អត្ថបទថ្មីបំផុត
ទំព័រដើម > បច្ចេកវិទ្យា > ការ​ស្រាវជ្រាវ​បង្ហាញ​ថា៖ ​អ្នក​ប្រើ Smartphone ​យ៉ាង​ច្រើន ​ចុច​ (touch) ទូរស័ព្ទ​របស់​គេ​មួយ​ថ្ងៃ​មិន​តិច​ជាង ៥០០០ដង​

ការ​ស្រាវជ្រាវ​បង្ហាញ​ថា៖ ​អ្នក​ប្រើ Smartphone ​យ៉ាង​ច្រើន ​ចុច​ (touch) ទូរស័ព្ទ​របស់​គេ​មួយ​ថ្ងៃ​មិន​តិច​ជាង ៥០០០ដង​

ស្មាតហ្វូនបានក្លាយជាឧបករណ៍យ៉ាងចាំបាច់សម្រាប់ទាក់ទងគ្នាស្ទើរតែគ្រប់ផ្នែកសម្រាប់មនុស្សទីជិត ទីឆ្ងាយអាចនិយាយឆ្លងឆ្លើយគ្នាបាន។ ហើយស្មាតហ្វូនត្រូវបានផលិតពីមួយជំនាន់ទៅមួយជំនាន់រឹតតែទំនើបជាងមុន បំពាក់មុខងារឆ្លាតវៃ ផ្ដល់ជាអត្ថប្រយោជន៍ និងការកម្សាន្តសម្រាប់មនុស្ស។ ដោយសារតែបែបនេះហើយ ទើបបច្ចុប្បន្នមានមនុស្សជាច្រើនកំពុងញៀនទូរស័ព្ទស្ទើរភ្លេចបាយភ្លេចទឹក។ ជាការពិតណាស់ បើតាមការស្រាវជ្រាវមួយពីក្រុមហ៊ុន Dscount បានបង្ហាញថា អ្នកប្រើស្មាតហ្វូនញៀនបំផុត ១០% បានប៉ះ អូស ឬចុចទូរស័ព្ទរបស់ពួកគេប្រមាណ ៥៤២៧ដងក្នុងមួយថ្ងៃ។

ក្រុមហ៊ុន Dscount ថែមទាំងរកឃើញថា ម្ចាស់ទូរស័ព្ទបានចំណាយពេលជាមធ្យមប្រហែល ២,៤២ម៉ោង ទៅលើការប្រើប្រាស់ទូរស័ព្ទ (បើកទូរស័ព្ទលេង) ក្នុងមួយថ្ងៃៗ ហើយបើអ្នកញៀនខ្លាំងអាចមានរយៈពេលដល់ ៣,៧៥ម៉ោង។ ក្រុមហ៊ុនក៏បានរកឃើញមាន ៥២% នៃការប្រើស្មាតហ្វូនគឺមានជាប់ទាក់ទងនឹងការលេងកម្មវិធីតែមួយមុខគត់ គឺជាបណ្ដាញសង្គម Facebook តែម្ដង។ ចំណែក ២៧% ផ្សេងទៀត អាចចំណាយពេលទៅលើកម្មវិធីចំនួនពីរ ក្នុងពេលបើកអេក្រង់ទូរស័ព្ទម្ដងៗ។

Dscount បានប្រមូលទិន្នន័យខ្លួនដោយប្រើគំរូ sample ក្នុងចំណោមអ្នកប្រើឧបករណ៍ Android ចំនួន ៩៤នាក់។ ក្រុមហ៊ុនបានបង្កើត tool សម្រាប់ធ្វើការតាមដានសកម្មភាពអ្នកប្រើប្រាស់ស្មាតហ្វូននីមួយៗ នៅរយៈពេល ៥ថ្ងៃ និង ២៤ថ្ងៃ។ បើទោះបីវាជាទិន្នន័យស្ថិតិតូច ប៉ុន្តែទិន្នន័យពិតគឺបង្ហាញឡើងយ៉ាងដូច្នេះ គឺសបញ្ជាក់ឱ្យឃើញថា មនុស្សបច្ចុប្បន្នកាន់តែមានការញៀនទូរស័ព្ទខ្លាំង ខណៈបណ្ដាញសង្គម Facebook ក៏កំពុងទទួលបានការពេញនិយមលើសកលលោក។

បើសរុបនូវពេលវេលាទាំងអស់ ដែលក្រុមហ៊ុន Dscount បានកំណត់ចាប់យកសកម្មភាពអ្នកប្រើស្មាតហ្វូន គឺមានការចុច touch រហូតដល់ ១.១២០.៣១៧ដង ហើយសរុបនាទីគឺមាន ៦០.០០៣នាទី និងមាន ៣៣.០៩០ ចំនួនបើកអេក្រង់ទូរស័ព្ទម្ដង (session)៕

ប្រសិន​ជា​អ្នក​ចូល​ចិត្ត​អត្ថបទ​នេះ​សូម​ជួយ​ Like & Shared

អត្ថបទពេញនិយម

គំនិត​អាថ៌កំបាំង​​ទាំង​ ១០​​ដើម្បី​ក្លាយ​ជា​សេដ្ឋី

​​និយម​ន័យ​សំខាន់ៗ​នៃ​ពាក្យ​ថា ​«​ភាព​ជា​អ្នក​ដឹកនាំ​»​ ដែល​កំណត់​ដោយ​បុគ្គល​ជោគជ័យ​ក្នុង​​លោក

រឿង​ល្អ​ៗ​​ទាំង​នេះ​នឹង​កើត​ឡើង ​ប្រសិន​បើ​អ្នក​​ព្រម​លត់ដំ​ខ្លួន​ជា​មួយ​ការ​លំបាក​ពី​ក្មេង​ឲ្យ​បាន​ច្រើន​

​សញ្ញា​ ៥​យ៉ាង​បញ្ជាក់​ថា ​អ្នក​កំពុង​​តប់ប្រមល់​ក្នុង​ចិត្ត​ខ្លាំង​បំផុត​​ ​​​ហើយ​គួរ​រក​វិធី​ដោះស្រាយ​បន្ទាន់​!​

អត្ថបទពាណិជ្ជកម្ម​

កម្មវិធី ABC Exceptional Night ជាមួយកញ្ញា ឱក សុគន្ធកញ្ញា

បច្ចេកវិទ្យាថ្មីរបស់ទូរទឹកកក LG អាចរក្សាអាហារឱ្យ​នៅស្រស់បានរហូតដល់ 14 ថ្ងៃ

បៀរថៃហ្គ័រចាប់ឆ្នោតលើកទី ១ ជូនគូស្វាមីភរិយាថ្មីក្នុងកម្មវិធីអាពាហ៍ពិពាហ៍ស្រាបៀរថៃហ្គ័រ ឆ្នាំ ២០១៨

ស្រាបៀរ ABC អិចស្ត្រាស្តោត បានពាំនាំកម្មវិធីរាត្រីដ៏ល្អឯកជូនដល់អតិថិជន

អានអត្ថបទតាមខែ

April 2018
M T W T F S S
« Mar    
 1
2345678
9101112131415
16171819202122
23242526272829
30