អត្ថបទថ្មីបំផុត
ទំព័រដើម > បច្ចេកវិទ្យា > ​គន្លឹះ​ដ៏​សាមញ្ញ ៦ចំណុច ​ជួយ​ឱ្យ​អ្នក​សាកថ្ម iPhone ឆាប់​ពេញ​ជាង​មុន​យ៉ាង​មាន​ប្រសិទ្ធភាព

​គន្លឹះ​ដ៏​សាមញ្ញ ៦ចំណុច ​ជួយ​ឱ្យ​អ្នក​សាកថ្ម iPhone ឆាប់​ពេញ​ជាង​មុន​យ៉ាង​មាន​ប្រសិទ្ធភាព

ប្រសិនអ្នកមានអារម្មណ៍ថា សាកថ្ម iPhone របស់អ្នក មួយរយៈនេះ ហាក់ចូលយឺត ហើយចង់ស្វែងរកវិធីសាស្ត្រយ៉ាងណា ឱ្យទូរស័ព្ទសាកថ្មរហ័សពេញនោះ ដូច្នេះសូមអនុវត្តតាមគន្លឹះសាមញ្ញ ៦ចំណុចនេះ ដើម្បីអាចជួយបង្កើនល្បឿនបាន យ៉ាងមានប្រសិទ្ធភាព។

iphone

១) កុំដោតសាកថ្ម iPhone ជាមួយកុំព្យូទ័រ ព្រោះថាមពលចូលយឺត

1

ប្រសិនអ្នកកំពុងធុញទ្រាន់ទៅលើល្បឿនសាកថ្ម iPhone អ្នកគួរតែដោតសាកថ្មជាមួយរន្ធហ្វ្រ៊ីភ្លើងតាមជញ្ជាំង ឬដុំសាកថ្ម (power bank) ជាជាងការដោតសាកថ្មតាមរន្ធ USB របស់កុំព្យូទ័រ។

២) អាចប្រើឆ្នាំងសាក Charger ដទៃដែលមានសមត្ថភាពសាកថ្មចូលលឿនជាងដុំសាកថ្មរបស់ iPhone

2

ប្រហែលប្រិយមិត្តមួយចំនួន មានការងឿងឆ្ងល់ និងយល់ថា ដើម្បីសុវត្ថិភាពជៀសវាងការឆាប់ឡើងកម្ដៅ ឬអាចផ្ទុះទូរស័ព្ទ គួរតែសាកថ្មដោយប្រើដុំសាកហ្ស៊ីនរបស់ Apple ដែលមកជាមួយ iPhone ស្រាប់។ ប៉ុន្តែប្រិយមិត្តក៏គួរយល់ដឹងថែមទៀតថា ចំពោះឆ្នាំងសាក third-party ដែលមានម៉ាកត្រឹមត្រូវ និងត្រូវបានផលិតតាមស្តង់ដារ ដូចជាឆ្នាំងសាកម៉ាក ANKER វានឹងមិនមានអ្វីគួរបារម្ភនោះទេ។ ឆ្នាំងសាករបស់ Apple មានតែ 1 amps ទោះបី iPhone អាចប្រើរហូតដល់ 2.1 amps ក៏ដោយ។ ដូច្នេះដុំសាកថ្ម តម្លៃ ១១ដុល្លារនេះ នឹងជួយលោកអ្នកបំពេញថាមពល iPhone លឿនជាងមុនបាន។

៣) សាកល្បងដោះស្រោមទូរស័ព្ទ iPhone ចេញ

3

ចំណុចផ្សេងទៀត ដែលប្រិយមិត្តប្រហែលមិនបានចាប់អារម្មណ៍សោះនោះ គឺការដោះស្រោម iPhone ក៏អាចជួយបង្កើនល្បឿនសាកថ្មដែរ។ ហេតុអ្វីបានជាដូច្នេះ ? ជាការពិត ការរក្សា iPhoneឱ្យនៅត្រជាក់ ឬសីតុណ្ហភាពថេរ បើធ្វើបានគឺជារឿងល្អ ព្រោះអាចសន្សំសំចៃថ្មមួយកម្រិត។ កាលណាទូរស័ព្ទ iPhone ឡើងកម្ដៅ វានឹងខ្ជះខ្ជាយថាមពលថ្ម។ ដូច្នេះ ដោះស្រោម iPhone ចេញជាទម្រើសល្អមួយ ដើម្បីកុំឲ្យមានការរាំងស្ទះការរំភាយកម្ដៅចេញមកក្រៅ។

