AFF Suzuki Cup ​នឹង​ផ្លាស់​​ប្ដូរ​ទម្រង់​ប្រកួត​​​ឱ្យ​មាន​​១០​ ប្រទេស​ និង​ប្រកួត​ពីរ​ជើង​

ផ្សាយចេញ ៖ 14-Dec-2016 8:04 am

ប្រ​ភព៖​​ www.dubaichecking.com

សហព័ន្ធបាល់ទាត់អាស៊ាន (AFF) នឹងប្រកាសពីទម្រង់ថ្មីនៃការប្រកួតកីឡាបាល់ទាត់ពានរង្វាន់ AFF Suzuki Cup ពីឆ្នាំ២០១៨ ទៅមុខតទៅ។ នេះបើយោងតាមការចុះផ្សាយពីសារព័ត៌មាន Fox Sports Asia។


ទម្រង់នៃការប្រកួតថ្មីនេះ នឹងអនុញ្ញាតឱ្យមានប្រទេសចំនួន ១០ចូលរួម ដោយឡែកប្រទេសដែលមានចំណាត់ថ្នាក់ហ្វីហ្វា (FIFA) ទាបជាងគេក្នុងតំបន់ចំនួនពីរ ពោលគឺទី ១០ និងទី១១ នឹងត្រូវប្រកួតគ្នាដើម្បីទទួលបានសិទ្ធិទៅប្រកួតបន្តជាមួយប្រទេស ៩ផ្សេងទៀត។


តាមប្រភពដដែលបានឱ្យដឹងបន្ថែមទៀតថា ទម្រង់ថ្មីនេះ នឹងមានពីរពូលដោយបែងចែកក្នុង ១ ពូលមាន ៥ក្រុម ហើយត្រូវលេងពីរជើងគឺក្នុង និងក្រៅផ្ទះ។ ដោយឡែក មិនមានការបញ្ជាក់ពីការផ្លាស់ប្ដូរលើសមាសភាពនៃការប្រកួតពាក់កណ្ដាលផ្ដាច់ព្រ័ត្រ និងផ្ដាច់ព្រ័ត្រឡើយ។


យោងតាមគេហទំព័រកីឡាផ្សេងមួយទៀត គឺ Goal.com បានឱ្យដឹងថា ការសម្រេចផ្លាស់ប្ដូរនឹងធ្វើឡើងនៅក្នុងកិច្ចប្រជុំផ្លូវការមួយដែលនឹងប្រព្រឹត្តទៅនៅខែ មីនា ឆ្នាំក្រោយនៅប្រទេសវៀតណាម។ ការសម្រេចផ្លាស់ប្ដូរនេះ ទំនងជាមើលឃើញថា មានការទាក់ទាញអ្នកទស្សនាបានតិចតួចដែលជាលទ្ធផលរកចំណូលបានតិច៕


ប្រែសម្រួល៖ សីហា

ប្រសិន​ជា​អ្នក​ចូល​ចិត្ត​អត្ថបទ​នេះ​សូម​ជួយ​ Like & Shared