អត្ថបទថ្មីបំផុត
ទំព័រដើម > PR > ការប្រើប្រាស់សេវាធានារ៉ាប់រងសុខភាព និងគ្រោះថ្នាក់របស់អតិថិជនកម្ចី អេ អឹម ខេ កើនឡើងជាង ៨០%

ការប្រើប្រាស់សេវាធានារ៉ាប់រងសុខភាព និងគ្រោះថ្នាក់របស់អតិថិជនកម្ចី អេ អឹម ខេ កើនឡើងជាង ៨០%

ភ្នំពេញ៖ យោងតាមរបាយការណ៍ហរិញ្ញវត្ថុរបស់គ្រឹះស្ថានមីក្រូហិរញ្ញវត្ថុ អេ អឹម ខេ គិតត្រឹមត្រីមាសទី១ ឆ្នាំ២០១៨ មានអតិថិជនជាង ២៨ម៉ឺននាក់ ដែលស្មើនឹងជាង៨០% នៃអតថិជនកម្ចី អេ អឹម ខេ ទំាងអស់ដែលកំពុងប្រើប្រាស់ សេវាធានារ៉ាប់រងសុខភាពខ្នាតតូចលើសុខភាព និងគ្រោះថ្នាក់។

អេ អឹម ខេ បានចាប់ផ្តើមសហការជាមួយក្រុមហ៊ុន ធានារ៉ាប់រងហ្វតតេ ដើម្បីផ្តល់សេវាធានារ៉ាប់រងខ្នាតតូចដល់អតិថិជនកម្ចីតំាងពី ឆ្នាំ២០១៤ ម្ល៉េះ ហើយគោលបំណងសំខាន់បំផុងនោះ គឺដើម្បីជួយការពារហានិភ័យ ផ្សេងៗ ដែលអាចកើតឡើងជាយថាហេតុនៅក្នុងគ្រួសារអតិថិជនរបស់ខ្លួន។ បើគិតត្រឹមចុងឆ្នាំ២០១៤ មានអតិថិជនត្រឹមតែជិត១ម៉ឺនាក់ប៉ុណ្ណោះ ប្រមាណជា៣% ដែលបានប្រើប្រាស់ប្រើប្រាស់សេវាធានារ៉ាប់រងសុខភាព និងគ្រោះថ្នាក់។ ចំនួនអ្នកប្រើប្រាស់មានការកើនឡើងជាបន្តបន្ទាប់គួរឲ្យគត់សម្គាល់ពីមួយឆ្នាំទៅមួយឆ្នាំ រហូតដល់ជិត ១៣ម៉ឺននាក់ប្រមាណជា ៣៨%នៅក្នុងឆ្នាំ២០១៥ និង ជាង១៨ម៉ឺននាក់ ប្រមាណជា ៥២%នៅក្នុងឆ្នាំ២០១៦ បន្តកើនឡើងរហូតដល់២៨ម៉ឺននាក់ក្នុងត្រីមាសទី១ ឆ្នាំ២០១៨ ដែលស្មើនឹងជាង៨០% នៃអតិថិជនកម្ចីសរុប។

ការកើនឡើងនៃការប្រើប្រាស់សេវាធានារ៉ាប់រងខ្នាតតូចនេះ គឺជាសញ្ញាណមួយវិជ្្ជមាន ដែលសបញ្ជាក់ឲ្យឃើញថា អតិថិជន អេ អឹ ខេ បច្ចុប្បន្នចាប់ផ្តើមយល់ដឹងច្រើនពីការគ្រប់គ្រង និងការពារបញ្ហាហិរញ្ញវត្ថុនៅក្នុងគ្រួសារដែលជាកត្តាធ្វើឲ្យជីវភាពរបស់ពួកគាត់កាន់តែប្រសើរឡើងផងដែរ។

លោក សួន ពិសី ប្រធាននាយកប្រតិបត្តិអាជីវកម្មនៃគ្រឹះស្ថានមីក្រូហិរញ្ញវត្ថុអេ អឹម ខេ បានឲ្យដឹងថា “គ្មាននរណាម្នាក់អាចទាយដឹងមុនថា វានឹងមានរឿងអ្វីកើតឡើងចំពោះខ្លួនឯង ឬសមាជិកគ្រួសារណាម្នាក់ឡើយ តែបើអតិថិជនមានសេវាធានារ៉ាប់រង នោះវាពិតជាអាចជួយកាត់បន្ថយថ្លៃចំណាយសម្រាប់ការថ្លៃព្យាបាល មិនចំាបាច់ខ្ចីបុលគេ ឬលក់ទ្រព្យសម្បត្តិមានតម្លៃនៅក្នុងផ្ទះដើម្បីដោះស្រាយថ្លៃព្យាបាលក្នុងករ ណីមានជំងឺ ឬជួបគ្រោះថ្នាក់ណាមួយនោះទេ។”

