អត្ថបទថ្មីបំផុត
ទំព័រដើម > សង្គម > សាកលវិទ្យាល័យ Oxford ​​ជាប់​លេខ​១ ខណៈ​​ Harvard​ ​ធ្លាក់​ដល់​លេខ​៦

សាកលវិទ្យាល័យ Oxford ​​ជាប់​លេខ​១ ខណៈ​​ Harvard​ ​ធ្លាក់​ដល់​លេខ​៦

ប្រ​ភព៖​​ educationafter12th.com

នាពេល​ថ្មីៗ​នេះ ទស្សនា​វ​ដ្តី Times Higher Education (THE) បាន​បញ្ចេញ​នូវ​របាយការណ៍​វាយតម្លៃ ចំណាត់ថ្នាក់​សាកលវិទ្យាល័យ​នៅលើ​ពិភពលោក សម្រាប់​ឆ្នាំ ២០១៧ និង ២០១៨​។ ការធ្វើ​ចំណាត់ថ្នាក់​នេះ គឺ ផ្អែកទៅលើ​ការបង្រៀន ការស្រាវជ្រាវ ការផ្ទេរ​ចំណេះដឹង និង ទស្សនៈ​អន្តរជាតិ​។

​នៅក្នុង​របាយការណ៍​នោះ គ្រឹះស្ថាន​អប់រំ​កម្រិត​ឧ​ត្ត​មសិ​ក្សា​ចំនួន​ពីរ​របស់​សហរដ្ឋអាមេរិក​ដែល​ធ្លាប់តែ​ឈរ នៅ​លេខ​រៀង​ទី​១ និង ទី​២ បាន​ធ្លាក់ មក​លេខ​រៀង​ទី​៣ និង ទី​៦ ក្នុង​បញ្ជី​ចំណាត់ថ្នាក់​សម្រាប់​ឆ្នាំ​២០១៨ ក្នុងនោះ​មាន​សាកលវិទ្យាល័យ Harvard (​លេខ​១ ក្នុង​ឆ្នាំ​២០១៦ និង លេខ​៦ ក្នុង​ឆ្នាំ​២០១៨) និង វិទ្យាស្ថាន​បច្ចេកវិទ្យា​កា​លី​ហ្វ​ញ៉ា (California Institute of Technology) (​លេខ​២ ក្នុង​ឆ្នាំ​២០១៦ និង ២០១៧ និង លេខ​៣ ក្នុង​ឆ្នាំ​២០១៨)​។

​ផ្ទុយ​មកវិញ ក្នុង​បញ្ជី​ចំណាត់ថ្នាក់​នោះ សាកលវិទ្យាល័យ​ចំនួន​ពីរ​របស់​ចក្រភព​អង់គ្លេស​បានទទួល ចំណាត់ថ្នាក់ លេខ​១ និង លេខ​២ ក្នុងនោះ​មាន សាកលវិទ្យាល័យ Oxford ទទួលបាន​ចំណាត់ថ្នាក់​លេខ​១ និង សាកលវិទ្យាល័យ Cambridge ទទួលបាន​ចំណាត់ថ្នាក់​លេខ​២ នៅក្នុង​លោក​។​

​ ​បន្ថែម​លើ​នេះ​ទៅទៀត របាយការណ៍​នោះ​ក៏បាន​បង្ហាញ​ផងដែរ​នូវ​មូលហេតុ​នៃ​ការធ្លាក់ចុះ​ពី​លេខ​រៀង​ទី​១ និង ទី​២ របស់​គ្រឹះស្ថាន​អប់រំ​កម្រិត​ឧ​ត្ត​ម​សិក្សា​ចំនួន​ពីរ​របស់​សហរដ្ឋអាមេរិក នោះ​គឺ​ដោយសារតែ​ការធ្លាក់ចុះ នៃ​ចំណូល​ពី​ការស្រាវជ្រាវ និង​ភាពមិនច្បាស់លាស់​នៃ​មូលនិធិ​សម្រាប់​ការស្រាវជ្រាវ​។ តែ​ទោះបីជា​យ៉ាងណា​ក៏ ដោយ ក្នុងចំណោម​សាកលវិទ្យាល័យ​កំពូល​ទាំង​១០​របស់​ពិភពលោក សាកលវិទ្យាល័យ​របស់​សហរដ្ឋអាមេរិក នៅតែមាន​ចំនួន​ច្រើនជាងគេ គឺមាន​រហូតដល់​ទៅ​៧ គ្រឹះស្ថាន​។

