​​សមាជិក​ISIS ​ម្នាក់​ដាច់ចិត្ត​សម្លាប់​ម្តាយ​បង្កើត​របស់​ខ្លួន​នៅ​មុខ​មហា​ជន​​នៅ​ស៊ីរី​ ​​ - Biz Khmer

​​សមាជិក​ISIS ​ម្នាក់​ដាច់ចិត្ត​សម្លាប់​ម្តាយ​បង្កើត​របស់​ខ្លួន​នៅ​មុខ​មហា​ជន​​នៅ​ស៊ីរី​ ​​

ផ្សាយចេញ ៖ 08-Jan-2016 4:27 pm

ប្រ​ភព៖​​ www.cnn.com

​សមាជិកISIS ​ម្នាក់ ​បាន​ប្រហារ​ជីវិត​ម្តាយ​បង្កើត​របស់​ខ្លួន​ ​នៅ​មុខ​មហាជន ​ពី​បទ​ការ​ព្យាយាម​បញ្ចុះបញ្ចូល​ឲ្យ​កូន​របស់​ខ្លួន​ចាក់ចេញ​ពី​ចលនា​បង្កើត​រដ្ឋ​ឥស្លាម​។ ​នេះ​បើ​តាម​ការ​ចុះផ្សាយ​របស់​សារព័ត៌មាន​CNN ដែល​​បាន​ចេញ​ផ្សាយ​នៅ​ថ្ងៃ​សុក្រ​នេះ ​ដោយ​ស្រង់​សម្ដី​​របស់​ក្រុម​អ្នក​ឃ្លាំ​មើល​សិទ្ធិ​មនុស្ស​នៅ​ប្រទេស​ស៊ីរី​។

​​​​​សមាជិក​ម្នាក់​​នោះ​ ​មាន​វ័យ​​២០​ឆ្នាំ​​​​ ​​ហើយ​រូប​គេ​ហ៊ាន​ប្រហារ​ជីវិត​​ម្តាយ​របស់​ខ្លួន​​ដោយ​ផ្ទាល់​ដៃ​ ​​នៅ​ចំពោះ​មុខ​មហាជន​ ​ក្នុង​ប្រទេស​ស៊ីរី​ដែល​ប្រការ​នេះ​នាំ​ឲ្យ​មាន​ការ​ភ្ញាក់ផ្អើល​យ៉ាង​ខ្លាំង​។

​មូលហេតុ​ដែល​នាំ​ឲ្យ​មាន​ការប្រហារ​ជីវិត​ស្ត្រី​ម្នាក់​ដោយ​កូន​របស់​ខ្លួន​ផ្ទាល់​បែបនេះ ​គឺ​ដោយសារតែ ​ក្រុម​ISIS ​បាន​ចោទ​​ថា ស្ត្រី​​រូប​នោះ បាន​ព្យាយាម​បញ្ចុះបញ្ចូល​កូន​របស់​ខ្លួន​ឲ្យ​ចាក់ចេញ​ពី​ក្រុម​ឥស្លាម​ជ្រុល​និយម​ទាំង​នេះ​៕

​​ដោយ​៖ ​រតនា ​វិចិត្រ​

ប្រសិន​ជា​អ្នក​ចូល​ចិត្ត​អត្ថបទ​នេះ​សូម​ជួយ​ Like & Shared