អត្ថបទថ្មីបំផុត
ទំព័រដើម > បច្ចេកវិទ្យា > តាមការបញ្ជាក់នៅក្នុងកម្មវិធីប្ដូរ Note 7 របស់ Samsung បានបញ្ជាក់​យ៉ាង​ច្បាស់​ថា ២០១៧ នឹង​មាន Note 8 ចាប់​បដិសន្ធិ​បន្ត​ទៀត

តាមការបញ្ជាក់នៅក្នុងកម្មវិធីប្ដូរ Note 7 របស់ Samsung បានបញ្ជាក់​យ៉ាង​ច្បាស់​ថា ២០១៧ នឹង​មាន Note 8 ចាប់​បដិសន្ធិ​បន្ត​ទៀត

អាចនិយាយបានថា Samsung មានរាសីធ្លាក់ចុះហើយ សម្រាប់ម៉ូដែល Galaxy Note ស៊េរីឆ្នាំ២០១៦ នេះ ដោយសារស្មាតហ្វូនកូនកាត់ថេប្លេតនេះ បាននាំមកនូវរឿងឈឺក្បាលដល់ក្រុមហ៊ុនយ៉ាងខ្លាំង។ បញ្ហាយ៉ាងធំនៅលើ Galaxy Note 7 គឺអាចបង្កឱ្យអ្នកប្រើរបួសបាន ព្រោះថ្មរបស់ផេប្លេតនេះឆាប់ឡើងកម្ដៅ និងឈានដល់ផ្ទុះឆេះ។

នៅពេលថ្មីៗនេះ មានសេចក្ដីរាយការណ៍ សន្និដ្ឋានថា Samsung ទំនងនឹងបំបិទចោលត្រកូល Galaxy Note ដោយលែងប្រើប្រាស់ឈ្មោះនេះតទៅទៀតហើយ។ ប៉ុន្តែបើតាមសេចក្ដីថ្លែងការណ៍ធ្វើឡើងដោយ Samsung ផ្ទាល់នៅថ្ងៃនេះ ថា ម្ចាស់ Galaxy Note 7 នៅកូរ៉េខាងត្បូង អាចរង់ចាំប្ដូរឡើងស៊េរី Galaxy S8 ឬ Galaxy Note 8 តែម្ដងបាន។

ម្ចាស់ Note 7 ណាដែលទទួលយកកម្មវិធីប្ដូរស៊េរីទូរស័ព្ទ Galaxy ជំនាន់ថ្មីនោះ នឹងអាចយក Note 7 ទៅប្ដូរបានថ្លៃទូរស័ព្ទត្រឹមពាក់កណ្ដាល ហើយចុះកុងត្រារយៈពេល ២ឆ្នាំសម្រាប់ទូរស័ព្ទ សម្រាប់កម្មវិធីប្ដូរស៊េរី Galaxy ជំនាន់ថ្មី (Galaxy Upgrade Program)។ ប្រសិនអតិថិជនដែលស្ថិតនៅក្នុងកម្មវិធីនេះ ចង់បាន Galaxy S8 ឬ Note 8 ពួកគេគ្រាន់តែចំណាយបន្ថែមទៅលើប្រាក់ដែលនៅខ្វះ ឬប្រាក់នៅសល់ជាការស្រេច។

ដូច្នេះនេះសបញ្ជាក់យ៉ាងច្បាស់ នូវឆន្ទៈបន្តអភិវឌ្ឍផេប្លេតត្រកូល Galaxy Note របស់ Samsung ដោយមិនបញ្ឈប់ត្រឹម Galaxy Note 7 ដែលមានបញ្ហាថ្មនេះ ដូចចចាមអារ៉ាមកន្លងមកបានលើកឡើងនោះទេ។

ខណៈ ពេលនេះ កម្មវិធីរង់ចាំប្ដូរ Note 7 ឡើង Galaxy S8 ឬ Galaxy Note 8 ថ្វីត្បិតមាននៅតែលើទីផ្សារកូរ៉េ ប៉ុន្តែក្រុមហ៊ុនក៏នឹងនាំយកកម្មវិធីនេះ ទៅតាមបណ្ដាប្រទេសផ្សេងៗ ទៀតផងដែរ ដោយអាស្រ័យលើប្រជាប្រិយភាពរបស់ខ្លួនតាមតំបន់ទាំងនោះ។ សូមបញ្ជាក់ថា បញ្ហា Galaxy Note & បានធ្វើឱ្យ Samsung ខាតបង់ប្រាក់ប្រមាណ ១៧ពាន់លានដុល្លារ បាត់បង់ចំណែកទីផ្សារ ព្រមទាំងកើតមានរឿងរកាំរកូសឈានទៅដល់ករណីបណ្ដឹងទៀតក៏មាន៕

ប្រសិន​ជា​អ្នក​ចូល​ចិត្ត​អត្ថបទ​នេះ​សូម​ជួយ​ Like & Shared

អត្ថបទពេញនិយម

ទម្លាប់​រៀន​សូត្រទាំង​៥​ដែល​អ្នក​គួរ​តែ​អនុវត្ត​ជា​ប្រចាំ​ថ្ងៃ​ ដើម្បីក្លាយជាសិស្សពូកែ

បើគិតចង់រកស៊ី ដាច់ខាតកុំរកស៊ីជាមួយមនុស្ស៥ជំពូកនេះ ប្រយ័ត្នរលាយដោយមិនដឹងខ្លួន

​កុំ​និយាយ​​​​​ឃ្លា​ទាំង​៦​​​នេះ​ឲ្យ​​សោះ​ ​នៅ​​​កន្លែង​ការងារ​ ជៀសវាង​នាំ​ទុក្ខ​ដាក់​ខ្លួន​ឥតអំពើ​​

អ្នក​ចិត្តសាស្ត្រ​រក​ឃើញ​ធាតុ​ផ្សំ​សំខាន់ ៣​​យ៉ាង​ ដែល​កំណត់​​ភាព​រីក​រាយ​របស់​​មនុស្ស

អត្ថបទពាណិជ្ជកម្ម​

​ជួប​បុគ្គល​ជោគជ័យ​ដើម្បី​ប្រែ​ក្លាយ​​អាជីវកម្ម​​ខ្នាតតូច​​&​មធ្យម​ឱ្យ​​​មាន​​​បទដ្ឋាន​ត្រឹមត្រូវ​នៅ​ថ្ងៃ​ទី២៦ ខាង​មុខនេះ ​

ស្រាបៀរអាន់ឆ័រចាប់ឆ្នោតផ្តាច់ព្រ័ត្ររដូវកាលថ្មីជូនគូស្វាមីភរិយាថ្មី ក្នុងកម្មវិធីអាពាហ៍ពិពាហ៍ស្រាបៀរអាន់ឆ័រឆ្នាំ ២០១៧

ឱកាស​ពិសេស​ជួប​ជាមួយ​បុគ្គល​ជោគជ័យ​ក្នុង​អាជីវ​កម្មនា​ថ្ងៃទី​២៥ តុលា​នេះ

បៀរ​អាន់​ឆ័​រ​នឹង​ចាប់ឆ្នោត​ផ្តាច់ព្រ័ត្រ​រដូវ​កាល​ថ្មី​ចុង​សប្តាហ៍​នេះ​ ​ជាមួយ​ក្រុម​តារាចម្រៀង​កូរ៉េ Six Bomb

អានអត្ថបទតាមខែ

October 2017
M T W T F S S
« Sep    
 1
2345678
9101112131415
16171819202122
23242526272829
3031