ជាមួយគ្នានោះដែរ លោក នី លីហួង នាយកក្រុមហ៊ុន និងអ្នកជំនាញរបស់ក្រុមហ៊ុនធានារា៉ប់រងហ្វតតេម៉ាយក្រូអិុនសួរឹនស៍ បានបន្ថែមផងដែរថា “ក្រុមហ៊ុនធានារា៉ប់រងហ្វតតេម៉ាយក្រូអិុនសួរឹនស៍បានសិក្សាពីតម្រូវការ និងជីវភាពប្រជាជនគ្រប់ជ្រុងជ្រោយរហូតឈានដល់ការកំណត់តម្លៃមួយសមរម្យដែលអាចឲ្យប្រជាជនទូទៅមានលទ្ធភាពប្រើប្រាស់សេវាកម្មនេះ ក៏ដូចជាមានលទ្ធភាពប្រើប្រាស់សេវាសុខភាពនៅតាមន្ទីពេទ្យនៅក្នុងតំបន់រស់នៅរបស់ពួកគាត់បានផងដែរ។ ជាទូទៅ ការចំណាយលើថ្លៃសេវាធានារា៉ប់រងនេះ គឺមិនដល់១០០រៀលផងក្នុងមួយថ្ងៃសម្រាប់ការធានាពេញ១ឆ្នាំក្នុងសមាជិកម្នាក់។”

គួរបញ្ជាក់ផងដែរថា ការទិញសេវាធានារ៉ាប់រងខ្នាតតូចនេះ គឺសម្រាប់តែអតិថជនកម្ចី អេ អឹម ខេ ប៉ុណ្ណោះ ហើយកញ្ចប់អត្ថប្រយោជន៍ពីការទិញសេវាធានារ៉ាប់រងរួមមានដូចជា៖ ប្រាក់ឧបត្ថម្ភថ្លៃសម្រាកព្យាបាលនៅមន្ទីពេទ្យ ២ម៉ឺនរៀលក្នុង១ថ្ងៃ ប្រាក់ឧបត្ថម្ភថ្លៃវះកាត់អតិបរមាដល់ ៦០ម៉ឺនរៀលក្នុង១ករណី ប្រាក់ឧបត្ថម្ភពិការភាពដោយសារគ្រោះថ្នាក់រហូតដល់ ២ ទៅ ៣លានរៀល ប្រាក់ឧបត្ថម្ភមរណភាពដែលបណ្តាលមកពីជំងឺរហូតដល់ ៦០ម៉ឺនរៀល និងប្រាក់ឧបត្ថម្ភមរណភាពដែលបណ្តាលមកពីគ្រោះថ្នាក់ចាប់ពី ៦.៦០០.០០០រៀល ដល់ ៧.៦០០.០០០រៀល ផងដែរ៕



ប្រសិន​ជា​អ្នក​ចូល​ចិត្ត​អត្ថបទ​នេះ​សូម​ជួយ​ Like & Shared

អត្ថបទពេញនិយម

​កម្រង​គំនិត​សំខាន់ៗ​របស់​ ឡៅ សឺ (​Lao Tzu)​​​ទស្សនវិទូ​របស់​ចិន​

មេរៀន​សំខាន់ៗ​ដែល​​អ្នក​អាច​រៀន​សូត្រ​ពី​​​​សម្រង់​សម្ដី​ទាំង​៨​​របស់​លោក ​Jack Ma មហាសេដ្ឋី​ចិន​​ ​

គន្លឹះ​សម្ងាត់​ទាំង ៦​ ដែល​ជួយ​អភិវឌ្ឍ​ចិត្ត​គំនិត​របស់​អ្នក​ឲ្យ​ដូច​មហា​សេដ្ឋី

គន្លឹះ​ដ៏​មុត​ស្រួច​ទាំង​៣​ក្នុង​ការ​កែ​ប្រែ​និង​អភិវឌ្ឍ​អ្នក​ឲ្យ​ក្លាយ​ទៅ​ជា​មនុស្ស​ថ្មី​មួយ​ទៀត

អត្ថបទពាណិជ្ជកម្ម​

លោក ព្រាប សុវត្ថិ ដឹកដៃកូនប្រុសទំាង២នាក់ធ្វើកក្រើកឆាកតន្រ្តី Tiger Street Football Festival 2019នាវគ្គផ្តាច់ព្រ័ត្រទូទាំងប្រទេស

ក្រុមស្នងការដ្ឋាននគរបាលខេត្តព្រះសីហនុ “A” ឈ្នះជើងឯកនៃ Tiger Street Football Festival 2019 លើកទី៧ ទូទាំងប្រទេសជាលើកដំបូង

អេ អឹម ខេ ត្រូវបានទទួលស្គាល់ជាគ្រឹះស្ថានមីក្រូហិរញ្ញវត្ថុ ដែលជួយឱ្យជីវភាពប្រជាពលរដ្ឋក្រីក្រមានភាពប្រសើរឡើង

ពិព័រណ៍ ឌីជីថលកម្ពុជាឆ្នាំ ២០១៩ បង្ហាញពីទិដ្ឋភាពផ្នែកឌីជីថលនៅអាស៊ីអាគ្នេយ៍ នាថ្ងៃអនាគត

អានអត្ថបទតាមខែ

March 2019
M T W T F S S
« Feb    
 123
45678910
11121314151617
18192021222324
25262728293031