​​សភា​អាល្លឺម៉ង់​​ ​សម្រេច​ឲ្យ​មាន​ការ​​ចូលរួម​​កំទេច​ក្រុម​ISIS នៅ​ក្នុង​ប្រទេស​​ស៊ីរី​​

ផ្សាយចេញ ៖ 05-Dec-2015 6:34 am

កងទ័ពអាល្លឺម៉ង់

ប្រ​ភព៖​​ www.straitstimes.com

សភា​របស់​អាល្លឺម៉ង់​ ​បាន​បោះឆ្នោត​សម្រេច​នៅ​ថ្ងៃ​សុក្រ ​​​​ឲ្យ​មាន​ការ​ចូលរួម​​កំទេច​ក្រុម​ISIS នៅ​ក្នុង​ប្រទេស​​ស៊ីរី​បើ​ទោះ​បី​ជា​មិនមែន​ជា​​ការ​វាយប្រហារ​តាម​ដែន​អាកាស​ទ្រង់ទ្រាយ​ធំ ​និង ​ដោយ​ផ្ទាល់​​ដូច​បណ្តា​ប្រទេស​ផ្សេង​ទៀត​ក៏​ដោយ​។

ក្នុង​លទ្ធផល​នៃ​ការ​បោះឆ្នោត​​នោះ ​​គឺ​មាន​សម្លេង ៤៤៥​​គាំទ្រ​ឲ្យ​មាន​ការ​បើក​ប្រតិបត្តិការ​កំទេច​ក្រុម​ISIS ​ដោយ​ឡែក១៤៦​សម្លេង​ទៀត​ ​មិន​គាំ​ទ្រ​។

​ការ​សម្រេច​ពី​សភា​អាល្លឺម៉ង់​​នេះ​ ​គឺ​ក្រោយ​ពេល​ដែល​​សភា​អង់គ្លេស​ទើប​តែ​សម្រេច​ឲ្យ​មាន​ការ​វាយប្រហារ​តាម​ដែន​អាកាស​នៅ​ប្រទេស​ស៊ីរី​ដែរ​ ​ហើយ​កន្លង​មក ​លោក​ស្រី Angela Merkel​ ​អធិការបតី​របស់​អាល្លឺម៉ង់​បាន​ប្រាប់​ទៅ​កាន់​បារាំង​ថា ​នឹង​ចូល​រួម​ប្រឆាំង​​ក្រុម​ឥស្លាម​ជ្រុលនិយម​នៅ​មជ្ឈិមបូព៌ា​៕

​ដោយ​៖ ​អ៊ុន ​ភក្តី

​ប្រភព៖ www.nytimes.com

ប្រសិន​ជា​អ្នក​ចូល​ចិត្ត​អត្ថបទ​នេះ​សូម​ជួយ​ Like & Shared