​ ​ជាការ​ពិតណាស់ ក្នុងចំណោម​សាកលវិទ្យាល័យ​កំពូល​ទាំង​១០ ក្រៅពី​សាកលវិទ្យាល័យរ​បស់​សហរដ្ឋ​អា មេ​រិ​ក និង ចក្រភព​អង់គ្លេស គឺមាន​សាកលវិទ្យាល័យ​មួយ​ផងដែរ​របស់​ប្រទេស​ស្វី​ស​ដែលមាន​ចំណាត់ថ្នាក់​លេខ ៩ ក្នុង​ឆ្នាំ ២០១៦ និង ២០១៧ ហើយ​ជាប់​ចំណាត់ថ្នាក់​លេខ ១០ ក្នុង​ឆ្នាំ ២០១៨​។ សាកលវិទ្យាល័យ​នោះ​មាន ឈ្មោះថា ETH Zurich – Swiss Federal Institute of Technology Zurich​៕

​ដោយ​៖ ប៉ុ​ម ទូច​

ប្រសិន​ជា​អ្នក​ចូល​ចិត្ត​អត្ថបទ​នេះ​សូម​ជួយ​ Like & Shared

អត្ថបទពេញនិយម

​មុន​ពេល​ហាមាត់​​រិះគន់​នរណា​ម្នាក់ ​អ្នក​ត្រូវ​គិត​ឲ្យ​ច្បាស់​លើ​៣​ចំណុច​នេះ​សិន​​!

ខឹង​ខុស​ខឹង​ខាត៖ ​​ទោះបី​ជា​ខឹង​ប៉ុណ្ណា​ក៏​ដោយ​ ​សូម​កុំ​ធ្វើ​រឿង​​ទាំង​នេះ​ឲ្យ​សោះ​​

​កុំ​ឲ្យ​មនុស្ស​៤​ប្រភេទ​នេះ​ខ្ចី​លុយ​នេះ​ឲ្យ​សោះ ​​កុំ​ឲ្យ​មាន​វិប្បដិសារី​ថ្ងៃ​ក្រោយ

អាកប្បកិរិយា​ទាំង ​៥​យ៉ាង​របស់​អ្នក​ជំនួញ​ សេដ្ឋី​ពាន់​លានដែល​អ្នក​គួរ​រៀន​សូត្រ​តាម

អត្ថបទពាណិជ្ជកម្ម​

គន្លឹះ​ប្រើ​ប្រាស់​បណ្ដាញ​សង្គម Facebook ដើម្បី​ជំរុញ​ការ​លក់​​សម្រាប់​អាជីវកម្ម​ខ្នាត​តូច

​​វគ្គសិក្សា​ពិសេស​ៗ ៣​​​ ​របស់​ BizKhmer សម្រាប់​ម្ចាស់​អាជីវកម្មទៅ​ដល់​ទឹកដី​សៀមរាប​ដើម​ខែ​ធ្នូ​នេះ

តោះ! តោះ! ចូលរួម ១ ឆ្នាំ​មានតែ​ម្តងគត់ សម្រាប់​នារី ដើម្បី​នារី

ស្រាបៀរ ​Heineken ​ចាប់​ឆ្នោត​​រដូវ​កាល​ថ្មី​ ​​ផ្តល់​រង្វាន់​ពិសេស​ដល់​​គូស្វាមី​ភរិយាថ្មី

អានអត្ថបទតាមខែ

November 2017
M T W T F S S
« Oct    
 12345
6789101112
13141516171819
20212223242526
27282930