៤) អាចបិទកម្មវិធី មួយចំនួនដែលមិនត្រូវការប្រើប្រាស់ នៅលើ iPhone មុនពេលដាក់សាកថ្ម

4

អ្នកអាចចូលទៅម៉ឺនុយថ្ម (Battery menu) ដែលមាននៅក្នុង Settings ហើយរកមើលតើកម្មវិធី ណាខ្លះស៊ីថាមពលថ្មខ្លាំង។ អ្នកអាចពិចារណា លុបកម្មវិធីនោះចេញ ប្រសិនមិនចាំបាច់ប្រើ។ រឿងត្រូវធ្វើមួយទៀត គឺអ្នកគួរតែចុចបិទស្រ្គីន (screen off) ដើម្បីសន្សំចៃថ្ម ខណៈពេលកំពុងបញ្ចូល។

៥) បើកទម្រង់ Airplane Mode ប្រសិនជាអ្នកពិតជាចង់ឱ្យថ្មសាកឆាប់ពេញ (ប៉ុន្តែ ត្រូវគិតថា តើចាំបាច់ត្រូវទទួលការខលទូរស័ព្ទចូលឬទេ ប្រសិនជាអ្នករវល់ច្រើន ដែលរង់ចាំទូរស័ព្ទ គួរកុំអនុវត្ត)

5

មិនមានអ្វីត្រូវឆ្ងល់នោះទេ ការបិទ Airplane Mode គឺបញ្ចប់សេវា (service) ទាក់ទងនឹងប្រព័ន្ធតំណភ្ជាប់សេវាទូរស័ព្ទ ដែលជួយសន្សំសំចៃ និងធ្វើឲ្យការសាកថ្មឆាប់ពេញមួយកម្រិតដែរ។

សូមបញ្ជាក់ថា ចាប់ពីជំនាន់ iOS 9 ឡើងទៅក្រុមហ៊ុន Apple បានបញ្ចូលមុខងារសន្សំសំចៃថ្មមួយឈ្មោះថា Low Power ដែលជួយសន្សំចៃថ្មមួយកម្រិត។

៦) កុំប្រើមុខងារសាកថ្មឥតខ្សែជាមួយ iPhone ប្រសិនអ្នកកំពុងប្រញាប់ចង់ឱ្យសាកថ្មឆាប់ពេញ

6

ជាការពិត សាកថ្មតាម Wireless គឺទំនើប ប៉ុន្តែតាមការធ្វើតេស្ត សាកថ្មឥតខ្សែ គឺយឺតជាងការសាកតាមខ្សែដល់ទៅ ១ម៉ោង៕

ប្រសិន​ជា​អ្នក​ចូល​ចិត្ត​អត្ថបទ​នេះ​សូម​ជួយ​ Like & Shared

អត្ថបទពេញនិយម

មុខងារ​លើ iPhone មួយ​នេះ ធ្វើឲ្យ​​ស៊ី​លុយ​អ៊ីនធឺណិត​ទូរស័ព្ទ​ខ្លាំង​ អ្នក​ប្រើ​ភាគច្រើន​​​​ប្រហែល​​មិន​ដឹង​សោះ?

​មហាសេដ្ឋី​ Bill Gates៖ ​​បើ​មាន​លក្ខណៈ​ទាំង​​ ៥​នេះ​​​​គឺ​ធានា​ថា​បាន​ជោគជ័យ​

ច្បាប់​ ៦​​​ចំណុច​​ដែល​​មហា​សេដ្ឋី​​ក្នុង​លោក​ស្ទើរ​តែ​គ្រប់​គ្នា​​​​គោរព​តាម​

បុគ្គល​ដែល​ចូលចិត្ត​ចំណាយ​ពេល​ច្រើន​នៅ​ម្នាក់​ឯង​តែង​មាន​ ៣​ចំណុច​នេះ​រួម​គ្នា​ជានិច្ច

អត្ថបទពាណិជ្ជកម្ម​

​​ខ្សែភាពយន្ត​ខ្មែរ​ល្បីៗ​ ​ចាប់​ផ្ដើម​​មាន​វត្តមាន​នៅ​លើ iflix​ ហើយ! ​

​​យុទ្ធវិធី​​​បង្កើត​​&​បំប៉ន​ក្រុម​លក់​ឱ្យ​មាន​ថាមពល​សម្រាប់​អាជីវកម្ម​ខ្នាត​តូច

វគ្គសិក្សា​អំពី ​«ការ​សរសេរ​ផែនការ​អាជីវកម្ម​​សម្រាប់​​​​​​អាជីវកម្ម​ខ្នាត​​តូច»​ ទៅ​ដល់​ទឹកដី ​កោះកុង

សែលកាតសហការជាមួយដៃគូក្រុមហ៊ុនទូរស័ព្ទទាំង 11 បង្កើតកម្មវិធីលក់បញ្ចុះតម្លៃពិសេសបំណាច់ឆ្នាំ

អានអត្ថបទតាមខែ

December 2017
M T W T F S S
« Nov    
 123
45678910
11121314151617
18192021222324
25262728293031