អត្ថបទថ្មីបំផុត
ទំព័រដើម > អចលនទ្រព្យ > ការពិចារណាមុននឹងធ្វើការព្រមព្រៀងលើកិច្ចសន្យាជួលនៅក្នុងប្រទេសកម្ពុជា

ការពិចារណាមុននឹងធ្វើការព្រមព្រៀងលើកិច្ចសន្យាជួលនៅក្នុងប្រទេសកម្ពុជា

អ្នកពិតជាមិនគួរចុះហត្ថលេខាលើកិច្ចព្រមព្រៀងជួលណាមួយដោយគ្មានការពិនិត្យហ្មត់ចត់ឡើយ! មានចំណុចមួយចំនួនដែលមានសារៈសំខាន់ចំពោះកិច្ចព្រមព្រៀងជួលនៅក្នុងប្រទេសកម្ពុជាដែលអ្នកត្រូវពិចារណា។ នេះជាគន្លឹះមួយចំនួនដែល Realestate.com.kh លើកយកមកដើម្បីឲ្យលោកអ្នកពិចារណាមុននឹងសម្រេចចិត្តធ្វើកិច្ចសន្យាជួលណាមួយ៖

ការចំណាយផ្សេងៗ៖
ប្រាកដណាស់អ្នកនឹងត្រូវបង់ថ្លៃជួលរបស់អ្នកជារៀងរាល់ខែ ប៉ុន្តែអ្នកក៏ត្រូវដឹងផងដែរថាអ្នកត្រូវចំណាយលើសេវាបន្ថែមផ្សេងៗនិងការបង់ថ្លៃបន្ទាប់បន្សំជាច្រើនប្រចាំខែដទៃទៀតផងដែរ។ ការចំណាយបន្ទាប់បន្សំរួមមានទាំងការប្រមូលសំរាម ហ្គាស សន្តិសុខ សេវាអ៊ីនធឺណិត និងចំណតរថយន្តជាដើម។ ថ្លៃចំណាយអាចទាបឬខ្ពស់អាស្រ័យលើប្រភេទនៃការជួលអចលនទ្រព្យនិងរសនិយមនៃការរស់នៅរបស់ម្ចាស់ផ្ទះ។ ការចំណាយខ្លះអាចត្រូវបានរួមបញ្ចូលក្នុងថ្លៃជួលរបស់អ្នករួចជាស្រេចប៉ុន្តែមានករណីខ្លះសេវាបន្ទាប់បន្សំទាំងអស់នេះត្រូវបានផ្តល់ជូនយ៉ាងពិសេសដោយមិនគិតថ្លៃនៅពេលលោកអ្នកជួលអចលនទ្រព្យមួយ។ ដូច្នេះមុននឹងជួលលោកអ្នកត្រូវពិនិត្យ និងបញ្ជាក់ជាមួយម្ចាស់អចលនទ្រព្យឲ្យបានច្បាស់លាស់ជាមុនសិន។

ប្រសិនបើអ្នកជួលផ្ទះនៅក្នុងបុុរីគឺត្រូវតែបង់ថ្លៃសេវាបន្ថែមប្រចាំខែដូចជាសេវាគ្រប់គ្រងទូទៅ អនាម័យ សន្តិសុខជាដើម។ អាស្រ័យលើគម្រោងលំនៅដ្ឋានបុរីរបស់លោកអ្នកចំណែកឯតម្លៃគឺចាប់ពី $20ទៅ $50 ក្នុងមួយខែ។

សម្រាប់អ្នករស់នៅក្នុងលំនៅដ្ឋានប្រភេទខុនដូមានតម្លៃជាទូទៅវាមានតម្លៃចាប់ពី $0.50 ទៅ $2 ក្នុងមួយម៉ែត្រការ៉េ។ អាស្រ័យតាមលក្ខខណ្ឌរបស់ខុនដូលោកអ្នករស់នៅពេលខ្លះចំណតឡានក៏ត្រូវបង់ថ្លៃសេវាផងដែរដែលមានតម្លៃចាប់ពី$50ទៅ$60ក្នុងមួយខែ។ ដូចបានជម្រាប់ខាងលើគម្រោងខុនដូមួយចំនួនត្រូវបានគិតបញ្ចូលថ្លៃបន្ទាប់បន្សំទាំងអស់នេះរួចរាល់ហើយ។

