អត្ថបទថ្មីបំផុត
ទំព័រដើម > សង្គម > បើ​មាន​ភាព​ភ័យ​ខ្លាច​ទាំង​៣​យ៉ាង​នេះ​​​ ​​​ជីវិត​​ដ៏កម្សត់របស់​អ្នក​គ្មាន​ថ្ងៃ​ផ្លាស់ប្ដូរ​ឡើយ

បើ​មាន​ភាព​ភ័យ​ខ្លាច​ទាំង​៣​យ៉ាង​នេះ​​​ ​​​ជីវិត​​ដ៏កម្សត់របស់​អ្នក​គ្មាន​ថ្ងៃ​ផ្លាស់ប្ដូរ​ឡើយ

ប្រ​ភព៖​​ https://pixabay.com/

នៅក្នុងជីវិតរស់នៅរបស់មនុស្សម្នាក់ៗនៅក្នុងសង្គម ពួកគេបានផ្ដល់សិទ្ធិអំណាចដល់កត្តាខាងក្រៅមានឥទ្ធិពលកំណត់ទៅលើជោគវាសនាជីវិតរបស់ពួកគេដោយមិនដឹងខ្លួន។ ពួកគេរស់នៅដោយគ្មាននូវគោលការណ៍ប្រចាំខ្លួន ជាទស្សនជីវិតល្អៗដែលនៅចាំដាស់តឿនពួកគេ ជាអ្នកតម្រង់ទិសផ្លូវជីវិត និងជាអ្វីដែលពួកគេត្រូវគោរពតាមឲ្យបានខ្ជាប់ខ្ជួននោះឡើយ។ ផ្ទុយទៅវិញ ពួកគេបណ្ដែតបណ្ដោយឲ្យអ្នកដទៃ រួមទាំងស្ថានការណ៍ខាងក្រៅមកតម្រែតម្រង់ផ្លូវជីវិតរបស់ពួកគេទៅវិញ ក៏ព្រោះតែមានភាពភ័យខ្លាចបង្កប់នៅក្នុងចិត្ត ហើយចុងបញ្ចប់ ពួកគេបានត្រឹមតែរអ៊ូរទាំ សោកសង្រេង អោនក្បាលព្រមទទួលយកសភាពរស់នៅដ៏ជូរចត់ដែលយល់ថាខ្លួនមិនអាចផ្លាស់ប្ដូរបានតែប៉ុណ្ណោះ។ ស្ថានការណ៍ទាំងនោះនឹងមិនប្រព្រឹត្តទៅខុសពីចិត្តរបស់ពួកគេឡើយ បើពួកគេមិនផ្ដល់អំណាចដល់កត្តាខាងក្រៅមកមានឥទ្ធិពលលើជីវិតខ្លួននោះ។ ខាងក្រោមនេះ គឺជាភាពភ័យខ្លាច៣យ៉ាងដែលបានរាំងស្ទះដល់ការរីកចម្រើន និងការផ្លាស់ប្ដូររបស់មនុស្ស៖

