អត្ថបទថ្មីបំផុត
ទំព័រដើម > បច្ចេកវិទ្យា > ​OnePlus ទើប​សម្ពោធ​​កំពូល​ស្មាតហ្វូន​ថ្មី​​កាន់តែ​ទំនើប​ជាង OnePlus 3 នោះ​គឺ​ OnePlus 3T មាន​កាមេរ៉ា​មុខ​រហូត 16MP

​OnePlus ទើប​សម្ពោធ​​កំពូល​ស្មាតហ្វូន​ថ្មី​​កាន់តែ​ទំនើប​ជាង OnePlus 3 នោះ​គឺ​ OnePlus 3T មាន​កាមេរ៉ា​មុខ​រហូត 16MP

បន្ទាប់ពីទទួលបានការចាប់អារម្មណ៍ពីសំណាកមហាជននូវស្មាតហ្វូនសមត្ថភាពខ្ពស់ RAM ធំរហូតដល់ 6GB របស់ក្រុមហ៊ុន OnePlus ម៉ូដែល OnePlus 3 នោះ ចំណែកពេលនេះ ក្រុមហ៊ុនទូរស័ព្ទចិននេះ បានបន្តអភិវឌ្ឍចេញម៉ូដែលក្រោយដែលរឹតតែទទួលបានការអាប់ដេតសមត្ថភាពខ្ពស់ជាងមុនថែមទៀត។ ស្មាតហ្វូនថ្មីនេះ មានម៉ូដែល OnePlus 3T អមដោយ RAM ទំហំ 6GB និងអេក្រង់ ៥,៥អ៊ីញ full HD (1920x1080px)។

 OnePlus 3T ត្រូវបានបំពាក់ដោយបន្ទះអេក្រង់ Optic AMOLED ហើយបំពាក់ដោយអង្គប្រតិបត្តិ Snapdragon 821 ល្បឿន 2.35GHz ខ្ពស់ជាង Snapdragon 820 នៅលើ OnePlus 3។ OnePlus 3T មានជម្រើសមេម៉ូរី 64GB និង 128GB។ កាមេរ៉ាក្រោយរបស់ 3T មានទំហំ 16MP ប្រើបច្ចេកវិទ្យា Sony IMX 298 sensor ដែលមាននៅលើ OnePlus 3 ដែរ ប៉ុន្តែក្រុមហ៊ុន OnePlus បានអះអាងថា ខ្លួនបានកែលំអទៅលើសមត្ថភាពថតវីដេអូបានច្បាស់ជាងមុន។

untitled-3

untitled-4

អ្វីដែលបានផ្លាស់ប្ដូរគួរកត់សម្គាល់នោះ គឺនៅលើកាមេរ៉ាមុខរបស់ OnePlus 3T នេះ ដែលត្រូវបានកែលំអពី 8MP នៅលើ OnePlus 3 ទៅជា 16MP នៅលើ 3T។ ក្រុមហ៊ុនក៏បានប្រកាសថា ប្រព័ន្ធ Android 7.0 Nougat នឹងមានឱ្យធ្វើបច្ចុប្បន្នភាពនៅលើស៊េរីស្មាតហ្វូនទាំងពីរម៉ូដែល OnePlus 3 និង 3T នៅចុងឆ្នាំនេះ។ ទោះជាយ៉ាងណា 3T នឹងមានលក់អមជាមួយសូហ្វ៊ែរដែលមានការអាប់ដេត Oxygen OS រួចជាស្រេច អមជាមួយមុខងារពិសេសមួយចំនួន បន្ថែមពីលើម៉ូដែល OnePlus 3 បច្ចុប្បន្ន។

untitled-5

ស្មាតហ្វូនទំនើប OnePlus 3T នឹងមានលក់ក្នុងតម្លៃចាប់ពី ៤៣៩ដុល្លារ សម្រាប់ម៉ូដែល 64GB ហើយតម្លៃ ៤៧៩ដុល្លារសម្រាប់ម៉ូដែល 128GB។ 3T នឹងមានលក់ចាប់ពីថ្ងៃថ្ងៃទី២២ ខែវិច្ឆិកាខាងមុខ នៅលើទីផ្សារអាមេរិក ហើយនៅទីផ្សារអឺរ៉ុបនឹងមានលក់ចាប់ពីថ្ងៃទី២៨ ខែវិច្ឆិកាដដែល៕

ប្រសិន​ជា​អ្នក​ចូល​ចិត្ត​អត្ថបទ​នេះ​សូម​ជួយ​ Like & Shared

អត្ថបទពេញនិយម

តើ​កូន​ច្បង ​កូន​កណ្ដាល ​និង​កូន​ពៅ​មាន​បុគ្គលិកលក្ខណៈ​យ៉ាង​ណា​ខ្លះ​?

អ្នក​វិទ្យាសាស្ត្រ​បាន​ពន្យល់​ពី​មូលហេតុ​ដែល​មនុស្ស​​​​​ឆ្លាត​ចូល​ចិត្ត​មាន​មិត្តភ័ក្ដិ​តិច​តួច

ខឹង​ខុស​ខឹង​ខាត៖ ​​ទោះបី​ជា​ខឹង​ប៉ុណ្ណា​ក៏​ដោយ​ ​សូម​កុំ​ធ្វើ​រឿង​​ទាំង​នេះ​ឲ្យ​សោះ​​

ហេតុផល​ដែល​អ្នក​គួរ​ទាក់ទង​ជា​មួយ​មនុស្ស​រឹង​ចចេស​តែ​មាន​ហេតុផល​

អត្ថបទពាណិជ្ជកម្ម​

កម្មវិធី ABC Exceptional Night ជាមួយ លោក នីកូ

សូមស្វាគមន៍មកកាន់ពិពណ៍ 💟 អ្នកម្តាយនិង កុមារ២០១៨ 💟

កម្មវិធី ABC Exceptional Night ជាមួយកញ្ញា មាស សុខសោភា

“ឈ្លក់ទឹកម៉ាស៊ីន”!

អានអត្ថបទតាមខែ

May 2018
M T W T F S S
« Apr    
 123456
78910111213
14151617181920
21222324252627
28293031