នៅក្នុងប្រទេសកម្ពុជាមានម្ចាស់ផ្ទះមួយចំនួនបានគិតថ្លៃសេវាអគ្គិសនីទៅតាមការកំណត់របស់ខ្លួនផ្ទាល់ឧទាហរណ៍តម្លៃអគ្គិសនីដែលកំណត់ដោយម្ចាស់ផ្ទះមានតម្លៃ $0.25 ក្នុងមួយគីឡូវ៉ាត់ចំណែកឯតម្លៃអគ្គិសនីចេញពីក្រុមហ៊ុនអគ្គីសនីកម្ពុជាមានតម្លៃប្រមាណ$0.20ក្នុងមួយគីឡូវ៉ាត់។

ត្រូវតែធ្វើការចរចា៖
អ្នកគឺជាអ្នកជួលអ្នកតែងតែមានអំណាចដើម្បីចរចាតម្លៃជួលជាមួយម្ចាស់ផ្ទះរបស់អ្នក!

កុំខ្លាចក្នុងការធ្វើដូច្នេះហើយពេលខ្លះមិនត្រូវពឹងផ្អែកទាំងស្រុងលើភ្នាក់ងារអចលនទ្រព្យរបស់អ្នកដើម្បីធ្វើការចរចាសម្រាប់អ្នកឡើយ។ ចងចាំថាភ្នាក់ងារអចលនៈទ្រព្យខ្លះមិនត្រឹមតែដើរតួដើម្បីការពារផលប្រយោជន៍របស់អ្នកតែម្នាក់នោះទេ។ ពួកគេធ្វើសកម្មភាពជំនួសឲ្យអ្នកលក់ផងដែរនៅពេលដែលតម្លៃលក់បានខ្ពស់នោះពួកគេក៏បានប្រាក់កម្រៃជើងសារកាន់តែខ្ពស់ផងដែរ។ ដូចនេះអ្នកត្រូវប្រាកដថាអ្នកបានជ្រើសរើសភ្នាក់ងារអចលនទ្រព្យបានត្រឹមត្រូវហើយប្រាកដថាអ្នកត្រូវជម្រុញឲ្យភ្នាក់ងារអចលនទ្រព្យរបស់លោកអ្នកចរចាតម្លៃមួយដែលលោកអ្នកចង់បាន។

ប្រសិនបើអ្នកកំពុងស្នើសុំជួលរយៈពេលវែងមួយឆ្នាំឬលើសពីនេះអ្នកអាចប្រើវាជាចំណុចចរចារដើម្បីបន្ថយអត្រាប្រចាំខែរបស់អ្នក។ ដូចគ្នានេះផងដែរខណៈម្ចាស់ផ្ទះមិនអាចមានភាពបត់បែនក្នុងតម្លៃជួលប្រចាំខែអ្នកនៅតែអាចរុញពួកគេសម្រាប់សេវាកម្មបន្ថែមឬគ្រឿងសង្ហារឹមផ្ទះដោយមិនគិតថ្លៃដូចអ្នកផ្អែមកិច្ចសន្យាដែរ។ ការកើនឡើងជាមុននៅលើការជួលរយៈពេលពីរបីខែដំបូងរបស់អ្នកក៏អាចជាចំណុចផ្លាស់ប្តូរទាក់ទាញសម្រាប់ម្ចាស់ដីដែលកំពុងស្វែងរកការចាក់បញ្ចូលសាច់ប្រាក់យ៉ាងឆាប់រហ័សក្នុងរយៈពេលខ្លីប៉ុន្តែត្រូវធានាថាអ្វីៗទាំងអស់ត្រូវបានគេទទួលបានត្រឹមត្រូវឬពួកគេអាចនឹងចាប់អ្នកនៅពេលក្រោយ!

ពិនិត្យកិច្ចសន្យាឲ្យបានត្រឹមត្រូវ៖
ប្រសិនបើអ្នកកំពុងស្នើសុំជួលរយៈពេលវែងអ្នកអាចប្រើវាជាចំណុចចរចារដើម្បីបន្ថយអត្រាជួលប្រចាំខែ។ ដូចគ្នានេះផងដែរខណៈម្ចាស់ផ្ទះមិនអាចមានភាពបត់បែនក្នុងតម្លៃជួលប្រចាំខែអ្នកនៅតែអាចលើកជាសំណើរផ្សេងៗទៀតដូចជាការសេវាកម្មបន្ថែមឬគ្រឿងសង្ហារឹម លក្ខខណ្ឌសត្វចិញ្ចឹម ការគ្រប់គ្រង ប្រាក់តំកល់ ចំណុចទាំងអស់នេះអ្នកអាចបន្ថែមនៅក្នុងកិច្ចសន្យជួលថ្មីនោះ។

