កម្មវិធី (app) ល្អ​​ៗ​ទាំង១០ អ្នក​ទើប​ប្រើ​ទូរស័ព្ទ iPhone ថ្មីៗ គួរ​តែ​ដំឡើង​ដើម្បី​ជា​ប្រយោជន៍

ផ្សាយចេញ ៖ 26-Dec-2016 12:42 pm

អ្នកទើបប្រើ iPhone ថ្មីមែនទេ? ដល់ពេលដែលអ្នកគួរតែសាកល្បងប្រើកម្មវិធីទូរស័ព្ទឱ្យមានប្រយោជន៍ហើយ។ ប្រសិនអ្នក ទើបចាប់ផ្ដើមប្រើ iPhone ថ្មី ទាំងនេះគឺជាបណ្ដាកម្មវិធីទូរស័ព្ទល្អៗដែលអ្នកគួរតែដំឡើងប្រើ ដើម្បីផ្ដល់អត្ថប្រយោជន៍ដល់អ្នក។ ខាងក្រោមនេះ គឺជាបណ្ដា app ល្អៗដែលអ្នកគួរទាញយកមកប្រើ៖


១) Super Mario Run


1


ជាហ្គេម Super Mario ដំបូងសម្រាប់ទូរស័ព្ទ iPhone ហើយវាពិតជាហ្គេមដ៏ពិសេស ដូចដែលអ្នកបានរំពឹង។ “Super Mario Run” គឺជាហ្គេមថ្មីសន្លាង ដែលឈរលើឈ្មោះហ្គេមតុក្កតាស៊ីផ្សិតដែលមនុស្សម្នាភាគច្រើនសុទ្ធតែបានស្គាល់។ អ្នកគ្រាន់តែចុចលើអេក្រង់ នោះវានឹងលោតឡើង។ ហ្គេមនេះ មិនគិតថ្លៃដែលអ្នកអាចលេងបានតែប៉ុន្មានវគ្គដំបូង (Level) ប៉ុណ្ណោះ ក្រោយពីនោះ តម្រូវឱ្យអ្នកទិញក្នុងតម្លៃ ៩,៩៩ដុល្លារដើម្បីឱ្យមានលក្ខណៈពេញលេញ។ ដើម្បីទាញយកសូមចុចត្រង់ពាក្យ Download…


២) Google Photos


2


Google Photos ផ្ដល់ឱ្យអ្នកធ្វើការផ្ទុកទិន្នន័យរូបថត និងវីដេអូរបស់អ្នក ជាលក្ខណៈអនឡាញឥតដែនកំណត់។ លើសពីនេះ វាអាចឱ្យអ្នកស្វែងរកកម្មវិធី (object) និងធ្វើការរៀបចំរូបថតដ៏ច្រើនរបស់អ្នក ទៅជាក្រុមៗនៅក្នុងអាល់ប៊ុម។ វាមានលក្ខណៈល្អប្រើជាងកម្មវិធី Photos របស់ Apple ដែលមានស្រាប់នៅលើទូរស័ព្ទ iPhone។ ទាញយកកម្មវិធី Google Photos ឥតគិតថ្លៃនៅទីនេះដោយចុចពាក្យ Download…


៣) Microsoft Solitaire


3


ជាហ្គេម iconic card របស់ Microsoft ដែលទីបំផុតវាមានវត្តមាននៅលើ iPhone។ ទាញយកឥតគិតថ្លៃ ដោយចុចលើពាក្យ Download…


៤) Microsoft Outlook


4


Microsoft Outlook គឺជាកម្មវិធីគ្រប់គ្រងអ៊ីមែល ដ៏ជំនាញនិងជាកម្មវិធី Calendar ផងដែរ។ Outlook សម្រាប់ iPhone កំពុងពេញនិយមប្រើប្រាស់ច្រើន ដែលវាអាចចំណុចប្រើនូវសេវាកម្មអ៊ីមែលរបស់បណ្ដាក្រុមហ៊ុនល្បីៗបានមិនថា Gmail, Yahoo និងសេវាកម្មអ៊ីមែលរបស់ក្រុមហ៊ុន ឬស្ថាប័នផ្សេងៗទៀត។ ទាញយកដោយឥតគិតថ្លៃ ដោយចុចលើពាក្យ Download …


