏ល្អឯកជូនដល់អតិថិជន

អានអត្ថបទតាមខែ

April 2018
M T W T F S S
« Mar    
 1
2345678
9101112131415
16171819202122
23242526272829
30