វិធី​បង្រៀន​អ្នក​ឲ្យ​កាត់​ចិត្ត​ ពេល​ស្រឡាញ់​គេ​ហើយ​គេ​មិន​ស្រឡាញ់​វិញ

ផ្សាយចេញ ៖ 18-Dec-2016 7:25 am

វាមានអារម្មណ៍ថាឈឺចាប់មិនតិចទេ ពេលអ្នកស្រឡាញ់នរណាម្នាក់ហើយ តែគេមិនពេញចិត្តអ្នកវិញនោះ។ បើវាពិបាកទ្រាំនិងឈឺចាប់បែបនេះ ហេតុអីមិនរកវិធីដើម្បីបំភ្លេចម្នាក់នោះទៅ ?


១) ត្រូវគិតថាការឈឺចាប់នោះវាមិនអីទេ៖ ត្រូវចាត់ទុកថា នរណាៗក៏ជួបរឿងនេះដែរ ហើយការឈឺចាប់វាជារឿងធម្មតាទៅហើយសម្រាប់មនុស្សលោក។


២) ត្រូវចាំថាអ្នកមិនអាចគ្រប់គ្រងលើចិត្តគេបានទេ៖ ពេលខ្លះ អ្នកមិនអាចផ្គាប់ចិត្តបានចំពោះមនុស្សគ្រប់គ្នាឡើយ ហើយអ្នកក៏មិនអាចបញ្ជាឬចង់គ្រប់គ្រងលើគេបានដែរ។


៣) កុំយកស្រាមកដាក់ខ្លួន៖ ការផឹកស្រាវាមិនអាចជួយអ្វីដល់អ្នកឡើយ វាបានត្រឹមតែឲ្យអ្នកអស់លុយកាក់ ខូចសុខភាព និងអ្នកដទៃ ពិបាកចិត្តជំនួសអ្នកទៅវិញទេ។


៤) ត្រូវគិតថាអ្នកក៏មិនអន់អីដែរ៖ ការចាកចេញនេះមិនមែនថាអ្នកមិនល្អឡើយ តែគេប្រហែលជាមានហេតុផលគេ។


៥) លុបចោលនូវការចងចាំអ្នកនឹងគេឲ្យអស់៖ លុបចោលវាឲ្យអស់ទៅ ព្រោះថាការចងចាំទាំងនោះ វានឹងឲ្យអ្នកនឹកគេកាន់តែលើសដើម។


៦) រកមនុស្សមកនិយាយគ្នា៖ បើពិបាកចិត្ត អ្នកអាចរកគ្នានិយាយដើម្បីឲ្យវាធូរស្រាលខ្លះបាន។


៧) ចាត់ទុកថាវាជាមេរៀន៖ ចាត់ទុកថាវាជាមេរៀនសម្រាប់អ្នក លើកក្រោយអ្នកនឹងមិនជួបរឿងនេះទៀតទេ ។


៨) ត្រូវចេះលើកទឹកចិត្តខ្លួនឯង៖ វាពិបាកណាស់ក្នុងការកាត់ចិត្ត តែធ្វើយ៉ាងម៉េចបើគេមិនស្រឡាញ់អ្នកទៅហើយ ។ អ្នកត្រូវរៀនលើកទឹកចិត្តខ្លួនឯងកុំឲ្យកើតទុក្ខរឿងនោះ៕

ប្រែសម្រួល៖ ព្រំ សុវណ្ណកណ្ណិកា

ប្រភព៖ www.forbes.com

ប្រសិន​ជា​អ្នក​ចូល​ចិត្ត​អត្ថបទ​នេះ​សូម​ជួយ​ Like & Shared