ត្រូវប្រាកដថាអ្វីដែលម្ចាស់ផ្ទះនឹងលើកយកមកធ្វើការចរចា និងទាមទាឲ្យយើងជាអ្នកជួលធ្វើតាម ឬមានការបូកតម្លៃផ្សេងៗជាដើមចំណែកឯរូបអ្នកផ្ទាល់ក៏ត្រូវតែដឹងផងដែរថាត្រូវលើកយកចំណុចណាដែលមានផលចំណេញសម្រាប់ខ្លួនផ្ទាល់ ហើយត្រូវបា្រកដថាចំណុចទាំងនោះបានដាក់បញ្ចូលក្នុង កិច្ចសន្យាជួល។

ចំណុចបន្ទាប់បន្សំ៖
ពិនិត្យមើលឲ្យសប់ជ្រុងជ្រោយដូចជា៖ ទ្វា គន្លឹះទ្វា កុងតាក់ ប្រព័ន្ធទឹក អគ្គីសនី ហ្គាស មុននឹងសម្រេចចិត្តថាជួល។ ទោះបីជាយ៉ាងណាប្រសិនបើយើងបានចុះកិច្ចសន្យាព្រមព្រៀងលើការជួសជុលទាំងនេះរួចរាល់ហើយនៅពេលមានការខូចខាតត្រូវផ្តល់ដំណឹងដល់ម្ចាស់ផ្ទះឲ្យជួសជុលជាបន្ទាន់៕

ប្រភព៖ realestate.com.kh

ប្រសិន​ជា​អ្នក​ចូល​ចិត្ត​អត្ថបទ​នេះ​សូម​ជួយ​ Like & Shared

អត្ថបទពេញនិយម

បើ​ចង់​ទន្ទេញ​មេរៀន​​ឲ្យ​ឆាប់​ចាំ​ ​និង ​មិន​ងាយ​ភ្លេច​ ​គួរ​សាកល្បង​​​វិធី​ងាយៗ​ទាំងនេះ​!​

ហាម​និយាយ​​ពាក្យ​ទាំង​ «៤​» ឃ្លា​នេះ​​​ប្រសិន​បើ​អ្នក​ធ្វើ​ការ​ជា​អ្នក​លក់​ (sales)!

បើ​​​ចង់​ក្លាយ​ជា​អ្នក​គ្រប់គ្រង​ ​ឬ ​អ្នកដឹកនាំ​ដ៏​អស្ចារ្យ​ម្នាក់​ ត្រូវ​ជម្រុះ​​ចំណុច​អាក្រក់​​ទាំង​៦​នេះ​សិន​ ​!​

​វិធីសាស្ត្រ​​សំខាន់ៗ​៥​យ៉ាង​​ ​ដើម្បី​​លុបបំបាត់​ការ​ខ្ជិល​ច្រអូស​របស់​អ្នក​!

អត្ថបទពាណិជ្ជកម្ម​

ឱកាសបង្ហាញ​សមត្ថភាព​និង​គំនិត​ច្នៃប្រឌិត​ផ្នែក​អាជីវកម្ម​សម្រាប់​​យុវជន​បានមក​ដល់​ហើយ​!

​គុយទាវ​បាក់​សៀក​ពិសេស​ឈ្មោះ​ធម្មតា តែ​រសជាតិ​ឆ្ងាញ់​មិនធម្មតា​ទេ ​ធានាថា​ឆ្ងាញ់​បោស​ចាន !

everjobs បង្ហាញ​ពី​ជំនាញ​មួយចំនួន​ដែល​​ចាំ​បាច់​​ក្នុងតួនាទី​គ្រប់គ្រង​ (Management) នៅក្នុង​ប្រទេស​កម្ពុជា​​

វត្តមានគម្រោងបុរីល្បីៗជាច្រើននៅក្នុងពិព័រណ៍អចលនទ្រព្យកម្ពុជាលើកទី២

អានអត្ថបទតាមខែ

September 2017
M T W T F S S
« Aug    
 123
45678910
11121314151617
18192021222324
252627282930