អត្ថបទថ្មីបំផុត
ទំព័រដើម > បច្ចេកវិទ្យា > ​​អ្នក​មិន​គួរ​ទិញ​ Smartphone ​តម្លៃ​ថោក​ពេក ព្រោះ​មិន​យូរ​ប៉ុន្មាន​អ្នក​នឹង​ខក​ចិត្ត​ខ្លាំង តាម​ហេតុផល​ ៦​យ៉ាង​នេះ

​​អ្នក​មិន​គួរ​ទិញ​ Smartphone ​តម្លៃ​ថោក​ពេក ព្រោះ​មិន​យូរ​ប៉ុន្មាន​អ្នក​នឹង​ខក​ចិត្ត​ខ្លាំង តាម​ហេតុផល​ ៦​យ៉ាង​នេះ

ប្រ​ភព៖​​ pricepony

1) ទូរស័ព្ទតម្លៃថោក៖ កាមេរ៉ាអន់គុណភាព
ហេតុផលទី១ គឺទៅលើកាមេរ៉ា។ ទូរស័ព្ទតម្លៃថោក តាមធម្មតាមិនដែលមានកាមេរ៉ាគុណភាពខ្ពស់ឡើយ បើទោះបី វាមានឈ្មោះថា កាមេរ៉ាធំ រហូតដល់ 8MP ឬ 16MP ក៏ដោយ ប៉ុន្តែរូបថតដែលផ្ដិតចេញមក គឺគ្មានគុណភាពប៉ុន្មានទេ។ ខណៈពេលអ្នកកំពុងថត នោះនឹងមានគ្រាប់ភិចហ្សែលបែកៗនៅលើរូប។ ពេលខ្លះភ្លើង LED Flash នៅលើកាមេរ៉ា ក៏មិនដំណើរការបានត្រឹមត្រូវនោះដែរ។ បន្ទាប់ពីប្រើប្រាស់ទូរស័ព្ទតម្លៃថោកបានតែរយៈពេលប៉ុន្មានខែ នោះកាមេរ៉ាទូរស័ព្ទនឹងថតរឹតតែព្រាល។

២) ហេតុផលទី២ គឺនៅលើអេក្រង់
អេក្រង់ទូរស័ព្ទគឺជាផ្នែកដ៏សំខាន់មួយនៅលើទូរស័ព្ទ។ វានឹងផ្ដល់ឱ្យអ្នកនូវបទពិសោធន៍នៅពេលអ្នកលេងហ្គេម ឬប្រើប្រាស់ជាមួយឯកសារមេឌៀ។ ទោះជាយ៉ាងណា ទូរស័ព្ទតម្លៃថោក អាចងាយនឹងឆាប់មានបញ្ហាច្រើន ឬឆាប់ខូច។ ក្រោយប្រើរយៈពេល ៣ ទៅ ៤ខែ នោះអេក្រង់ទូរស័ព្ទនឹងលែងដំណើរការរលូនដូចពេលដំបូងៗឡើយ។ វានឹងពិបាកចុច touch ដោយមានសភាពយឺត ឬទាក់ៗ ហើយអ្នកនឹងមានអារម្មណ៍ថា យឺតជាងមុន។

៣) ហេតុផលទី៣
Sensor នៅលើស្មាតហ្វូនរបស់អ្នក នឹងមានការទទួលស្គាល់ (respond) យឺតជាងមុន ឬអាចឈប់ដំណើរការតែម្ដង។

៤) ហេតុផលទី៤ គឺទៅលើថ្ម
ទោះបីកម្រិតថ្មនៅលើស្មាតហ្វូនតម្លៃថោកមួយចំនួន មានតួលេខធំៗ ដូចជា 3000mAh ឬ 4000mAh ក៏ដោយ ប៉ុន្តែទូរស័ព្ទហាក់នៅតែឆាប់អស់ថ្ម។ នៅពេលអ្នកប្រើទូរស័ព្ទតម្លៃថោកបាន ៣ ទៅ ៤ខែ អ្នកនឹងចាប់អារម្មណ៍ឃើញថា ថ្មរបស់វា នឹងកាន់តែថយចុះ ដោយឆាប់អស់ជាងមុន។ លើសពី នេះ ទូរស័ព្ទរបស់អ្នក នឹងត្រូវការរយៈពេលយូរក្នុងការសាកថ្មម្ដងៗ។