១) ភ័យខ្លាចនូវការបដិសេធ៖ មនុស្សទាំងនេះ សុខចិត្តសម្របខ្លួនតាមអ្នកដទៃជាមួយនឹងភាពទន់ខ្សោយរបស់ខ្លួន ហើយមិនហ៊ានបង្ហាញយ៉ាងអង់អាចក្លាហាននូវធាតុពិតរបស់ខ្លួន មិនថាជាគំនិតច្នៃប្រឌិត ទេពកោសល្យ និងការយល់ឃើញដែលមានលក្ខណៈពិសេសខុសប្លែកពីគេរបស់ខ្លួននោះឡើយ ព្រោះភាពខុសប្លែកពីអ្នកដទៃនេះ ធ្វើឲ្យពួកគេយល់ថាខ្លួននឹងទទួលបាននូវការបដិសេធ មើលងាយពីមនុស្សជុំវិញខ្លួន ហើយក៏សម្រេចចិត្តឲ្យគំនិត និងតួអង្គរបស់អ្នកដទៃចូលមកជំនួសតួអង្គពួកគេ និងដឹកនាំផ្លូវជីវិតខ្លួនស្របទៅតាមដានជើងរបស់អ្នកដទៃ។
២) ភ័យខ្លាចនូវការបាត់បង់៖ ដោយសារមានភាពភ័យខ្លាចពីការបាត់បង់អ្វីមួយនៅក្នុងជីវិតនេះហើយ ទើបធ្វើឲ្យពួកគេសុខចិត្តទ្រាំ ប្រឹងត្រដររស់នៅប្រឈមមុខនឹងស្ថានភាពដែលខ្លួនមិនពេញចិត្ត ព្រោះតែខ្លាចការបាត់បង់ ប៉ុន្តែពួកគេមិនងាកមកពិចារណាថា រឿងទាំងនោះមិនបាននៅសេសសល់នូវតម្លៃអ្វី ឬអាចជួយដោះស្រាយបញ្ហាអ្វីដល់ខ្លួនបាននោះទេ ក្រៅពីបន្ថែមគំនរទុក្ខពីបញ្ហាដែលមិនបានស្វែងរកដំណោះស្រាយដ៏ល្អប្រសើរវិញនោះ។ ឬអាចនិយាយម្យ៉ាងទៀតថា ពួកគេភ័យខ្លាចនូវការផ្លាស់ប្ដូរ ភ័យខ្លាចថាការផ្លាស់ប្ដូរនោះនឹងនាំឲ្យពួកគេបាត់បង់នូវអ្វីដែលខ្លួនកំពុងមានទោះជាវាមិនស្ថិតនៅក្នុងសភាពល្អក៏ដោយ និងខ្លាចថាស្ថានការណ៍អាក្រក់លើសដើមអាចកើតមានចំពោះខ្លួន ជាជាងមានភាពក្លាហានចេញទៅផ្លាស់ប្ដូរដើម្បីកែប្រែរឿងមិនល្អឲ្យបានល្អប្រសើរវិញ។
៣)​ភ័យខ្លាចនូវការបរាជ័យ៖ ពិតជាគួរឲ្យអស់សំណើចណាស់ ប្រសិនជាអ្នកបន់ស្រន់សូមឲ្យស្ថានការណ៍អាក្រក់ដែលអ្នកកំពុងជួបប្រទះ នឹងផ្លាស់ប្ដូរទៅជាល្អដោយខ្លួនឯង ឬដោយមានអ្នកដទៃចូលមកផ្លាស់ប្ដូរវា ដោយសារអ្នកភ័យខ្លាចនូវការបរាជ័យនៅពេលអ្នកចង់សម្រេចអ្វីមួយទៅតាមការរំពឹងទុករបស់ខ្លួន ហើយអ្នកក៏ជ្រើសរើសបន្សាំខ្លួនទៅនឹងស្ថានភាពនោះតទៅទៀត ឬបើមិនដូច្នោះទេ អ្នកក៏បន់ស្រន់ឲ្យស្ថានភាពនោះប្រែជាល្អដោយខ្លួនឯង ជាជាងផ្លាស់ប្ដូរខ្លួនឯងដើម្បីឲ្យស្ថានភាពនោះផ្លាស់ប្ដូរ៕

ប្រែសម្រួល៖ ស្រីពៅ
ប្រភព៖ addicted2success

ប្រសិន​ជា​អ្នក​ចូល​ចិត្ត​អត្ថបទ​នេះ​សូម​ជួយ​ Like & Shared

អត្ថបទពេញនិយម

តើទឹកដីអីុស្រាអែលអាចកែប្រែពីវាលខ្សាច់ទៅជាផ្ទៃដីដែលអាចដាំដុះបាន​យ៉ាងដូចម្ដេច ?

​ទម្លាប់​ពិសេសៗ​របស់​លោក Bill Gates, Steve Jobs ​​​និង Obama​​​​​ ដែលអ្នកគួរ​ស្វែង​យល់​ដើម្បី​ភាពជោគជ័យ

ខឹង​ខុស​ខឹង​ខាត៖ ​​ទោះបី​ជា​ខឹង​ប៉ុណ្ណា​ក៏​ដោយ​ ​សូម​កុំ​ធ្វើ​រឿង​​ទាំង​នេះ​ឲ្យ​សោះ​​

​គន្លឹះ​សំខាន់ៗ ​ដើម្បី​​ក្លាយ​ជា​សិស្ស​ឆ្នើម​ផ្នែក​អក្សរសាស្ត្រ​អង់គ្លេស

អត្ថបទពាណិជ្ជកម្ម​

ប្រធាន​បទ «ចក្ខុវិស័យមីក្រូសហគ្រាស និងសហគ្រាសធុនតូច និងមធ្យម: ប្រព័ន្ធអេកូឡូស៊ី និង និរន្តភាព» សល់​ ៣ថ្ងៃទៀតប៉ុណ្ណោះ​

ស្រាបៀរអាន់ឆ័រប្រគល់រង្វាន់វគ្គផ្តាច់ព្រ័ត្រ រដូវកាលថ្មីជូនគូស្វាមីភរិយាថ្មី ក្នុងកម្មវិធីអាពាហ៍ពិពាហ៍ស្រាបៀរអាន់ឆ័រឆ្នាំ ២០១៧

«យើងរួមគ្នាតែមួយ» យុវជនដើម្បីកិច្ចការពារបរិស្ថាននិងវប្បធម៌

​​វគ្គសិក្សា​ពិសេស​ៗ ៣​​​ ​របស់​ BizKhmer សម្រាប់​ម្ចាស់​អាជីវកម្មទៅ​ដល់​ទឹកដី​សៀមរាប​ដើម​ខែ​ធ្នូ​នេះ

អានអត្ថបទតាមខែ

November 2017
M T W T F S S
« Oct    
 12345
6789101112
13141516171819
20212223242526
27282930