អត្ថបទថ្មីបំផុត
ទំព័រដើម > សេដ្ឋកិច្ច&អប់រំ > ក្រុមប្រឹក្សាអភិវឌ្ឍន៍កម្ពុជា (CDC) បង្ហាញដៃគូអភិវឌ្ឍន៍ពីសក្តានុពលសេដ្ឋកិច្ចនៅបាវិត

ក្រុមប្រឹក្សាអភិវឌ្ឍន៍កម្ពុជា (CDC) បង្ហាញដៃគូអភិវឌ្ឍន៍ពីសក្តានុពលសេដ្ឋកិច្ចនៅបាវិត

ឯកឧត្តម សុខ ចិន្ដាសោភា រដ្ឋមន្ត្រីអមនាយករដ្ឋមន្ត្រី និងជាអគ្គលេខាធិការក្រុមប្រឹក្សាអភិវឌ្ឍន៍កម្ពុជា បានដឹកនាំគណៈប្រតិភូធ្វើទស្សនកិច្ចនៅតំបន់សេដ្ឋកិច្ច និងទីកន្លែងមួយចំនួននៅក្រុងបាវិត

នៅថ្ងៃទី ១៩ ឧសភា ឆ្នាំ២០១៧ នេះ ឯកឧត្តម សុខ ចិន្ដាសោភា រដ្ឋមន្ត្រីអមនាយករដ្ឋមន្ត្រី និងជាអគ្គលេខាធិការក្រុមប្រឹក្សាអភិវឌ្ឍន៍កម្ពុជា បានដឹកនាំគណៈប្រតិភូធ្វើទស្សនកិច្ចនៅតំបន់សេដ្ឋកិច្ច និងទីកន្លែងមួយចំនួននៅក្រុងបាវិត ខេត្តស្វាយរៀង។ រួមដំណើរឯកឧត្តមរដ្ឋមន្ត្រី រួមមានឯកឧត្តម ហ៊ីដេហ៊ីសា ហូរីណូឈី (Hidehisa Horinouchi) ឯកអគ្គរដ្ឋទូតជប៉ុនប្រចាំកម្ពុជា និងលោក សាមីអែលឡា ធី. ធុគូហ្វុ (Samiuela T. Tukuafu) តំណាងធនាគារអភិវឌ្ឍន៍អាស៊ី (ADB)។

ឯកឧត្តម សុខ ចិន្ដាសោភា រដ្ឋមន្ត្រីអមនាយករដ្ឋមន្ត្រី និងជាអគ្គលេខាធិការក្រុមប្រឹក្សាអភិវឌ្ឍន៍កម្ពុជា បានដឹកនាំគណៈប្រតិភូធ្វើទស្សនកិច្ចនៅតំបន់សេដ្ឋកិច្ច និងទីកន្លែងមួយចំនួននៅក្រុងបាវិត

ដោយទទួលបានការស្វាគមន៍ពីសំណាក់អភិបាលខេត្តស្វាយរៀង និងអភិបាលក្រុងបាវិត គណៈប្រតិភូ បានទៅធ្វើទស្សនកិច្ចនៅក្រុមហ៊ុន Nissey (Cambodia) ស្ថិតក្នុងតំបន់សេដ្ឋកិច្ចពិសេសដ្រាហ្រ្កនឃីង និង ក្រុមហ៊ុន DK Inc, Tokyo Part Industrial (Cambodia), Japana Technical Center (Cambodia) ស្ថិតនៅតំបន់សេដ្ឋកិច្ចពិសេសតាយសេង និងច្រកព្រំដែនបាវិត ។ ដំណើរទស្សនកិច្ចនេះ មានគោលបំណងដើម្បីបង្ហាញពីស្ថានភាពជាក់ស្តែង និងការអភិវឌ្ឍនៅតំបន់សេដ្ឋកិច្ចពិសេសក្នុងក្រុងបាវិត​ដើម្បី​លើកកម្ពស់ការវិនិយោគ និងបង្កើតការងារជូនប្រជាពលរដ្ឋ។

ក្រុមហ៊ុន Nissey (Cambodia) គឺជាក្រុមហ៊ុន ផលិតនាឡិកាដៃ និងគ្រឿងបង្គុំ រីឯក្រុមហ៊ុន DK Inc ជាក្រុមហ៊ុនផលិតអាវធំបុរស Tokyo Part Industrial (Cambodia) ជាក្រុមហ៊ុន ផលិតខ្សែ គ្រឿងបង្គុំអគ្គិសនី និងតំឡើងត្រង់ស្វូ ក្រុមហ៊ុន Japana Technical Center (Cambodia) ជាក្រុមហ៊ុន ផលិត​សម្ភារៈកីឡា និងស្បែកជើង។

គួរបញ្ជាក់ដែរថា គិតត្រឹមខែមេសា ឆ្នាំ២០១៧ ខេត្តស្វាយរៀងមានតំបន់សេដ្ឋកិច្ចពិសេសដែលដំណើរការសរុបចំនួន ៦កន្លែង ដែលមានគម្រោងវិនិយោគចំនួួន៦៩គម្រោងដោយបានបោះទុនវិនិយោគប្រមាណ៣១៣លានដុល្លារអាមេរិក និងបង្កើតការងារចំនួនប្រមាណ៤៣០០០កន្លែង។

ប្រសិន​ជា​អ្នក​ចូល​ចិត្ត​អត្ថបទ​នេះ​សូម​ជួយ​ Like & Shared

អត្ថបទពេញនិយម

គំនិត​អាថ៌កំបាំង​​ទាំង​ ១០​​ដើម្បី​ក្លាយ​ជា​សេដ្ឋី

​​និយម​ន័យ​សំខាន់ៗ​នៃ​ពាក្យ​ថា ​«​ភាព​ជា​អ្នក​ដឹកនាំ​»​ ដែល​កំណត់​ដោយ​បុគ្គល​ជោគជ័យ​ក្នុង​​លោក

រឿង​ល្អ​ៗ​​ទាំង​នេះ​នឹង​កើត​ឡើង ​ប្រសិន​បើ​អ្នក​​ព្រម​លត់ដំ​ខ្លួន​ជា​មួយ​ការ​លំបាក​ពី​ក្មេង​ឲ្យ​បាន​ច្រើន​

​សញ្ញា​ ៥​យ៉ាង​បញ្ជាក់​ថា ​អ្នក​កំពុង​​តប់ប្រមល់​ក្នុង​ចិត្ត​ខ្លាំង​បំផុត​​ ​​​ហើយ​គួរ​រក​វិធី​ដោះស្រាយ​បន្ទាន់​!​

អត្ថបទពាណិជ្ជកម្ម​

កម្មវិធី ABC Exceptional Night ជាមួយកញ្ញា ឱក សុគន្ធកញ្ញា

បច្ចេកវិទ្យាថ្មីរបស់ទូរទឹកកក LG អាចរក្សាអាហារឱ្យ​នៅស្រស់បានរហូតដល់ 14 ថ្ងៃ

បៀរថៃហ្គ័រចាប់ឆ្នោតលើកទី ១ ជូនគូស្វាមីភរិយាថ្មីក្នុងកម្មវិធីអាពាហ៍ពិពាហ៍ស្រាបៀរថៃហ្គ័រ ឆ្នាំ ២០១៨

ស្រាបៀរ ABC អិចស្ត្រាស្តោត បានពាំនាំកម្មវិធីរាត្រីដ៏ល្អឯកជូនដល់អតិថិជន

អានអត្ថបទតាមខែ

April 2018
M T W T F S S
« Mar    
 1
2345678
9101112131415
16171819202122
23242526272829
30