អត្ថបទថ្មីបំផុត
ទំព័រដើម > បច្ចេកវិទ្យា > ខណៈ Apple រាសី​ស្រុត​ចុះ តែ Facebook កាក់កប​ ចំណេញ​​​ប្រាក់​​​គុណ​ជា​ពីរ​ នៅ​​ត្រីមាស​ទី១ ២០១៦ បាន​១,៥១ពាន់លានដុល្លារ

ខណៈ Apple រាសី​ស្រុត​ចុះ តែ Facebook កាក់កប​ ចំណេញ​​​ប្រាក់​​​គុណ​ជា​ពីរ​ នៅ​​ត្រីមាស​ទី១ ២០១៦ បាន​១,៥១ពាន់លានដុល្លារ

ប្រ​ភព៖​​ techspot

ខណៈ ដែលរាសីក្រុមហ៊ុន Apple ស្រុតចុះ ដោយរបាយការណ៍សារពើពន្ធប្រចាំត្រីមាសទី២ ២០១៦ មិនសមប្រកប ប៉ុន្តែក្រុមហ៊ុន Facebook បែរជាឃើញសញ្ញាណជោគជ័យជាបន្ត។ នៅថ្ងៃពុធម្សិលមិញ បណ្ដាញសង្គមយក្សនេះ បានបញ្ចេញរបាយការណ៍ប្រាក់ចំណូលប្រចាំត្រីមាសដំបូងក្នុងឆ្នាំថ្មីនេះ លទ្ធផលគឺបានសញ្ញាបូក។ នៅត្រីមាសទី១ ២០១៦ នេះ Facebook អាចរកប្រាក់ចំណូលបាន ៥,៣៨ពាន់លានដុល្លារ កើនឡើង ៥២% ប្រៀបធៀបនឹងចំណូល ៣,៥៤ពាន់លានដុល្លារនៅត្រីមាសដូចគ្នា កាលពីឆ្នាំ២០១៥។

ក្រុមអ្នកវិភាគបានរំពឹងថា ចំណូលរបស់ Facebook អាចរកបាននៅត្រីមាសដើមឆ្នាំនេះ ប្រហែលត្រឹម ៥,២៥ពាន់លានដុល្លារ ប៉ុន្តែជាលទ្ធផលគឺក្រុមហ៊ុនអាចបំបែកកំណត់ត្រារបស់អ្នកវិភាគបានទៅទៀត។ ចំណែកទីផ្សារនៃប្រាក់ចំណូលរបស់ Facebook មួយភាគធំគឺបានមកពីការផ្សព្វផ្សាយនៅលើបណ្ដាញសង្គម ដែលគិតជាមធ្យមភាគមានរហូតដល់ ៥៧% ទៅហើយ និងអាចបង្កើតប្រាក់បានច្រើនជាងឆ្នាំមុនទៅទៀត។

Facebook ក៏បានប្រកាសឱ្យដឹងជាសាធារណៈថែមទៀតនូវប្រាក់ចំណេញកើនឡើង ១គុណជា២ ជាងប្រៀបធៀបនឹងត្រីមាសទី១ ឆ្នាំ២០១៥។ នៅត្រីមាសទី១ ១០១៦ នេះ ក្រុមហ៊ុន Facebook ចំណេញបានប្រាក់រហូតដល់ ១,៥១ពាន់លានដុល្លារ ឬ ស្មើនឹងតម្លៃហ៊ុន ០,៥២ដុល្លារ/ហ៊ុន។ តួលេខនេះមានការកើនឡើងជាងត្រីមាសដដែលឆ្នាំទៅ ដែលចំណេញបានតែ ៥១២លានដុល្លារ ឬស្មើនឹង ០,១៨ដុល្លារ/ហ៊ុនប៉ុណ្ណោះ។

កាលពីថ្ងៃទី៣១ ខែមីនា ក្រុមហ៊ុន Facebook បាននិយាយថា ពេលនេះចំនួនអ្នកប្រើបណ្ដាញសង្គមជាប្រចាំខែមានដល់ ១,៦៥ពាន់លានគណនីហើយ ដែលតួលេខនេះមានកំណើន ១៥% ប្រចាំឆ្នាំ។ ចំពោះអ្នកប្រើជាប្រចាំខែតាមទូរស័ព្ទមាន ១,៥១ពាន់លានគណនី កើនឡើង ២១% ធៀបនឹងរយៈពេលដូចគ្នានៅឆ្នាំ២០១៥៕

ប្រសិន​ជា​អ្នក​ចូល​ចិត្ត​អត្ថបទ​នេះ​សូម​ជួយ​ Like & Shared

អត្ថបទពេញនិយម

បើ​ចង់​ទន្ទេញ​មេរៀន​​ឲ្យ​ឆាប់​ចាំ​ ​និង ​មិន​ងាយ​ភ្លេច​ ​គួរ​សាកល្បង​​​វិធី​ងាយៗ​ទាំងនេះ​!​

ហាម​និយាយ​​ពាក្យ​ទាំង​ «៤​» ឃ្លា​នេះ​​​ប្រសិន​បើ​អ្នក​ធ្វើ​ការ​ជា​អ្នក​លក់​ (sales)!

បើ​​​ចង់​ក្លាយ​ជា​អ្នក​គ្រប់គ្រង​ ​ឬ ​អ្នកដឹកនាំ​ដ៏​អស្ចារ្យ​ម្នាក់​ ត្រូវ​ជម្រុះ​​ចំណុច​អាក្រក់​​ទាំង​៦​នេះ​សិន​ ​!​

ទម្លាប់​អាក្រក់​​ទាំង ​៥​យ៉ាង​​ ដែល​ធ្វើ​អោយ​​អ្នកងើបមុខមិនរូចពី​ក្រ​ ទោះ​បី​ជា​មាន​ប្រាក់​ចំណូល​​សមរម្យ​ក៏​ដោយ​​

អត្ថបទពាណិជ្ជកម្ម​

ឱកាសបង្ហាញ​សមត្ថភាព​និង​គំនិត​ច្នៃប្រឌិត​ផ្នែក​អាជីវកម្ម​សម្រាប់​​យុវជន​បានមក​ដល់​ហើយ​!

​គុយទាវ​បាក់​សៀក​ពិសេស​ឈ្មោះ​ធម្មតា តែ​រសជាតិ​ឆ្ងាញ់​មិនធម្មតា​ទេ ​ធានាថា​ឆ្ងាញ់​បោស​ចាន !

everjobs បង្ហាញ​ពី​ជំនាញ​មួយចំនួន​ដែល​​ចាំ​បាច់​​ក្នុងតួនាទី​គ្រប់គ្រង​ (Management) នៅក្នុង​ប្រទេស​កម្ពុជា​​

វត្តមានគម្រោងបុរីល្បីៗជាច្រើននៅក្នុងពិព័រណ៍អចលនទ្រព្យកម្ពុជាលើកទី២

អានអត្ថបទតាមខែ

September 2017
M T W T F S S
« Aug    
 123
45678910
11121314151617
18192021222324
252627282930