៥) Apple Support


5


កម្មវិធី Support ថ្មីរបស់ Apple គឺជា tool មួយដែលប្រើសម្រាប់គ្រប់គ្រងបញ្ហាកើតមានដូចជា Battery, Power & Charging, System Performance និង Cellular & Wi-Fi ជាដើម។ វានឹងស្វែងរកបញ្ហាដែលកើតមាន។ អ្នកក៏អាច chat សួរក្រុមការងាររបស់ Apple ដើម្បីសាកសួរពីបញ្ហាទាំងនេះបាន។ ទាញយកឥតគិតថ្លៃដោយចុចលើពាក្យ Download…


៦) Prisma


6


អ្នកប្រហែលបានឃើញរូបថតដែលប្រើកម្មវិធី Prisma ហើយដែលវានឹងធ្វើឱ្យរូបថតរបស់អ្នកមានភាពទាក់ទាញជាងមុន ដោយការបន្ថែម effect ផ្សេងៗ។ ការលេងស្ទីលរូបទាំងនេះ នឹងធ្វើឱ្យ friend នៅលើបណ្ដាញសង្គមដូចជា Instagram, Facebook និងប្រព័ន្ធផ្សព្វផ្សាយផ្សេងៗ មានការចាប់អារម្មណ៍ជាមួយរូបថតរបស់អ្នកមិនខាន។ ទាញយកឥតគិតថ្លៃដោយចុចលើពាក្យ Download…


៧) Lara Croft: Go


7


Lara Croft Go ជាហ្គេមប្រភេទ puzzle game ល្អបំផុតមួយសម្រាប់ទូរស័ព្ទ iPhone។ ទាញយកហ្គេម Lara Croft: Go ក្នុងតម្លៃ ០,៩៩ដុល្លារ ដោយចុចលើពាក្យ Download …


៨) Venmo or Square Cash


8


Venmo និង Square Cash ទាំងពីរនេះគឺជាកម្មវិធីល្អបំផុត ដែលអាចឱ្យអ្នកមានភាពងាយស្រួលក្នុងការផ្ញើប្រាក់ទៅកាន់មនុស្សដែលអ្នកស្គាល់។ កម្មវិធីទាំងពីរ មានដំណើរការដូចគ្នា ប៉ុន្តែ Venmo គឺបានបញ្ចូលនូវមុខងារ social network ច្រើនជាង Square Cash ប៉ុន្តែ Square Cash មានលក្ខណៈងាយស្រួល និងសាមញ្ញក្នុងការប្រើ។


ទាញយក Venmo ដោយចុចលើ Download …

ទាញយក Square Cash ដោយចុចលើ Download …


៩) Wunderlist


9


Wunderlist គឺជាកម្មវិធី to-do list ល្អបំផុតមួយនៅលើ iPhone។ វាផ្ដល់ភាពងាយស្រួលដល់អ្នកធ្វើការកត់ចំណាំកិច្ចការដែលត្រូវធ្វើផ្សេងៗជាបន្តបន្ទាប់ ជៀសវាងអ្នកភ្លេច។ ដើម្បីទាញយក សូមចុចលើពាក្យ Download …


១០) Nuzzel


10


Twitter គឺជាប្រភពដ៏សំបូរបែបសម្រាប់ចែកចាយព័ត៌មាន ប៉ុន្តែវាអាចបាត់មាតិកាព័ត៌មានខ្លះ លុះត្រាតែអ្នកនៅជាមួយកម្មវិធីជាប់។ ប៉ុន្តែ Nuzzel គឺនឹងផ្ដល់មាតិកាមកកាន់អ្នក គ្រប់រឿងរាវចេញពី Friend របស់អ្នក។ Nuzzel ជាវិធីសាស្ត្រល្អបំផុតមួយ សម្រាប់លោកអ្នកដែលចូលចិត្តតាមដានរាល់មាតិកាព័ត៌មានថ្មីៗ និងសំខាន់ៗ ជារៀងរាល់ថ្ងៃ។ ទាញយកដោយចុចលើពាក្យ Download…



ប្រែសម្រួលដោយ ៖ រឹទ្ធិរាជ
ប្រភព ៖ businessinsider

ប្រសិន​ជា​អ្នក​ចូល​ចិត្ត​អត្ថបទ​នេះ​សូម​ជួយ​ Like & Shared