៥) ហេតុផលទី៥ គឺបញ្ហាទៅលើម៉ៃ (mics)
គុណភាពលើការខលទូរស័ព្ទរបស់អ្នកនឹងថយចុះ ព្រោះតែបញ្ហាម៉ៃ (mic) អន់គុណភាព។

៦) ហេតុផលទី៦ នៅពេលអ្នកសម្រេចចិត្តធ្វើបច្ចុប្បន្នភាពប្រព័ន្ធប្រតិបត្តិការ (OS) នោះទូរស័ព្ទរបស់អ្នក នឹងបាត់បង់ការប្រើប្រាស់មុខងារមួយចំនួនទៅវិញ។ ល្បឿនទូរស័ព្ទក៏អាចថយចុះ ហើយថ្មក៏ឆាប់អស់។

ស្មាតហ្វូនបានដើរតួជាសំខាន់សម្រាប់ការរស់នៅប្រចាំថ្ងៃ ដូច្នេះហើយទើបតម្រូវការប្រើប្រាស់រឹតតែកើនឡើងពីមួយថ្ងៃទៅមួយថ្ងៃ។ យ៉ាងណា បើយោងតាមចំណុចទាំង ៦ខាងលើ សូមលោកអ្នកជ្រើសរើសស្មាតហ្វូនដ៏ត្រឹមត្រូវ សម្រាប់បំពេញតម្រូវការរបស់អ្នក ជាជាងទិញទូរស័ព្ទដោយមើលតែតម្លៃនោះ។ ទោះតម្លៃធូរថ្លៃ ប៉ុន្តែរយៈពេល ប៉ុន្មានខែក្រោយ ថាមិនបាន អ្នកប្រហែលនឹងត្រូវចាយប្រាក់ម្ដងទៀត ទៅទិញទូរស័ព្ទថ្មី។ ដូច្នេះ បើគិតឡើងវិញទៅ វាក៏មិនថោកនោះដែរ ដែលអ្នកត្រូវចំណាយប្រាក់ ២ដង ប្រហាក់ប្រហែលទិញទូរស័ព្ទគុណភាពខ្ពស់មួយទៅហើយ៕

ប្រសិន​ជា​អ្នក​ចូល​ចិត្ត​អត្ថបទ​នេះ​សូម​ជួយ​ Like & Shared

អត្ថបទពេញនិយម

​វិធីសាស្ត្រ​​សំខាន់ៗ​៥​យ៉ាង​​ ​ដើម្បី​​លុបបំបាត់​ការ​ខ្ជិល​ច្រអូស​របស់​អ្នក​!

មិត្ត​ល្អ​ក្នុង​ជីវិត​គឺ​មាន​៤​ចំណុច​នេះ! តើ​អ្នក​ស្គាល់​​១​ហើយ​ឬ​នៅ​?

​បើ​គ្មាន​បទ​ពិសោធន៍​សោះ​តែ​ម្ដង​ តើ​គួរ​សរសេរ​​ CV ​ ធ្វើ​ម៉េច​​ឱ្យ​ទាក់ទាញ​ ​និង​គេ​ហៅ​សម្ភាសន៍?

គំនិត​​ធ្វើ​ជំនួញ​៥​ប្រភេទ​ ​សម្រាប់​អ្នក​ដែល​ចូលចិត្ត​អាន​សៀវភៅ

អត្ថបទពាណិជ្ជកម្ម​

តើអ្នកត្រៀមខ្លួនហើយឬនៅ? ក្នុងព្រឹត្តិការណ៍ប្រកួតបាល់ទាត់ Tiger Street Football Festival 2018 កាន់តែធំអស្ចារ្យមិនដែលធ្លាប់មាន!

ការវិវដ្តកាន់តែទំនើប និងកាន់តែងាយស្រួលជាមួយទូរទឹកកក LG InstaView ThinQ™ Amazon Alexabuilt

តិចនិក​ផ្សព្វផ្សាយតាម​ Online «ចំណាយ​តិច~តែចំណេញ​ច្រើន»

តិចនិក​ជ្រើស​រើស​បុគ្គលិក​ដែល​​ល្អ​ និង​ពូកែ​សម្រាប់​ក្រុមហ៊ុន​ខ្នាត​តូច

អានអត្ថបទតាមខែ

January 2018
M T W T F S S
« Dec    
1234567
891011121314
15161718192021
22232425262728
293031