អត្ថបទថ្មីបំផុត
ទំព័រដើម > សង្គម > ​មេដឹកនាំ​កំពូល​​កូរ៉េខាងជើង​​ថា​ ​ប្រ​ទេស​ខ្លួន​​​ ​​ឈាន​ដល់​ដំណាក់កាល​ចុងក្រោយ​​​ ក្នុង​ការ​បាញ់​​នុយក្លេអ៊ែរ​ឆ្លង​ទ្វីប​

​មេដឹកនាំ​កំពូល​​កូរ៉េខាងជើង​​ថា​ ​ប្រ​ទេស​ខ្លួន​​​ ​​ឈាន​ដល់​ដំណាក់កាល​ចុងក្រោយ​​​ ក្នុង​ការ​បាញ់​​នុយក្លេអ៊ែរ​ឆ្លង​ទ្វីប​

ប្រ​ភព៖​​ http://www.mirror.co.uk/

លោក ​គីម​ ជុង​អ៊ុន ​ប្រធានាធិបតី​របស់​កូរ៉េខាងជើង​ បាន​​​និយាយ​ថា​ ​ការ​រៀបចំ​បាញ់​សាកល្បង​អាវុធ​នុយក្លេអ៊ែរ​ឆ្លង​ទ្វីប​​ ​​បាន​ចូល​មក​ដល់​ដំណាក់​កាល​ចុង​​ក្រោយ​ហើយ ដែល​អាវុធ​​នេះ​អាច​មាន​លទ្ធភាព​គ្រប់គ្រាន់​ក្នុង​ការ​​គំរាមកំហែង​ដល់​សន្តិសុខ​​សហរដ្ឋ​អាមេរិក​បាន​។​

​ការ​លើក​ឡើង​បែប​នេះ គឺ​ធ្វើ​នៅ​​ក្នុង​ពិធី​ថ្លែង​អបអរ​​ថ្ងៃ​ចូល​ឆ្នាំ​ថ្មី​​កាល​ពី​ថ្ងៃ​អាទិត្យ​កន្លង​ទៅ ​ដែល​ធ្វើ​ការ​ស្រង់​សម្ដី​ដោយ​​ទីភ្នាក់ងារ​សារព័ត៌មាន​​របស់​កូរ៉េខាងជើង​។
​ជុំវិញ​បញ្ហា​នេះ ក៏​មាន​​ការ​តាម​ដាន​យ៉ាង​ស្អិត​ពី​សំណាក​ប្រទេស​កូរ៉េខាងត្បូង​ផង​ដែរ ​ហើយ​នៅ​ថ្ងៃ​ចន្ទ​នេះ​ ក្រសួង​ការបរទេស​របស់​រដ្ឋាភិបាល​ទីក្រុង​​សេអ៊ូល​​បាន​លើក​ឡើង​ថា​​ រហូត​មក​ទល់​នឹង​ពេល​នេះ គេ​ពុំ​ទាន់​ឃើញ​សញ្ញា​ណា​មួយ​ដែល​ថា ​​កូរ៉េ​ខាង​ជើង​នឹង​បាញ់​សាកល្បង​អាវុធ​នុយក្លេអ៊ែរ​នៅ​ឡើយ​ទេ​។
​​​​​សូម​បញ្ជាក់​ថា ​ការ​ប្រកាស​របស់​កូរ៉េខាងជើង​នៅ​ពេល​នេះ គឺ​ស្រប​ពេល​ដែល​​លោក​ដូណាល់ ​ត្រាំ​ ​​​​នឹង​ឡើង​កាន់​តំណែង​ជា​ប្រធានាធិបតី​អាមេរិក​នៅ​ថ្ងៃ​ទី​២០​ខែ​មករា​នោះ ធ្លាប់​​បាន​ចំអក​ដល់​លោក​គីម ជុង​អ៊ុន​ថា ជា​មនុស្ស​​«ល្ងីល្ងើ» ​ក្នុង​ពេល​​​លោក​ត្រាំ​ធ្វើ​យុទ្ធនាការ​ឃោសនា​បោះឆ្នោត​។ តែ​​​មេដឹកនាំ​កូរ៉េខាងជើង ​មិន​បាន​តប​​អ្វី​វិញ​ទេ។
​ប្រទេស​កូរ៉េ​ខាង​ជើង​ធ្លាប់​បាន​បាញ់​សាកល្បង​អាវុធ​នុយក្លេអ៊ែរ​ ជា​ច្រើន​​លើក​មក​ហើយ​ ទោះបី​ជា​មាន​ការ​ថ្កោល​ទោស​ពី​សំណាក់​សហគមន៍​អន្តរជាតិ​​ ​និង ​​​ការ​ដាក់​ទណ្ឌកម្ម​ផ្ទួនៗ​ពី​ក្រុមប្រឹក្សា​សន្តិសុខ​អង្គការ​សហប្រជាជាតិ​ក៏​ដោយ​៕​

ដោយ​៖ ​រតនា​ ​វិចិត្រ​

ប្រសិន​ជា​អ្នក​ចូល​ចិត្ត​អត្ថបទ​នេះ​សូម​ជួយ​ Like & Shared

អត្ថបទពេញនិយម

អ្នក​កើត​ថ្ងៃ​អង្គារ​ ព្រហស្បតិ៍​ និង​អាទិត្យ​ ភាគច្រើន​ជា​មនុស្ស​ជោគជ័យ​ និង ​មាន​​គំនិត​ឯករាជ្យ

លោក​អ្នក​គួរ​មាន​​​​គុណភាព​​​ ១៥​ចំណុច​​​​នេះ ​ដើម្បី​ក្លាយ​ជា​​អ្នក​រក​ស៊ី​ដ៏​ពូកែ​​ម្នាក់​

ពាក្យ​​ ៥​ឃ្លា​ដែល​​មនុស្ស​ឆ្លាត​​មិន​ដែល​ប្រើ​នៅ​​ក្នុង​​ការ​​សន្ទនា​​ជា​មួយ​ដៃគូ

នារី​ដែល​ឆ្លាតវៃ​ តែង​អនុវត្ត​ចំណុច​​ទាំង ​៤​នេះ ​ដើម្បី​រក្សា​ទំនាក់ទំនង​​ឲ្យ​បាន​​យូរអង្វែង​

អត្ថបទពាណិជ្ជកម្ម​

​អនុវត្តន៍​សរសេរ​​ផែនការ​អាជីវកម្ម​ និងគន្លឹះ​​​ផ្សព្វផ្សាយ​ពាណិជ្ជកម្ម​សម្រាប់​ SME​ នៅ​ ប៉ោយប៉ែត

ប៉ោយប៉ែតជាមណ្ឌលថ្មីនៃព្រឹត្តិការណ៍ Tiger Street Football Festival 2018 តែការគាំទ្រមិនធម្មតាទេ

យុវជននៅក្រុងប៉ោយប៉ែតពិតជាគំរូល្អដល់សម្រាប់ក្រុមយុវជននៅមណ្ឌលក្រោយមែន

បើកសន្និសីទកាសែតស្តីពីការប្រកួត Tiger Street Football Festival 2018 ប្រចាំមណ្ឌលប៉ោយប៉ែត

អានអត្ថបទតាមខែ

February 2018
M T W T F S S
« Jan    
 1234
567891011
12131415161718
19202122232425
262728