Jose Mourinho ៖«Rooney មិន​លេង​បម្រើ​​ទៀត​ទេ ​តែ​​ត្រូវ​លេង​ប្រយុទ្ធ»

ផ្សាយចេញ ៖ 06-Jul-2016 9:05 am

អ្នកចាត់ការថ្មី Manchester United លោក Jose Mourinho បានថ្លែងក្នុងសន្និសីទកាសែតថ្ងៃនេះថា មិនឲ្យ Wayne Rooney លេងក្នុងតំណែងខ្សែបម្រើទៀតឡើយ ប៉ុន្តែត្រូវតែលេងក្នុងតំបន់ប្រយុទ្ធ។


ខ្សែប្រយុទ្ធ វ័យ ៣០ ឆ្នាំរូបនេះ ត្រូវបានទម្លាក់ឲ្យមកលេងក្នុងតំបន់បម្រើក្រោមការដឹកនាំរបស់ Louis van Gaal រហូតដល់ចប់រដូវកាល ហើយបន្តលេងក្នុងតំណែងខ្សែបម្រើឲ្យជម្រើសជាតិ អង់គ្លេស ក្នុងពាន Euro 2016 ទៀត។


ប្រធានក្រុមរូបនេះសារភាពដើមឆ្នាំនេះថា រូបគេតែងតែរំពឹងក្លាយជាខ្សែបម្រើនាឆ្នាំបន្ទាប់ និង សង្ឃឹមក្លាយខ្លួនដូច Paul Scholes អីចឹង។


ប៉ុន្តែ Mourinho ទទូចថាខ្សែប្រយុទ្ធពិបាករកបន្តិច ហើយ បញ្ជាក់ច្បាស់ថា «នៅជាមួយខ្ញុំ Rooney មិនស្ថិតនៅ ៥០ម៉ែត្រពីទីនោះឡើយ។ គេមិនមែន ពាក់លេខ ៦ សូម្បីលេខ ៨ ក៏មិនមែនដែរ។ រឿងពិត គឺ កីឡាករប្ដូរឥរិយាបថខ្លះទៅតាមវ័យ ដូចនេះវាជារឿងធម្មតាដែលកីឡាករផ្លាស់ប្ដូរតិចតួច។»


ផ្ដល់សិទ្ធិ៖ sportrefresh.com

ប្រសិន​ជា​អ្នក​ចូល​ចិត្ត​អត្ថបទ​នេះ​សូម​ជួយ​ Like & Shared